ဒေါ်လာဈေးမြင့်တက်

From : 7day

ပြင်ပဈေးကွက်တွင် အမေရိကန်ဒေါ်လာနှင့် မြန်မာကျပ်ငွေလဲလှယ်သည့်နှုန်းထားမှာ မတ်လ ၁၂ ရက်၌ တစ်ဒေါ်လာလျှင် ၈၈၀ ကျပ်အထိ အရောင်းအ၀ယ်ဖြစ်သွားခဲ့ကြောင်း သတင်းရရှိသည်။

"ရွှေသမားတွေလာကစားတယ်လို့ ထင်တယ်။ အ၀ယ်လိုက်လာပြီး ဈေးတက်လာတာ တစ်ပတ်အတွင်းကို တစ်ဒေါ်လာ ၁၅ ကျပ်လောက်တက်သွားတယ်" ဟု ကျောက်တံတားမြို့နယ်အခြေစိုက် ငွေဝယ်ရောင်းလုပ်သူတစ်ဦးက ပြောသည်။

မတ်လ ၁၂ ရက်တွင် အစိုးရက တရားဝင်ဖွင့်လှစ်ထားသော ငွေလဲကောင်တာများ၌ အမေရိကန်တစ်ဒေါ်လာလျှင် ၈၇၃ ကျပ် (ရောင်းဈေး) အထိ ဈေးဖွင့်ခဲ့သည်။

သို့သော် ညနေပိုင်းတွင်မူ ပြင်ပဈေးကွက်၌ အနည်းငယ် အရောင်းအ၀ယ်ပြန်အေးသွားပြီး တစ်ဒေါ်လာလျှင် ၈၇၇ ကျပ်သာ ရှိတော့ကြောင်း ၀ယ်ရောင်းများထံမှ သတင်းရရှိသည်။

မကြာသေးခင်ရက်ပိုင်းက ပြည်သူ့လွှတ်တော် ဥက္ကဋ္ဌ သူရဦးရွှေမန်းက အမေရိကန်တစ်ဒေါ်လာလျှင် ၁,၀၀၀ ကျပ်ဈေး ဖြစ်သင့်သည်ဟု ပြောဆိုခဲ့သဖြင့် ဈေးတက်လာခြင်းဖြစ်နိုင်ကြောင်း စီးပွားရေးလုပ်ငန်းရှင်ကြီးအချို့က သုံးသပ်သည်။
 
 www.MyanmarExpress.net
 

Posted in: သတင်း