ရိုးသားဖြောင့်မတ်မှန်ကန်သော နိုင်ငံရေးသဘောထားဖြင့် နိုင်ငံတော်ကြီးကို ဝိုင်းဝန်းတည်ဆောက်ကြပါစို့

ယခုတလော ပြည်ပအသံလွှင့် ဌာနတို့က မြန်မာ့နိုင်ငံရေး လောကတွင် သဘောထား တင်းမာသူ (Hard Liner) များနှင့် သဘောထား ပျော့ပျောင်းသူ (Soft Liner) များ ဟူ၍ နှစ်ဖွဲ့ရှိနေကြောင်း၊ မည်သည့် ပုဂ္ဂိုလ်တို့သည် သဘောထား တင်းမာသူများ ဖြစ်ကြောင်း၊ မည်သည့် ပုဂ္ဂိုလ်တို့သည် သဘောထား ပျော့ပျောင်းသူများ ဖြစ်ကြောင်း အမည်နာမနှင့် တကွ ပြောဆို လာကြသည်။ သဘောထား တင်းမာသူကို သဘောထား မှားယွင်းသူ၊ သဘောထား ပျော့ပျောင်းသူကို သဘောထား မှန်ကန်သူဟု မီဒီယာများက ရှုမြင်ဇောင်းပေး ရေးသားလေ့ရှိကြပါသည်။

ပါလီမန် ဒီမိုကရေစီ နိုင်ငံရေးခေတ်က သန့်ရှင်း ဖဆပလ ခေါင်းဆောင် ဦးနုအား သဘောထား ပျော့ပျောင်းသူဟု ရှုမြင် ခဲ့ကြသည်။ ဦးနုသည် မဲဆန္ဒရှင် အများစုဖြစ်သော ဗုဒ္ဓဘာသာဝင် မြန်မာပြည်သူတို့၏ ထောက်ခံမှုကို ရရှိစေရန် မြန်မာနိုင်ငံကို ဗုဒ္ဓဘာသာ နိုင်ငံအဖြစ် သတ်မှတ် ပေးမည်ဟု ပြောဆိုခဲ့သည်။ ထိုသို့ ပြောဆို ခဲ့ခြင်းကြောင့် ပြည်သူလူထု အများစုက ဦးနုကို ထောက်ခံ ခဲ့ကြသည်။ ပမညတ ခေါင်းဆောင် ဦးသိန်းဖေမြင့်က မြန်မာနိုင်ငံကို ဗုဒ္ဓဘာသာ နိုင်ငံအဖြစ် သတ်မှတ်ခြင်းသည် အခြားဘာသာများ ကိုးကွယ်သော တိုင်းရင်းသားတို့နှင့် ပဋိပက္ခ ဖြစ်ပေါ်စေပြီး တိုင်းရင်းသားစည်းလုံး ညီညွတ်ရေးကို ထိခိုက် စေခြင်းကြောင့် မြန်မာနိုင်ငံအား ဗုဒ္ဓဘာသာ နိုင်ငံအဖြစ် သတ်မှတ်ခြင်းကို လက်မခံခဲ့ပါ။ ထိုစဉ်က ဦးသိန်းဖေမြင့်ကို သဘော ထားတင်းမာသူ အဖြစ် သတ်မှတ်ပြီး ပြည်သူအများစုက ထောက်ခံမှု မပေးခဲ့ကြပါ။ စာရေးဆရာကြီး ဦးသိန်းဖေမြင့်သည် သာသနာ တည်တံ့ သန့်ရှင်းရန် ရည်ရွယ်ပြီး ''တက်ဘုန်းကြီး'' ဝတ္ထုကို ရေးသား ခဲ့သောကြောင့် ရဟန်းရှင် လူအများစုက ဆရာကြီး ဦးသိန်းဖေမြင့်ကို မုန်းတီးခဲ့ကြသည်။ ရွေးကောက်ပွဲတွင် ဦးနု ခေါင်းဆောင်သော သန့်ရှင်း ဖဆပလ ပါတီက အပြတ်အသတ် အနိုင်ရရှိခဲ့ပြီး ဦးသိန်းဖေမြင့် ခေါင်းဆောင်သော ပမညတ ပါတီသည် အကြီးအကျယ် ရှုံးနိမ့်ခဲ့ပါသည်။

ဦးနု၏ မြန်မာနိုင်ငံကို ဗုဒ္ဓဘာသာ နိုင်ငံအဖြစ် သတ်မှတ်ပေးမည် ဆိုသော ပြောကြားချက်ကြောင့် ခရစ်ယာန် ဘာသာဝင်များ ဖြစ်ကြသော ကချင် တိုင်းရင်းသားအချို့ လက်နက်ကိုင် တောခို သွားခဲ့ကြသည်။ သို့အတွက်ကြောင့် ကချင် တိုင်းရင်းသား တို့၏ လက်နက်ကိုင် သောင်းကျန်းမှု စတင် ပေါ်ပေါက်ခဲ့ရသည်။ ဤဖြစ်ရပ်ကြောင့် တိုင်းရင်းသား ပြည်သူတို့၏ အသက် အိုးအိမ်များစွာ ဆုံးရှုံးခဲ့ရသည်မှာ ယနေ့ထိတိုင်အောင် ဖြစ်ပါသည်။ ဤဖြစ်ရပ်ကို ကြည့်လျှင် သဘောထား ပျော့ပျောင်းသည်ဟု ထင်မှတ်ခဲ့သော ဦးနု၏ နိုင်ငံရေး သဘောထား လုပ်ဆောင်မှုသည် မှန်ကန်ခြင်းမရှိခဲ့ပါ။ သဘောထား တင်းမာသည်ဟု ထင်မှတ်ခံခဲ့ရသော ဦးသိန်းဖေမြင့်၏ နိုင်ငံရေး သဘောထား လုပ်ဆောင်မှုသည် ရိုးသား ဖြောင့်မတ် မှန်ကန်သည်ဟု အသေအချာ ပြောဆိုနိုင်ပါသည်။

ဗိုလ်ချုပ်အောင်ဆန်း၊ ဦးသိန်းဖေမြင့်နှင့် သခင်သန်းထွန်း တို့သည် လွတ်လပ်ရေး ကြိုးပမ်းမှု ကာလတွင် ဗမာပြည် ကွန်မြူနစ် ပါတီကို ဖွဲ့စည်း တည်ထောင် ခဲ့ကြသည်။ လွတ်လပ်ရေး ရပြီးသောအခါ သခင်သန်းထွန်းသည် ဗမာပြည် ကွန်မြူနစ်ပါတီ အာဏာ ရရှိစေရန် လက်နက်ကိုင် တော်လှန်ရေး လမ်းစဉ်ကို ကျင့်သုံးခဲ့သည်။ ဦးသိန်းဖေမြင့်က ငြိမ်းချမ်းသော၊ အကြမ်း မဖက်သော နိုင်ငံရေး နည်းလမ်းဖြင့် ကြိုးပမ်း လုပ်ကိုင်ခဲ့သည်။ သခင်သန်းထွန်းက ဦးသိန်းဖေမြင့်အား ရွှေပြည်အေး ကိုယ်တော်ဟု ခေါ်ဝေါ် သမုတ်ခဲ့သည်။ သခင်သန်းထွန်းသည် သဘောထား တင်းမာသော ကွန်မြူနစ်ဝါဒီ ဖြစ်ပြီး ဦးသိန်းဖေမြင့်သည် သဘောထား ပျော့ပျောင်းသော ကွန်မြူနစ်ဝါဒီ ဖြစ်သည်။ နောက်ဆုံးတွင် သခင်သန်းထွန်း၏ သဘောထား တင်းမာသော လက်နက်ကိုင် တော်လှန်ရေး လမ်းစဉ်သည် မအောင်မမြင် ဖြစ်ခဲ့ပြီး သခင်သန်းထွန်းသည် ပဲခူးရိုးမ တောတွင်း တစ်နေရာတွင် တပည့်ဖြစ်သူ၏ လုပ်ကြံ သတ်ဖြတ်ခြင်းကို ခံခဲ့ရသည်။ ထိုပြည်တွင်း သောင်းကျန်းမှု များကြောင့် နိုင်ငံနှင့် လူမျိုးလည်း များစွာ အထိနာခဲ့ရသည်။ တင်းမာသော သဘောထား ရှိသည့် သခင်သန်းထွန်း၏ နိုင်ငံရေး သဘောထားသည် ရိုးသားဖြောင့်မတ် မှန်ကန်ခြင်း မရှိခဲ့ပါ။ ညီညွတ်ရေးနှင့် ငြိမ်းချမ်းရေး လမ်းစဉ်ကို ကျင့်သုံးသော သဘောထား ပျော့ပျောင်းသည့် ဦးသိန်းဖေမြင့်၏ နိုင်ငံရေး သဘောထားသည် ရိုးသား ဖြောင့်မတ် မှန်ကန်ခဲ့သည်ကို ကျွန်တော်တို့ ရှင်းလင်းစွာ တွေ့မြင်သင်ခန်းစာ ရခဲ့ကြပြီး ဖြစ်ပါသည်။

ဗိုလ်ချုပ် အောင်ဆန်း၏ လုပ်ဖော်ကိုင်ဖက် လက်ရုံးဖြစ်သော ဦးကျော်ငြိမ်း ကို သဘောထား တင်းမာသော နိုင်ငံရေးသမား (Hard Liner) ဟု သတ်မှတ် ခဲ့ကြပါသည်။ ၁၉၅၈ ခုနှစ် မေလ ၂၉ ရက်နေ့ထုတ် ဗမာ့ခေတ် သတင်းစာတွင် ဆောင်းပါးရှင် မိုးကြိုးက ''ဖဆပလ နှစ်ခြမ်းကွဲတာ မူအရ မဟုတ်၊ ပုဂ္ဂိုလ်ချင်း မသင့်ကြလို့ ဖြစ်တယ်လို့ ဆိုကြတယ်။ ဒါကို မိုးကြိုး မငြင်းလိုဘူး။ မိုးကြိုး အမြင်ကတော့ လူနဲ့ ဘီလူးကွဲခြင်း ဖြစ်တယ်''ဟု ရေးသားခဲ့သည်။ ဆောင်းပါးရှင် မိုးကြိုးသည် ဦးနု ခေါင်းဆောင်သော သန့်ရှင်း ဖဆပလကို ထောက်ခံ ရေးသားနေသော ဆောင်းပါးရှင် ဖြစ်သည်။ ဆောင်းပါးရှင် မိုးကြိုးက သန့်ရှင်း ဖဆပလ ခေါင်းဆောင် ဦးနုကို လူဟု ဆိုလိုခဲ့ပြီး တည်မြဲဖဆပလ ခေါင်းဆောင် ဦးကျော်ငြိမ်းကို ဘီလူးဟု ဆိုလိုခဲ့ခြင်း ဖြစ်သည်။

နိုင်ငံလွတ်လပ်ရေး ရပြီးစ အချိန်တွင် ပြည်ထဲရေးဝန်ကြီး ဦးကျော်ငြိမ်းသည် သခင်သန်းထွန်းနှင့် ဗမာပြည် ကွန်မြူနစ် ပါတီ ခေါင်းဆောင်များကို ဖမ်းဆီးထိန်းသိမ်းရန် အမိန့်ပေးခဲ့သည်။ သို့သော် သစ္စာဖောက် တစ်ဦးကြောင့် ထိုအမိန့် ပေါက်ကြား သွားခဲ့ပြီး သခင်သန်းထွန်းနှင့် ဗမာပြည် ကွန်မြူနစ်ပါတီ ခေါင်းဆောင်များ လွတ်မြောက်သွားကာ တောခို နိုင်ခဲ့ကြသည်။ အကယ်၍ ပြည်ထဲရေးဝန်ကြီး ဦးကျော်ငြိမ်း၏ အမိန့်ပေး စီစဉ်မှုသာ အောင်မြင်ခဲ့ပြီး သခင်သန်းထွန်းနှင့် ဗမာပြည် ကွန်မြူနစ်ပါတီ ခေါင်းဆောင်များကို အချိန်မီ ထိန်းသိမ်းနိုင်ခဲ့ပါလျှင် ပြည်တွင်းစစ်မီးကြီး အရှိန်အဟုန်ပြင်းစွာ တောက်လောင် ခဲ့မည် မဟုတ်ပါ။ မြန်မာနိုင်ငံသားပေါင်း မြောက်မြားစွာ၏ အသက် အိုးအိမ် စည်းစိမ်များလည်း ဆုံးရှုံးခဲ့ကြမည် မဟုတ်ပါ။ ဦးကျော်ငြိမ်း၏ သခင် သန်းထွန်းနှင့် ဗမာပြည် ကွန်မြူနစ်ပါတီ ခေါင်းဆောင်များကို ဖမ်းဆီး ထိန်းသိမ်းရန် လိုသည်ဆိုသည့် တင်းမာပြတ်သားသော နိုင်ငံရေး သဘောထားမှာ ရိုးသား ဖြောင့်မတ် မှန်ကန်သော နိုင်ငံရေး သဘောထား ဖြစ်ပါသည်။

