KIA တပ်ဖွဲ့ဝင်များ အဆက်မပြတ် အလင်းဝင်ရောက်လျက်ရှိ

From :http://www.kachindailynews.com/2013/03/kia_5.html

အစိုးရနှင့် KIA တို့ ငြိမ်းချမ်းရေးဆွေးနွေးမှုများကြောင့် တိုက်ပွဲများရပ်ဆိုင်းနေသော်လည်း ရိက္ခာနှင့် ဆေးဝါး ပြတ်လပ်ခြင်း တို့ကြောင့် KIA တပ်ဖွဲ့ဝင်များ အဆက်မပြတ် အလင်းဝင်ရောက် လျက်ရှိကြောင်း သိရှိရပါသည်။ ကချင်လွတ်မြောက်ရေး တပ်မတော် KIA မှ တပ်ဖွဲ့ဝင်တစ်ဦးသည် လုပီရှိ အစိုးရစခန်း တစ်ခုသို့ ယမန်နေ့ ညနေ(၅)နာရီခွဲခန့်တွင် ၄င်းကိုင်ဆောင် ထားသော လက်နက်နှင့် လက်ပစ်ဗုံးဖြင့် အလင်းဝင် ရောက်ခဲ့ကြောင်း သိရှိရသည်။

အလင်းဝင်ရောက်သူ၏ ပြောပြချက်အရ ၄င်းတို့စခန်းအတွင်း စားသောက်ရန် လုံလောက်မှုမရှိခြင်း၊ ဖျားနာမှုအတွက် ကုသရန် ဆေးဝါးများ မရှိခြင်း များကြောင့် တပ်ဖွဲ့ဝင်များ စိတ်ဓါတ်ကျဆင်းနေကြောင်း၊ အလင်းဝင်ရောက်ချင်သူ အများ အပြား ရှိနေသော်လည်း ဗဟိုမှ အလင်းဝင် ရောက်သူများနှင့် အလင်းဝင်ရန် ကြိုးစားသူများကို သေဒဏ်ပေး ရက်ရက်စက်စက် သတ်ဖြတ်နေခြင်းကြောင့် စိုးရိမ် ကြောင့်လန့်မှုများရှိ နေကြကြောင်း သိရှိရပါသည်။

   www.MyanmarExpress.net
 

Posted in: တိုက်ပွဲသတင်း