လွတ်လပ်စွာ အကတိ လိုက်စားမှုကြောင့် လွတ်လပ်သော အာရှအသံအား သတင်းထောက်ဟောင်း များမကျေနပ်

From : RFA သတင်းထောက်ဟောင်း (ကိုညို)

မူလလမ်းကြောင်းနဲ့သွေဖီနေပြီ

RFAမြန်မာပိုင်းမှာ၁၄နှစ်ကျော်ဆက်တိုက်သတင်းလုပ်လာတဲ့ကျနော့ကို၊ဒီနှစ်အောက်တိုဘာမှာဘာမပြောညာမပြောထုတ်ပစ်လိုက်တဲ့အတွက်မိတ်ဆွေတွေ၊သောတရှင်တွေကဖုန်းနဲ့ရော၊ချပ်တင်တွေရော၊FaceBookစာမျက်နှာတွေကပါနှစ်သိမ့်အားပေးတာ၊စာဆက်ရေးနေဘို့တိုက်တွန်းတာတွေအပြင်၊ဘာကြောင့်အလုပ်ထုတ်ခံရတာလဲ?

အာအက်အေကမြန်မာ့ဒီမိုကရေစီအရေးအားပေးတာဘဲမို့လား?..နောက်ထပ်လူတွေထုတ်အုံးမယ်ဆို..?ဘာညာသတင်းတွေမေးကြတယ်။အလုပ်ကထုတ်ခံရတဲ့ဒီလိုကာလမှာကျနော်အာအက်ဖ်အေအကြောင်းသိတ်မရေးချင်ဘူး။ဆန္ဒဇောတွေပါမှာစိုးလို့ပါ။ တဘက်ကလည်းကိုယ့်စာဖတ်ပရိသတ်သိသင့်တာ၊သိချင်တာကိုအသိမပေးဘဲထိန်ချန်ထားရင်သတင်းသမားအာပတ်သင့်တာမို့အတော်လေးစဉ်းစားပြီးရေးလိုက်ပါပြီ။

ဟိုးတုန်းက..အာအက်ဖ်အေမြန်မာပိုင်းဋ္ဌာနဟာမြန်မာပြည်ဒီမိုကရေစီရေးအတွက်ရောပြည်သူတွေအတွက်ရောလာခြင်းကောင်းခဲ့တယ်။ သတင်းလွတ်လပ်ခွင့်ပျက်သုန်းနေတဲ့တိုင်းပြည်အတွက်အားကောင်းမောင်းသန်ဖြစ်ခဲ့တယ်။သတင်းမှန်တွေနဲ့အများပြည်သူသိသင့်သိထိုက်တဲ့သတင်းတွေကို အတိုက်အခံ တွေသံကွန်ခြာအထပ်ထပ်ကာ၊ပြည်သူတွေကိုပါးစပ်ပိတ်၊နားပိတ်ပြီးဓားမိုးခြိမ်းခြောက်တဲ့ကြားကဖောက်ထုတ်နှိုက်ယူခဲ့ကြတယ်။

သတင်းထောက်တွေနဲ့အဖိနှိပ်ခံပြည်သူတွေ၊ပြည်သူ့ရှေ့ဆောင်နိုင်ငံရေးသမားတွေ၊စာနယ်ဇင်းလွတ်လပ်ခွင့်နဲ့လူ့အခွင့်အရေးကိုအားပေးတဲ့နိုင်ငံအရေးလှုပ်ရှားတက်ကြွသူတွေအတူလက်တွဲပြီဲးအချိတ်အဆက်မိမိနဲ့သတင်းတွေဖော်ထုတ်နိုင်ခဲ့တယ်။ပြည်တွင်းပြည်ပသာမက၊နိုင်ငံတကာသတင်းလောကမှာပါအသိအမှတ်ပြုမှု၊ကိုးကားတင်ပြမှုတွေရခဲ့သလို၊အာဏာရှင်တွေဖိန့်ဖိန့်တုန်အောင်ကြောက်ခဲ့တဲ့မီဒီယာတခုအဖြစ်ဂုဏ်သိက္ခာရှိရှိရပ်တည်နိုင်ခဲ့တာအားလုံးသိကြတယ်။

