သုံးရက်ကြာဖြစ်ပွားခဲ့သော မိတ္ထီလာပဋိပက္ခတွင် မီးလောင်ပျက်ဆီးမှု အများအပြားရှိခဲ့ပြီး တရားဝင်ထုတ်ပြန်ချက်များအရ ဒဏ်ရာရသူ ၃၉ ဦးနှင့် သေဆုံးသူ ၃၂ ဦးရှိခဲ့

From : ..eleven




မိတ္ထီလာမြို့တွင်ဖြစ်ပွားသော ပဋိပက္ခကြောင့် မီးလောင်ပျက်ဆီးဆုံးရှုံးမှု မြင်ကွင်းတစ်ခုအား မတ်လ ၂၃ ရက်နေ့က တွေ့ရစဉ်
မတ်လ ၂၀ ရက်နေ့က မိတ္ထီလာဈေးကြီးရှိ ရွှေဆိုင်တစ်ဆိုင်တွင် အရောင်းအ၀ယ်ပြုလုပ်ရာမှ စတင်ဖြစ်ပွားခဲ့သော သုံးရက်ကြာ ပဋိပက္ခတွင် အဆောက်အဦအများအပြား မီးလောင်ပျက်စီးခဲ့ပြီး အစိုးရ၏ မတ်လ ၂၂ ရက်ညပိုင်း သတင်းထုတ်ပြန်ချက်များအရ သေဆုံးသူ ၁၁ ဦးနှင့် ဒဏ်ရာရှိသူ (၃၉) ဦးရှိကြောင်း သိရပြီး မတ်လ ၂၃ ရက်နေ့တွင် နယ်မြေရှင်းလင်းမှု ပြုလုပ်ရာမှ သေဆုံးသူများ ထပ်မံတွေ့ရှိခဲ့ရပြီး သေဆုံးသူစုစုပေါင်း ၃၂ ဦးရှိခဲ့ကြောင်း ထုတ်ပြန်ချက်များအရ သိရှိရသည်။
မိတ္တီလာမြို့နယ်တွင် ဖြစ်ပွားခဲ့သော ဆူပူအကြမ်းဖက်မှုများကြောင့် မတ်လ ၂၂ ရက်နေ့ ညနေပိုင်းအထိ ပျက်စီးမှုအနေဖြင့် နေအိမ် ၁၅၁ လုံး၊ မော်တော်ယာဉ် ၁ စီး၊  ပညာရေးမှူးရုံး ၁ ရုံး၊ ဆိုင်ကယ် ၁ စီး၊ သုံးဘီးဆိုင်ကယ် ၂ စီး၊ ဘာသာရေးအဆောက်အအုံ ၁၃ လုံး ပျက်စီးခဲ့ကြောင်း သတင်းထုတ်ပြန်ခဲ့သည်။

မတ်လ ၂၀ ရက်နေ့ ညနေခင်းက မိတ္ထီလာမြို့တွင်း မြင်ကွင်းတစ်ခု (ဓာတ်ပုံ-၀ဏ္ဏစိုး)
ယခုဖြစ်စဉ်မှာ သာမန်အရောင်းအ၀ယ်တစ်ခုမှ စတင်ခဲ့ခြင်းဖြစ်သော်လည်း နောက်ကွယ်တွင် လူမျိုးရေး ဘာသာရေး သွေးထိုးလှုံ့ဆော်မှုများ ရှိနေခြင်းကြောင့် ယခုကဲသို့ ကြီးမားကျယ်ပြန့်သွားရခြင်းဖြစ်ကြောင်း၊ လုံခြုံရေးအား တာဝန်ယူထားသူများမှလည်း တိကျစွာ ကိုင်တွယ်မှုအားနည်းခြင်းကြောင့် ဆုံးရှုံးမှုနှင့် အသေအပျောက် များခဲ့ရခြင်းဖြစ်သည်ဟု မြို့ခံပြည်သူလူထုနှင့် လေ့လာသူများက သုံးသပ်ကြပါသည်။
"ရွှေဆိုင်ပိုင်ရှင်ပေးတဲ့ဈေးကို လက်မခံဘဲ အလျော်တောင်းရာကစ စကားများပြီး ဆိုင်ဝန်ထမ်းတွေက ၀ိုင်းရိုက်တယ်လို့ သိရပါတယ်။ အရိုက်ခံရသူတွေက ပတ်ဝန်းကျင်ကို အော်ဟစ်အကူအညီတောင်းရာကစပြီး လူစုလူဝေးဖြစ်လာတယ်။ အရိုက်ခံရသူတွေက ရဲစခန်းမှာ အမှုဖွင့်ခဲ့တဲ့အတွက် ဒီဖြစ်စဉ်မှာ ပါဝင်တဲ့သူတွေကို စစ်ဆေးဖို့ တာဝန်ကျရဲတပ်သားတစ်ဦးက ရွှေဆိုင်ကို ပြန်လာပါတယ်။ အဲဒီအချိန်မှာ နယူးဝိန့်စိန် ရွှေဆိုင်ပိုင်ရှင်ဖြစ်သူကလည်း ဆိုင်ကိုထမင်းလာပို့တဲ့ အချိန်နဲ့ တိုက်ဆိုင်နေပါတယ်။ ရဲက အမှုဖွင့်ထားတဲ့ အထဲမှာ လိုနေတဲ့သူတွေကို ထုတ်ပေးဖို့ပြောတဲ့အခါမှာ ဆိုင်ရှင်ကလည်း ထုတ်ပေးမယ်ပြောပါတယ်။ ဒါပေမယ့် ဆိုင်နားလည်းရောက်ရော ဆိုင်ရှင်ဖြစ်သူက အနီးမှာရှိတဲ့ တော်ဝင်ရွှေဆိုင်ထဲကို ၀င်ပြေးသွားတယ်။ တော်ဝင်ရွှေဆိုင်ပိုင်ရှင် အမျိုးသမီးက ဆိုင်တံခါးတွေကို ချက်ချင်းပိတ်ပစ်လိုက်တယ်။ အဲဒီမှာပဲ လူအုပ်ကြီးက အထဲကိုဝင်ပြေးသွားတယ် ထုတ်ပေးထုတ်ပေးဆိုပြီး ၀ိုင်းအော်တယ်။ ခဏနေတော့ တံခါးဖွင့်ပေးတယ်။ ရွှေထည်ပစ္စည်းတွေရှိလို့ ချက်ချင်းဖွင့်မပေးနိုင်တာပါ၊ ၀င်ရှာလို့ရပါတယ်ဆိုတဲ့ အချိန်မှာ စောစောကလူ မရှိတော့ဘူး။ ဆိုင်နောက်ဖေးပေါက်ကနေ ထွက်ပြေးသွားပြီ။ လူအုပ်ကမကျေနပ်ဘဲ ထုတ်ပေးဖို့ကိုသာ ၀ိုင်းအော်နေကြတယ်။ အဲဒီအချိန်မှာပဲ အရိုက်ခံရတဲ့ ယောက်ျားသေသွားပြီ မိန်းမသေသွားပြီဆိုတဲ့ သတင်းတွေ မျိုးစုံထွက်လာတယ်။ အဲဒီသတင်းတွေလည်း ထွက်လာရော လူစုလူဝေးကြီးက ပြဿနာဖြစ်တဲ့ ရွှေဆိုင်ကို ၀င်ဖျက်ကြတယ်။ လူအယောက် (၂၀၀) ကျော်ကို ရဲအင်အား (၇၀) လောက်နဲ့ထိန်းတာ ဘယ်လိုမှမနိုင်ဘူး" ဟု Eleven Media Group ၏ နေပြည်တော်ခရိုင်အတွင်းမှ သတင်းထောက်၏ သတင်းပေးပို့မှုအရ သိရှိရသည်။

မီးရှို့ဖျက်ဆီးမှုများကြောင့် မီးလောင်ကျွမ်းနေသည်ကို မတ်လ ၂၂ ရက်နေ့ မွန်းလွဲပိုင်းက တွေ့ရစဉ် (ဓာတ်ပုံ-ကျော်ဇင်ဝင်း)
မွန်းလွဲ ၂ နာရီ ၁၅ မိနစ်အချိန်တွင် နယူးဝိန့်စိန် ရွှေဆိုင်ပတ်ဝန်းကျင်ရှိ ဆိုင်ခန်းခြောက်ခန်းအား ခဲဖြင့်ထု၊ ဆိုင်အတွင်းဝင်၍ ပစ္စည်းဖျက်ဆီးခဲ့ပြီး ရဲတပ်ဖွဲ့မှ တားဆီးမှုကြောင့် ခေတ္တရပ်တန့်ခဲ့သော်လည်း ညနေ ၃ နာရီဝန်းကျင်တွင် ၎င်းလူအုပ်စုမှ အဆိုပါတိုက်သုံးလုံးအား ဆက်လက်ဖျက်ဆီးခဲ့ကြောင်း ထိုမှတစ်ဆင့် မြို့ပေါ်ရပ်ကွက်များအတွင်းရှိ ဘာသာရေးအဆောက်အဦများ၊ လူနေအိမ်များ၊ အစိုးရအဆောက်အဦများကို မီးရှို့ခြင်းဖျက်ဆီးခြင်းများ ဖြစ်ပေါ်ခဲ့ခြင်းဖြစ်သည်။ မီးရှို့မှုများ ဆက်လက်ဖြစ်ပေါ်ခဲ့ပြီး အကြမ်းဖက်လုယက်မှုများပါ ဖြစ်ပေါ်ခဲ့သဖြင့် မတ်လ ၂၀ ရက် ညဦးပိုင်းတွင် ပုဒ်မ ၁၄၄ ထုတ်ပြန်ခဲ့ရသည်။
မြို့ခံများ၏ ပြောဆိုမှုများအရ ယခုဆူပူအကြမ်းဖက်မှုများတွင် ပါဝင်ပတ်သက်ခဲ့သူ အများစုသည် ၎င်းတို့သိရှိခြင်းမရှိသော သူစိမ်းများသာဖြစ်ကြောင်းနှင့် ဆူပူမှု စတင်ဖြစ်ပေါ်ချိန်တွင် လုံခြုံရေးတပ်ဖွဲ့ဝင်များ၏ ကိုင်တွယ်ဖြေရှင်းမှုအပေါ် မေးခွန်းထုတ်ခဲ့ကြသည်။ ထို့အပြင် ဆင်းရဲမွဲတေမှုနှင့် အလုပ်လက်မဲ့ ပေါများခြင်းကြောင့် မြို့အနီးပါတ်ဝန်းကျင် ကျေးရွာများမှ တက်လာပြီး လူယူသူများလည်းရှိကြောင်း ပြောကြားကြပါသည်။

မိတ္ထီလာမြို့၊ ၀န်ဇင်းရပ်ကွက် မိတ္ထီလာ-မြင်းခြံလမ်းပိုင်းရှိ ဆည်ခုံကြီးကန်ဘောင် (ဒေသအခေါ် ဆည်ခုံကြီးတံတား)လမ်းဘေးတွင် တွေ့ရသော မီးလောင်ကျွမ်းခံထားရသော သေဆုံးသူအချို့အား မတ်လ ၂၂ ရက် နံနက် ၁၁ နာရီဝန်းကျင်ခန့်က တွေ့ရစဉ် (ဓာတ်ပုံ-ဌေးလှအောင်)
မတ်လ ၂၁ ရက် နံနက်ပိုင်းတွင် မန္တလေးတိုင်းဒေသကြီး ၀န်ကြီးချုပ်ဦးရဲမြင့်နှင့် ၈၈ မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ကိုမင်းကိုနိုင်တို့ တွေ့ဆုံပြီး လက်ရှိဖြစ်ပွားနေသော ပဋိပက္ခတည်ငြိမ်အောင် ဆောင်ရွက်ရန်နှင့်ပတ်သက်ပြီး ဆွေးနွေးခဲ့ကြောင်း အဆိုပါတွေ့ဆုံမှုတွင် မန္တလေးမြို့ မစိုးရိမ်ကျောင်းတိုက်မှ ဆရာတော် ဦးဝီရသူနှင့် ရွှေည၀ါဆရာတော်တို့ ပါဝင်ခဲ့ပြီး လူထုအသိပညာပေးရေး လုပ်ငန်းများ ဆောင်ရွက်သွားရေးနှင့် ပတ်သက်ပြီး ဆွေးနွေးခဲ့ကြသည်။
