စစ်ရာဇ၀တ်မှုကျူးလွန်နေသော KIA ခေါင်းဆောင်ကြီးများသို့ အိတ်ဖွင့်ပေးစာ အပိုင်း(၃) ~ Myanmar Express

အပိုင်း(၁)နဲ့ အပိုင်း(၂) ကို ဖတ်ပြီးတဲ့ သူတွေဆီကနေဝေဖန်မှုတွေ၊ အမြင်မတူညီမှုတွေအများကြီး တွေ့ရပါတယ်။ တစ်ချို့ကလည်း ဆိုဒ်ဝါးသတင်းတွေလို့ထင်ပြီး၊တစ်ချို့လက်တွေ့ခံစားခဲ့ရတဲ့ သူတွေအနေနဲ့ ကျတော့လည်းထပ်ရေးဖို့ ကျွန်တော်မသိတဲ့အကြောင်းအရာတော်တော်များများ ကိုပြောပြလာပါတယ်။ တကယ်တော့ဒီသတင်းအချက်အလက်တွေဟာ တကယ့်ဖြစ်ရပ်မှန်တွေဖြစ်ပြီး အမြင်မတူတာတစ်ခုထဲနဲ့ အစိုးရရဲ့ ဆိုဒ်ဝါးသတင်းတွေလို့ထင်တာ တကယ်စိတ်မကောင်းစရာပါပဲ။ ကျွန်တော်ကိုယ်တိုင်က ကချင်လူမျိုးတစ်ယောက်ဖြစ်သလို ကချင်လူမျိုးတွေကြောင့် ကချင်ပြည်နယ်ကြီး တိုးတက်ဖွံ့ဖြိုးတာကို မြင်ချင်ခဲ့သူပါ။ တကယ်တန်းကျတော့ အဲ့လိုမဟုတ်ခဲ့ဘဲ ကချင်ပြည်နယ်ဟာ ကချင်လူမျုိး KIA ခေါင်းဆောင်ကြီးများကြောင့် အထီးကျန်ပြီး၊ အကျည်းတန်တဲ့ နေရာဖြစ်လာနေပါပြီ။KIA ရဲ့လုပ်ရပ်တွေကြောင့် ငြိမ်းချမ်းရေးကိုလိုလားစွာနဲ့ ဆွေးနွေးညှိနှိုင်းနေတဲ့ KIO အဖွဲ့ကြီးကိုတောင် အကြမ်းဖက်အဖွဲ့အစည်း အဖြစ်မြင်လာကြပါပြီ။

အေးချမ်းသာယာလှပတဲ့ မနောမြေလို့တင်စားခေါ်တွင်ခဲ့တဲ့ ကချင်ပြည်နယ်က ပြည်သူတွေအပါအ၀င် ဒေသခံတိုင်းရင်းသားတွေကို ရက်ရက်စက်စက် သက်ဖြတ်ခဲ့မှု၊ လမ်းပန်းဆက်သွယ်မှု ဆိုင်ရာ နေရာတွေမှာ ဗုံးထောင်ဖောက်ခွဲမှု၊ စီးပွားရေးဆိုင်ရာကိစ္စရပ်တွေ လွယ်ကူချောမွေ့စွာဆောင်ရွက်နိုင်ဖို့ တည်ဆောက်ထားတဲ့ တာဝါတိုင်တွေ ဖျက်စီးမှုတွေကတော့ ကချင်ပြည်နယ်သူ ပြည်နယ်သားတွေရဲ့ အကျိုးစီးပွားတွေအတွက် ဘယ်လိုမှမဖြစ်နိုင်ပါဘူး။ ဖြစ်နေတာ အစိုးရတပ်တွေနဲ့ပါ။ တကယ်တန်းခံစား နေရတာကတော့ ပြည်သူတွေပါဘဲ။ အခုလိုလုပ်တာကတော့မသိနား မလည်တဲ့ ပြည်သူတွေနဲ့ ရိုးသားအေးဆေးစွာ နေထိုင်တတ်တဲ့ ကချင်လူမျိုးတွေအပေါ် ကျူးလွန်မိတဲ့ စစ်ရာဇ၀တ်မှုတွေပဲဖြစ်ပါတယ်။ ၁၇နှစ် နှစ်တာကာလပတ်လုံး ငြိမ်းချမ်းခဲ့တဲ့ ကချင်ပြည်နယ်ကြီးက အခုတော့ သေနတ်သံတွေ ၊ မိုင်းကွဲသံတွေ၊ ယမ်းခိုးယမ်းငွေ့တွေနဲ့ ကချင်ပြည်နယ်ရဲ့ အလှတရားကို အကျည်းတန်စေခဲ့ပါပြီ။ ကျွန်တော်တို့လို ဒေသခံကချင်လူမျိုးတွေကို နှိပ်စက် ညှင်းပန်းမှုတွေလုပ်နေတဲ့ KIA ကိုအကြမ်းဖက်အဖွဲ့အစည်းကြီး တစ်ရပ်လို့မြင်လာပါပြီ။ ရိုးသားအေးဆေးစွာ နေထိုင်တတ်တဲ့ ဒေသခံတွေကတောင်ဒီလိုမြင်လာရင် မြန်မာပြည်အနှံအပြားက ညီနောင်သားချင်းတွေနဲ့ ကမ္ဘာနိုင်ငံတွေက မမြင်ဘဲနေပါ့မလားဆိုတာ ကချင်ခေါင်းဆောင်ကြီးများ သတိထားသင့်တဲ့အချိန်ရောက်နေပါပြီ။