နိုင်ငံနှင့် လူမျိုး အကျိုးအတွက် နိုင်ငံ့အရေး လုပ်ဆောင်ရာတွင် နိုင်ငံနှင့် လူမျိုးအကျိုး ထိခိုက်စေမည့် ကိစ္စရပ်များကို သဘောထား တင်းမာ ပြတ်သားစွာ ဆန့်ကျင်ဖယ်ရှား ကြရပါမည်။ အထူးသဖြင့် ဆင်းရဲနွမ်းပါးသော အခြေခံ လူတန်းစား တို့အား ထိခိုက်နစ်နာစေမည့် ကိစ္စရပ်များကို သဘောထား တင်းမာပြတ်သားစွာ အကြမ်းမဖက်သော နည်းဖြင့် ဆန့်ကျင် ဖယ်ရှား ကြရပါမည်။ နိုင်ငံနှင့် လူမျိုးအကျိုး ဖြစ်ထွန်းစေမည့် ကိစ္စရပ်များကို သဘောထား နူးညံ့ပျော့ပျောင်းစွာဖြင့် လက်ကမ်းကြိုဆို လုပ်ကိုင်ကြရပါမည်။ ဤသည်မှာနိုင်ငံရေး သဘောထား ရိုးသားဖြောင့်မတ် မှန်ကန်ခြင်း ဖြစ်သည်။ ယနေ့ပြည်ပ အသံလွှင့်ဌာနတို့၏ မည်သူသည် သဘောထား တင်းမာသူဖြစ်သည်။ မည်သူသည် သဘောထား ပျော့ပျောင်းသူ ဖြစ်သည်ဟု ပြောဆို နေကြခြင်းသည် မြန်မာ့ နိုင်ငံရေး သမားများနှင့် မြန်မာပြည်သူတို့ အကြား၊ မြန်မာ နိုင်ငံရေးသမား အချင်းချင်းအကြား သပ်လျှိုသွေးခွဲ ရန်တိုက် ပြောဆိုနေခြင်းသာ ဖြစ်သည်။ တကယ်တော့ နိုင်ငံရေး သမားသည် အရာကိစ္စ ခပ်သိမ်းကို သဘောထား တင်းမာ၍ မရပါ။ အရာကိစ္စ ခပ်သိမ်းကို သဘောထား ပျော့ပျောင်း၍လည်း မရပါ။ နိုင်ငံနှင့် လူမျိုးအကျိုး အတွက် တင်းမာသင့်သည့် နေရာတွင် တင်းမာပြီး ပျော့ပျောင်းသင့်သည့် နေရာတွင် ပျော့ပျောင်း ကြရပါမည်။ ဤသို့သော နိုင်ငံရေးသမားသည် ရိုးသား ဖြောင့်မတ်မှန်ကန်သော နိုင်ငံရေး သဘောထား ရှိသူ ဖြစ်သည်။ မိမိနှင့် မိမိပါတီအား လူထုထောက်ခံမှု ရရှိစေရန် တစ်နည်းအားဖြင့် နိုင်ငံရေး အကျိုးအမြတ် ရရှိစေရန် တင်းမာသင့်သည့် နေရာတွင် ပျော့ပျောင်းနေပြီး ပျော့ပျောင်းသင့်သည့် နေရာတွင် တင်းမာနေလျှင် ထိုနိုင်ငံရေး သမားသည် ရိုးသားဖြောင့်မတ် မှန်ကန်မှု မရှိသော နိုင်ငံရေး သဘောထား ရှိသူဖြစ်သည်။

အချုပ်အားဖြင့် တင်ပြရပါလျှင် မည်သူသည် သဘောထား တင်းမာသူ ဖြစ်သည်။ မည်သူသည် သဘောထား ပျော့ပျောင်းသူ ဖြစ်သည် စသည့် သပ်လျှို သွေးခွဲ ရန်တိုက် ပေးနေသော ပြည်ပအသံလွှင့် ဌာနတို့၏ အခြေအမြစ် မရှိသည့် စကားများကို မြန်မာပြည်သူတို့က အယုံအကြည် မရှိကြတော့ပါ။ ယနေ့မြန်မာ့ နိုင်ငံရေးသမား များနှင့် တကွ ပြည်သူလူထု တစ်ရပ်လုံးသည် နိုင်ငံနှင့် လူမျိုးအကျိုးအတွက် ရိုးသားဖြောင့်မတ် မှန်ကန်သော နိုင်ငံရေး သဘောထားဖြင့် အတူတကွ လက်တွဲပြီး နိုင်ငံတော်ကြီးကို ခေတ်မီဖွံ့ဖြိုး တိုးတက်သော ဒီမိုကရေစီ နိုင်ငံတော်ကြီး ဖြစ်လာစေရန် ဝိုင်းဝန်း တည်ဆောက် နေကြပြီ ဖြစ်ပါသောကြောင့် ရဟန်းရှင်လူ ပြည်သူအပေါင်း တို့သည် များစွာ ကျေနပ်ဝမ်းမြောက် ဖြစ်ကာ သာဓုခေါ်လျက် ရှိကြပါသည်။

ငါးမင်းဆွေ

Myanmar Express

Read More

ငါးမင်းဆွေမှ The VOICE ဂျာနယ်သို့ အိတ်ဖွင့်ပေးစာ

Myanmar Express

Read More

ငါးမင်းဆွေမှ ဒေါ်အောင်ဆန်းစုကြည်သို့ (၃)

မင်္ဂလာပါ မစု။ မစုလို့ ခေါ်ဝေါ် သုံးနှုန်းတာကို စာဖတ်ပရိသတ် အချို့က ဒါဟာ မရိုမသေ ခေါ်ဝေါ်တာ ဖြစ်ကြောင်း ဝေဖန် ပြောဆို လာကြပါတယ်။ ကျွန်တော့် အစ်မအကြီးဆုံး ဒေါ်ညိုဟာ မစုထက် တစ်နှစ်ကြီး ပါတယ်။ အစ်မကြီး ဒေါ်ညိုကိုလည်း ကျွန်တော် မညိုလို့ပဲ ခေါ်ခဲ့ပါတယ်။ မစုထံသို့ အိတ်ဖွင့်ပေးစာ (၁)နှင့် ''အမြန်ဆုံး ရုန်းထွက် လိုက်ပါတော့လား'' ဆောင်းပါးများကို ရေးခဲ့တဲ့ ၂၀၀၇ ခုနှစ် အချိန်တုန်းက မစုဟာ နေအိမ်မှာ အကျယ်ချုပ်နဲ့ နေထိုင်နေရတဲ့ အချိန်ဖြစ်ပါတယ်။ ဒီလို အခြေအနေမျိုးမှာ မစုကို ကရုဏာ ပိုခဲ့မိပြီး မစုလို့ ခေါ်ဝေါ်ခဲ့ခြင်း ဖြစ်ပါတယ်။ အဲဒီစာတွေထဲမှာ "မစုရေ" "မစုရေ" လို့ စာပိုဒ်ရဲ့ အစတိုင်းမှာ နွေးထွေးစွာ ခေါ်ဝေါ်ခဲ့ပါတယ်။ မျက်စိအောက်က ပျောက်သွားတဲ့ ဆယ်ကျော်သက်ရွယ် အစ်မကြီး တစ်ယောက်ကို စကားပြော တတ်ကာစ မောင်ငယ်လေး တစ်ယောက်က တစာစာ တမ်းတခေါ်နေတဲ့ သဘောပါပဲ။ နောက်ပြီး မစုဟာ ကျွန်တော်တို့ လွတ်လပ်ရေး ဖခင်ကြီးရဲ့ သမီး ဖြစ်တာကြောင့် အစ်မရင်း တစ်ယောက်လို သဘောထားခဲ့ မိပါတယ်။ ခု မစု လွတ်မြောက် လာချိန်မှာ ဒေါ်စုလို့ မခေါ်ချင်တော့ ပါဘူး။ ဟိုအရင်တုန်းက မစုအပေါ် ဖြစ်ပေါ်ခဲ့တဲ့ အကြင်နာ၊ ကရုဏာ စိတ်တွေဟာ ခုထက်ထိ ရှင်သန်နေဆဲ ဖြစ်တဲ့အတွက် မစုလို့ပဲ ဆက်၍ ခေါ်ခွင့်ပေးဖို့ အနူးအညွတ် မေတ္တာ ရပ်ခံ အပ်ပါတယ် မစု။

မစု ခင်ဗျား--- နိုဝင်ဘာလ (၂၅) ရက်နေ့တုန်းက မစုတို့ ရုံးရှေ့မှာ ဖြစ်ခဲ့တာတွေနှင့် ပတ်သက်ပြီး ကျွန်တော်ရှင်းလင်း တင်ပြပါရစေ။ နိုဝင်ဘာလ (၂၄) ရက်နေ့ နေ့လည် (၁၂)နာရီလောက်မှာ ကျွန်တော်ဟာ မစုထံသို့ အိတ်ဖွင့်ပေးစာ တစ်စောင် မော်နီတာ ဂျာနယ်ပါ ကျွန်တော်ရေးတဲ့ ဆောင်းပါး နှစ်ပုဒ်၊ သတင်းစာပါ ကျွန်တော်ရေးတဲ့ ဆောင်းပါး (၄) ပုဒ် တို့ကို မစု ဖတ်နိုင်ဖို့ အတွက် မစုတို့ ရုံးချုပ်ရဲ့ စာပေးစာယူမှာ တရားဝင် မှတ်ပုံတင် လက်မှတ်ထိုးပြီး ပေးအပ်ခဲ့ပါတယ်။ စာအိတ်ပေါ်မှာ "သို့/ ဒေါ်အောင်ဆန်းစုကြည်" "မှ/ ငါးမင်းဆွေ" လို့ ရေးထားပါတယ်။ ဒီအချိန်မှာ မစုဟာ ရုံးချုပ်ရဲ့ အောက် ထပ်မှာ စည်းဝေးပွဲ လုပ်နေပါတယ်။ မစုကို ကျွန်တော် လှမ်းမြင်နေရ ပါတယ်။ မန္တလေးတိုင်း ဒေသကြီးမှ အမျိုးသမီး တစ်ဦး တင်ပြပြောဆို နေတာကိုလည်း တွေ့မြင် နေရပါတယ်။ မစုကို အနီးကပ်တွေ့ချင် မြင်ချင်တဲ့ ဆန္ဒပြင်းပြ နေတာကြောင့် (၁၀) မိနစ်ခန့် မစုမျက်နှာကို ငေးမော ကြည့်ရှုပြီးမှ မစုတို့ ရုံးချုပ်ကနေ ကျွန်တော် ထွက်ခွာခဲ့ပါတယ် မစု။

မစု ခင်ဗျား--- ရန်ကုန်မြို့ထဲမှာ ကျွန်တော် ကားမောင်းနေတုန်း ဖုန်းဝင်လာပါတယ်။ ဖုန်းဆက်သူက သူဟာ NLD ရုံးချုပ်က ဦးဝင်းထိန် ဖြစ်ကြောင်း ပြောပါတယ်။ သူက ခင်ဗျားရဲ့ ပေးစာကို ဒေါ်အောင်ဆန်း စုကြည်ထံ မတင်ပြနိုင်ကြောင်း ပြောလာပါတယ်။ "ငါးမင်းဆွေမှ ဒေါ်စုကြည်သို့ (၂)" လို့ ခေါင်းစဉ် တပ်ထားတာကို မကြိုက်ကြောင်း "ဒေါ်စုကြည်" မှာ အမည်ရင်း မဟုတ်ကြောင်း၊ "ဒေါ်အောင်ဆန်းစုကြည်" လို့သာ ခေါ်ဝေါ် သုံးနှုန်းရမှာ ဖြစ်ကြောင်း ပြောလာပါတယ်။ ကျွန်တော်က ၂၀၀၇ ခုနှစ်တုန်းက သတင်းစာထဲမှာ "ငါးမင်းဆွေမှ ဒေါ်စုကြည်သို့" ဆိုတဲ့ ခေါင်းစဉ်နဲ့ ရေးသားခဲ့ကြောင်း၊ ဒါကြောင့် ယခုလည်း "ငါးမင်းဆွေမှ ဒေါ်စုကြည်သို့ (၂)" ဟု ရှေ့နောက် လျှော်ညီအောင် ရေးခဲ့ခြင်းသာ ဖြစ်ကြောင်း၊ ကျွန်တော်ပေးသော ဆောင်းပါး အပုဒ်တိုင်းရဲ့ ထိပ်မှာ "အစ်မကြီး ဒေါ်အောင်ဆန်း စုကြည်သို့ ရိုသေစွာဖြင့် အမှတ်တရ" လို့ ရေးသားပြီး လက်မှတ်ရေးထိုး ထားပါကြောင်း၊ အစ်ကိုကြီးက "ဒေါ်အောင်ဆန်း စုကြည်"လို့ ပြင်စေလိုလျှင်လည်း ကျွန်တော် ပြင်ပေးပါမယ်။ ဒီလိုပြင်လိုက်လျှင် ကျွန်တော့်စာကို ပို့ပေး နိုင်မှာလားဟု မေးရာ ဦးဝင်းထိန်က မပို့ပေးနိုင်ကြောင်း၊ ခင်ဗျား စာထဲမှာ မှားယွင်းမှု အချို့ ပါရှိနေကြောင်း ပြောပါတယ်။ ကျွန်တော်က ကျွန်တော်ရေးတဲ့ စာတွေ၊ ဆောင်းပါးတွေ ထဲမှာ မှားတာရှိလျှင် ဒေါ်အောင်ဆန်း စုကြည်က လူသိရှင်ကြား ဝေဖန် ထောက်ပြပေးပါလို့ ရေးထားကြောင်း၊ မှားတာမှန်တာ ဆုံးဖြတ်ရမည်မှာ ဒေါ်အောင်ဆန်း စုကြည်သာ ဖြစ်ကြောင်း ပြောလိုက်ပါတယ်။ ဦးဝင်းထိန်က ဒီစာကို ဘယ် နည်းနဲ့မှ မတင်ပေး နိုင်ကြောင်း ပြန်ပြောပါတယ်။ ဒီစာကို မတင်ပေး နိုင်ရင်လည်း ကျွန်တော် ရေးထားတဲ့ သတင်းစာနဲ့ ဂျာနယ်များပါ ဆောင်းပါးများကို တင်ပေးပါဟု ပြောရာ ဦးဝင်းထိန်က မတင်ပေးနိုင်ကြောင်း ပြောပါတယ်။ ဒီလို ဦးဝင်းထိန်ရဲ့ ပြောကြားချက် များကြောင့် ဦးဝင်းထိန်ဟာ ဒေါ်အောင်ဆန်း စုကြည်ကို နားမျက်စိ ပိတ်နေသူဟု ကျွန်တော် ခံစားထင်မြင်မိခဲ့ ပါတယ် မစု။