"ကျွန်တော်တို့ ဒုက္ခသည်စခန်းတွေလည်း သွားတယ်။ ဆေးရုံတွေလည်း သွားတယ်။ ကျွန်တော်မြင်တာကတော့ တကယ့်ရိုးရိုးသားသား ပြည်သူတွေကတော့ မဖြစ်ချင်ကြဘူး။ လူတစ်စုက သွေးထိုးလှုံ့ဆော်နေတာ တွေ့ရတယ်။ သာမန်ပြည်သူတွေကတော့ အကြမ်းဖက်ဖို့ ရည်ရွယ်ချက် မရှိဘူး။ ဆေးရုံမှာတော့ ပစ်ခတ်နှိမ်နင်းထားလို့ ခြေထောက်၊ ပေါင်တွေမှာ ဒဏ်ရာရထားသူတချို့ တွေ့ရတယ်။  အခုကိစ္စမှာ လူတစ်စုက လိုသလိုဆွဲပြီး ဖန်တီးနေတဲ့ ပယောဂတွေ ရှိနေတယ်။ အဲဒါကိုသတိကြီးကြီး၊ ဉာဏ်အမြော်အမြင်ကြီးကြီးနဲ့ ထိန်းသိမ်းကြပါလို့ပဲ မေတ္တာရပ်ခံချင်တယ်" ဟု ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က မတ်လ ၂၁ ရက် မွန်းလွဲ ၃ နာရီ ကျော်ခန့်တွင် ပြောကြားခဲ့သည်။

မီးရှို့ဖျက်ဆီးခံရမှုကြောင့် ဘေးလွတ်ရာသို့ ရွှေ့ပြောင်းနေသူတချို့အား မတ်လ ၂၂ ရက်နေ့ မွန်းလွဲပိုင်းက တွေ့ရစဉ် (ဓာတ်ပုံ-ကျော်ဇင်ဝင်း)
မိတ္ထီလာပြည်သူ့ဆေးရုံမှ တာဝန်ရှိသူတစ်ဦးက "ကျွန်တော်တို့ဆေးရုံကို ဒီနေ့ (မတ်လ ၂၁ ရက်) မွန်းတည့် ၁၂ နာရီအထိ ရောက်ရှိလာတဲ့သူ ၂၇ ဦး ရှိပါတယ်။ အဲဒီထဲကနှစ်ဦးက သေဆုံးခဲ့ပါတယ်။ သေဆုံးပြီးရောက်လာသူ သုံးဦးရှိပါတယ်။ ငါးဦးက ပြင်ပလူနာအဖြစ် ဆေးကုသမှုခံယူနေပြီး ဆေးရုံတက်ရောက်ကုသနေတာက ၁၇ ဦး ရှိပါတယ်။ အများစုက ဦးခေါင်းကို တုတ်နဲ့အရိုက်ခံရထားတဲ့ ဒဏ်ရာတွေ ဖြစ်ပါတယ်" ဟု ပြောကြားသည်။
မိတ္ထီလာမြို့တွင် ဖြစ်ပွားခဲ့သော အကြမ်းဖက်ဖြစ်စဉ်များနှင့် ပတ်သက်၍ အဖြစ်မှန်ဖော်ထုတ်နိုင်ရန်အတွက် စုံစမ်းစစ်ဆေးရေး ကော်မရှင်ကို မတ်လ ၂၀ ရက်နေ့တွင် ဖွဲ့စည်းခဲ့သည်။ အဆိုပါ ကော်မတီတွင် လုံခြုံရေးနှင့် နယ်စပ်ရေးရာဝန်ကြီး ဗိုလ်မှုးကြီးအောင်ကျော်မိုးက ဥက္ကဋ္ဌအဖြစ်လည်းကောင်း၊ မိတ္ထီလာခရိုင် အုပ်ချုပ်ရေးမှုး ဦးတင်မောင်စိုးက အတွင်းရေးမှုးအဖြစ်လည်းကောင်း၊ တိုင်းဒေသကြီးလွှတ်တော် ကိုယ်စားလှယ် ဦးကျော်အေး၊ မန္တလေးတိုင်းဒေသကြီး ဒုတိယတိုင်းရဲတပ်ဖွဲ့မှူး ဒုရဲမှူးကြီးထွန်းနိုင်၊ မိတ္ထီလာခရိုင် ရဲတပ်ဖွဲ့မှူး ဒုရဲမှူးကြီးမောင်မောင်မြင့်တို့က အဖွဲ့ဝင်အဖြစ်လည်းကောင်း အသီးသီး ပါဝင်ဖွဲ့စည်းခဲ့ကြောင်း သိရသည်။ အဆိုပါအဖွဲ့သည် ဖြစ်စဉ်အသေးစိတ်အား စုံစမ်းစစ်ဆေး၍ တစ်ပတ်အတွင်း ပြန်လည်တင်ပြရမည်ဖြစ်သည်။

မင်္ဂလာဇေယုံရပ်ကွက်တွင် မီးရှို့ခံထားရသည်ကို မတ်လ ၂၂ ရက်နေ့ မွန်းလွဲပိုင်းက တွေ့မြင်ရစဉ် (ဓာတ်ပုံ-ကျော်ဇင်ဝင်း)
မတ်လ ၂၁ ရက် ညနေလေးနာရီဝန်းကျင်တွင် မိတ္ထီလာမြို့ သိရီမင်္ဂလာရပ်ကွက်အတွင်းမှ အစ္စလာမ်ဘာသာဝင် ကလေးနှင့်လူကြီးများအား မိတ္ထီလာခရိုင် အားကစားကွင်းအတွင်းသို့ တာဝန်ရှိသူများ၊ အရပ်ဘက်အဖွဲ့အစည်းများနှင့် သံဃာတော်များက ပို့ဆောင်ပေးခဲ့ကြသည်။ ညနေပိုင်းတွင်မူ အခြေအနေမှာ ယမန်နေ့ကဖြစ်ပွားခဲ့သည့် အခြေအနေကဲ့သို့ မဆိုးဝါးတော့သလို ပုဒ် ၁၄၄ ထုတ်ပြန်ထားသည့်အပြင် အင်းဝဘဏ်ရှိ ငွေကြေးများကို လုံခြုံသည့်နေရာသို့ ရွှေ့ပြောင်းရန်အတွက် တပ်မတော်မှ လာရောက်ဆောင်ရွက်ခဲ့ခြင်းနှင့် စပ်လျဉ်းပြီး မြို့အတွင်းသို့ တပ်မတော်မှ ၀င်ရောက်နေရာယူထားသည်ဆိုသောသတင်းများ ပျံ့နှံ့ခဲ့ခြင်းကြောင်း လူစုလူဝေးဖြင့် သွားလာမှုများ လျော့နည်းသွားခဲ့ကြောင်း သိရသည်။  
