လက်ပံတောင်းတောင် စီမံကိန်းပြန်စ နိုင်ရန် အတွက် ဒေါ်အောင်ဆန်းစုကြည် ကိုယ်တိုင် သွားရောက်မည်

လက်ပံတောင်းတောင် ကြေးနီစီမံကိန်း ဆက်လက်လုပ်ဆောင်သင့်ကြောင်း ဒေါ်အောင်ဆန်းစုကြည် ဥက္ကဌ တာဝန်ယူထားသည့် စုံစမ်းရေးကော်မရှင်မှ အပြီးသပ်တင်ပြချက်အား သမ္မတထံသို့ တင်သွင်းပြီး နှစ်ရပ်အကြာ မတ်လ ၁၃ ရက်နေ့တွင် မုံရွာမြို့သို့ ဒေါ်အောင်ဆန်းစုကြည် ကိုယ်တိုင် သွားရောက်ကာ ကျေးရွာများကို သွားရောက်စစ်ဆေး မည် ဖြစ်ကြောင်း မတ်လ ၁၂ ရက်နေ့ ပြည်ထောင်စုလွှတ်တော် အစည်းအဝေး မစတင်မီတွင် သတင်းထောက်များ၏ မေးမြန်းချက် ကို ပြန်လည်ဖြေကြား ခဲ့ကြောင်း သတင်းရရှိသည်။

လက်ပံတောင်းတောင် စီမံကိန်းသည် အခြားနိုင်ငံများရှိ စီမံကိန်းများကဲ့သို့ သဘာဝ ပတ်ဝန်းကျင်ကို အထိုက်အလျှောက် ထိခိုက်မှုများ ရှိနိုင်သော်လည်း လူ ကို ထိခိုက်မှု လုံးဝ မရှိကြောင်း သိရသည်။ လက်ပံတောင်းတောင်ဒေသသို့ ပထမအကြိမ် ဒေါ်အောင်ဆန်းစုကြည် ရောက်ရှိစဉ်ကလည်း ဖြစ်ရပ်များနှင့်ပတ်သက်၍ စုံစမ်းစစ်ဆေးမည်ဖြစ်ကြောင်း၊ သို့သော် ရလဒ်မှ ပြည်သူ့အကြိုက် ဖြစ်ချင်မှ ဖြစ်မည် ဖြစ်ကြောင်း ဒေသခံများကို ပြောကြားခဲ့သည်။

  www.MyanmarExpress.net
 

Posted in: သတင်း