မစု ခင်ဗျား---- ထိုနေ့ညနေမှာပဲ ရပ်ကွက်တွင်းရှိ စတိုးဆိုင်မှ တီရှပ် အဖြူတစ်ထည်နှင့် ဆော့ပင်အနီ တစ်ချောင်းတို့ကို ဝယ်ပြီး ဘာတာမှတ်တိုင် အနီးရှိ ပန်းချီဆရာ တစ်ဦးအား တီရှပ်ပေါ်တွင် "ဒေါ်အောင်ဆန်း စုကြည်ကို နားမျက်စိ မပိတ်ပါနဲ့၊ မော်နီတာ ဂျာနယ်မှ ငါးမင်းဆွေ၏ မေတ္တာလမ်းစဉ် မှတစ်ပါး အခြားမရှိပါ ဆောင်းပါးကို ဒေါ်အောင်ဆန်း စုကြည်သို့ ပို့ပေးပါ" လို့ ရေးခိုင်းခဲ့ပါတယ်။ အဲဒီနောက် သတင်း ဂျာနယ်တိုက် (၄)ခုသို့ ဖြစ်ပျက်သည့် အကျိုးအကြောင်းကို ပြောပြပြီး မနက်ဖြန် နေ့လည် (၁၁ )နာရီတွင် မစုတို့ ရုံးချုပ်သို့ သွားပြီး ဦးဝင်းထိန်နှင့် တွေ့ဆုံမည် ဖြစ်ကြောင်း သတင်းပေးခဲ့ပါတယ်။ သတင်းဂျာနယ် အချို့ကို သတင်း ပေးခဲ့ခြင်းသာ ဖြစ်ပြီး ညှိနှိုင်းတိုင်ပင် ခေါ်ယူခြင်း မလုပ်ခဲ့ပါ။ ခေါ်ပိုင်ခွင့်လည်း ကျွန်တော့် တွင် မရှိပါ။ နောက်နေ့ နေ့လည် (၁၁) နာရီတိတိ အချိန်မှာ ကျွန်တော် မစုတို့ ရုံးချုပ်ရှေ့သို့ ရောက်ခဲ့ပါတယ်။ ရုံးရှေ့မှာ ကားတွေ ပိတ်နေတာကြောင့် ရုံး တစ်ဖက်မှာရှိတဲ့ လဖက်ရည် ဆိုင်ရှေ့မှာ ကျွန်တော့်ရဲ့ ဆန်နီပစ်ကပ် ကားကို ရပ်လိုက် ပါတယ်။ ကားပေါ်က ဆင်းပြီး မစုတို့ ရုံးရှေ့ကို တိုက်ရိုက် လာခဲ့ပါတယ်။ ရုံးရှေ့ရောက်တော့ သတင်းထောက် တစ်ဦးက ဒီရုံးရှေ့ကို ဘာကြောင့် လာရကြောင်း မေးပါတယ်။ ကျွန်တော်က အထက်မှာ ရေးခဲ့တဲ့ အတိုင်း မနေ့က ဖြစ်ပျက်တဲ့ အဖြစ်အပျက် အားလုံးကို ပြောပြပြီး ကျွန်တော့်ရဲ့ စာနဲ့ ဆောင်းပါးတွေကို ဒီရုံးမှ ရုံးအဖွဲ့မှူး ဖြစ်သူ ဦးဝင်းထိန်က ဒေါ်အောင်ဆန်း စုကြည်ထံသို့ တင်ပေးနိုင်ပါရန် အတွက် ဦးဝင်းထိန်နဲ့ တွေ့ဆုံရန် လာရောက်ခြင်း ဖြစ်ကြောင်း ရှင်းပြခဲ့ ပါတယ်။ ဒီလို ရှင်းပြတဲ့ နေရာမှာ ရောက်နေတဲ့ သတင်းထောက် အားလုံး ကြားနိုင်ရန်နဲ့ အသံသွင်းစက်ထဲ အသံ ကောင်းမွန်စွာ ဝင်နိုင်ရန် နှစ်ကိုယ်ကြား ပြောသော အသံထက် အနည်းငယ် ကျယ်သော အသံဖြင့် ပြောဆို ရှင်းပြခဲ့ပါတယ်။ အဲဒီနောက် ပါလာတဲ့ မော်နီတာ ဂျာနယ်ပါ ဆောင်းပါး နှစ်ပုဒ်နှင့် ငါးမင်းဆွေမှ ဒေါ်အောင်ဆန်း စုကြည်သို့ (၂) အိတ်ဖွင့်ပေးစာ တို့ကို ပြည်တွင်း သတင်းထောက်တွေကို ပေးဝေခဲ့ပါတယ်။ မစုတို့ ရုံးအဖွဲ့မှ တိုက်ပုံ ဝတ်ထားတဲ့ အသက်ကြီးပိုင်း တစ်ယောက်က ဦးမင်းဆွေ ဘာဖြစ်ချင် သလဲလို့ မေးပါတယ်။ ကျွန်တော်က ကျွန်တော့်ရဲ့ စာနဲ့ ဆောင်းပါးများကို ဒေါ်အောင်ဆန်း စုကြည်ထံသို့ ပို့ပေးနိုင်ရန် ဦးဝင်းထိန်နဲ့ တွေ့ဆုံ လိုပါကြောင်း၊ ဖြစ်နိုင်လျှင် ဒေါ်အောင်ဆန်း စုကြည်နဲ့ တွေ့ပြီး မနေ့က ဖြစ်ပျက်ခဲ့သည် များကို ရှင်းပြလိုပါကြောင်း ပြောခဲ့ပါတယ်။ ထိုပုဂ္ဂိုလ်က သတင်း ပို့ပေးမည် ဖြစ်ကြောင်း၊ ခေတ္တ စောင့်ရန် ပြောပါတယ်။ ကျွန်တော်က ရုံးထဲမှာ ဝင်စောင့်ဖို့ ရုံးနယ်နိမိတ်ကို ခြေတစ်လှမ်း ဝင်လိုက်တာနဲ့ ကျွန်တော့်ကို လက်နဲ့တားပြီး အပြင်မှာ စောင့်ရန် ပြောပါတယ်။ ဒေါ်အောင်ဆန်း စုကြည်နဲ့ ဦးဝင်းထိန်တို့ကို တွေ့ဆုံရန် လာရောက်တဲ့ ပြည်သူ တစ်ယောက်ကို ရုံးထဲဝင်ပြီး စောင့်ဆိုင်းခွင့် မပြုတာ အလွန် ရိုင်းစိုင်းတဲ့ လုပ်ရပ် ဖြစ်ပါတယ်။ ငါးမင်းဆွေ ဆိုတာ ဒေါ်အောင်ဆန်း စုကြည်ကို ဝေဖန် ခဲ့တာကြောင့် အငြိုးအတေး အာဃာတကြီးစွာ ရိုင်းရိုင်းစိုင်းစိုင်း ဆက်ဆံလိုက်ခြင်း ဖြစ်တယ်လို့ ကျွန်တော်ထင်ပါတယ် မစု။

မစု ခင်ဗျား--- ကျွန်တော် ငါးမင်းဆွေဟာ နိုင်ငံပိုင် သတင်းစာများက နေပြီး မစုကို ဝေဖန် ထောက်ပြတာတွေ ရှိခဲ့ပါတယ်။ အဲဒီ အချိန်တုန်းက မစုဟာ နေအိမ်မှာ အကျယ်ချုပ် ခံထားရတာမို့ မစုဘက်က ကျွန်တော် ရေးတာတွေကို ပြန်လည် ဝေဖန် ထောက်ပြခွင့် မရှိခဲ့ပါဘူး။ ယခု မစု လွတ်မြောက်လာချိန်မှာ ကျွန်တော် မစု အပေါ် ရေးသားခဲ့တာ တွေဟာ ဘာတွေများ မှားနေပါ သလဲလို့ လူသိရှင်ကြား ဝေဖန် ထောက်ပြပေးဖို့ သတင်းဆောင်းပါး အချို့ကို လာပေးတာပါ။ ဒါဟာ လွတ်လပ်စွာ ရေးသားပြောဆို ဝေဖန်နိုင်မှုပါ။ ဒါဟာ တရားမျှတတဲ့ လုပ်ရပ်ပါ။ ဒါဟာ မစုတို့ ပြောပြောနေတဲ့ ဒီမိုကရေစီ ကျင့်စဉ်တစ်ခု ပါ။ ဒီလို ဒီမိုကရေစီ ကျင့်စဉ်နှင့် အညီ ကျွန်တော့် ဆောင်းပါးများကို ဝေဖန် ထောက်ပြ နိုင်ပါရန် လာပေးတာကို မစုထံ မတင်ပြခြင်း၊ ထိုသို့ မတင်ပြခြင်း အတွက် မိမိ ခံစားရသည့် ခံစားချက်ကို မိမိ အင်္ကျီပေါ်တွင် ရေးပြီး မတင်ပေး နိုင်ဘူးဟု ပြောဆိုသူ ဦးဝင်းထိန်နဲ့ တွေ့ဆုံနိုင်ရန် အေးအေးဆေးဆေး လာရောက်သူကို ရုံးအတွင်း ဝင်ထိုင်စောင့်ခွင့် မပြုဘဲ အပြင် ပလက်ဖောင်း ပေါ်တွင် တစ်နာရီလောက် မတ်တပ်ရပ် စောင့်ခိုင်းထားခြင်း တို့ဟာ ဒီမိုကရေစီကို စော်ကားခြင်း ဖြစ်ပါတယ် မစု။

မစု ခင်ဗျား--- မစုရုံးရှေ့မှာ ထိုင်ခုံ မရှိပါဘူး။ ရုံးရဲ့ လမ်းတစ်ဖက်က လက်ဖက်ရည်ဆိုင် ဒါမှမဟုတ် ကားထဲထိုင် စောင့်နေ ပြန်ရင်လည်း ကျွန်တော့်ကို တွေ့ဖို့ ခေါ်လျှင် လိုက်ရှာနေရမှာ စိုးလို့ရယ်၊ လက်ဖက်ရည် ဆိုင်ထဲမှာ ထောက်လှမ်းရေး အဖွဲ့အစည်းတွေ ရှိနေတာကြောင့် ရုံးရှေ့မှာပဲ မိုးတိုးမတ်တပ်နဲ့ ခေါ်နိုးခေါ်နိုး တစ်နာရီလောက် စောင့်နေရပါတယ်။ ခန္ဓာကိုယ် အလေးချိန်က များလွန်းတာကြောင့် မတ်တပ် မရပ်နိုင်တဲ့ အဆုံး လမ်းဘေး ပလက်ဖောင်းမှာ ဖင်ထိုင်ချခဲ့ ရပါတယ်။ ၁၉၈၀ ခုနှစ် ကနေ ယခု ထက်ထိတိုင် နှစ် (၃၀) လုံးလုံး မြန်မာနိုင်ငံ ဆားထုတ်လုပ်သူ အကြီးဆုံး (၁၀) ဦးမှာ တစ်ဦး အပါအဝင် ဖြစ်တဲ့ ကျွန်တော်ဟာ လူတစ်ယောက်ကို တွေ့ခွင့်ရဖို့ အတွက် ဒီတစ်ခါပဲ အောက်ကျနောက်ကျ ဖြစ်ခဲ့ရဘူး ပါတယ်။ မပြောကောင်း ပြောကောင်း ပြောရလျှင် ဆားလုပ်ငန်းရှင်ကြီး ငါးမင်းဆွေဟာ မစုတို့ ရုံးရှေ့မှာ လမ်းဘေး သူတောင်းစား တစ်ယောက်ဖြစ်ဖို့ ခွက်စုတ် တစ်လုံးသာ လိုတော့တဲ့ အဖြစ်သို့ ရောက်ခဲ့ရပါတယ် မစု။

မစု ခင်ဗျား--- အဲဒီနေ့က ဦးဝင်းထိန်နဲ့သာ တွေ့ခွင့် ရခဲ့ပါတယ်။ မစုနဲ့ တွေ့ခွင့် မရခဲ့ပါ။ မစုနဲ့ ၅ မိနစ်လောက်တောင် တွေ့ဆုံ ရှင်းလင်းပြခွင့် မရတဲ့အတွက် ကျွန်တော် ဝမ်းနည်းမိပါတယ်။ ကျွန်တော့်ဘက်က မစုကို ရှင်းလင်း ပြောဆို ချင်တာကို မပြော နိုင်ခဲ့တဲ့ အတွက် လူ့အခွင့်အရေး ရှုံးဆုံးသလို ဖြစ်ခဲ့ရပါတယ်။ ဘယ်လို ဖြစ်ကြတာလဲလို့ ဦးဝင်းထိန် ပြောတာရော၊ ကျွန်တော် ပြောတာရော မစု နားထောင်သင့် ပါတယ်။ ဒါမှသာ မစု အမှန်ကို မြင်နိုင်ပါလိမ့်မယ်။ ဒါမှသာ မျှတမှု ရှိပါလိမ့် မယ်။ အဲဒီနေ့က မစု ကျွန်တော့်ကို ခတ္တ ခဏလောက်တောင် ထွက်မတွေ့ နိုင်ခြင်းဟာ တစ်ကယ်လို့ မစုက ကျွန်တော့်ကို ထွက်တွေ့လိုက်လျှင် ပြည်တွင်းဂျာနယ် သတင်းထောက်တွေက စီးပွားပိတ်ဆို့ ဒဏ်ခတ်ခြင်းဟာ အကြမ်းဖက် တိုက်ခိုက်ခြင်း ဖြစ်တယ်လို့ ငါးမင်းဆွေ ရေးထားတာကို ဒေါ်စု ဘယ်လို ဖြေမလဲလို့ မေးခဲ့ကြလျှင် မစု အနေနဲ့ ငြင်းရလည်းခက်၊ ဝန်ခံရလည်းခက် ဆိုတဲ့ ဘေးကြပ်နံကြပ် အခြေအနေကို ဆိုက်ရောက်နေတဲ့ အတွက် ဒီလို ထွက်မတွေ့ရဲ တာလို့ ကျွန်တော် ထင်မိပါတယ်။ မစုကို အိတ်ဖွင့်စာ ပို့ပြီးတာ (၁၀) ရက်ကျော်ကြာတဲ့ အထိ မစုဘက်က ယနေ့ထက်တိုင် ကျွန်တော် မေးထားတာနဲ့ ပတ်သက်ပြီး ဘာသံမှ ထွက်မလာ သေးတာကို ကြည့်လျှင် ကျွန်တော် ထင်မြင် တာတွေဟာ ပိုပြီး ခိုင်မာလာရပါတယ်။ ဘယ်လိုပဲ ဖြစ်ဖြစ် မစု တောင်းဆိုခဲ့တဲ့ စီးပွား ပိတ်ဆို့ ဒဏ်ခတ်ခြင်းဟာ အကြမ်းဖက်ခြင်း ဟုတ်မဟုတ် ဆိုတာကို မစု သတ္တိရှိရှိ ရှင်းလင်း ပြောကြား လာလိမ့်မယ်လို့ ကျွန်တော် မျှော်လင့်နေဆဲပါ မစု။

