ကန်လက်ထောက်နိုင်ငံခြားရေးဝန်ကြီးဟောင်း ဒေါက်တာကပ်အမ်ကမ်ဘဲလ် ဦးဆောင်သည့် ကုမ္ပဏီ ရန်ကုန်အပြည်ပြည်ဆိုင်ရာ လေဆိပ်မြှင့်တင်ရေးကို လုပ်ကိုင်မည်

From : .YMG

အမေရိကန်လက် ထောက်နိုင်ငံခြားရေးဝန်ကြီးဟောင်း ဒေါက်တာကပ်အမ်ကမ်ဘဲလ် (Dr. Kurt M. Campbell) ဦးဆောင်သည့် The Asia Group ကုမ္ပဏီကြီးက မြန်မာနိုင်ငံရှိ ရန်ကုန် နိုင်ငံတကာ လေဆိပ် အဆင့်မြှင့်တင်ရေး လုပ်ငန်းခွင် ဝင်ရောက်လုပ်ကိုင်ရန် စီစဉ် နေပြီဖြစ်ကြောင်း သိရသည်။

The Asia Group က ရန်ကုန် မီဒီယာသို့ပေးပို့သော သတင်းထုတ်ပြန်ချက် တွင် ၎င်းတို့အုပ်စုသည် ACO ရင်းနှီးမြှုပ် နှံမှု အုပ်စု (ACO-Investment Group) နှင့် ပူးပေါင်းကာ ရန်ကုန်အပြည်ပြည်ဆိုင်ရာ လေဆိပ် အဆင့်မြှင့်မွမ်းမံ တည်ဆောက်ရေး လုပ်ငန်းတွင် ပါဝင်လုပ်ကိုင်မည်ဟု ဖော်ပြ သည်။

''ကျွန်တော်တို့အနေနဲ့ ပြီးခဲ့တဲ့ နှစ်များအတွင်း မြန်မာနိုင်ငံက ဆောင်ရွက် နိုင်ခဲ့တဲ့ တိုးတက်ဖြစ်ထွန်းမှုတွေကို ကူညီဖို့ ဒါဟာ တကယ့်အခွင့်အလမ်းတစ်ခု ဖြစ် ပါတယ်။ ကျွန်တော်တို့ဟာ စီးပွားရေး ရင်း နှီးမြှုပ်နှံမှုတွေ တိုးမြှင့်ခြင်း၊ မြန်မာကို အာ ဆီယံနဲ့ ကမ္ဘာကို ချိတ်ဆက်ပေးခြင်းတို့ဖြင့် ကူညီသွားမှာပါ''ဟု ကပ်ကမ်ဘဲလ်က ပြော သည်။
The Asia Group ၏ ဥက္ကဋ္ဌ နှင့် စီအီးအိုဖြစ်သူ ကပ်ကမ်ဘဲလ်က ''ကျွန် တော်တို့ဟာ ACO Consortium နဲ့ ပူး ပေါင်းပြီး ရန်ကုန်အပြည်ပြည်ဆိုင် ရာ လေဆိပ်ကို ပြုပြင်မွမ်းမံဖို့ လုပ်ငန်း ဝင်ရောက် ယှဉ်ပြိုင်မှာဖြစ်ပါတယ်။ ကျွန်တော်တို့အုပ်စုရဲ့ အခြားအဖွဲ့ ဝင်တွေဟာ လေကြောင်း နဲ့ အခြေခံ အဆောက်အအုံ လုပ်ငန်းတွေမှာ အတွေ့အကြုံအများကြီး ရှိထားပြီးသူတွေပါ။ ရန်ကုန် အပြည်ပြည် ဆိုင်ရာ လေဆိပ် ကို အရေးပါတဲ့ သယ်ယူပို့ဆောင်ရေး ဗဟို အချက်အချာဖြစ်အောင်ကျွန်တော်တို့ ကောင်းကောင်း ဆောင်ရွက်ပေးနိုင်ပါတယ်'' ဟု ဆက်လက်ပြောကြားသည်။

The Asia Group သည် အလျင်အမြန် ဖွံ့ဖြိုးတိုးတက်နေသော အာရှ - ပစိဖိတ်ဒေသ အတွင်း မဟာဗျူဟာ အကြံ ပေးနှင့် ရင်းနှီးမြှုပ်နှံမှုများ ဆောင်ရွက်မည့် ကုမ္ပဏီကြီးဖြစ်ကြောင်း သတင်းထုတ်ပြန် ချက်တွင် ဖော်ပြ ထား သည်။

