စစ်တပ်ကိုစိန်ခေါ်ကာ အခြေခံဥပဒေ ပြင်ဖို့လုပ်နေသော်လည်း ဗိုလ်ချုပ်မှူးကြီး မင်းအောင်လှိုင် ကို လေးစားကြောင်း NLD ပြောဆို

From : .. age

စစ်တပ်က တိတိကျကျ လိုက်နာကာကွယ်နေသော ဖွဲ့စည်းပုံ အခြေခံဥပဒေကို  ကိုစိန်ခေါ်ကာ စစ်တပ်ပါဝင်တဲ့ အခန်းကဏ္ဍတွေကို လျှော့ချဖို့ NLD မှ အပြင်းအထန် ကြိုးစားလျှက်ရှိသော်လည်း ဗိုလ်ချုပ်မှူးကြီး မင်းအောင်လှိုင် ကို ပုဂ္ဂိုလ်ရေးအရ လေးစားကြောင်း NLD မှ ပြောဆိုလိုက်ကြောင်း သတင်းရရှိသည်။

အမျိုးသားဒီမိုကရေစီအဖွဲ့ချုပ်မှ ပြုလုပ်သော ၂၀၀၈ ခုနှစ် ဖွဲ့စည်းပုံအခြေခံဥပဒေဆိုင်ရာ ဆွေးနွေးပွဲများတွင် ယခင် တပ်မတော် စစ်အစိုးရ ဗိုလ်ချုပ်မှူးကြီးများ၏ ဆိုးကွက်များအား ထည့်သွင်းပြောဆို နေသော်လည်း ယခုတပ်မတော်မှ ဗိုလ်ချုပ်မှူးကြီးမင်းအောင်လှိုင်နှင့် ပုဂ္ဂိုလ်ရေးအရ အမုန်းပွားမှု မရှိကြောင်း တရားလွှတ် တော်ရှေ့နေ ဦးကိုနီက ပြောသည်။

နိုဝင်ဘာလ ၁၀ ရက်က ရန်ကုန်မြို့ ဗဟန်းမြို့ နယ်ရှိ ဗိုလ်စိန်မှန် အားကစားကွင်း၌ ပြုလုပ်ခဲ့သော ရန်ကုန်တိုင်းအတွက် ၂၀၀၈ခုနှစ် ဖွဲ့စည်းပုံအခြေခံဆိုင်ရာ ပြည်သူ့ဆန္ဒသဘောထား ရယူပွဲတွင် ယင်းကဲ့သို့  ထည့်သွင်းပြောကြားခဲ့ခြင်း ဖြစ်သည်။

“ပုဂ္ဂိုလ်ရေးအရသူ့ကို လေးစားပါတယ်။ မရည်ရွှယ်ဘဲ ထည့်ပြောမိတာကိုတော့ အဲတာလေးကိုတော့ နားလည်ပေးပါလို့ ပြောချင်တယ် ” ဟု တရားလွှတ်တ်ာရှေ့နေ ဦးကိုနီက ပြောကြားခဲ့သည်။

၂၀၀၈ ခုနှစ်ဖွဲစည်းပုံ အခြေခံဥပဒေတွင် ယခင်စစ်အစိုးရက တပ်မတော် အခန်းကဏ္ဍအား များစွာ ထည့်ပေး ထားခြင်းကြောင့် ယင်းကဲ့သို့ ပြောကြားခြင်းဖြစ်ကြောင်း တရားလွှတ်တော်ရှေ့နေ ဦးကိုနီက ဆက်လက် ပြောဆိုသည်။

“ကျွန်တော် ဒါကို ဗိုလ်ချုပ်မှူးကြီးတွေရဲ့ထည့်ပြောမှ ဖြစ်မှာပါ မပြောလို့ မရပါဘူး။ ဘာလို့ လည်းဆိုတော့ ၂၀၀၈ ခုနှစ်ဖွဲ့စည်းပုံ အခြေခံဥပဒေမှာ တပ်မတော်သားတွေ အခန်းကဏ္ဍက ၁၀၂ ခုတောင်ပါတယ်”ဟု ထပ်လောင်းပြော ဆိုခဲ့သည်။

ဒီမိုကရေစီ နိုင်ငံများတွင် ဖွဲ့စည်းပုံ အခြေခံဥပဒေသည် အစိုးရမင်းများအား ပြည်သူက စေခိုင်းရန် ထုတ်ထားသည့် ဥပဒေတစ်ခုဖြစ်ကြောင်း ဦးကိုနီက ပြောသည်။