မစု ခင်ဗျား--- မစုတို့ ရုံးရှေ့ကို သွားခဲ့တဲ့ နိုဝင်ဘာလ (၂၅ )ရက်နေ့ ညနေပိုင်း VOA အစီအစဉ် ကနေပြီး စစ်အစိုးရပိုင် သတင်းစာများမှာ ဆောင်းပါးရေးတဲ့ ငါးမင်းဆွေဟာ NLD ရုံးချုပ်ရှေ့သွားပြီး သူ့ဆောင်းပါးတွေကို ဒေါ်အောင်ဆန်းစုကြည် ဖတ်ဖို့ အောင်ဟစ်ဆန္ဒပြ တောင်းဆိုခဲ့တယ်။ ဒီလို လုပ်ရပ်ကြောင့် ဒေါ်အောင်ဆန်း စုကြည်ရဲ့ လုံခြုံရေးကို ပိုမို စိုးရိမ် လာရတယ်ဟု ပြောဆိုသွားပါတယ်။ ဒီပြောဆိုမှုဟာ လုံးဝမှားယွင်းတဲ့ ပြောဆိုမှု ဖြစ်ပါတယ် မစု။ ကျွန်တော်ဟာ ကျွန်တော့် ပေးစာနဲ့ ဆောင်းပါးတွေကို မစုထံ မပေးပို့ တဲ့အတွက် ဒီလို မပေးပို့နိုင်တဲ့ ဦးဝင်းထိန်နဲ့ တွေ့ဆုံရန် မစုတို့ ရုံးကို တစ်ယောက်တည်း အေးအေးဆေးဆေး လာခဲ့ခြင်း ဖြစ်ပါတယ်။ သတင်းထောက်တွေ မေးသလောက်ကိုသာ ဖြေပြီး မစုတို့ ရုံးက တာဝန် ရှိသူတွေက ရုံးထဲပေးမဝင်လို့ ရုံးအပြင် ပလက်ဖောင်းပေါ်မှာ ရပ်စောင့်နေရခြင်းသာ ဖြစ်ပါတယ်။ အော်ဟစ်ဆန္ဒပြ ရမ်းကားခြင်း လုံးဝ မပြုလုပ်ခဲ့ပါ။ ဒါတွေကို ပြည်တွင်းပြည်ပ သတင်းထောက်တွေက အသံသွင်းခြင်း၊ ဓာတ်ပုံရိုက်ခြင်း၊ ဗီဒီယို ရိုက်ခြင်းများ လုပ်ခဲ့ပါတယ်။ ပြည်ပ အသံလွှင့် ဌာနက သတင်းထောက်တွေ ရှိနေပါလျှက် ကျွန်တော် အော်ဟစ် ဆန္ဒပြခြင်း မရှိဘူးဆိုတာ သိမြင်ပါလျက်၊ VOA အပါအဝင် အခြားပြည်ပ အသံလွှင့် ဌာနများကပါ ငါးမင်းဆွေဟာ NLD ရုံးချုပ်ရှေ့မှာ အော်ဟစ် ဆန္ဒပြခဲ့တယ်လို့ ထုတ်လွှင့် သွားကြပါတယ်။ ဒီလိုထုတ်လွှင့်သွားတာကို ကြားရတဲ့ မြန်မာပြည်သူ အချို့က ကျွန်တော့်ကို စိတ်ဆိုးဒေါသ ဖြစ်ကြပြီး ဖုန်းထဲကနေ ဆဲဆိုကြိမ်းမောင်း ခြိမ်းခြောက်ခြင်းတွေ ပြုလုပ်ခဲ့ကြပါတယ်။ အဲဒီထဲမှာ ကျွန်တော်နှင့် စီးပွားလုပ်ကိုင်ဖက် မိတ်ဆွေ တစ်ဦးလည်း ပါဝင်ခဲ့ ပါတယ်။ အဲဒီလို ကျွန်တော့်ကို ဆဲဆိုခြိမ်းခြောက် ပြောဆိုခဲ့တဲ့ မြန်မာပြည်သူ တွေကို ကျွန်တော်လုံးဝ စိတ်မဆိုးပါဘူး။ သူတို့ကို ဖြစ်စဉ်အမှန်တွေ ကျွန်တော် ရှင်းပြခဲ့ပါတယ်။ အချို့ဆဲဆို ခြိမ်းခြောက်သူတွေဟာ ကျွန်တော့်ကို ရှင်းပြခွင့်ပင် မပေးဘဲ ရေပက် မဝင်အောင် ဆဲဆိုပြီး ဖုန်းချ သွားကြပါတယ်။ ဒီလို ကျွန်တော်တို့ နိုင်ငံသား အချင်းချင်း စိတ်ဝမ်းကွဲအောင် ပြည်ပ အသံလွှင့် ဌာနများက မဟုတ်မမှန် သတင်းတစ်ခုကို မဟုတ်မမှန်မှန်း သိလျက် မြင်လျက်နှင့် ထုတ်လွှင့်ခဲ့တာ အလွန်ဝမ်းနည်း စိတ်ထိခိုက်ဖို့ ကောင်းပါတယ် မစု။ ဒီပြည်ပ အသံလွှင့် ဌာနတွေရဲ့ လုပ်ရပ်ဟာ ကိုယ်နဲ့ မပြေလည်တဲ့ လူတစ်ယောက်ကို ခါးပိုက်နှိုက် မဟုတ်ဘဲ သိပါလျက်နဲ့ ခါးပိုက်နှိုက်၊ ခါးပိုက်နှိုက်လို့ လိုင်းကားပေါ်မှာ အုပ်စုဖွဲ့ ညာသံပေး အော်ဟစ်ပြီး လူအများရဲ့ ဆဲဆို ရိုက်နှက်မှုကို ခံရအောင် လုပ်ခြင်းနှင့် အတူတူပါပဲ။ ဒါဟာ အင်မတန် ကောက်ကျစ်စဉ်းလဲ ယုတ်မာတဲ့ လုပ်ရပ်ဖြစ်ပါတယ် မစု။

မစု ခင်ဗျား --- နိုဝင်ဘာ(၂၅) ရက်နေ့က မစုတို့ရဲ့ရုံးရှေ့မှာ ကျွန်တော်အော်ဟစ် ဆန္ဒပြခြင်းမရှိခဲ့ကြောင်းကို မစုတို့ ရုံးအဖွဲ့သားများ ကောင်းစွာ သိရှိကြပါတယ်။ မှတ်တမ်းတင် ထားတဲ့ အသံဖိုင်တွေ၊ ဓာတ်ပုံတွေ၊ ဗီဒီယို ခွေတွေလည်း မစုတို့ရုံးမှာ ရှိနိုင်ပါတယ်။ မရှိရင်လည်း ပြည်တွင်း သတင်းဂျာနယ်တွေမှာ တောင်းယူ ကြည့်ရှု နိုင်ပါတယ်။ ဒီလို မဟုတ်မမှန် လုပ်ကြံစွပ်စွဲခြင်း ခံရတဲ့ကိစ္စဟာ မစုနဲ့ ဦးဝင်းထိန်တို့ကို တွေ့ဆုံရန် လာရောက်ခြင်းကြောင့် မစုတို့ ရုံးချုပ်ရှေ့မှာ ပေါ်ပေါက်ခဲ့တာ ဖြစ်တဲ့အတွက် မစုအနေနဲ့ အမှန်တရားကို မြတ်နိုးပါလျှင် အမှန်တရားဘက်က ရပ်တည်ကာကွယ် ပေးလိုပါလျှင် မဟုတ်မမှန် သတင်း ထုတ်လွှင့်ခဲ့သော လူယုတ်မာ ပြည်ပအသံလွှင့် ဌာနများကို မစုအနေဖြင့် ကြေငြာချက် ထုတ်ပြီး တရားဝင် ကန့်ကွက် ရှုတ်ချပြောဆို သင့်တယ်လို့ ကျွန်တော် ထင်မြင်ပါတယ် မစု။ နောက်ပြီး ဒီလိုလူယုတ်မာ အသံလွှင့် ဌာနတွေရဲ့ မစုအပေါ် မြှောက်စား ချီးမွမ်းခန်း ထုတ်နေကြတာ တွေကိုလည်း မစု မခံယူ သင့်တော့ပါဘူး။ ဒီလူယုတ်မာ ပြည်ပအသံလွှင့် ဌာနတွေနဲ့ တွေ့ဆုံ မေးမြန်းခန်း လုပ်တာတွေ ကိုလည်း မစု အဆက်အသွယ် ဖြတ်သင့်ပါတယ်။ ဒီလူယုတ်မာ ပြည်ပအသံလွှင့် ဌာနတွေကြောင့် မစု လိုချင်တဲ့ အမျိုးသား ပြန်လည် သင့်မြတ်ရေးကို ခုထက်ထိ မရနိုင်တာလို့ ကျွန်တော် ထင်မြင်ပါတယ်။ ဒီလူယုတ်မာ ပြည်ပ အသံလွှင့်ဌာန တွေနဲ့ မစု အဆက်အသွယ် ဖြတ်လိုက်တာနဲ့ မစုလိုချင်တဲ့ အမျိုးသား ပြန်လည် သင့်မြတ်ရေးဟာ ပေါ်ထွန်းပြီး ဖြစ်နေပါလိမ့်မယ် မစု။

မစု ခင်ဗျား--- နိုဝင်ဘာလ(၂၄) ရက်နေ့က ကျွန်တော် ပေးပို့ခဲ့တဲ့ “ငါးမင်းဆွေမှ ဒေါ်အောင်ဆန်း စုကြည်သို့ (၂)” အိတ်ဖွင့်ပေးစာကို ဖတ်ပြီး ဖြစ်လိမ့်မယ်လို့ ထင်မိပါတယ်။ ဒီအိတ်ဖွင့် ပေးစာဟာ ပြည်တွင်း သတင်းဂျာနယ် အချို့မှာ ပါရှိခဲ့ပြီး ဖြစ်တာမို့ မြန်မာ ပြည်သူတွေလည်း ဖတ်ပြီးကြပါပြီ။ ပြည်ပ အသံလွှင့်ဌာန တွေလည်း အင်တာနက်မှာ ဖတ်ပြီးပြီလို့ ထင်မိပါတယ်။ စီးပွားပိတ်ဆို့ ဒဏ်ခတ်ခြင်းသည် အကြမ်းဖက်ခြင်း ဖြစ်တယ်ဆိုတဲ့ အချက်ကို မစုဘက်က ပြန်လည် ဖြေရှင်းတာ မရှိသေးပါဘူး။ ကျွန်တော် နှင့်တကွ မြန်မာ ပြည်သူတွေဟာ စီးပွားပိတ်ဆို့ ဒဏ်ခတ်ခြင်း ဆိုတာ အကြမ်းဖက်ခြင်း ဖြစ်တယ် ဆိုတာကို မစု အနေနဲ့ ခိုင်လုံတဲ့ အကြောင်းပြချက်နဲ့ ငြင်းမှာလား ဒါမှမဟုတ် စီးပွားပိတ်ဆို့ ဒဏ်ခတ်ခြင်းဟာ အကြမ်းဖက်ခြင်း ဖြစ်တယ်လို့ မစုအနေနဲ့ ဝန်ခံလာမှာလား ဆိုတာကို သိချင်နေကြပါတယ် မစု။

မစု ခင်ဗျား --- စီးပွားပိတ်ဆို့ ဒဏ်ခတ်ခြင်းသည် အကြမ်းဖက်ခြင်း မဟုတ်ဘူးလို့ မစု ငြင်းခဲ့ပါလျှင် ဒီကိစ္စနဲ့ ပတ်သက်ပြီး သတင်း မီဒီယာများ ရှေ့မှောက်မှာ မစုနဲ့ ကျွန်တော် တွေ့ဆုံဆွေးနွေး လိုပါတယ်။ စီးပွားပိတ်ဆို့ ဒဏ်ခတ်ခြင်းသည် အကြမ်း ဖက်ခြင်းဖြစ်သည် ဆိုသော ကျွန်တော်၏ ယုံကြည်ချက်အပေါ် စီးပွားပိတ်ဆို့ ဒဏ်ခတ်ခြင်းကို တောင်းဆိုခဲ့သော မစုဘက်က ဘာမှ သဘောထား မှတ်ချက် မပေးလျှင်သော် လည်းကောင်း၊ ဒီကိစ္စနဲ့ ပတ်သက်ပြီး မစုနဲ့ တွေ့ဆုံ ဆွေးနွေးခွင့် မပြုလျှင်သော် လည်းကောင်း ကျွန်တော် ငါးမင်းဆွေ အနေဖြင့် မစုတို့ ရုံးရှေ့တွင် ထပ်မံဆန္ဒ ပြရပါလိမ့်မယ် ခင်ဗျား။

မစု ခင်ဗျား စီးပွားပိတ်ဆို့ ဒဏ်ခတ်ခြင်းကြောင့် ကမ္ဘာ့ငွေကြေး အဖွဲ့အစည်းတွေက ကျွန်တော်တို့ နိုင်ငံကို ငွေကြေး အကူအညီ မပေးကြတော့ပါဘူး။ ပြည်ပ ရင်းနှီးမြှုပ်နှံမှုများ ဝင်ရောက်မှု လျော့နည်းခဲ့တဲ့ အပြင် ရှိပြီးသား ပြည်ပ ရင်းနှီးမြှုပ်နှံမှု များပါ ပြန်လည်ထွက်ခွာ သွားခဲ့ပါတယ်။ ဒါကြောင့် ကျွန်တော်တို့ မြန်မာပြည်သူတွေ အလုပ်အကိုင် အခွင့်အလမ်း များစွာ ဆုံးရှုံးခဲ့ရပြီး သားတစ်ကွဲ မယားတစ်ကွဲနဲ့ ပြည်ပနိုင်ငံများမှာ မျက်နှာငယ် အနှိမ်ခံဘဝနဲ့ သွားရောက်လုပ်ကိုင် နေကြရပါတယ်။ နည်းပညာ ရရှိမှုတို့လည်း ဆုံးရှုံးခဲ့ရ ပါတယ်။ အသိသာဆုံး ကတော့ အထည်ချုပ် စက်ရုံ (၈၀)% လောက် ရပ်ဆိုင်းသွားပြီး သိန်းချီတဲ့ အထည်ချုပ် အလုပ်သမလေးတွေ အလုပ်လက်မဲ့ ဖြစ်ခဲ့ရပါတယ်။ အလုပ်လက်မဲ့ ဖြစ်သွားတဲ့ အလုပ်သမလေး တွေဟာ KTV ဆိုင်တို့ လမ်းဘေး ပလက်ဖောင်း ပေါ်တို့ ရောက်ပြီး ဘဝပျက်ခဲ့ ကြရပါတယ်။ တစ်ချို့လည်း ပြည်ပထွက်ပြီး ဘဝပျက်ခဲ့ ကြရပါတယ်။ AIDS ရောဂါတွေ စွဲကပ်ခဲ့ကြရပါတယ်။ အသက်တွေ ဆုံးရှုံးခဲ့ကြ ရပါတယ်။ သူတို့ကို မှီခိုနေတဲ့ လူမမယ် ကလေးများလည်း ဒုက္ခ ဆင်းရဲတွင်းထဲ ရောက်ခဲ့ကြရပါတယ်။ ဒီလိုဖြစ်တဲ့ အရေအတွက်တွေ ဘယ်လောက်များ သလဲလို့ မေးရင်တော့ မြန်မာ အမျိုးသမီးတွေဟာ အရှက်ကို အသက်ထက် တန်ဖိုးထားတဲ့ အတွက် စာရင်းပြုစုနိုင်ဖို့ တော်တော် ခက်ပါလိမ့်မယ် မစု။