အစိုးရတပ်တွေက ချီစစ်ဆင်ပြီး စတင်မတိုက်ခိုက်ဘူးပြောနေပေမယ့် အောက်ခြေမှာ KIA တပ်များက အစိုးရတပ်တွေကို ဆက်လက်ချောင်းမြောင်းတိုက်ခိုက်နေတာလဲ စိတ်မကောင်းစရာပါဘဲ။ ဒီနေ့ကချင်ပြည်နယ် မှာ ဖြစ်ပွားနေတဲ့ စစ်ပွဲပုံသဏ္ဍာန်အရ ခေါင်းဆောင်ကြီးများက ဒေသခံပြည်သူကို ပစ်မှတ်ထားပြီး စစ်ပွဲဆိုတာကို မရပ်နားရအောင်များ ဖန်တီးနေသလားလို့တွေးမိပါတယ်။ ဟုတ်တယ် မဟုတ်ဘူးဆိုတာ ကတော့ KIA ရဲ့ လုပ်ရပ်တွေက သက်သေသာဓကနဲ့ ပြနေမှာပါ။ ကျွန်တော် စုဆောင်းထားတဲ့ အချက်အလက် တွေထဲက အနည်းငယ်ဖော်ပြပေးလိုက်ပါတယ်။

ဇွန်လ ၁၇ ရက်နေ့က (၅၉)မိုင် ကြိုးတံတားကို ဗုံးခွဲလို့ မေခမြစ်ထဲပျက်ကျသွားခဲ့ရပါတယ်။ အဲ့ဒီနေ့မှာပဲ မြစ်ကြီးနား-ဆွမ်ပရာဘွမ်လမ်းပေါ်မှာမိုင်းခွဲခဲ့တာတွေ၊ နောက်ပြီး ဇွန်လ ၁၉ရက်နေ့က မြစ်ကြီးနား-ဗန်းမော်သွားတဲ့ကားလမ်း အောင်ဂျာကျေးရွာနဲ့ မဒီယန်းကျေးရွာနားကတံတားကိုဖျက်စီးခဲ့တာတွေ၊ ဇွန်လ၂၁ရက်က မြစ်ကြီးနားမြို့ ဧရာရပ်ကွက်ကမြို့နယ်လ၀ကရုံးကိုဗုံးခွဲခဲ့တာတွေ၊ ဇွန်လ ၂၄ရက်နေ့မှာ ဖားကန့်မြို့ အေးမြသာယာရပ်ကွက်က ယူနတီကုမ္ပဏီပိုင်ယန္တရားတွေကို မိုင်းခွဲတာတွေ၊ နိုဝင်ဘာလ ၂၁ရက်နေ့က အစိုးရတပ်ရဲ့ ကိုက်ထိပ်စခန်းအနီးက ဆက်သွယ်ရေး မိုက်ခရိုဝေ့ဖ် တာဝါတိုင်ကို ဗုံးခွဲခဲ့တာတွေ၊နိုဝင်ဘာ၂၂ရက်နေ့က ၀ိုင်းမော်-ကန်ပိုက်တီးသွားကားလမ်း ၀ါရှောင်ရွာ နဲ့ ဘွမ်တောင်ကြား အရောက်မှာကေအိုင်အေမှ အဝေးထိန်းခလုတ်သုံးကာ မိုင်းထောင်ဖောက်ခွဲလို့ အပြစ်မဲ့တဲ့အရပ်သား တွေသေကြေ ဒဏ်ရာရရှိခဲ့တာတွေ၊ နိုဝင်ဘာ၂၃ရက်နေ့က ဦးဒရောင်တန်ဂွမ်း နေအိမ်မှာဗုံးကွဲခဲ့လို့ KIA က ဂွမ်ရှောင်နဲ့ ဖော်မြန်လှတို့သေဆုံးခဲ့တာတွေ၊ နိုဝင်ဘာ(၂၉) ရက်နေ့က မြစ်ကြီးနား စီတာပူရပ်ကွက်က နတ်ဂျော့ဗိမ္မာန်ခြံစည်းရိုးရှေ့က မနောကွင်းထောင့်မှာ မိုင်းထောင်ခဲ့တာတွေ၊ ဒီဇင်ဘာလ ၂ ရက်နေ့ကနေစပြီး မိုးမောက်မြို့နယ်၊ တာလီကျေးရွာအုပ်စု၊ နောင်အိမ်ကျေးရွာက ကချင်လူမျိုး မိသားစု ၃၀၊ ယောင်္ကျား ၃၂ ဦး၊ မိန်းမ ၄၈ ဦး ပေါင်း ၈၀ ဦးကို တပ်ရင်း ၂၅ တည်ရှိရာ ညောင်ပင်နေရာ ပတ်ဝန်းကျင်သို့ ပြောင်းရွှေ့ခိုင်းပြီး ဒေသခံကချင်တွေကို လူသားဒိုင်းအဖြစ်အသုံးပြုခဲ့တာတွေ၊ ဒီဇင်ဘာ (၇) ရက်နေ့ကလည်း ဟိုပင်မြို့အနီးက တကွင်းကျေးရွာနဲ့ မြို့သာယာကျေးရွာတံတားကို မိုင်းထောင်ဖျက်စီးခဲ့တာတွေ၊ ဒီဇင်ဘာလ (၁၈) ရက်နေ့က မိုးကောင်းမြို့နယ် ထိုဖူးနဲ့ဆားမှော်ကြားက မိုင်တိုင်အမှတ် ၆၇၈(၁၁/၁၂)ကြားမှာမိုင်း(၃)လုံး၊ မိုင်တိုင် (၁၂/၁၃)ကြားမှာ မိုင်း(၂)လုံးပေါက်ကွဲမှုဖြစ်ပွားခဲ့ပြီး ရထားသံလမ်းတွေပြတ်တောက်ရုံသာမကဘဲ KIA ရဲဘော်တွေဖြစ်တဲ့ တကမဒီလုအောင်နဲ့ သူ့သူငယ်ချင်းတစ်ယောက်သေဆုံးခဲ့ရတာကလည်း အထင်အရှား မြင်တွေ့မိကြမှာပါ။