မိတ္ထီလာမြို့တွင် ရပ်ကွက် ၁၄ ခုရှိပြီး အဆိုပါ ရပ်ကွက်အားလုံး လုယက်ဖျက်ဆီးမှု သို့မဟုတ် မီးရှို့ခြင်းခံခဲ့ရပြီး သီရိမင်္ဂလာ၊ ချမ်းအေး၊ ရန်မျိုးအောင်၊ မြို့မ၊ ရတနာမာန်အောင်၊ နန်းတော်ကုန်းနှင့် ၀န်ဇင်းရပ်ကွက်များမှာ အဆိုးဆုံးခံခဲ့ရကြောင်း သိရှိရသည်။
မိတ္ထီလာအခြေစိုက် ၈၈ မျိုးဆက် ကျောင်းသားများအဖွဲ့မှ ကိုထိန်မင်းခိုင်က "မြို့နယ်၊ ခရိုင်မှာ အုပ်ချုပ်သူတွေ ရှိရဲ့သားနဲ့ အခုလိုအကြမ်းဖက်မှုတွေ ရှိလာတယ်။ ဖမ်းထားပါတယ်၊ ချုပ်ထားပါတယ်ဆိုတဲ့ သတင်းထုတ်ပြန်နိုင်မှု အားနည်းတယ်။ သတင်းထုတ်ပြန်နိုင်မှု အချိန်နှောင့်နှေးတဲ့အတွက် ဒီပြဿနာတွေ ဖြစ်လာတယ်။ တာဝန်ရှိသူတွေရဲ့ သုံးသပ်ပြီး ဆောင်ရွက်ချက်က တော်တော်လေးကို လိုအပ်ပါတယ်။ အမိန့်နာခံတတ်မှုတစ်ခုတည်း ရှိရုံနဲ့ တရားဥပဒေစိုးမိုးရေးကို အကောင်အထည်ဖော်လို့ မရပါဘူး။ တာဝန်သိမှု၊ တာဝန်ယူတတ်မှုနဲ့အတူ မိမိကိုယ်တိုင် ဆုံးဖြတ်နိုင်စွမ်း ရှိရပါမယ်။ မိမိကိုယ်တိုင်က တာဝန်ရှိတယ်လို့ ယူဆရင် မတရားမှုကို ချက်ချင်းတားဆီးနိုင်စွမ်း ရှိရပါမယ်။ အဲဒါမှ တရားဥပဒေကို ထိန်းသိမ်းစောင့်ရှောက်နိုင်တဲ့ အဖွဲ့အစည်းတစ်ခု ဖြစ်လာပါမယ်" ဟု သုံးသပ်ခဲ့သည်။
မိတ္ထီလာမြို့ခံ တစ်ဦးဖြစ်သူ ပြည်သူ့အကျိုးဆောင် ကွန်ယက်မှ ဒေါ်မြင့်မြင့်အေးက "စဖြစ်တာ လူမျိုးရေး အဓိကရုဏ်း လုံးဝမဟုတ်ဘူး။ လူမျိုးရေး ခွဲခြားမှုတွေ မပါဘူး။ သာမန်ရွှေဆိုင်တစ်ဆိုင်ရဲ့ လောဘဇောကြောင့် ဖြစ်ရတာပဲ။ အစကတည်းက ရဲတပ်ဖွဲ့အနေနဲ့ ဖမ်းဆီးစရာရှိတာ ဖမ်းဆီးမယ်။ ထုတ်စရာရှိတဲ့သူ ထုတ်ပေးမယ်ဆိုရင် ဒီလိုဖြစ်လာစရာ အကြောင်းမရှိဘူး။ ဒီကိစ္စက ရဲအရေးပိုင်တဲ့ကိစ္စ။ ရဲစခန်းနဲ့ဖြစ်တဲ့နေရာက တစ်ဖာလုံလောက်ပဲ ဝေးတယ်။ အရေးယူရမယ့်ကိစ္စကို နှောင့်နှေးတဲ့အတွက် လူထုကပြစ်မှု ကျူးလွန်တဲ့သူကို မြင်လည်းမြင်နေလျက်နဲ့ မဖမ်းတဲ့အတွက်ကြောင့် အုံကြွမှုဖြစ်လာတယ်။ ပထမလူထုက ရိုးရိုးသားသားပါပဲ။ နေ့လည် ၁၁  နာရီကတည်းက ဖြစ်တဲ့ဖြစ်စဉ်က ညနေ ၅ နာရီ ၆ နာရီထိအောင် တိတိကျကျ ထိရောက်တဲ့အရေးယူမှု လုံးဝမရှိခဲ့ဘူး။ စဖြစ်တဲ့ညက ၁၄၄ ထုတ်တဲ့ ကားကလည်း ထုတ်ပြန်ချက်ကို အော်အော်ပြေးပြေးသွားတာပဲ။ တကယ်စစ်မှန်တဲ့ ၁၄၄ ထုတ်ပြန်ချက်ဆိုရင် အဲဒီညကတည်းက သေချာထိန်းသိမ်းနိုင်သင့်တာပေါ့" ဟု ပြောကြားပါသည်။
လုယက်ဖျက်ဆီးမှုများနှင့် မီးရှို့မှုများသည် မတ်လ ၂၂ ရက်နေ့ မွန်းလွဲပိုင်းအထိ ဆက်တိုက်ဖြစ်ပေါ်နေခြင်းကြောင့် မန္တလေးတိုင်းဒေသကြီး မိတ္ထီလာမြို့နယ်၊ ၀မ်းတွင်းမြို့နယ်၊ မလှိုင်မြို့နယ်၊ သာစည်မြို့နယ်တို့ကို အရေးပေါ်အခြေအနေ ကြေညာလိုက်ကြောင်း မတ်လ ၂၂ ရက်နေ့ ညနေ ၄ နာရီတွင် နိုင်ငံပိုင် မီဒီယာများမှတစ်ဆင့် ထုတ်ပြန်ခဲ့သည်။ အဆိုပါဒေသများတွင် အုပ်ချုပ်ရေးဆိုင်ရာ လုပ်ငန်းများကို ထိရောက်စွာ ဆောင်ရွက်နိုင်ခြင်း မရှိတော့သည့်အတွက် ပြည်သူများ၏ လုံခြုံရေးနှင့် တည်ငြိမ်အေးချမ်းမှုကို အမြန်ဆုံး အကောင်အထည်ဖော်နိုင်ရန်အတွက် မတ်လ ၂၂ ရက်နေ့မှ စတင်ပြီး အရေးပေါ်အခြေအနေ ကြေညာခြင်းဖြစ်သည်။ ထို့အပြင် အဆိုပါဒေသများတွင် သက်ဆိုင်ရာတာဝန်ရှိသူများ တာဝန်ထမ်းဆောင်နိုင်ရာတွင် ထိရောက်မှုရှိစေရန် တပ်မတော်၏ အကူအညီကို ရယူနိုင်မည်ဖြစ်ကြောင်း ကြေညာချက်တွင် ဖော်ပြပါရှိသည်။