မစု ခင်ဗျား--- လွတ်လပ်ရေးဖခင် ဗိုလ်ချုပ်အောင်ဆန်းဟာ တိုင်းပြည် လွတ်လပ်ရေးရဖို့ ဖက်ဆစ်ကို ခေါ်လာခဲ့ပါတယ်။ ဖက်ဆစ်စနစ် ဆိုးကြောင့် မြန်မာပြည်သူတွေ ထိခိုက်နစ်နာ လာတဲ့အခါ ဗိုလ်ချုပ်ဟာ သူ့အမှားသူသိပြီး ဖက်ဆစ်ကို ပြန်လည် တွန်းလှန်ခဲ့ပါတယ် မစု။ ဗိုလ်ချုပ်က ဖက်ဆစ်စနစ်ကို ဘယ်လို့ အဓိပ္ပါယ် ဖွင့်ဆိုခဲ့တယ် ဆိုတာကို ကျွန်တော်အိမ်မှာ တရိုတသေ သိမ်းထားတဲ့ ဗိုလ်ချုပ်အောင်ဆန်း မိန့်ခွန်းများ စာအုပ်ထဲမှ စာတစ်ပိုဒ်ကို တိကျစွာ ဖော်ပြ လိုက်ပါတယ်။ “ဖက်ဆစ်စနစ်၊ ဖက်ဆစ်ဝါဒ ဆိုလို့ ဗမာပြည်မှာ ယောင်ဝါးဝါးတွေ အများကြီး ဖြစ်နေကြတယ်၊ ဖက်ဆစ်စနစ် ဆိုတာဘာလဲ၊ ကြမ်းသင့်လို့ ကြမ်းတာကို ဖက်ဆစ်စနစ်လို့ ခေါ်တာမဟုတ်ဘူး၊ ကိုယ်နဲ့ စိတ်မသင့်တာ လုပ်သမျှကို ဖက်ဆစ်စနစ်လို့ ခေါ်တာ မဟုတ်ဘူး၊ ငွေပင်ငွေရင်းရှင် (Fanancial Capitatists) ကြီးတွေက လက်ကိုင်ဒုတ် လုပ်ထားတဲ့ တပည့်တွေနဲ့ တိုင်းသူပြည်သား လူအများကို အကြမ်းပတမ်း ဖိနှိပ်ပြီး အင်မတန် ကျဉ်မြောင်း မှားယွင်းတဲ့ လူမျိုးရေး တရား လက်ကိုင်ထားတဲ့ ဝါဒဟာ ဖက်ဆစ်ဝါဒဘဲ" လို့ ဗိုလ်ချုပ် ပြောကြားခဲ့ ပါတယ် မစု။ ဗိုလ်ချုပ်ဟာ ဖက်ဆစ် တိုက်ဖျက်ရေး၊ ပြည်သူ့လွတ် မြောက်ရေး (ဖဆပလ) အဖွဲ့ချုပ်ကြီးကို ဖွဲ့ပြီး မြန်မာပြည်တွင် မက ကမ္ဘာပေါ်တွင်ပါ ဖက်ဆစ်စနစ်ဆိုး ပပျောက်အောင် ကြိုးစားအားထုတ် ဆောင်ရွက်ခဲ့ပါတယ် မစု။

မစု ခင်ဗျား--- ခုအခါမှာ အမေရိကန်နဲ့ အနောက်အုပ်စု စတဲ့ ငွေပင်ငွေရင်း ကြွယ်ဝချမ်းသာတဲ့ နိုင်ငံကြီးတွေဟာ သူတို့ နိုင်ငံက ဒီမိုကရေစီ စနစ်သာ ကြီးကျယ်မြင့်မြတ် မှန်ကန်တယ်လို့ ကြွေးကြော် အကြောင်းပြပြီး သူတို့သြဇာ လွှမ်းမိုးလို့ မရ နိုင်တဲ့ စီးပွားဓန အင်အားနည်းတဲ့ နိုင်ငံငယ်တွေမှာ သူတို့ လက်ကိုင်တုတ်တွေ အာဏာ ရရှိစေဖို့ စီးပွားရေး လက်နက်နဲ့ နိုင်ငံငယ်က ပြည်သူပြည်သား တွေကို အကြမ်းဖက် နှိပ်ကွပ် လာကြပါတယ်။ ဒါကြောင့် အမေရိကန်နဲ့ အနောက် အုပ်စုတွေရဲ့ စန်ရှင်ဝါဒဟာ ဖက်ဆစ် လက်သစ်ဝါဒ ဖြစ်ပါတယ် မစု။ စန်ရှင်ဆိုတဲ့ ဖက်ဆစ် လက်သစ်ဝါဒဆိုးကို မစု မဖြစ်မနေ တွန်းလှန် သင့်ပါတယ်။ ဖက်ဆစ်ကို ခေါ်လာတာ ဗိုလ်ချုပ်ပါ။ ဖက်ဆစ်ကို တွန်းလှန်တာလည်း ဗိုလ်ချုပ်ပါပဲ။ ဗိုလ်ချုပ်ဟာ ဖက်ဆစ်ကို တွန်းလှန်ပြီး လွတ်လပ်ရေးကို ရယူခဲ့ပါတယ်။ လွတ်လပ်ရေး ရပြီးနောက် ဖက်ဆစ်စနစ် ကျင့်သုံးခဲ့တဲ့ ဂျပန်နိုင်ငံထံမှ ကျွန်တော်တို့ နိုင်ငံဟာ နစ်နာကြေးငွေတွေ၊ စီးပွားရေး အကူအညီတွေ ရရှိခဲ့ပါတယ် မစု။

မစု ခင်ဗျား--- စန်ရှင် စနစ်ဆိုးကြီး မြန်မာပြည်ကို ရောက်အောင် ဖိတ်ခေါ် တောင်းဆိုခဲ့တာ မစုပါ။ ဒီစန်ရှင် စနစ်ဆိုးကြီးဟာ မြန်မာပြည်သူ တွေကို ထိခိုက်နစ်နာမှုတွေ ဖြစ်ပေါ် စေခဲ့တာကြောင့် စန်ရှင် စနစ်ဆိုးကို မစုနဲ့ ကျွန်တော်တို့ မြန်မာပြည်သူများ တိုက်ဖျက် ရပါလိမ့်မယ်။ ကျွန်တော်တို့ နိုင်ငံအပေါ် စန်ရှင်စနစ်ဆိုး ကျင့်သုံးခဲ့တဲ့ နိုင်ငံတွေကနေ နစ်နာကြေးတွေ ရရှိအောင်၊ စီးပွားရေး အထူး အခွင့်အရေးတွေ၊ အကူအညီတွေ၊ နည်းပညာတွေ နှစ်ထပ်တိုး ရရှိအောင် ဆောင်ရွက် ကြရပါလိမ့်မယ်။ မစု အနေနဲ့ စန်ရှင် တိုက်ဖျက်ရေး၊ ပြည်သူ ချမ်းသာရေး (စရပခ) အဖွဲ့ချုပ်ကြီး အမြန် ဖွဲ့စည်းပြီး ဒီလုပ်ငန်းစဉ်တွေကို ဆောင်ရွက်သင့်ပါတယ်။ ဗိုလ်ချုပ်ဟာ ဖက်ဆစ်စနစ် ဆိုးကို တိုက်ဖျက်ပြီး လွတ်လပ်ရေးကို ရယူပေးခဲ့သလို မစုအနေနဲ့ စန်ရှင်စနစ်ဆိုးကို တိုက်ဖျက်ပြီး ပြည်သူများ ချမ်းသာ ကောင်းစားရေးကို လုပ်ပေးနိုင်မယ် ဆိုပါလျှင် မစုတို့ ကျွန်တော်တို့ လိုချင် တောင့်တနေတဲ့ ဒီမိုကရေစီစနစ်ဟာ ပြည်ထောင်စု မြန်မာ နိုင်ငံတော်ကြီးမှာ မလွဲမသွေ ပေါ်ပေါက် လာပါမယ်လို့ ရိုသေစွာ အကြံပြု ရေးသား တင်ပြ လိုက်ပါတယ် မစု။

ငါးမင်းဆွေ

Myanmar Express

Read More

ငါးမင်းဆွေ မှ ဒေါ်စုကြည်သို့ (၂)

မင်္ဂလာပါ မစု။ ၂၀၁၀ နိုဝင်ဘာ (၁၃) ရက်နေ့ မှာ မစုလွတ်မြောက် လာတဲ့သတင်းကို ကြားသိရတဲ့အတွက် အတိုင်းမသိဝမ်းမြောက်ဝမ်းသာဖြစ်ရပါတယ်။ ကျွန်တော်က နိုဝင်ဘာ (၁၀) ရက်နေ့ ကတည်းက မွန်ပြည်နယ် ဆားကွင်းကိုရောက်နေတာမို့ မစုကို အပြေးအလွှား ဆီးကြိုချင်ပေမယ့် မဆီးကြိုနိုင်ခဲ့ပါဘူး။ ကိုယ်ဝန်အရင့်အမာကြီးလွယ်ထားတဲ့ သမီးကြီး သဲပိုင်ဦးကတော့ မစုကို အပြေးအလွားဆီးကြိုခဲ့ပါတယ်။ မစုကို ထောင်သောင်းချီတဲ့ မြန်မာပြည်သူလူထု ပရိသတ်ကြီးက ဝမ်းပန်းတသာ ကြိုဆိုကြတဲ့အကြောင်း ကြားသိရလို့ ကျွန်တော် အလွန်ကျေနပ်အားရဖြစ်ရပါတယ် မစု။

မစု ခင်ဗျား..........ကျွန်တော် ငါးမင်းဆွေဟာ "မျှော်လင့်ချက်တို့ မပေးစေလိုပါ" ခေါင်းစဉ်ဖြင့် ၂၀၀၅ ခုနှစ်ကစပြီး ရန်ကုန်တိုင်း(မ်) ဂျာနယ်မှာ စတင်ရေးသားပြီး သတင်းဂျာနယ်လောကသို့ ၀င်ရောက်ခဲ့ပါတယ်။ ဒီနောက်ပိုင်း ညီလေးမင်းကိုနိုင်တို့ အဖွဲ့ကို သက်ဆိုင်ရာက ခေါ်ယူဆွေးနွေးစဉ် ၂၀၀၆ နိုဝင်ဘာမှာ " ၇၅ မင်းဆွေမှ ဒေါ်စုကြည်သို့"၊ " စာရေးဆရာသည် လူမုန်းခံရ အသတ်ခံရတတ်၏"၊ " ကုန်ဈေးနှုန်းကျချင်သလား လျှပ်စစ်မီးမှန်ချင်သလား"၊ "ရာဇ၀င်လူဆိုး"၊ "ဖားမင်းဆွေ စက်ဘီးစီးနေသည် လမ်းဘေးဖုန်းကို သုံးနေသည်"၊ " ဘယ်သွားနေလဲ မင်းကိုနိုင်"၊ "အမြန်ဆုံးရုန်းထွက် လိုက်ပါတော့လား" စတဲ့ ဆောင်းပါးများကို ဆက်တိုက်ဆိုသလို ရေးခဲ့ပါတယ်။ အဲဒီအချိန်က သတင်းစာပါ ဆောင်းပါးတွေထဲမှာ မစုရဲ့ နိုင်ငံရေးလုပ်ဆောင်ချက်တွေနဲ့ ပတ်သက်တာတွေကို ထောက်ပြဝေဖန် အကြံပြုရေးသားခဲ့ပါတယ်။

အထူးသဖြင့် ကမ္ဘာလှည့် ခရီးသည်တွေကို မြန်မာနိုင်ငံကို မလာကြပါနဲ့ဦးဆိုတဲ့ မစုရဲ့ တောင်းဆိုမှုတွေ၊ မြန်မာနိုင်ငံကို စီးပွားပိတ်ဆို့ ဒဏ်ခတ် အရေးယူဖို့ မစုရဲ့ တောင်းဆိုမှုတွေကို ထောက်ပြဝေဖန်ရေးသားခဲ့ပါတယ်။ ဒါတွေကို မစုဖတ်ရမယ်လို့လည်းထင်ပါတယ်။ ကျွန်တော်ဟာ သတင်းသမား ဂျာနယ်လစ် တစ်ယောက် မဟုတ်ပါဘူး။ ပြည်သူတွေထဲက ပြည်သူ့ သတင်းသမား တယောက်ဖြစ်တယ်လို့ ပြောရင်တော့ ပြောနိုင်ပါတယ်။ အဲ့ဒီအချိန်တုန်းက ဘယ်သတင်းသမားဂျာနယ်လစ် စာရေးဆရာတို့နှင့်မျှ သိကျွမ်းခင်မင် မှု မရှိခဲ့ပါဘူး။ သတင်းစာတိုက်က အယ်ဒီတာတွေကအစ ပြန်ကြားရေး ၀န်ကြီးအထိ သိကျွမ်း ခင်မင်စကားပြောဆိုမှု မရှိခဲ့ပါဘူး၊ အဲ့ဒီ့အချိန်တုန်းက ကျွန်တော်ဟာ မြန်မာပြည်သူ တစ်ယောက်အနေနဲ့ မြန်မာပြည်သူ တစ်ယောက်ရဲ့ သဘောထား ဆန္ဒတွေကို မိမိသဘောနှင့် လွတ်လပ်စွာ ထုတ်ဖော်ရေးသားခဲ့ခြင်းသာ ဖြစ်ပါတယ်။ ယခုလည်း ကျွန်တော်ရဲ့ သဘောဆန္ဒ တစ်ခုတည်းနဲ့ ဒီစာကို ရေးခြင်းဖြစ်ပါတယ် မစု။