ဒါကိုမှKIAကလုပ်တာမဟုတ်ဘူးဆိုတဲ့ အကြောင်းပြချက်တွေနဲ့ ဘယ်သူတွေလုပ်တယ်လို့ ပြည်သူကိုအယုံသွင်းပါစေ ခေါင်းဆောင်ကြီးများရဲ့လုပ်ရပ်ကို သိသိကြီးနဲ့ ရင်စီးခံနေရတဲ့ ကျွန်တော်တို့ ဒေသခံတွေက စစ်တပ်ကိုသတင်းပေးတယ်ဆိုတဲ့ အကြောင်းပြချက်နဲ့ ကျွန်တော်တို့အပေါ် ဖိနှိပ်လာပါတယ်။ ကိုယ့်လူမျိုးကိုတောင် သံယောဇဉ်ကင်းမဲ့စွာနဲ့ မထင်ရင်မထင်သလို သတ်ဖြတ်နေတာတွေ မြင်တွေ့နေရတော့ ရင်ထဲမှာနင့်နေအောင် ခံစားရပါတယ်။ အေးချမ်းစွာနေထိုင်၊ လုပ်ကိုင်၊စားသောက်နေတဲ့ ကချင်လူမျိုး အမျိုးသား၊ အမျိုးသမီးတွေကို ဖမ်းဆီး ခေါ်ဆောင်သွားပြီးငွေကြေးနဲ့ ပြန်ရွေးခိုင်းတာကတော့ ကိုယ့်ရပ်တည်မှုအတွက် ကိုယ့်အမျိုးကိုယ် ကိုယ်တိုင်နှိပ်စက်နေတာလားလို့ မေးချင်ပါတယ်။KIAက ထောင်ခိုင်းခဲ့တဲ့ မိုင်းတွေကြောင့် သေခဲ့ရတဲ့ မသိနားမလည်တဲ့ ကိုယ့်မျိုးနွယ်တွေလည်းမနဲဘူးဆိုတာ လိုင်ဇာမှာနေတဲ့သူတွေအသိဆုံးဖြစ်ပါလိမ့်မယ်။

ဒီဇင်ဘာလ(၁၁)ရက်နေ့က KIA ကဖမ်းဆီးခေါ်ဆောင်သွားတဲ့ ကချင်နယ်စပ်ကဈေးတွေမှာ ဈေးရောင်းပြီး ရိုးသားစွာရှာဖွေစားသောက်နေတဲ့ ပဲခူတိုင်း ကျောက်တံခါးမြို့နယ်က ကိုမောင်မြင့် သေကံမရောက် အသက်မပျောက်ပဲ ပြန်ရောက်လာခဲ့ပါတယ်။ ကိုမောင်မြင့်ရဲ့ အစ်ကိုကလဲ သူ့ညီကိစ္စနဲ့ပက်သက်ပြီး မကျေနပ်လို့ သက်ဆိုင်ရာ ဌာနတွေကနေ နိုင်ငံတကာကိုတိုင်မယ်လို့ ပြောဆိုနေလေတော့ KIA အဖွဲ့ကြီးအတွက် များစွာမှပဲ ရင်လေးမိပါတယ်။ သူလွတ်လာပြီးတဲ့နောက် KIA စခန်းမှာခံစားခဲ့ရမှုတွေကိုပြန်ကြားရတဲ့အချိန်မှာတော့ ခေါင်းဆောင်ကြီးတို့ဟာ ကိုယ့်လူမျိုးကို ဖမ်းဆီးတာတင်မကဘဲ တရုတ်လူမျိုးတွေပါ ရန်ရှာနေတာပါလား ဆိုတာသိလိုက်ရပါတယ်။ သူ့ဆီကအထောက်အပံ့ မရလို့ သူ့လူမျုိးကိုဂရုမစိုက် သူ့နိုင်ငံကို မျက်ကွယ်ပြုရင် တော့ KIAရဲ့ အနာဂတ်ဟာ နိုင်ငံတကာအလယ်မှာ စစ်ရာဇ၀တ်ကျူး လွန်သူတွေအဖြစ် ခုံရုံးတင်စစ်ဆေးဖို့အချိန်ရောက်ပြီထင်ပါတယ်။