မတ်လ ၂၂ ရက်နေ့ ညပိုင်းတွင် ဆူပူလုယက်မှုနှင့် လုယက်မှုများ လုံးဝဖြစ်ပွားခြင်း မရှိတော့ကြောင်း သိရသည်။ "ဒီနေ့ (မတ်လ၂၃) နံနက် ၇ နာရီ ၄၀ လောက်မှာ တပ်မတော်သားအင်အား မော်တော်ယာဉ်အစီး တစ်ရာဝန်းကျင်လောက် မြို့ထဲဝင်လာတာ တွေ့ရပါတယ်။ အင်အားဘယ်လောက်ရှိတယ်ဆိုတာ ခန့်မှန်းလို့မရပါဘူး။ မီးလောင်တာတို့ လူစုလူဝေးနဲ့ ဆူပူတာတို့ မတွေ့ရတော့ပါဘူး။ မိတ္တီလာမြို့မှာ ပုံမှန်သွားလာလှုပ်ရှားမှုတွေ စတင်ပြုလုပ်နေတာ တွေ့ရတယ်။ ဈေးဆိုင်အချို့လည်း ပြန်ဖွင့်နေပါပြီ။ ညကလည်း ဘာမှမဖြစ်ဘူး အေးအေးဆေးဆေးပါပဲ။ တည်ငြိမ်မှု ပြန်လည်ရရှိနေတာကို တွေ့နေရပါပြီ အခြေအနေတည်ငြိမ်မှု ပြန်လည်ရရှိနေပါပြီ" ဟု မိတ္ထီလာမြို့သို့ ရောက်ရှိနေသည့် Eleven Media Group မှ သတင်းထောက်က ပြောပါသည်။
"မိတ္တီလာဖြစ်စဉ်မှာဆိုရင် ပထမနေ့မှာ သာမန်အရောင်းအ၀ယ်ကနေဖြစ်တဲ့ ဘာသာရေးဆန်ဆန် ပဋိပက္ခဖြစ်စဉ် ဖြစ်ပါတယ်။ ဖြစ်စဉ်အပြီး ဒုတိယနေ့မှာတော့ ထိန်းသိမ်းမှုတွေ ပြုလုပ်နိုင်ခဲ့ပါတယ်။ ဒါပေမယ့် တတိယနေ့နဲ့ နောက်ပိုင်းမှာတော့ ဘာသာရေးဆန်ဆန် မဟုတ်တော့ဘဲ ဖျက်ဆီးမှုတွေ မဖြစ်ဖြစ်အောင် ပြုလုပ်ခဲ့ပါတယ်။ ဒါကြောင့် ကျွန်တော်တို့အနေနဲ့ ၁၄၄ ထုတ်ပြန်ခဲ့တယ်။ မိတ္တီလာက အညာဒေသဖြစ်တဲ့အတွက်ကြောင့် မီးရှို့ရင် မီးလောင်မှုနှုန်း မြင့်တဲ့အတွက်ကလည်း အဓိကကျပါတယ်။ အဲဒါကြောင့် တပ်အကူအညီ တောင်းခံခဲ့ပါတယ်။ ဒီဖြစ်စဉ်ရဲ့ နောက်ကွယ်မှာ သွေးထိုးမှုတွေ၊ နောက်ကွယ်ကရှိနေတဲ့သူတွေ ရှိနေပြီး သူတို့အနေနဲ့ လက်ရှိနိုင်ငံရေး အခြေအနေကို လက်မခံနိုင်တာကြောင့်လည်း ပါပါတယ်။ ပဋိပက္ခစဖြစ်ချင်းမှာ နီးစပ်ရာရဲအင်အား ၂၀၀ ခန့်နဲ့ ထိန်းခဲ့တယ်။ နောက်အခြေအနေတွေ ဆိုးဝါးလာတဲ့အတွက် ရဲတပ်ရင်း ၂ ရင်း ထပ်အသုံးပြုခဲ့ပါတယ်။ လက်ရှိတပ်မတော်က တပ်ရင်း ၁၃ ရင်းလည်း ချထားတဲ့အတွက် ဒေသအခြေအနေ တည်ငြိမ်မ ပြန်လည်ရရှိနေပါပြီ" ဟု စုံစမ်းစစ်ဆေးရေး ကော်မရှင်ဥက္ကဋ္ဌ၊ မန္တလေးတိုင်းဒေသကြီး နယ်စပ်ရေးရာဝန်ကြီး ဗိုလ်မှူးကြီးအောင်ကျော်မိုးက ပြောပါသည်။
မိထ္ထီလာမြို့ ပဋိပက္ခစုံစမ်းရေး ကော်မရှင်အနေဖြင့် လူစုလူဝေးဖြင့် လုပ်ဆောင်သော ပဋိပက္ခ၏နောက်ကွယ်တွင် ရှိနေသူများကို အမြန်ဆုံး ဖော်ထုတ်ရန် လိုအပ်မည်ဖြစ်ပြီး တရားခံများကိုလည်း ရှာဖွေဖော်ထုတ်နိုင်ရန် လိုအပ်နေကြောင်း သုံးသပ်မှုများလည်း ရှိနေသည်။ ထို့အပြင် ရခိုင်ပြည်နယ်အတွင်း ဖြစ်ပွားခဲ့သော ပဋိပက္ခများ၊ တောင်ကုတ်မြို့ လူသတ်မှုပဋိပက္ခများအတွက် ဖွဲ့စည်းထားသော စုံစမ်းရေးကော်မရှင်များ အနေဖြင့်လည်း အဆိုပါကိစ္စရပ်များ၏ နောက်ကွယ်တွင် ရှိနေသူများကို အမြန်ဆုံးဖော်ထုတ်ရန် လိုအပ်နေပြီဖြစ်ကြောင်း သိရပါသည်။  