The Asia Group အုပ်စုတွင် အမေရိကန်အခြေစိုက် ဘိုအင်းပရော်ဖက်ရှင်နယ်ဆားဗစ် Burns & Mc Donnell Engineering, Fentress Architects, The MITRE ကော်ပိုရေးရှင်းနှင့် Unison Consulting တို့ပါဝင် ကြောင်း သိရသည်။ ဒေါက်တာကပ်ကမ်ဘဲလ်သည် အဆိုပါ စီမံကိန်းအတွက် ရင်းနှီးမြှုပ်နှံမှုများ ပြုလုပ်နိုင်ရန် မြန်မာနိုင်ငံသို့ လာမည့်ဧပြီ လဆန်းပိုင်းတွင် လာရောက် မည်ဖြစ်သည်။
ဒေါက်တာ ကပ်ကမ်ဘဲလ်သည် အမေရိကန်နှင့် မြန်မာနိုင်ငံတို့အကြား ပုံ မှန်ဆက်ဆံရေးများ ပြန်လည်ဖြစ် ထွန်းစေ ရန် စေ့စပ်ညှိနှိုင်းခဲ့မှုများထဲတွင် အဓိက အခန်းကဏ္ဍမှ ပါဝင်ခဲ့သူဖြစ်သည်။

ဒေါက်တာကပ်ကမ်ဘဲလ်သည် မြန်မာနိုင်ငံကို သုံးကြိမ်တိုင်တိုင် ရောက်ရှိ ခဲ့ပြီး ပထမဦးဆုံးခရီးစဉ်ကို ၁၉၉၅ ခုနှစ်က စတင်ရောက်ရှိခဲ့ပြီး ၂၀၀၉ ခုနှစ် နိုဝင်ဘာ လနှင့် ၂၀၁၀ မေလ ၁၀ ရက်တို့တွင် ထပ်မံ ရောက်ရှိခဲ့ကြောင်း သိရ သည်။

ဒေါက်တာကပ်ကမ်ဘဲလ်သည် ၂၀၀၇ ခုနှစ်ဇန်နဝါရီတွင် အမေရိကန် လုံ ခြုံရေးဆိုင်ရာဌာန (CNAS) အလုပ်အမှု ဆောင်အကြီးအကဲအဖြစ် ခန့်အပ်ခြင်းခံ ရသူဖြစ်သည်။ လက်ရှိအချိန်တွင် Aspen မဟာ ဗျူဟာအုပ်စု၏ ဒါရိုက်တာတစ်ဦး အဖြစ် တာဝန်ထမ်းဆောင်နေသူဖြစ်သကဲ့ သို့ Washington Quarterly ၏ အယ်ဒီ တာဘုတ်အဖွဲ့မှ ဥက္ကဋ္ဌလည်း ဖြစ်သည်။ ထို့ပြင် အာရှဆိုင်ရာ မဟာဗျူဟာမြောက် အကြံပေး ကုမ္ပဏီ StratAsia ၏ တည်ထောင် သူနှင့် အကြီးအကဲလည်းဖြစ်သည်။
CNAS ၏ ပူးတွဲတည်ထောင် သူဖြစ်သည့် မစ္စတာကပ်ကမ်ဘဲလ်သည် နိုင်ငံတကာလုံခြုံရေး အစီအစဉ်၏ ညွှန်မှူး အဖြစ် တာဝန်ထမ်းဆောင်နေသူ ဖြစ်သည်။

ဒေါက်တာကပ်ကမ်ဘဲလ်သည် ယခင်က အာရှနှင့်ပစိဖိတ်ဆိုင်ရာ ကာကွယ်ရေးဝန် ကြီးဌာန၏ လက်ထောက်ဝန်ကြီးအဖြစ် လည်း ကောင်း၊ အမျိုးသားလုံခြုံရေးကောင် စီအမှုထမ်းဆိုင်ရာ ဒါရိုက်တာအဖြစ် လည်း ကောင်း၊ NAFTA ဆိုင်ရာ သမ္မတ အထူး လက်ထောက်အကြံပေး ပုဂ္ဂိုလ်အဖြစ်လည်းကောင်း၊ ဘဏ္ဍာရေးဌာန အိမ်ဖြူ တော် အုပ် ချုပ်ရေး အဖွဲ့ဝင်အဖြစ်လည်းကောင်း တာ ဝန်ထမ်းဆောင်ခဲ့သူဖြစ်သည်။
 
 www.MyanmarExpress.net
 

Posted in: သတင်း