နိုင်ငံပိုင်သတင်းစာမှာဖော်ပြထားတဲ့ ဇွန်လ ၁၄ရက်နေ့ကနေ နိုဝင်ဘာ၁၄ရက်နေ့ထိ ဖောက်ခွဲ ဖျက်စီးမှုစာရင်းတွေကိုဖော်ပြရမယ်ဆိုရင်တော့ တံတားဖောက်ခွဲဖျက်စီးတာက (၁၀၅)ကြိမ်၊ ကားလမ်း မိုင်းခွဲတာက(၉)ကြိမ်၊ မီးရထားလမ်းမိုင်းခွဲ (၁၈)ကြိမ်၊းယာဉ်ယန္တရားတွေမိုင်းခွဲတာ (၃)ကြိမ်၊အဆောက်အဦ တွေမိုင်းခွဲတာ(၃)ကြိမ်၊ ပစ်ခတ်/ဓားနှင့်ခုတ် (၃၁)ကြိမ်၊ မီးရှို့ဖျက်စီး (၆)ကြိမ်၊ ဖမ်းဆီးလူသစ်စု (၂၉၂) ဦး၊ KIA တိုက်ခိုက်လို့ဒဏ်ရာရတဲ့ အရပ်သား (၇၅)ဦး၊သေဆုံးတာက (၃၃)ဦး၊ အဓ္ဓမဆက်ကြေးကောက်ခံတာက (၆)ကြိမ်ဆိုတော့ နဲမှ မနဲတဲ့ အကြမ်းဖက်လုပ်ရပ်တွေလို့ပဲပြောချင်ပါတယ်။အဲ့ဒီအကြမ်းဖက်လုပ်ရပ်တွေက မုန်းတီးလာတဲ့ အခါ၊ လက်ခံနိုင်စွမ်းမရှိတဲ့အခါ ရောက်တော့မှ စစ်တပ်ကမထိန်းချုပ်နိုင်လို့ ပြည်သူ့အမှုထမ်းတွေလုပ်တာပါလို့ ပြောနေတာလည်း အံ့သြစရာပါပဲ။

ဘယ်လိုပဲကြည့်ကြည့် KIA ရဲ့ လုပ်ရပ်တွေက အစိုးရအပေါ် အနည်းငယ်သာ သက်ရောက်ပြီး ကချင်လူမျိုးတွေအတွက်ကတော့ များစွာဒုက္ခရောက်နေရပါတယ်။သက်ရောက်မှုအရှိဆုံးကတော့ KIA ရဲ့လုပ်ရက်တွေဟာ KIO ခေါင်းဆောင်ကြီးများကို စစ်ရာဇ၀တ်မှုကျူးလွန်သူတွေအဖြစ် တွန်းပို့နေတယ် ဆိုတာပဲ။ KIA ရဲ့လုပ်ရက်တွေကြောင့် KIO အဖွဲ့အစည်းကြီးကို နိုင်ငံတကာက အကြမ်းဖက်အဖွဲ့အစည်း ကြီးအဖြစ်မြင်လာနိုင်ပါတယ်။

နိုင်ငံတကာအသိုင်းအ၀ိုင်းကကြည့်ရင်ပဲဖြစ်ဖြစ် ၊ ဂျနီဗာ ကွန်ဗန်းရှင်းအရပဲဖြစ်ဖြစ် အပြစ်မဲ့တဲ့ ပြည်သူတွေကို နှိပ်စက်ညှင်းပန်းတာဟာ စစ်ရာဇ၀တ်မှု တွေကျူးလွန်တာပဲဆိုတာ ခေါင်းဆောင်ကြီးများက ကျွန်တော့် ထက်ပိုမိုနက်ရှိုင်းစွာ ခံစားသိမြင်မယ် လို့ထင်မိပါတယ်။ KIA ရဲ့ လုပ်ရပ်တွေအပေါ် နိုင်ငံတကာက ခုံရုံးတင် စစ်ဆေးမယ်ဆိုရင် KIA ခေါင်းဆောင်ကြီးများ ဘယ်လိုအကြောင်းပြဖြေရှင်းမလဲဆိုတာ ကြိုတင်ပြင်ဆင်ထားပါလို့ ကချင်မျိုးနွယ်စုကိုယ်စား သတိပေးလိုက်ပါတယ်။