မစုခင်ဗျား...... ကျွန်တော်ရဲ့ သတင်းဆောင်းပါးတွေထဲက ယခုနောက်ဆုံး ထွက်ခဲ့တဲ့ နိုင်ငံပိုင် သတင်းစာများပါ " မေတ္တာဖြင့် တည်ဆောက်နေသော နိုင်ငံတော်"၊ " ခွင့်လွှတ်ရင်းနဲ့ မျှော်လင့်နေပါသည်"၊ "ချစ်ခြင်းမေတ္တာကို အကြမ်းမဖက်ပါနဲ့"၊ "ချစ်ခြင်းမေတ္တာကို အကြမ်းမဖက်ပါနဲ့(၂)" တို့နှင့် မော်နီတာသတင်းဂျာနယ်ပါ " နိုင်ငံရေးသမားများအလိုရှိသည်"၊ " မေတ္တာလမ်းစဉ် မှ တစ်ပါး အခြားမရှိပါ" ဆောင်းပါး တို့ကို မစု ပြန်လည်ဖတ်ရှုနိုင်ပါရန် ရိုသေစွာ ပေးပို့လိုက်ပါတယ်။ အဲ့ဒီ့ဆောင်းပါးတွေကို သေချာစွာ ဖတ်ပြီး မစုထံမှ ဝေဖန်အကြံပြု စေချင်ပါတယ်။ ကျွန်တော်ရေးထားတဲ့ သတင်းအချက်အလက်တွေဟာ မှားယွင်းနေတယ်ဆိုရင် လူသိရှင်ကြား ဝေဖန်ထောက်ပြပေးစေချင်ပါတယ် မစု။

မစုခင်ဗျား............ မစု မြန်မာ့နိုင်ငံေ၇းထဲမှာပါဝင်ပတ်သက်ခဲ့တာ (၂၂) နှစ်ကျော် ကြာခဲ့ပါပြီ။ မစု ကြွေးကြော်ခဲ့တာက မြန်မာပြည်သူတွေ ဒီမိုကရေစီ ရရှိရေးဖြစ်ပါတယ်။ မစု လုပ်ဆောင်ကြိုးပမ်းခဲ့တာကလည်း မြန်မာပြည်သူတွေ ဒီမိုကရေစီရရှိရေးဖြစ်ပါတယ်။ သို့သော်လည်း မြန်မာပြည်သူတွေရဲ့ လိုအင် ဆန္ဒက ဒီမိုကရေစီထက် မိမိတို့ စားဝတ်နေရေး ဖူလုံချောင်လည်ဖို့၊ လူနေမှု အဆင့်မြင့်မားဖို့၊ ဒေသတွင်းနိုင်ငံများလို မြန်မာနိုင်ငံတော်ကြီး ဖွံ့ဖြိုးတိုးတက်ဖို့ ဖြစ်ပါတယ်။ ဒါတွေကိုကြည့်လျှင် မစုရဲ့ သဘောထားနဲ့ လုပ်ဆောင်ချက်တွေဟာ မြန်မာပြည်သူတွေရဲ့ လိုအင်ဆန္ဒတွေနဲ့ တခြားစီဖြစ်နေတာကို ရှင်းလင်းစွာသိမြင်နိုင်ပါတယ် မစု။

မစုခင်ဗျား.......... ၁၉၉၅ အမျိုးသားညီလာခံ ကြီးကျင်းပနေချိန်မှာ ထိုစဉ်က ကုလသမဂ္ဂ ဆိုင်ရာ အမေရိကန်သံအမတ်ကြီး မယ်ဒလင်းအောဘရိုက် မစုထံ ရောက်လာပါတယ်။ မစုနဲ့ နှစ်ယောက် ချင်းတွေ့ဆုံခဲ့ကြပါတယ်။ ကျင်းပနေဆဲ အမျိုးသားညီလာခဲ့မှာ မြန်မာနိုင်ငံအတွင်း မည်သည့်နိုင်ငံခြား တပ်ဖွဲ့ကိုမျှ တပ်ချခွင့်မပြုဆိုတဲ့ အချက်ကို ထည့်သွင်းဆွေးနွေးနေပါတယ်။ ဤအချက်ကို အမေရိကန်အစိုးရက မလိုလားခဲ့ပါဘူး။ ဤအချက်ဟာ အမေရိကန်ရဲ့ အကျိုးစီးပွားကို ထိခိုက်စေတယ်လို့ အမေရိကန်အစိုးရက ယူဆပါတယ်။ နောက်ပြီး အဲ့ဒီ့အချိန်မှာ မြန်မာနိုင်ငံဟာ အာဆီယံ အဖွဲ့ထဲဝင်ခွင့် ရအောင် ကြိုးပမ်းဆောက်ရွက်နေတဲ့အချိန်လည်းဖြစ်ပါတယ်။ မြန်မာနိုင်ငံ အာဆီယံ အဖွဲ့ထဲပါဝင်လာမှာကို အမေရိကန်အစိုးရက မလိုလားပါဘူး။ မြန်မာနိုင်ငံ အာဆီယံထဲ ပါဝင်လာရင် အမေရိကန်ရဲ့ အကျိုးစီးပွားကို ထိခိုက်စေတယ်လို့ အမေရိကန်အစိုးရက ယူဆပုံ့ရပါတယ်။

အမေရိကန်အစိုးရရဲ့ ကိုယ်စားလှယ်တော်သံ အမတ်ကြီး မက်ဒလင်းအောဘရိုက် က အမျိုးသားညီလာခဲ့ကြီးပျက်ပြားသွားအောင် NLD အနေဖြင့် အမျိုးသားညီလာခံကြီးက ထွက်ခွာဖို့ မစုကို အကြံပြု ခဲ့ပုံရပါတယ်။ မယ်ဒလင်းအောဘရိုက် ပြန်သွားပြီးတာနဲ့ မစုရဲ့ တစ်ချက်လွှတ်အမိန့်နဲ့ NLD ကိုယ်စားလှယ် တွေဟာ အမျိုးသားညီလာခံကြီးကနေ ထွက်ခွာခဲ့ကြပါတယ်။ အချိန်တည်းမှာပဲ မယ်ဒလင်းအောဘရိုက် နဲ့ မစုတို့ တိုင်ပင်စည်းဝါးကိုက်ထားတဲ့ အတိုင်း အမေရိကန်နှင့် အနောက်အုပ်စုတွေက မြန်မာနိုင်ငံကို စီးပွားပိတ်ဆို့ ဒဏ်ခတ်ဖို့ မစုတောင်းဆိုခဲ့ပါတယ်။ ကမ္ဘာလှည့် ခရီးသည်တွေ မြန်မာနိုင်ငံကို မလာရောက်ကြဖို့ မစု ဟန့်တားခဲ့ပါတယ်။ အမေရိကန်နှင့် အနောက်နိုင်ငံတွေကလည်း မစုရဲ့ အလိုတော်ကျအတိုင်း မြန်မာနိုင်ငံကို စီးပွားပိတ်ဆို့ ဒဏ်ခတ်ခဲ့ကြပါတယ်။ ဒီလိုနဲ့ မစုရဲ့ လုပ်ရပ်တွေကြောင့် နိုင်ငံနှင့်လူမျိုးကို ထိခိုက်နစ်နာစေခဲ့ပါတယ်။ အဲ့ဒီ့တုန်းကသာ NLD ကိုယ်စားလှယ်များ အမျိုးသားညီလာခဲ့ကြီးက မထွက်ခွာခဲ့ပါလျှင် ခုလောက်ဆို ကျွန်တော်တို့ နိုင်ငံဟာ ယခုထက်မက အခြေတကဖွံ့ဖြိုးတိုးတက်နေပါပြီ မစု။

မစု ခင်ဗျား...... စီးပွားပိတ်ဆို့ဒဏ်ခတ်ခြင်းဟာ အကြမ်းဖက်လုပ်ရပ်ဖြစ်တယ်လို့ "ချစ်ခြင်းမေတ္တာကို အကြမ်းမဖက်ပါနဲ့" ဆောင်းပါးနှင့် " မေတ္တာလမ်းစဉ်မှ တစ်ပါးအခြားမရှိပါ" ဆောင်းပါးတွေမှာ ကျွန်တော်အတိအတင်းရေးသားခဲ့ပါတယ်။ အီရတ်နိုင်ငံကို အမေရိကန်နှင့် အနောက်အုပ်စုတွေက စီးပွားပိတ်ဆို့ ဒဏ်ခတ်တဲ့အတွက် စားနပ်ရိက္ခာနှင့် ဆေးဝါးများ ပြတ်တောက်သွားပြီး အီရတ်ကလေးငယ် အများအပြား သေဆုံးခဲ့ကြရပါတယ်။ ဒါကြောင့် စီးပွားပိတ်ဆို့ဒဏ်ခတ်ခြင်းဟာ လူသားတွေကို သေစေနိုင်တဲ့အထိဖြစ်ပေါ်စေတဲ့ အကြမ်းဖက်တိုက်ခိုက်ခြင်းဖြစ်တယ်ဆိုတာ ဘယ်လိုမှ ငြင်းလို့ မရနိုင်ပါဘူး။

စီးပွားပိတ်ဆို့ဒဏ်ခတ်ခြင်းဟာ အကြမ်းဖက်တိုက်ခိုက်ခြင်း မဟုတ်ဘူးလို့ မစု ငြင်းမှာလား၊ ခိုင်လုံတဲ့ အကြောင်းပြချက်နဲ့ တကွ လူသိရှင်ကြား မစုငြင်းနိုင်ပါတယ်။ ဒီလိုမှ မငြင်းပယ်နိုင်လျင်တော့ စီးပွားပိတ်ဆို့ ဒဏ်ခတ်ခြင်းဟာ အကြမ်းဖက်တိုက်ခိုက်ခြင်းဖြစ်တယ်လို့ လူသိရှင်ကြား မစု ဝန်ခံရပါလိမ့်မယ်။ ဒီလို စီးပွားပိတ်ဆို့ဒဏ်ခတ်ခြင်းဆိုတဲ့ အကြမ်းဖက်မှုကြီးဖြစ်ပေါ်အောင် အားပေးလှုံ့ဆော် တောင်းဆိုခဲ့တဲ့ မစုရဲ့ မိုက်မှားခဲ့တာတွေကို လူသိရှင်ကြား မြန်မာပြည်သူတွေကို မစု တောင်းပန်ဖို့ လိုပါလိမ့်မယ်။ အမေရိကန်နှင့် အနောက်အုပ်စုတွေရဲ့ မြန်မာနိုင်ငံကို စီးပွားပိတ်ဆို့ ဒဏ်ခတ်ခြင်းဟာ မြန်မာပြည်သူတွေကို အတိုင်းအတာတစ်ခုထိ နစ်နာစေခဲ့ပါတယ်။ သို့သော် အီရတ်နိုင်ငံမှာလို ကလေးငယ် အမြောက်အများ သေကြေတဲ့အထိတော့ ထိခိုက်နစ်နာမှု မရှိခဲ့ပါဘူး။ ဒီလိုဖြစ်ရတာကလည်း အစိုးရ၊ ပြည်သူနဲ့ တပ်မတော်တို့ရဲ့ လက်တွဲညီညီ ကြိုးပမ်းဆောက်ရွက်မှုတွေနဲ့ အိမ်နီးချင်းနိုင်ငံတွေရဲ့ မိတ်ဆွေကောင်းပီသမှုတွေကြောင့်ဖြစ်ပါတယ် မစု။

မစု ခင်ဗျား....... မစုလွတ်မြောက်လာလျှင် စီးပွားပိတ်ဆို့ ဒဏ်ခတ်ခြင်းကို ရုပ်သိမ်းဖို့ မစုတောင်းဆိုလိမ့်မယ်လို့ ကျွန်တော်နှင့်တကွ မြန်မာပြည်သူတွေ မျှော်လင့်ခဲ့ကြပါတယ်။ ဒါကြောင့်လည်း မစုကို မျှော်လင့်တကြီး မြန်မာပြည်သူတွေက ဆီးကြိုခဲ့ကြပါတယ်။ မြန်မာနိုင်ငံကို စီးပွားပိတ်ဆို့ ဒဏ်ခတ်ခဲ့တဲ့ အမေရိကန်နိုင်ငံကိုယ်တိုင်က သူတို့ရဲ့ အမှားတွေကို သိရှိလာပြီဖြစ်ပါတယ်။ ကျွန်တော်တို့ မြန်မာပြည်သူတွေဟာ ခွင့်လွှတ်နိုင်မှုစွမ်းအား အလွန်မြင့်မားတဲ့ လူမျိုးတွေပါ။ မေတ္တာ တရားထက်သန်ကြတဲ့ လူမျိုးတွေပါ။ ဒါကြောင့်လည်း နိုင်ငံနှင့်လူမျိုးကို ထိခိုက်နစ်နာအောင်လုပ်ခဲ့တဲ့ မစု နဲ့ အမေရိကန်နိုင်ငံအပေါ် နားလည် ခွင့်လွှတ်မှု ပေးနိုင်ခဲ့ကြပါတယ်။ မစု လွတ်မြောက်ပြီး နောက်တစ်ရက်ဖြစ်တဲ့ ၂၀၁၀ နိုဝင်ဘာ (၁၄) ရက်နေ့မှာ " မြန်မာပြည်သူတွေက ခိုင်မာတဲ့ အကြောင်းရပ်တွေနဲ့ Sanction (စီးပွားပိတ်ဆို့ ဒဏ်ခတ်မှု) ကို ဖျက်သိမ်းစေချင်ပါတယ်ဆိုရင် Sanction ကိုဖျက်မည်" လို့ မစု ခပ်ပြတ်ပြတ်ပြောဆိုခဲ့ပါတယ်။ ကျားကိုက်ပါတယ်ဆိုမှ နာပါတယ်လို့ ပြောရဦးမလား မစု။ အကြမ်းဖက်ဗုံးခွဲတာကို ထိခိုက်နစ်နာမှုတွေ ရှိပါတယ်လို့ ခိုင်မာတဲ့ အကြောင်းပြချက်တွေ ပေးနေရဦးမှာလား မစု။ မစုရဲ့ ပြောကြားချက်ဟာ အကြမ်းဖက်လုယက်ဓားပြတိုက်မှုကို ပြုသူတွေနဲ့ အားပေးအားမြှောက် လက်ထောက်ချသူတွေကို ဓားပြတိုက် ခံရသူတွေက ခိုင်မာတဲ့အကြောင်းပြချက်တွေနဲ့ ကျွန်တော်တို့ကို ငဲ့ညှာသနားကြပါလို့ တောင်းပန်ခိုင်းသလို ဖြစ်နေပါတယ် မစု။