ဒါပေမဲ့..ဒီကနေ့အာအက်ဖ်အေ(မြန်မာပိုင်း)ဟာအရင်ကလျှောက်ခဲ့တဲ့လမ်းနဲ့ပြောင်းပြန်လျှောက်နေတာကိုမြင်နေရပြီ။အဖိနှိပ်ခံပြည်သူတွေဘက်ကသတင်းတွေမထုတ်နိုင်ဘဲ၊ ဖိနှိပ်အုပ်ချုပ်နေသူတွေရဲ့ဝါဒဖြန့်တာတွေကိုဦးစားပေးလာတယ်။ပြည်သူတွေသိသင့်သိထိုက်တဲ့သတင်းတွေ၊ဘယ်လောက်ပိတ်ဆို့ထားထားကြိုးစားဖော်ထုတ်ရမဲ့အစား၊ပြည်တွင်းအပတ်စဉ်ထုတ်သတင်းစာနဲ့မဂ္ဂဇင်း၊ဂျာနယ်တွေမှာဖော်ပြနေတဲ့ထူးမခြားနားသတင်းတွေကိုပဲအချိန်ကုန်၊ငွေကုန်ခံအသံလွှင့်နေတယ်။တနည်းပြောရရင်ပြည်တွင်းမှာအာအက်ဖ်အေရုံးလေးတရားမ၀င်(နားလည်မှုလေးနဲ့)ဖွင့်နိုင်ဘို့အတွက်ကိုပ၊ဲအစိုးရအသားပေးသတင်းတွေလွှင့်ထုတ်ပြီးအာအက်ဖ်အေရဲ့ဂုဏ်သိက္ခာကိုရောင်းစားနေတယ်။

သတင်းအချက်အလက်မှန်တွေ၊ပြည်သူတွေရဲ့အသံစစ်စစ်တွေကိုပြည်သူတွေလွတ်လွတ်လပ်လပ်ရွေးကောက်ထားတာမဟုတ်တဲ့၊တရားဝင်အစိုးရမဟုတ်တဲ့ဝါဒဖြန့်အသံတွေနဲ့ဖုံးအုပ်နေတယ်။ပြောချင်တာကအာအက်ဖ်အေလမ်းလွဲကိုဦးတည်နေတယ်။မူလဦးတည်ထားတဲ့လမ်းကြောင်းမှန်ကနေသွေဖီနေတယ်။လမ်းမှားကိုသွားနေတယ်ဆိုတာပဲ။

အာအက်ဖ်အေဘယ်ကလာတာလဲ

ဒုတိယကမ္ဘာစစ်အပြီးစစ်အေးခေတ်ကာလမှာကိုလိုနီလက်အောက်ကလွတ်မြောက်စနိုင်ငံတွေပေါ်လာတာကြောင့်ဝါဒရေးရာအားပြိုင်မှုတွေကရှေ့တန်းရောက်လာတယ်။အားလုံးသိတဲ့အတိုင်းအမေရိကန်ဦးဆောင်တဲ့အနောက်အုပ်စုကဆိုဗီယက်ဦးဆောင်တဲ့ကွန်မြူနစ်အတွေးအခေါ်ကရှေ့ဆောင်တဲ့အရှေ့ဥရောပနိုင်ငံတွေ၊အရှေ့အလယ်ပိုင်းနိုင်ငံတွေနဲ့အာရှအလယ်ပိုင်းနိုင်ငံတွေကိုဒီမိုကရေစီအတွေးအခေါ်နဲ့ဝါဒဖြန့်ဘို့ကျိုးပမ်းတယ်။ဒီလိုနည်းနဲ့၁၉၅၀လောက်မှာRFE(RadioFreeEurop)ဆိုတာပေါ်လာတယ်။ရေဒီယိုတွေကနေအဲဒီနိုင်ငံတွေကသတင်းတွေ၊ဒီမိုကရေစီနိုင်ငံတွေရဲ့အောင်မြင်ဖွံ့ဖြိုးမှုတွေကိုသတင်းဆောင်းပါးတွေ၊တေးသီချင်းတွေနဲ့ဝါဒဖြန့်တယ်။အဲဒီ အတွေးအခေါ်တိုက်ပွဲမှာအမေရိကန်ကအကြီးအကျယ်အောင်မြင်တယ်။ကွန်မြူနစ်ဝါဒကိုဆင်းရဲသားဝါဒလိုမြင်သွားကြတယ်။နောက်ပိုင်းနှစ်တွေမှာနိုင်ငံတော်တော်များများကွန်မြူနစ်ဆန့်ကျင်ရေးတွေကြွေးကြော်လာတဲ့အထိဖြစ်လာတယ်။အနှစ်၄၀နီးပါးကြာတော့အရှေ့ဥရောပတခုလုံးဒီမိုကရေစီနိုင်ငံတွေဖြစ်ကုန်တယ်။