မိတ္ထီလာပဋိပက္ခ ဖြစ်စဉ်အကျဉ်း
၂၀-၃-၂၀၁၃ (နံနက် ၉ နာရီ ၃၀ မိနစ်)
- မန္တလေးတိုင်းဒေသကြီး မိတ္ထီလာမြို့ ဈေးရှေ့အပြင်ရပ်ရှိ နယူးဝိန့်စိန်ရွှေဆိုင်သို့ ပြွန်ကောက်ရွာနေ လေထိုးကျွတ်ဖာလုပ်ငန်း လုပ်ကိုင်သည့် ဦးခင်မောင်ဝင်းနှင့် ဇနီးဒေါ်အေးနိုင်နှင့် မညိုညိုသန်းတို့မှ ငွေလိုအပ်သဖြင့် ငွေကျပ် ၁၄၀၀၀၀ တန်ဖိုးရှိသည့် ရွှေဆံညှပ်တစ်ခုအား သွားရောက်ရောင်းချခဲ့ရာမှ ဆိုင်ရှင်ဒေါ်တင်အေး၏ သမက်ထွန်းထွန်းဦး(ခ)အာရှစ်မှ ယင်းဆံညှပ်အား ငွေကျပ် ၁၀၅၀၀၀ သာ ပေးမည်ဖြစ်ကြောင်းပြောကာ ဈေးအတွင်းသို့ မှတ်ကျောက်တင်ရန် ယူဆောင်သွားပြီး ဆိုင်သို့ပြန်လည်ရောက်ရှိလာစဉ် ရွှေဆံညှပ်မှာ ပဲ့နေသဖြင့် ထွန်းထွန်းဦး(ခ)အာရှစ်မှ ယင်းဆံညှပ်အား ငွေကျပ် ၅၀၀၀၀ သာ ပေးမည်ဖြစ်ကြောင်း ပြောကြားခဲ့၍ နှစ်ဦးနှစ်ဖက် အချင်းများမှု စတင်ဖြစ်ပွားခဲ့သည်။
- ဆက်လက်၍ ဆိုင်ရှင်မမြင့်မြင့်အေးက ရွှေဆံညှပ်အားလွှင့်ပစ်ပြီး အာရှစ်နှင့် ဆိုင်လုပ်သားညီညီ(ခ) မင်းအောင်တို့မှ ဦးခင်မောင်ဝင်းအား လက်သီးဖြင့်ထိုး၊ သစ်သားတုတ်နှင့်ရိုက်၍ ဦးခင်မောင်ဝင်းတွင် ဒဏ်ရာများရရှိခဲ့ကာ မိတ္ထီလာဆေးရုံသို့ တင်ပို့ခဲ့ရသည်။ အထက်ပါဖြစ်စဉ်နှင့် ပတ်သက်၍ ဦးခင်မောင်ဝင်း၏ ဇနီးဖြစ်သူ ဒေါ်အေးနိုင်မှ တိုင်တန်းသဖြင့် ထွန်းထွန်း (ခ) အာရှစ်၊ ညီညီ (ခ) မင်းအောင်နှင့် မမြင့်မြင့်အေးတို့ သုံးဦးအား မိတ္ထီလာအမှတ် (၂) ရဲစခန်းမှ (ပ) ၇၄/၂၀၁၃၊ ပြစ်မှုပုဒ်မ ၃၂၆/၂၉၄/၄၂၇/၁၁၄ ဖြင့် ဖမ်းဆီးအမှုဖွင့် အရေးယူခဲ့ကြောင်း မြန်မာနိုင်ငံရဲတပ်ဖွဲ့၏ သတင်းထုတ်ပြန်ချက်အရ သိရသည်။
မွန်းလွဲ ၂ နာရီ ၁၅ မိနစ်
- လူဦးရေ ၂၀၀ ခန့်သည် အာရှစ်၏ ဆိုင်ပတ်ဝန်းကျင်ရှိ ဈေးအရှေ့ဘက်တိုက်သုံးလုံးတွင်ရှိသော ဆိုင်ခန်းခြောက်ခန်းအား ခဲဖြင့်ထုခြင်း၊ ဆိုင်အတွင်းဝင်ကာ ပစ္စည်းများ ရိုက်ခွဲခဲ့သဖြင့် ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ရဟန်းသံဃာများနှင့် ရပ်မိရပ်ဖများမှ လူစုခွဲထားခဲ့ကြောင်း သိရသည်။
မွန်းလွဲ ၂ နာရီ ၃၀ မိနစ်
- အဆောက်အဦ ဖျက်စီးမှုများ ရပ်တန့်သွားခဲ့ပြီး ယင်းဖြစ်စဉ်များကြောင့် လူထိခိုက်ဒဏ်ရာရရှိမှု မရှိကြောင်းနှင့် အဆိုပါဆိုင်ခန်းခြောက်ခန်း ပျက်စီးခဲ့ကြောင်း သိရသည်။
ညနေ ၃ နာရီ
- အထက်ပါလူအုပ်စုမှ အဆိုပါတိုက်သုံးလုံးအား ဆက်လက်ဖျက်ဆီးလျက်ရှိကြောင်း မိတ္ထီလာခရိုင် ရဲတပ်မှူးဦးစီးသည့် ရဲတပ်ဖွဲ့ဝင်များဖြင့် လုံခြုံရေး ထိန်းသိမ်းဆောင်ရွက်လျက်ရှိကြောင်း မြန်မာနိုင်ငံရဲတပ်ဖွဲ့၏ ထုတ်ပြန်ချက်အရ သိရသည်။
ညနေ ၅ နာရီခွဲ
- ဈေးအနောက်ဘက်ရှိ ပါကစ္စတန်ဂျာမေ့ဗလီအား မီးရှို့ခဲ့ရာ လူထုမှ ၀ိုင်းဝန်ငြိမ်းသတ်ခဲ့သဖြင့် မီးငြိမ်းသတ်နိုင်ခဲ့ကြောင်း သိရသည်။
- ဆက်လက်ပြီး သီရိမင်္ဂလာဗလီနှင့် အခြားဗလီအချို့ မီးလောင်မှုဖြစ်ပွားခဲ့ပြီး အပြန်အလှန်မီးရှို့မှုများ ဖြစ်ပေါ်ခဲ့ကာ ည ၈ နာရီအချိန်ခန့်တွင် မီးငြိမ်းသတ်နိုင်ခဲ့ပြီး ဆိုင်ကယ် ၁၀ စီးခန့် မီးရှိုးဖျက်စီးခဲ့ကြောင်း၊ အခြားနေရာများတွင် ဒဏ်ရာရရှိသူအချို့ရှိကာ မြို့နေလူထုမှာ အရွေ့အပြောင်းလုပ်နေကြောင်း သိရသည်။