မစု ခင်ဗျား...... မစုရဲ့ လုပ်ဆောင်ချက်တွေဟာ (၂၂) နှစ်ကျော်လုံးလုံး မြန်မာပြည်သူတွေကို ကောင်းကျိုးမပြုရုံတင်မက ဆိုးကျိုးတွေကို ဖြစ်ပေါ်စေခဲ့ပါတယ်။ (၂၂) နှစ်ဆိုတဲ့ အချိန်ကာလဟာ မျိုးဆက်သက်တမ်း တစ်ခုလို့ ဆိုနိုင်ပါတယ်။ ၁၉၈၉ ခုနှစ် နှစ်ဦးပိုင်းက ကျွန်တော့် ဇာတိမြို့ ကျိုက္ခမီကို မစုလာတုန်းက မစုကို တော်ဝင်သဇင်ပန်းတွေ တစ်ပွေ့တစ်ပိုက်နဲ့ ဆီးကြိုခဲ့တဲ့ အပျိုဘော်ဝင်စ ညီမလေးမိုးသီတာမင်း ဟာ အခုအခါမှာ ကလေး (၃) ယောက် မိခင်ဖြစ်နေပြီး သူ့သမီးတောင် အပျိုဘော်ဝင်နေပါပြီ။ အဲ့ဒီ့တုန်းက ကျွန်တော့်အစ်မငယ် ဒေါ်စောမြင့်ဟာ လသားအရွယ် သမီးလေးကို ရင်ဝယ်ပိုက်ပြီး မစုကို ကြိုဆိုခဲ့ပါတယ်။ အဲ့ဒီ့လိုကြိုဆိုခဲ့တဲ့ လသားအရွယ် တူမလေး စုဝေဖြိုးမြင့်တောင် ကလေးအမေဖြစ်ခဲ့ပါပြီ။ အဲဒီ တုန်းက အသက် (၃၀) သာရှိသေးတဲ့ ကျွန်တော်ဟာလည်း ယခုအခါ အသက် (၅၀) ကျော်ခဲ့ပါပြီ။ ခုချိန်ကြမှ မစု ဘယ်လိုလုပ်ပေးလုပ်ပေး ကျွန်တော်တို့လို (၅၀) ကျော် (၆၀) ကျော် အရွယ် မြန်မာပြည်သူတွေ အတွက်တော့ နောက်ကျခဲ့ပါပြီ။ ဒါပေမယ့် မျိုးဆက်သစ်မြန်မာလူငယ်တွေ အတွက် နောက်မကျသေးပါဘူး။ ကမ္ဘာတည်သရွေ့ ရှင်သန်တည်ရှိနေမယ့် မြန်မာနိုင်ငံတော်ကြီးအတွက်လည်း နောက်မကျသေးပါဘူး။ ဟိုတုန်းက မစု မိုက်မှားခဲ့တာတွေကို သင်္ခန်းစာယူပြီး ဒီနေ့ ဒီအချိန်မှာ နိုင်ငံနှင့် လူမျိုးအကျိုးအတွက် မစုလုပ်ဆောင်ပေးသင့်ပါတယ်။ မစုကို မြှောက်စား အသုံးချသွားသူတွေရဲ့ စကားတွေကို ဟိုတုန်းကလို နားမထောင်ဘဲ နိုင်ငံနှင့်လူမျိုး ချမ်းသာကောင်းစားရေးအတွက် ယခုအချိန်မှာ ရဲရဲဝံ့ဝံ့ ပြတ်ပြတ်သားသား လုပ်ဆာင်ပေးသင့်ပါပြီ မစု။

မစု ခင်ဗျား..........ဟိုတုန်းကလို ဒီမိုကရေစီအရေးကို အကြောင်းပြပြီး ဟိုရုတ်ရုတ် ဒီရုတ်ရုတ်ဖြစ်အောင် ဟိုရှုတ်ရှုတ်ဒီရှုတ်ရှုတ်ဖြစ်အောင် မစု မလုပ်ဆောင်သင့်တော့ပါဘူး။ ဟိုတုန်းက အချိုးကို မပြောင်းလဲဘဲ မစုက ဟိုရုတ်ရုတ်ဒီရုတ်ရုတ်ဖြစ်အောင် လုပ်ဆောင်မယ်ဆိုလျှင် ကျွန်တော်တို့ နိုင်ငံဟာ အိမ်နီးချင်းနိုင်ငံတစ်နိုင်ငံလို နိုင်ငံသားအချင်းအချင်း စိတ်ဝမ်းကွဲပြားပြီး နိုင်ငံနှင့်လူမျိုးကို ထိခိုက် နစ်နာမှုတွေ ဖြစ်ပေါ်လာနိုင်ပါတယ်။ အဲ့ဒီ နိုင်ငံဟာ နိုင်ငံရေးသမားတွေ ဟိုရုတ်ရုတ် ဒီရုတ်ရုတ် လုပ်တာကြောင့် နိုင်ငံသားအချင်းအချင်း စိတ်ဝမ်းကွဲပြားပြီး ဒေါ်လာ ဘီလီယံ နဲ့ချီပြီး ထိခိုက်နစ်နာမှုတွေ ဖြစ်ပေါ်ခဲ့ပါတယ်။ နိုင်ငံသားတွေလည်း အသက်ဆုံးရှူံး မှုတွေ ဖြစ်ခဲ့ရပါတယ်။ အဲ့ဒီ့နိုင်ငံဟာ စီးပွားရေး အင်အားတောင့်တင်းခိုင်မာတာကြောင့် အတော်အသင့်ခံနိုင်ရည်ရှိပေမယ့် စီးပွားရေးအင်းအားတောင့်တင်းခိုင်မာမှု မရှိသေးတဲ့ ကျွန်တော်တို့ နိုင်ငံမှာ ဒီလိုဖြစ်ခဲ့ပါလျှင် နိုင်ငံနှင့်လူမျိုးများအပေါ် များစွာ ထိခိုက်နစ်နာပါလိမ့်မယ်။ ဒီလို အခြေအနေမျိုးကို ဘယ်အစိုးရကမှ လက်ခံနိုင်မှာမဟုတ်ပါဘူး။

နိုင်ငံနဲ့လူမျိုးကိုချစ်တဲ့ ဘယ်နိုင်ငံသားကမှလည်း လက်ခံနိုင်ကြမှာမဟုတ်ပါဘူး။ အစိုးရနဲ့ ပြည်သူတွေဟာ ဒီလို အခြေအနေမျိုးမပေါ်ပေါက်လာစေဖို့ အစွမ်းကုန်ကြိုတင်ကာကွယ်တားဆီး သွားကြမှာ ဖြစ်ပါတယ်။ မစုအနေနဲ့ ဒီလောက် မိုက်တွင်းနက်လိမ့်မယ်လို့တော့ အကောင်းမြင်တတ်တဲ့ ကျွန်တော်တို့ မြန်မာပြည်သူလူထုက မထင်မှတ်ကြပါဘူး။ မစု မိုက်တွင်းနက်ခဲ့ပါလျှင်လည်း ကျွန်တော်တို့ မြန်မာပြည်သူတွေက မစုရဲ့ မိုက်မဲမှုတွေကို လုံးဝလက်ခံနိုင်မှာ မဟုတ်ဘဲ အဲဒီ့မိုက်မဲမှုတွေကို မဖြစ်ခင်ကတည်းက ကြိုတင်ကာကွယ်တားဆီးသွားကြလိမ့်မယ်ဆိုတာကို ကျွန်တော် ရိုးသားပွင့်လင်းပြတ်သားစွာ ပြောလိုက်ပါတယ် မစု။

မစု ခင်ဗျား...... ခုအခါမှာ မစုဟာ( ၆၆) နှစ် အတွင်းသို့ ၀င်ရောက်ခဲ့ပါပြီ။ (၆၆) နှစ်ဆိုတာ ဘဝရဲ့ နေဝင်ဆည်းဆာချိန်ပါ။ ဒီတစ်ခါ မစု ပြန်လည်လွတ်မြောက်လာခြင်းဟာ မြန်မာနိုင်ငံတော်နဲ့ မြန်မာပြည်သူတွေရဲ့ အကျိုးကို မစု သယ်ပိုးဆောင်ရွက်ပေးနိုင်ဖို့ နောက်ဆုံးအခွင့်အလမ်း တစ်ရပ်ဖြစ်ပါတယ်။ ဒီအခွင့်အရေးကို မစုလက်မလွတ်စေသင့်ပါဘူး။ မစုသာ နိုင်ငံနဲ့ လူမျိုး ချမ်းသာကောင်းစားရေးအတွက် လုပ်ဆောင်မယ် ဆိုပါလျှင် မည်သည့်နိုင်ငံရေးပါတီနှင့်မျှ သက်ဆိုင်ခြင်းမရှိတဲ့ ကျွန်တော်ငါးမင်းဆွေဟာ အမျိုးသားနိုင်ငံရေးစိတ်ဓာတ်ဖြင့် မစုနဲ့ လက်တွဲဆောင်ရွက်သွားဖို့ အဆင်သင့်ရှိပါတယ်။ အနည်းဆုံးတော့ မစုရဲ့ ယာဉ်မောင်းတစ်ယောက်အဖြစ် မစုကို ကူညီဆောင်ရွက်ပေးနိုင်ပါတယ် မစု။

မစု ခင်ဗျား... ကျွန်တော်တို့ မြန်မာပြည်သူတွေဟာ မစုရဲ့ ဆည်းဆာ မေတ္တာရောင်ခြည်ကို မျှော်လင့်နေကြဆဲပါ။

ရိုသေစွာဖြင့်
ငါးမင်းဆွေ

Myanmar Express

Read More

ငါးမင်းဆွေကြောင့် ငါးပါးမှောက် ရတဲ့ ဒေါ်စု နှင့် NLD ဒရဝမ်များ

လူထုအားလုံးက ထောက်ခံတယ်၊ ပြည်သူအားလုံးက ကြိုဆိုကြတယ် ဆိုတဲ့ ဒေါ်အောင်ဆန်းစုကြည် တစ်ယောက် ငါးမင်းဆွေနဲ့တွေ့မှ ငါးပါးမှောက်တော့တာပါပဲ။ ငါးမင်းဆွေ ဆိုတာ ၁၉၇၅ ဦးသန့် အရေးအခင်း ကျောင်းသား လှုပ်ရှားမှုမှာ ခေါင်းဆောင်ငယ် တစ်ယောက်ဖြစ်ပြီး အစိုးရ ရဲ့ ဖမ်းဆီး အပြစ် ပေးခြင်းကို ခံခဲ့ရတဲ့သူပါ။ ငါးမင်းဆွေဟာ ဒီနေ့ (နို ၂၅) မနက် ၁၁ နာရီမှာ ဒီချုပ်ရုံးချုပ် ရှေ့ကို သွားပြီး ဒေါ်အောင်ဆန်းစုကြည်ကို နားမျက်စိ မပိတ်ပါနဲ့၊ မော်နီတာ ဂျာနယ်က ငါးမင်းဆွေ၏ မေတ္တာလမ်းစဉ်မှ တပါး အခြားမရှိပါ ဆောင်းပါးအား ဒေါ်အောင်ဆန်းစုကြည်သို့ ပို့ပေးပါ ဆိုတဲ့ စာသား ရိုက်ထားတဲ့ တီရှပ်ဝတ်၊ သူ့ဆောင်းပါး မိတ္တူတွေကို လက်ကကိုင်ပြီး ဒေါ်အောင်ဆန်းစုကြည်နဲ့ တွေ့ခွင့် တောင်းခဲ့ပါတယ်။

ရိုးတယ်၊ အတယ်၊ သဘောကောင်းတယ် ဒါပေမယ့် အမှန်တရားအတွက် အရာရာရင်ဆိုင်ရဲတယ်

ပြန်လွတ်လာ ပြီးထဲက တွေ့ဆုံ ဆွေးနွေးမယ်။ ဒီမိုကရေစီ လိုလားသူ အားလုံးက လုပ်ဖော် ကိုင်ဘက်ပါ။ ပြည်သူတွေရဲ့ အသံကို ကြားချင်ပါတယ် ဆိုပြီး လေလုံးမိုးလုံး ထွားခဲ့တဲ့ ဒေါ်စုနဲ့ သူ့တပည့်တွေက ရုံးရှေ့ ရောက်လာတဲ့ ငါးမင်းဆွေကို ဘယ်လိုလုပ်တယ် ထင်ပါသလဲ။ ဒေါ်စုအနားမှာ သူတို့ကိုယ် သူတို့ အမေရိကန် သမ္မတနားက လုံခြုံရေးတွေလို ထင်တစ်လုံးနဲ့ လက်ကားယား၊ ခြေကားယား၊ ဟိုတွန်း၊ ဒီတွန်း လုပ်နေတဲ့ မောင်တွေက ငါးမင်းဆွေကို ရုံးရှေ့ကနေ ဆွဲထုတ်ဖို့ လုပ်သတဲ့။ ရုန်းရင်းဆန်ခတ် ဖြစ်ပြီး ဘေးကလူတွေ ဝိုင်းလာမှ ဗိုလ်ကြီးဟောင်း ဝင်းထိန် ထွက်လာပြီး အထဲဝင်ခိုင်းပါတယ်။ အထဲရောက်တော့ ဝိုင်းပြီး သက်ကြ ဖြတ်ကြတော့မယ့် ပုံစံတွေနဲ့ ကြည့်ကြပါတယ်။ တစ်ရုံးလုံးက လူတွေအားလုံးခေါ်ခိုင်းပြီး ဝိုင်းထားပါတယ်။