ဆိုဗီယက်ယူနီယံကြီးပြိုကွဲသွားတယ်။RFEရေဒီယိုရဲ့အောင်မြင်မှုဟာအဲဒီမှာတင်မရပ်သွားဘူး။အာရှတိုက်ကနဂါးတကောင်ရဲ့အန္တရာယ်ကလည်းရှိနေပြန်တော့လေလှိုင်းစစ်ပွဲကိုအဲဒီဘက်ဦးတည်ဖို့အမေရိကန်ကပြင်ဆင်တယ်။

ဒါနဲ့ဘဲ(၁၉၉၆)မှာRFAလွတ်လပ်သောအာရှအသံပေါ်လာတယ်။RFAရဲ့မဟာဗျူဟာကတရုတ်ကွန်မြူနစ်ဝါဒဖြစ်တယ်။ မန်ဒရင်း၊ ကန်တုန်၊ ဝီဂေါ်..ဆိုတဲ့တရုတ်ဘာသာချည်း(၃)မျိုးနဲ့၂၄နာရီအသံလွှင့်ပြီးဝါရှင်တန်ဒီစီမှာတင်တရုတ်ဝန်ထမ်းပေါင်း (၁၀၀)ကျော်လောက်ရှိတယ်။အကြီးဆုံးဘဲ။သိတ်လည်းအောင်မြင်နေတယ်။တရုတ်အစိုးရကRFAအင်တာနက်လိုင်းကိုပိတ်ထားတယ်။ဒါပေမဲ့တရုတ်တခုထဲရည်ရွယ်ပြီးရေဒီယိုဋ္ဌာနကြီးထောင်ထားတာဆိုရင်လည်းRFAပေါ်လစီနဲ့မညီတော့တခြားအာရှကကွန်မြူနစ်သြဇာခံတွေနဲ့အာဏာရှင်နိုင်ငံတွေကိုဦးနှောက်ဆေးကြောဖို့ဖြစ်လာတယ်။

ဒါကြောင့်တိဘက်၊မြန်မာ၊လာအို၊ကမ္ဘောရီးယား၊ဗီယက်နမ်၊မြောက်ကိုးရီးယားနိုင်ငံတွေရော..ဘာသာစကား(၉)မျိုးနဲ့လွှင့်ပါတယ်။

မြန်မာပိုင်းဌာနအဦးအစ

မြန်မာဌာနက(၁၉၉၇)အစောပိုင်းမှာစထူထောင်ဖြစ်တယ်။ပထမဆုံး(၄)ဦးနဲ့စတယ်။ညွှန်ကြားရေးမှုးဦးစိုးသင်း(မြန်မာသံတမန်ဟောင်း)၊ဦးဝင်းဖေ(စာရေးဆရာ၊ရုပ်ရှင်ဒါရိုက်တာ)ဦးသိန်းထိုက်ဦး(ယခုVOA)ဦးမြင့်သိန်း(ယခင်မြန်မာ့အလင်း)တို့ဖြစ်တယ်။နောက်ပိုင်းမှာဒေါ်ငြိမ်းရွှေ(လက်ရှိမြန်မာပိုင်းဌာနမှုး)ဒေါ်ခင်မျိုးထွေး(ခေတ်ပြိုင်သတင်းစာအယ်ဒီတာဟောင်း)တို့နဲ့အားဖြည့်ပြီးမြန်မာနိုင်ငံနဲ့ဆိုင်တဲ့နိုင်ငံခြားသတင်းတွေ၊အာရှသတင်းတွေဘာသာပြန်လွှင့်တယ်။နောက်တော့ကိုအောင်ဇော်(ဧရာဝတီမဂ္ဂဇင်း)ဦးတင့်ဇော်(စာရေးဆရာ၊တကသခေါင်းဆောင်ဟောင်း)တို့လိုထိုင်းနိုင်ငံကသတင်းထောက်တွေနဲ့အားဖြေ့ပြီးပြည်တွင်းနဲ့၊နယ်စပ်သတင်းတွေအတိုက်အခံလှုပ်ရှားမှုသတင်းတွေဖော်ပြလာတယ်။