- သာမန်ခိုက်ရန်ဖြစ်ပွားမှု အပေါ်တွင် အစပြုကာ လူအချို့က ဘာသာရေးအဓိကရုဏ်း အသွင်ဆောင်သည့် ဖန်တီးမှုများရှိလာခြင်းအပေါ် သက်ဆိုင်ရာက ည ၉ နာရီအချိန်တွင် ပုဒ်မ ၁၄၄ ထုတ်ပြန်ကာ ထိန်းသိမ်းခဲ့သည်။
၂၁-၃-၂၀၁၃ နံနက် ၃နာရီ ၄၀မိနစ်
- မြန်မာနိုင်ငံရဲတပ်ဖွဲ့၏ သတင်းထုတ်ပြန်ချက်များအရ သံဃာတော်တစ်ပါးနှင့် အမျိုးသားတစ်ဦး မီးလောင်ဒဏ်ရာများဖြင့် သေဆုံးခဲ့ပြီး အမျိုးသားလေးဦး ဒဏ်ရာရရှိခဲ့ကြောင်း ထုတ်ပြန်ခဲ့သည်။
နံနက် ၇ နာရီ ၃၀ မိနစ်
- ရန်မျိုးအောင်ရပ်ကွက်နှင့် ၀န်ဇင်းရပ်ကွက်ကြားတွင် မီးလောင်မှုတစ်ခု ဖြစ်ပွားခဲ့ပြီး သေဆုံးသူမရှိသော်လည်း ဒဏ်ရာရရှိသူအချို့ ရှိခဲ့သည်။
မွန်းလွဲ ၁ နာရီ ၃၅ မိနစ်
- ဆူပူသူများက ရန်မျိုးအောင်ရပ်ကွက်၊ တော်ဝင်အနီးရှိ နေအိမ်တစ်လုံးအားလည်းကောင်း၊ ကားကြီးကွင်းအနီးမှ နေအိမ်တစ်လုံးကိုလည်းကောင်း မီးရှို့ဖျက်စီးခဲ့ပြီး အောင်ဆန်းမြို့သစ်မှ ကျော်ဓာတ်ဆီဆိုင်ကိုလည်း ဖျက်ဆီးခဲ့သည်ဟု သိရသည်။ အဆိုပါ ဆူပူမှုများကြောင့် ၀မ်းတွင်းမြို့နယ်၊ တုံကုန်းရွာတွင်ရှိသော ဥူးသောဘိတ(၄၆)နှစ်၊ သီရိမင်္ဂလာရပ်ကွက်နေ ဦးသန်းနိုင်မြင့် (၂၀)နှစ်နှင့် ပြည်သာယာရပ်ကွက်နေ ဦးမောင်အေး (၅၆)နှစ်နှင့် အမည်မသိအမျိုးသားတစ်ဦး သေဆုံးခဲ့ကြောင်း သိရသည်။
- မွန်းလွဲပိုင်းတွင် မိတ္ထီလာစည်ပင်သာယာဈေးကြီးနှင့် အိမ်ဆိုင်အများစုလည်း ပိတ်ထားပြီး နေထိုင်သူအများစုသည် နီးစပ်ရာသို့ ရွေ့ပြောင်းနေမှုများလည်းရှိကြောင်း သိရသည်။
မွန်းလွဲ ၃ နာရီ ၂၀ မိနစ်
- ကားကြီးကွင်းအရှေ့ဘက် မီးလောင်ကျွမ်းမှုသည် အခြားနေရာများသို့ ကူးစက်လောင်ကျွမ်းလျက်ရှိနေပြီး သီရိမင်္ဂလာရပ်ကွက်ရှိ AGD ဘဏ်အနီးသို့ ကူးစက်လောင်ကျွမ်းလျက်ရှိနေပြီး မီးလောင်ကျွမ်းမှုကို ငြိမ်းသတ်နိုင်ရန်အတွက် မီးသတ်ယာဉ် အလုံအလောက်မရှိခြင်း၊ ရှိနေသော မီးသတ်ယာဉ်များမှလည်း မီးလောင်ကျွမ်းမှုနေရာသို့ သွားလာရန်လည်း လုံခြုံရေးအလုံအလောက် မရှိခြင်းတို့ကြောင့် မီးလောင်ကျွမ်းမှုကို ငြိမ်းသတ်မရဖြစ်နေကြောင်း သိရသည်။
ညနေ ၃ နာရီ ၃၀ မိနစ်
- သီရိမင်္ဂလာရပ်ကွက်အတွင်းမှ အစ္စလာမ်ဘာသာဝင် ကလေးလူကြီးများအား မိတ္ထီခရိုင်အားကစားကွင်းသို့ တာဝန်ရှိသူများ အရပ်ဖက်အဖွဲ့အစည်းများနှင့် သံဃာတော်များမှ ပို့ဆောင်ပေးခဲ့သည်။
မတ်လ ၂၁
- မြန်မာနိုင်ငံဆိုင်ရာ အမေရိကန်သံအမတ်ကြီး ဒဲရစ်မစ်ချယ်က မန္တလေးတိုင်းဒေသကြီး မိတ္ထီလာမြို့တွင် ဖြစ်ပွားခဲ့သော အကြမ်းဖက်မှုများနှင့် အိုးအိမ်ပျက်စီးမှုများတွက် မိမိတို့ များစွာစိုးရိမ်ပူပန်မိပါသည်။ အကြမ်းဖက်တိုက်ခိုက်မှုများကြောင့် အသက်အိုးအိမ် စည်းစိမ်ဆုံးရှုံးသွားသူများ၏ မိသားစုများအတွက် များစွာဝမ်းနည်းစာနာမိကြောင်း ကြေညာချက် ထုတ်ပြန်ခဲ့ပါသည်။
ညနေ ၆ နာရီ ၄၅ မိနစ်
