ရန်ကုန်မှ လက်ပံတောင်း အထိလာပြီး ဒ်ါစုကို စကားချေတင်ပြောသည့် ကိုဗထူး (ရန်ကုန်ပြည်သူ့အကျိုးဆောင်ကွန်ယက်)

From : .messenger

ကိုဗထူး (ရန်ကုန်ပြည်သူ့အကျိုးဆောင်ကွန်ယက်)
          ကျွန်တော်ပြောချင်ပါတယ်။
ဒေါ်စု
          နေဦးသား နားထောင်။ နားထောင်ဆိုတာက ဆရာတော်တို့ ပြောပြီးမှပြောပါ။ သားက ဒေါသသိပ် ပါတယ်။

ကိုဗထူး (ရန်ကုန်ပြည်သူ့အကျိုးဆောင် ကွန်ယက်)
          ကျွန်တော်က အန်တီပြောတဲ့စကားပေါ်မှာ အခြေခံ ပြီး ပြောမှာပါ။
ဒေါ်စု
          အေး ပြော။


ကိုဗထူး (ရန်ကုန်ပြည်သူ့အကျိုးဆောင် ကွန်ယက်)
          အန်တီက ပြောတယ်။ ကျွန်တော်တို့ ဆန္ဒပြတာ တွေက တရားဥပဒေနဲ့မညီပါဘူးဆိုလို့ သားတို့ ရှစ်ကြိမ် ထက်မနည်း ပထမအုပ်ချုပ်ရေးမှူး ဦးဇော်မိုးအောင် ရှိတဲ့အချိန်မှာ သားတို့တင်ပြတယ်။ သားတို့ကို တစ်ကြိမ် မှ ခွင့်မပေးခဲ့ဘူး။

ဒေါ်စု
          နောက်ဆုံးတင်တာက ဘယ်အချိန်က တင်တာလဲ။

ကိုဗထူး(ရန်ကုန်ပြည်သူ့အကျိုးဆောင်ကွန်ယက်)
          နောက်ဆုံးအကြိမ်က ကျွန်တော်တို့ Date  ထဲမှာ ပြန်ကြည့်မှ ရမှာပါ။
ဒေါ်စု
          အကြမ်းမျဉ်းအားဖြင့်ပြော။ ဘယ်တုန်းက နောက် ဆုံးတင်တာလဲ။

ကိုဗထူး(ရန်ကုန်ပြည်သူ့အကျိုးဆောင်ကွန်ယက်)
          ပြီးခဲ့တဲ့နှစ် (၁ဝ)လပိုင်းက တင်တာပါ။
ဒေါ်စု
          (၁ဝ)လပိုင်းလောက်အထိက ဒီထဲက အမေ မပါ သေးဘူးနော်။ ခုနက သားပြောတဲ့ (၁ဝ)လပိုင်းအထိ ဆန္ဒပြခွင့်တောင်းတယ်။ (၁ဝ)လပိုင်းတုန်းက ဒီထဲမှာ အမေ မပါသေးဘူး။  (၁၁)လပိုင်းမှ ဒီကိစ္စကိုစတာ။ အဲဒီနောက်ပိုင်းမှာ ဆန္ဒပြဖို့ ခွင့်ပြုချက်တောင်းတဲ့သူတွေကို ပေးဖို့ပြောထားတယ်။ အဲဒီတော့ အုပ်ချုပ်ရေး ပိုင်းက ပေးပါ့မယ်လို့ ပြောတယ်။ အဲဒီကျတော့ မတောင်းတော့ဘူး။ မတောင်းဘဲနဲ့ ဆန္ဒပြ တယ်ဆိုတော့ ဒါက တရားဥပဒေကို ချိုးဖောက်တာပဲ။ အဲဒီအခါကျတော့ အမေ သဘောမတူနိုင်ဘူး။ ဘာဖြစ်လို့လဲဆိုတော့ တရားဥပဒေချိုးဖောက်တာ ဘယ်သူပဲဖြစ်ဖြစ်၊ ပြည်သူဘက်ကပဲ တရားဥပဒေ ချိုးဖောက် ချိုးဖောက်၊ အစိုးရဘက်ကပဲ ချိုးဖောက်ချိုးဖောက်၊ နောက်ယုတ်စွအဆုံး သမ္မတကြီးကပဲ ချိုးဖောက် ချိုးဖောက် တရား ဥပဒေအတိုင်း အရေးယူရမှာပဲ။ အဲဒီလို အရေးမယူလို့ရှိရင် ဒီနိုင်ငံမှာ ဘယ်တော့မှ အေးချမ်း သာယာမှုဆိုတာ မရှိနိုင်ဘူး။ အဲဒီတော့ တရားဥပဒေ လမ်းကြောင်းအရ အားလုံးသွားရမယ်။ အခုသားတို့ ဆန္ဒပြချင်လို့ရှိရင် ပြခွင့်တောင်း။ ပြခွင့်တောင်းရင် ပြခွင့်ပေးပါ့မယ်လို့ အမေ့ကို ကတိပေးထားတယ်။ ပြခွင့်မပေးဘူးဆိုရင် အမေ့ကိုပြော။ ဒါပေမဲ့ ခွင့်မတောင်းဘဲနဲ့တော့ တရားဥပဒေလမ်းကြောင်း မညီဘဲ နဲ့တော့ မလုပ်နဲ့။ အဲဒါဆိုရင် တရားဥပဒေကို ကိုယ်က မျက်ကွယ်ပြုရင် အခြားတစ်ဘက်ကလည်း မျက်ကွယ်ပြုမှာပဲ။ တရားဥပဒေနဲ့ လုပ်လို့ရတယ်။ အဲဒီတော့ ကိုယ်ကိုတိုင်က တရားဥပဒေမလေးစားဘဲနဲ့ သူများက လေးစားရမယ်လို့ ပြောပိုင်ခွင့်မရှိတော့ဘူး။ သူများက တရားဥပဒေကို မလေးစားဘူးဆိုရင်လည်း ကိုယ်က လေးစားရမယ်။ အဲဒါတော့ ဒါ ဟိုဘက် ဒီဘက် မျှမျှတတလုပ်ရမယ်။ နောက် အလုပ်အကိုင်ရရှိရေးဆိုတာ ဒီဒေသနဲ့ ဒါနဲ့သားက ဘယ်ရွာကလဲ။

ကိုဗထူး(ရန်ကုန်ပြည်သူ့အကျိုးဆောင်ကွန်ယက်)
          ကျွန်တော်က ရန်ကုန်ကပါ။
ဒေါ်စု
          ရန်ကုန်တွေက လူတွေပဲ ပြောနေတာ။ ရွာခံတွေပဲ ပြောတော့။ ရွာခံ ဒီနားမှာ ဘယ်နှစ်ယောက်ရှိလဲ။ ရွာခံ တွေပဲလာခဲ့။ ရန်ကုန်ကလူတွေကလာပြီး ဒီရွာအတွက် ပြောနေတယ်ဆိုတာ မဟုတ်သေးဘူး။ ဘယ်မှာလဲ ရွာခံတွေ။ ရွာခံတွေနဲ့ဘဲ ပြောမှာပေါ့။


.. www.MyanmarExpress.net
 

Posted in: သတင်း