အဲဒီနောက်ပိုင်းဦးခင်မောင်ငြိမ်း(ယခင်မြန်မာ့အသံရုပ်မြင်သံကြား)ဒေါ်တင်ထားဆွေ(ယခုဘီဘီစီဌာနမှုး)တို့ဝင်လာသလို၁၉၉၈ထဲမှာ ကျနော်လည်းအိန္ဒိယနဲ့မြန်မာပြည်အနောက်ဘက်ခြမ်းသတင်းထောက်အဖြစ်တာဝန်ထမ်းခဲ့တယ်။

(ဒါပေမဲ့ကျနော်ဟာအာအက်ဖ်ရဲ့ပုံမှန်လခစားဝန်ထမ်းမဟုတ်သလို၊အာအက်ဖ်အေ၀ိုင်းတော်သားလည်းမဟုတ်ခဲ့ပါ၊ အာအက်ဖ်အေကတနှစ်တခါစာချုပ်ချုပ်ဌားရမ်းတဲ့အကြီးတန်းသတင်းထောက်တယောက်သာဖြစ်တယ်)နောက်ပိုင်းတော့ ၀န်ထမ်းတွေတဖြေးဖြေးတိုးချဲ့လာတာအခုဆိုဝါရှင်တန်ဒီစီရုံးချုပ်မှာတင်ဝန်ထမ်းဦးရေ(၂၀)လောက်ရှိတယ်။

အာအက်ဖ်အေရေဒီယိုဟာ၊အသံလှိုင်းကြည်လင်ပြီးမြန်မာနိုင်ငံဆိုင်ရာသတင်းတွေချည်းပဲမနက်တခါညတခါတနာရီစီအသံလွှင့်တာမို့ မြန်မာပြည်ထဲကသောတရှင်တွေရဲ့အားပေးထောက်ခံမှုတွေရခဲ့တယ်။ထားပါတော့.

.ပြည်တွင်းသတင်းတွေကိုအဲဒီကာလကဘယ်လိုနှိုက်ထုတ်ခဲ့ရတယ်ဆိုတာကိုနောက်ကြုံမှပြောတော့မယ်။အခုပြောချင်တာကRFAဘယ်ကလာပြီးဘယ်သွားနေလဲဆိုတာပါ။

အာအက်ဖ်အေရဲ့မူလလမ်းကြောင်းမှန်

အရင်ကရော၊ဒီကနေ့အထိအာအက်ဖ်အေရဲ့မပြောင်းမလဲချထားတဲ့မူဝါဒကဘာလဲ၊ဘယ်လိုရည်ရွယ်ချက်နဲ့ဘယ်ကိုဦးတည်မလဲဆိုတာအာအက်ဖ်အေမြန်မာပိုင်းအင်တာနက်ဝက်ပ်ဆိုဒ်ထဲမှာအခုလိုအတိအကျဖော်ပြထားပါတယ်။

“လွတ်လပ်သောအာရှအသံ၊အာအက်ဖ်အေရဲ့တာဝန်နဲ့ရည်ရွယ်ချက်မှာ..သက်ဆိုင်ရာ အစိုးရများ၏ ပိတ်ပင်ဟန့်တားမှုများကြောင့်၊ သတင်းလွတ်လပ်ခွင့် မရှိသော အာရှနိုင်ငံများမှသောတရှင်များထံ၊ တိကျမှန်ကန်ပြီး၊အချိန်ကိုက်ဖြစ်သော သတင်းနှင့် သတင်းအချက်အလက်များအား ထုတ်လွှင့်ပေးရန် ဖြစ်သည်။လွတ်လပ်သောအာရှအသံသည်၊လွတ်လပ်စွာ ထုတ်ဖော်ပြောဆိုခွင့်နှင့်ပတ်သက်၍ ချမှတ်ထားသည့်၊

ပဓာနကျသည့် ကျင့်ဝတ်စည်းကမ်းများအား တစိုက်မတ်မတ်လိုက်နာကျင့်သုံးသွားမည်။ ကိစ္စများ ဆုံးဖြတ်ဆောင်ရွက်ရာ၌ မရှိမဖြစ် လိုအပ်သော သတင်းအချက်အလက်များအား၊သောတရှင်များ အကြားအမြင်များစေရန်အတွက်၊ လွတ်လပ်သောအာရှအသံက ထုတ်လွှင့်ပေးနေပါသည်။