- မိတ္ထီလာမြို့ မီးလောင်မှုဖြစ်စဉ်များကို မြင်းခြံ၊ ကျောက်ဆည်၊ ရမည်းသင်း၊ မိတ္ထီလာခရိုင်လေးခရိုင်အတွင်း မီးသတ်မော်တော်ယာဉ်များနှင့် မီးသတ်တပ်ဖွဲ့ဝင်များ ပူးပေါင်းပြီး မီးငြိမ်းသတ်ရေး ဆောင်ရွက်လျက်ရှိကြောင်း မြန်မာနိုင်ငံ မီးသတ်တပ်ဖွဲ့ဌာနချုပ်မှ ဒုတိယညွှန်ကြားရေးမှူး ဦးတင်မင်းက ပြောသည်။
ည ၁၀ နာရီ ၃၀ မိနစ်
- မိတ္ထီလာပြည်သူ့ဆေးရုံကြီးသို့ ရောက်ရှိလာသူများအနက် သေဆုံးသူ ၅ ဦးနှင့် ဒဏ်ရာရရှိသူ ၃၇ ဦးရှိနေပြီဖြစ်ကြောင်း သိရသည်။
၂၂-၃-၂၀၁၃ (၁၀ နာရီ ၃၀ မိနစ်)
- မြန်မာနိုင်ငံရှိ ကုလသမဂ္ဂကိုယ်စားလှယ်မှ မိတ္ထီလာမြို့တွင် ဖြစ်ပွားနေသော အကြမ်းဖက်မှုများနှင့် အသက်အိုးအိမ်စည်းစိမ် ဆုံးရှုံးမှုများအတွက် အလွန်အမင်း စိုးရိမ်မိပါကြောင်း၊ အဆိုပါ ကိစ္စရပ်များ ထပ်မံမဖြစ်ပွားစေရန် အရေးကြီးဆုံး ဦးစားပေးဆောင်ရွက်မည်ဖြစ်ကြောင်း၊ ထို့အပြင် နိုင်ငံရေးနှင့် ဘာသာရေးခေါင်းဆောင်များ အခုအဖြစ်အပျက်များကို တည်ငြိမ်မှုရှိစေရန် အရေးတကြီးလုပ်ဆောင်ရန် လိုအပ်မည်ဖြစ်ကြောင်းနှင့် မိတ္ထီလာဒေသခံများအနေဖြင့်လည်း ဖြစ်ပေါ်လျက်ရှိသော အခြေအနေများကို သည်းခံပြီး ကျော်လွားနိုင်ရန် တိုက်တွန်းလိုပါကြောင်း ကြေညာချက် ထုတ်ပြန်ခဲ့သည်။
၁၀ နာရီ ၄၅ မိနစ်
- သတင်းလွတ်လပ်ခွင့်ကော်မတီမှ အရေးပေါ်ကြေညာချက် ထုတ်ပြန်ခဲ့ရာတွင် မိတ္ထီလာမြို့မှာ ဖြစ်ပေါ်နေသော အခြေအနေများကို သတင်းရယူနေသော ပြည်တွင်းပြည်ပ သတင်းသတင်းထောက်များ၏ ကင်မရာများကို အကြမ်းဖက်လူအုပ်စုအချို့က ကင်မရာများ အတင်းအဓမ္မသိမ်းယူခြင်း၊ ရိုက်နှက်မည်ဟု ခြိမ်းခြောက်မှုများ ပြုလုပ်ခံနေရပါသည်။ သတင်းလွတ်လပ်ခွင့် ကော်မတီအနေဖြင့် သတင်းထောက်များ၏ အထူးစိုးရိမ်ပြီး သတင်းထောက်များအား ခြိမ်းခြောက်ခြင်း၊ အတင်းအကျပ် ဖိအားပေးခြင်းအပေါ် အပြင်းအထန် ရှုတ်ချပါသည်။ အစိုးရတာဝန်ရှိသူများ မိဘပြည်သူများအနေဖြင့် သတင်းမှန်များကို တင်ပြနိုင်ရေး ကြိုးပမ်းနေသော သတင်းမီဒီယာများ၏ လုံခြုံရေးကို အထူးဂရုစိုက်ပေးရန် စသည်တို့ ပါဝင်သည့် ထုတ်ပြန်ချက်ကို ထုတ်ပြန်ခဲ့သည်။
ညနေ ၃ နာရီ ၃၀ မိနစ်
- မိတ္ထီလာမြို့ ဈေးကုန်းဘုန်တော်ကြီးကျောင်းတွင် ပိတ်မိနေသာ AFP၊ Messenger၊ RFA အစရှိသည့် သတင်းထောက်ကိုးဦးအား တိုင်းဒေသကြီးအစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး အစီအစဉ်ဖြင့် ဆွဲထုတ်ပေးခဲ့ကြောင်း သမ္မတရုံးညွှန်ကြားရေးမှူး ဦးဇော်ဌေး၏  Facebook စာမျက်နှာတွင် ရေးသားဖော်ပြထားသည်။
ညနေ ၅ နာရီ
- မိတ္ထီလာမြို့တွင် ပဋိပက္ခများကြောင့် မြို့ပေါ်ရှိ ဘုန်းကြီးကျောင်းဆယ်ကျောင်းတွင် ဗုဒ္ဓဘာသာဝင် ဒုက္ခသည် ၂၅၀၀ ၀န်းကျင် ရောက်ရှိနေကြောင်း၊ မိတ္ထီလာမြို့နယ် ခရိုင်အားကစားကွင်းအတွင်း အစ္စလာမ်ဘာသာဝင် ဒုက္ခသည် ၆၀၀ ရောက်ရှိနေကြောင်းလည်း သိရသည်။
ညနေ ၅ နာရီ ၁၀ မိနစ်
- မိတ္ထီလာမြို့ ချမ်းအေးနှင့်သာယာကုန်း ရပ်ကွက်များတွင်ရှိသော အစ္စလာမ်ဘာသာဝင်များကို အမှတ်(၁) ရဲစခန်းဝင်းအတွင်းသို့ ပြောင်းရွေ့ပေးပြီး လူဦးရေ ၅၀၀ ခန့် ရှိသွားပြီဖြစ်သည်။

.
. www.MyanmarExpress.net
  

Posted in: သတင်း