“ဒီမိုကရေစီနိုင်ငံတွေမှာ ဖွဲ့စည်းပုံ အခြေခံဥပဒေဟာ ပြည်သူတွေ က အစိုးရတွေမင်းတွေ လိုက်နာဖို့ ထုတ်ထားတာပါ
ဒီလိုနိုင်ငံတွေမှာ တိုင်းပြည်ရဲ့ ဖွံ့ဖြိုးတိုးတက်မှုက အရမ်းကိုမြန်ပါတယ် ”ဟု ပြောကြားခဲ့သည်။

မြန်မာနိုင်ငံတွင် ၁၉၄၇ ခုနှစ် နိုင်ငံတော် ဖွဲ့စည်းပုံ အခြေခံဥပဒေ၊ ၁၉၇၄ ဖွဲ့စည်းပုံ အခြေခံဥပဒေ၊ ၂၀၀၈ခုနှစ် ဖွဲ့စည်းပုံ အခြေခံသုံးမျိုးရှိကြောင်း သိရသည်။

ယင်းဖွဲစည်းပုံ အခြေခံဥပဒေသုံးမျိုးတွင် ၁၉၇၄ ဖွဲစည်းပုံ အခြေခံဥပဒေ၊ ၂၀၀၈ခုနှစ်ဖွဲစည်းပုံ အခြေခံဥပဒေများသည် ပြည်သူ့အကျိုး အတွက် ရေးဆွဲထားသည့် ဥပဒေမ ဟုတ်ဘဲ တပ်မတော် အစိုးရအတွက် ကာကွယ်ရေးဆွဲထားသည့် ဥပဒေများဖြစ်ကြောင်း အဆိုပါဆွေးနွေးပွဲတွင် ပြောကြားခဲ့သည် 

NLD သည် စစ်တပ် နှင့် ထိတွေ့မှာ ကြောက်ရွံ့သော်လည်း မီးစာ တစ်ဖက် ရေမှုတ်တစ်ဖက် သုံးကာ ရှေ့တမျိုး ကွယ်ရာ တစ်မျိုးဖြင့် ၎င်းတို့ ပါးစပ်ထဲတွင် စစ်တပ်ကို စိတ်ကြိုက် ပြောချင် သလို ပြောနေကြောင်း လေ့လာသူများက သုံးသပ်ကြသည်။ NLD ပါတီ ဝင်အားလုံး နှင့် ၎င်း တို့နှင့် နီးစပ်သည့် မီဒီယာ အားလုံးသည် ၎င်းတို့ချင်း စကားပြောဆိုချိန်တွင် ဗိုလ်ချုပ်မှူးကြီးမင်းအောင်လှိုင် အား 'ဦး' မင်းအောင်လှိုင်၊ 'ဗိုလ်ချုပ်မှူးကြီး' မင်းအောင်လှိုင် ဟု ခေါ်ဆိုလေ့မရှိကြပဲ လူငယ်ပါတီဝင်များကစပြီး 'မင်းအောင်လှိုင်' ဟုသာ ရိုင်းရိုင်းစိုင်းစိုင်း ခေါ်ဆိုလေ့ရှိကြောင်း၊ အခြား အသက်အရွယ်ကြီး စစ်ဖက်အကြီးအကဲအားလုံးကိုလည်း ၎င်းတို့နဲ့ ရွယ်တူဟု သဘောထားကာ နာမည်အတိုင်း သာ ခေါ်လေ့ရှိကြကြောင့် NLD အသိုင်းအဝိုင်းမှ သိရှိရသည်။ ဒေါ်အောင်ဆန်းစုကြည် ဥရောပခရီးစဉ်တွင်လည်း စစ်တပ်က အခွင့်ထူးခံဖြစ်နေကြောင်း ပြောဆိုခဲ့ပြီး ဦးကိုနီ၏ ဟောပြော ပွဲများတွင်လည်း စစ်တပ်ကို အမျိုးမျိုး ပုပ်ခက်ပြောဆိုမှုများ ရှိခဲ့သည်။  


 .. www.MyanmarExpress.net
 

Posted in: NLD သတင်း,စစ်တပ်နှင့် နိုင်ငံရေး