ငါးမင်းဆွေက ဒေါ်အောင်ဆန်းစုကြည် ဖတ်ဖို့ ဆောင်းပါးပေးချင်တဲ့ အကြောင်းနဲ့ အဲ့ဒီဆောင်းပါးမှာ ဒေါ်စုအကြောင်းပါပြီး အဲ့ဒီထဲမှာ မှားနေတာတွေ ရှိရင်လည်း ပြန်ပြီး ပြောနိုင်တဲ့ အကြေင်း ပြေပြေလည်လည် ပြောပြီး ဆောင်းပါးပေးလိုက်ပါတယ်။ အဲ့ဒါကို ဗိုလ်ကြီးဟောင်း ဝင်းထိန်က ဆောင်းပါးမှာ ဒေါ်စုကြည် လို့ ရေးထားလို့ အထက်ကို တင်ပြမှာမဟုတ်ဘူးလို့ ပြောပါတယ်။ တကယ်တော့ အမှန်တရားတွေကြောင့်ပါ။ ဒေါ်စုကြည်မကလို့ ဒေါ်စုလို့ ရေးရင်လည်း အကြောင်းမဟုတ်ပါဘူး။ ခုချိန်မှာ ဒေါ်အောင်ဆန်းစုကြည်က အပြစ်ရှိလို့ အပစ်ပေးခံရပြီး အကျယ်ချုပ်က ထွက်ခါစ သာမန် လူတစ်ယောက်ပါ။ ဒါကို နာမည် တပ်တာ အကြောင်းပြပြီး ငြင်းပါတယ်။ ဆောင်းပါးကိုတော့ ယူထားပါမယ်တဲ့ ဒါပေမယ့် ဆောင်းပါးမှာ ဒေါ်စုကြည်လို့ ရေးထားလို့ ဒေါ်စုကို မပြနိုင်ပါဘူးတဲ့။ ဘာမှတောင် အာဏာမရသေးပဲနဲ့ NLD မှာ ပြည်သူထဲက ပြည်သူတစ်ယောက်ပေးတဲ့စာက အထက်ကို မရောက်ချင်တော့ပါဘူး။ အာဏာများရသွားရင်တော့ ပြည်သူတွေ က ပေးသမျှ စာမှန်သမျှ NLD ရုံး အစောင့်တွေကပဲ အိမ်မှာ စု ထားပြီး ပိဿာချိန် နဲ့ ပြန်ရောင်းစားမယ့်အနေအထား ရှိပါတယ်။ နိုဝင်ဘာ (၁၅) ရက်နေ့တုန်းကလည်း NLD ဒရဝမ် လိုလို ဗီလိန်လိုလိုနဲ့ နိုင်ငံကောင်းအောင် လုပ်ပါမယ် ဆိုတဲ့ လူတွေက သတင်းထောက်တွေကို ဆဲဆိုကြိမ်းမောင်း လိုက်ပါသေးတယ်။ လုပ်ပြန်ပါပြီ။

ဒေါ်အောင်ဆန်းစုကြည် အကြောင်းရေးထားတာကို ဒေါ်အောင်ဆန်းစုကြည် သိမှ ဖြစ်မည့်အကြောင်းနဲ့ မဟုတ်ဘူးဆိုရင် လူသိရှင်ကြား ကန့်ကွက်လျှင်သော်လည်းကောင်း၊ ငါးမင်းဆွေကို ရှုံ့ချလိုလျှင်သော်လည်း ကောင်း လုပ်နိုင်ကြောင်း ပြောပြပါတယ်။ အဲ့ဒီနောက်မှာမှ ဗိုလ်ကြီးဟောင်း ဝင်းထိန်က ယူတော့ ယူထားလိုက်မယ်၊ ဒေါ်စု ဖတ်မဖတ်တော့ မတတ်နိုင်ဘူး ဆိုပြီး ရတိပြတ် ပြောကာ ပြန်လွှတ်လိုက်ပါတယ်။ တခြား ရုံးထဲက အဖွဲ့ဝင်တွေကလည်း မြည်တွန်တောက်တီးလိုက်ကြပါသေးတယ်။ အဲ့ဒီလူတွေ အာဏာရသွားရင်တော့ မြန်မာနိုင်ငံရဲ့ အနာဂတ်ကတော့ ရင်လေးစရာပါပဲ။

မြန်မာတစ်နိုင်ငံလုံးကောင်းစားဖို့ လုပ်မယ့် ရုံးကြီးက မြန်မာပြည်မြေပုံတောင်မရှိဘူး။ ဆန်တောင်းလို့ ကောင်းတဲ့ပုံတွေနဲ့ ဒန်အိုးတွေပဲ တွေ့တယ်။ ရုံးလာကြ၊ ဘာအလုပ်မှမရှိကြ၊ အချိန်တန်တော့ အထောက်အပံ့တွေနဲ့ စားကြသောက်ကြ။ ပျင်းရင် ကြေငြာချက်ထုတ်ကြ။

၇ နှစ်လုံးလုံး ပြည်သူ့စကားတွေ နားထောင်နေပါတယ်၊ ပထမဆုံး မိန့်ခွန်းမှာတောင် ပြည်သူ့အသံတွေ ကြားချင်ပါတယ် ဆိုတဲ့ ဒေါ်အောင်ဆန်းစုကြည်နဲ့ နာမည်မကြိုက်လို့ အထက်ကို မတင်နိုင်ပါဘူးဆိုတဲ့ ဒေါ်အောင်ဆန်းစုကြည် ဦးဆောင်တဲ့ ပါတီ တို့ကိုတော့ ဘယ်လိုနားလည်ရမှန်း မသိတော့ပါဘူး။ ဒေါ်စု ပြောတဲ့ တွေ့ဆုံ ဆွေးနွေးရေး၊ ဒေါ်စု ကြားချင်တဲ့ ပြည်သူ့အသံ ဆိုတာတွေက တကယ်တော့ သူအကြိုက် လိုက်ပြောမယ့် အနားပြာတွေရဲ့ အသံ။ ဒေါ်စု မူဝါဒတွေ၊ ဒေါ်စု အကျင့်စရိုက် တွေကို မသိဘဲ ဗိုလ်ချုပ် သမီးလေးဟဲ့ ဆိုတဲ့ ထင်တလုံးနဲ့ လာကြည့်ပြီး လက်ခုတ်တီးသူ တွေရဲ့ အသံပဲ ဖြစ်နေတယ်ဆိုတာ မထင်ရှား ဘူးလား။ သူနဲ့ ကွဲလွဲတဲ့ သဘောထားကို တင်ပြမယ့်သူ၊ တင်ပြထားတဲ့စာ ဆိုရင် မကြည့်ချင်၊ မမြင်ချင်တဲ့ သဘော၊ မတွေ့ရဲ၊ မကြားရဲတဲ့ သဘော ဖြစ်မနေဘူးလား။ တနည်းအားဖြင့် တကယ့် ပြည်သူ့အသံကို ကြားရမှာ၊ တကယ် ပြည်သူတွေနဲ့ တွေ့ရမှာကို ဒေါ်စု ကြောက်နေတယ် ဆိုတာ ထင်ရှားတယ်။ ဒါဟာ ဒီမိုကရေစီ ခေါင်းဆောင်တစ်ဦးရဲ့ စရိုက် မဟုတ်ဘူး။ ဒီမိုကရေစီ ခေါင်းဆောင်ဆိုတာ ကွဲလွဲတဲ့ အမြင်တွေ ကိုလည်း နားထောင်နိုင်ရမယ်။ ဆွေးနွေး နိုင်ရမယ်။ ဒါတွေ မလုပ်နိုင်ဘဲနဲ့ လျှာဖျားလေးနဲ့ ဒီမိုကရေစီ ပြောနေတာကတော့ ငါ ပြောသလိုလုပ်၊ ငါလုပ်သလို မလုပ်နဲ့ ဆိုတာထက် မပိုဘူး။

NLD ရုံးမှ ပြန်ထွက်လာပြီးနောက် ငါးမင်းဆွေ က မြန်မာနိုင်ငံ ကို စီးပွားရေး ပိတ်ဆို့မှုဖြစ်အောင် ဒေါ်အောင်ဆန်းစုကြည် လုပ်နေကြောင်းနဲ့ အဲ့ဒီစီးပွားရေး ပိတ်ဆို့တယ်ဆိုတာ ပြည်သူတွေကို သက်သက် ဒုက္ခပေးနေခြင်းဖြစ်သလို အကြမ်းဖက် ခြင်းဖြစ်ကြောင်း၊ အဲ့ဒီအကြောင်းတွေကို ဂျာနယ်ထဲမှာ အပြည့်အစုံရေးထားကြောင်း ပြောပြရာ ပြည်သူများက ဂျာနယ်များကို အတင်း တောင်းရမ်း ဖတ်ကြလို့ ပါလာတဲ့ ဂျာနယ် တစ်ထပ်ကြီးက ခဏ နဲ့ ကုန်သွားခဲ့ရပါတယ်။

နိုဝင်ဘာ ၁၅ ရက်နေ့က သတင်းထောက် တစ်ဦး ပို့လိုက်တဲ့ စာအပြည့်အစုံကတော့

ဒီနေ့လေ အန်အယ်ဒီရုံးက လူငယ်တွေက သတင်းထောက်တွေကို ဆဲတယ် သိလား။ ရုံးခန်းထဲကို လုံးဝပေးမ၀င်ဘူး။ အဲဒါ သတင်းထောက်တွေ ပွစိပွစိ ဖြစ်ကုန်ရော။ သူတို့ လက်ထဲတောင် အာဏာ မရောက်သေးဘူး ဒီလို ဖြစ်ကုန်ပြီ ဆိုပြီးတော့။ ကျနော်လည်း တော်တော် ဒေါပွသွားတယ်။

သတင်းထောက်ကို ပါးစပ်နဲ့ ကောင်းကောင်းပြောလို့ ရပါတယ်။ ဆဲစရာ မလိုဘူး။ ပြီးတော့ မောင်းထုတ်တာ တော်တော် ကြမ်းတယ်။ အေပီတို့၊ အေအက်ဖ်ပီတို့ကလည်း တော်တော် မကျေမနပ် ဖြစ်သွားကြတယ်။ အားလုံးက စိတ်ပျက်သွားကြတယ်။ ဘီဘီစီနဲ့ အယ်လဂျာဇီးယားလည်း ပါတယ်။ ပြည်တွင်း သတင်းထောက် တယောက်က ဆိုရင် ကျနော်တို့က အန်တီ့ဆီကို လာပြီး သတင်းယူတာ စာပေစိစစ်ရေးက မလွတ်ဘူးဆိုတာ သိတယ်၊ ဒါပေမယ့် သတင်းသမားတာဝန် ကျေချင်တဲ့အတွက် လာယူတယ်လို့ ပြောတယ်။ ဒါကို မရိုက်ရဘူး ဆိုတော့ ပြည်တွင်း သတင်းထောက်တချို့ စိတ်တိုပြီး ပြန်ကုန်ကြတယ်။

သတင်းထောက်ဆိုတာ အန်တီ့ကို တွေ့ရင် ဓာတ်ပုံရိုက်မှာပဲလို့ပြောတော့ ခင်ဗျားတို့က လွန်လွန်းတယ်။ အန်တီ့ လုံခြုံရေးကို ကျနော်တို့က တာဝန် ယူထားရတာ ခင်ဗျားတို့ သတင်းထောက်တွေက သတင်းရဖို့ပဲ သိတယ်။ အဲဒီလိုတွေ ပြောတယ်။

အန်အယ်လ်ဒီ ရုံးမှာ သတင်းထောက်တွေ သတင်းဓာတ်ပုံတွေ ရိုက်ကြ သတင်းတွေရေးကြလို့ပဲ အားလုံးမြင်ကြရတာ။ မီဒီယာက လူပေါင်း သန်း ၆၀ ကျော် အတွက် ဆိုတာကို နားမလည်ဘူး။ အန်တီ့နားမှာ နေရတယ်ဆိုပြီး မာန်တွေတက်ကုန်တာ။ အံ့သြစရာပဲ။

ကျနော်တော့ ဒီနေ့ တရား တော်တော်ရသွားတယ်။ လုံခြုံရေးသဘောကို ကျနော်တို့ သိပါတယ်။ ဒါပေမယ့် သတင်းထောက်တွေက သူတို့နဲ့ မျက်နှာ ကျက်မိနေတဲ့ သူတွေပါပဲ။ အဲဒါကို ခွေးမောင်းသလို မောင်းထုတ်တာတော့ ကျနော်တို့လည်း မခံနိုင်ဘူး။ ကျနော်တို့ ဆိုတာ သူတို့က သတင်းပြောချင်လို့ပါ ဆိုရင် အချိန်မရွေး၊ နေရာမရွေး ထလုပ်ပေးခဲ့တဲ့ အမာခံလူတွေပါ။ အဲလို သတင်းသမားတွေပါ။

ဒါကို ဇွတ်ပြော၊ ဇွတ်ဟောက်လုပ်တာ။ သတင်းသမားတွေရဲ့ မျက်နှာတွေကို သူတို့ အားလုံးကျက်မိတယ်။ ထောက်လှမ်းရေးတွေရဲ့ မျက်နှာတွေကိုလည်း သူတို့ ကျက်မိတာပဲ။ ကျနော်က မနက် ၉ နာရီကနေ ညနေ ၄ နာရီထိ အဲဒီရုံးမှာရှိပြီး အားလုံးကို အစအဆုံး မြင်တွေ့ခဲ့ရတဲ့ သူပါ။ ဒီနေ့ ရုံးကိုလာတာ မီဒီယာသမားတွေချည်း ပါပဲ။

အန်တီ့လူတွေ လုပ်ပုံနဲ့ အန်တီ့ကိုတော့ ထိခိုက်တော့မှာပဲ။

အန်တီ့ လုံခြုံရေးကို သူတို့ စိုးရိမ်သလို ကျနော် တို့လည်း စိုးရိမ်ကြတာပဲ။ သူတို့ ချစ်ခင်သလို ကျနော်တို့လည်း ချစ်ခင်ကြတာပါပဲ။ ဒီမိုကရေစီလို့ ပြောနေတဲ့ နိုင်ငံရေးသမားတွေ ပါးစပ်က တကယ့် ဒီမိုကရေစီကို မတွေ့ရသလိုပဲ ခံစားလိုက်ရတယ်။ သူတို့ တကယ်ကော ဒီမိုကရေစီကို နားလည်ရဲ့လားလို့လည်း သံသယ၀င်မိပါတယ်။

ဒီစာတွေကိုတော့ အန်တီဖတ်မိ စေချင်ပါသေးတယ်။ ကျနော်လည်း စိတ်ထဲရှိတာတွေ အကုန်ပြောလိုက်ရလို့လား မသိဘူး နည်းနည်းတော့ ပေါ့သွားတယ်။

အခြား ဆက်စပ် သတင်းများ

(၁) ဆွေးနွေးပွဲ ရလဒ်
(၂) ပြောစရာတွေတော့ ဖြစ်ကုန်ပြီ

Myanmar Express

Read More