ကျွန်ုပ်တို့၏တာဝန်မှာတိကျမှန်ကန်သော၊အချိန်ကိုက်လည်း ဖြစ်သောသတင်း၊သတင်းအချက်အလက်များနှင့် ဝေဖန်သုံးသပ်ချက်များကိုထုတ်လွှင့်ပေးရန်၊ အာရှနိုင်ငံများက ပြည်သူများအနေဖြင့်၊ မိမိတို့၏အမြင်အယူအဆအမျိုးမျိုးကို လွတ်လပ်သောအာရှအသံမှတဆင့်ထုတ်ဖော်ပြောဆိုနိုင်ရန် ဖြစ်သည်”ဒီနေရာမှာစာဖတ်ပရိသတ်တွေနှိုင်းယှဉ်နိုင်ဘို့တချိန်ကRFAရဲ့မူဝါဒမှန်နဲ့အညီဘယ်လိုလှုပ်ရှားခဲ့လို့ဘယ်လိုအကျိုးသက်ရောက်လာခဲ့တယ်ဆိုတာနည်းနည်းပြောပြဖို့လိုမယ်။

ကျနော်တို့အားလုံးနားလည်ခံယူထားတာကRFAဟာသတင်းအမှောင်ချခံနေရတဲ့လူ့အဖွဲ့အစည်းထဲကပြည်သူတွေသတင်းအချက်အလက်မှန်တွေရရှိစေဘို့၊ပြီးတော့ဒီမိုကရေစီရဲ့အခြေခံရေသောက်မြစ်လည်းဖြစ်၊အရေးကြီးတဲ့အစိတ်အပိုင်းတခုလည်းဖြစ်တဲ့လွတ်လပ်စွာပြောရဲဆိုရဲချင်တဲ့စိတ်တွေပေါ်လာအောင်မြှင့်တင်ပေးဘို့၊အကြောက်အလန့်ကင်းကင်းနဲ့မိမိတို့လိုအင်ဆန္ဒကိုထုတ်ဖော်ဘို့၊အထူးသဖြင့်ပြောခွင့်ဆိုခွင့်မရတဲ့အသံတွေ၊အဖိနှိပ်ခံအသံဖော်ထုတ်ပေးဘို့ဆိုတာRFAရဲ့အဓိကရည်မှန်းချက်ဖြစ်တယ်။

အာအက်ဖ်အေဘာတွေလုပ်နိုင်ခဲ့လဲ?

အာအက်ဖ်အေထူထောင်လာတာအခုဆို၁၆နှစ်ရှိသွားပြီ။အောင်မြင်တယ်လို့ပြောရမယ်။မြန်မာအပါအ၀င်၊အာအက်ဖ်အေအသံလွှင့်တဲ့အရှေ့တောင်အာရှနိုင်ငံတွေ(မြောက်ကိုးရီးယားနဲ့တရုတ်ကလွဲလို့)ထိရောက်တဲ့အပြောင်းအလဲတွေဖြစ်သွားပြီ။

တရုတ်နဲ့မြောက်ကိုးရီးယားလည်းဒီမိုကရေစီမုန်တိုင်းဒါဏ်ကိုအလူးအလဲခံနေရတာပါ။မြန်မာပြည်မှာဆို..ကျနော်တို့သတင်းထောက်လုပ်ခါစကအခုလိုလက်ကိုင်ဖုန်းတွေဝေေ၀ဆာဆာပေါ်နေတာမဟုတ်ဘူး၊လမ်းဘေးဖုံးနဲ့ချိန်းဆက်ပြောရတာ။ဖုန်းလိုင်းဖျက်တာ၊ဆူညံတာ၊အသံခိုးနားထောင်တာ၊ပြည်ပရေဒီယိုနဲ့စကားပြောရင်ဖုံးလိုင်းဖြတ်တောက်တာ...ဒုက္ခပေးတာအစုံအစုံ..။

ပြည်သူတွေသတင်းပေးချင်၊ပြောချင်ပေမဲ့ကြောက်ရတယ်၊ကိုယ်သိတာတောင်မပြော၊မဆိုရဲတဲ့ဘ၀။ပြည်တွင်းထဲလူလွှတ်ပြီးတနည်း၊လူမွေးပြီးတသွယ်သတင်းတွေယူရတယ်။ကိုယ်မိသားစုနဲ့ကိုယ်ပါဒုက္ခရောက်ပြီးလူ့အခွင့်အရေးချိုးဖောက်ခံနေရတာတောင်ပြည်ပရေဒီယိုကမေးရင်ရေလုံနှုတ်ပိတ်နေနေကြတဲ့ဘ၀။ရေဒီယိုသတင်းတောင်ကျယ်ကျယ်နားမထောင်ရဲတဲ့ဘ၀၊သတင်းမေးတာတောင်ကြိမ်းမောင်းပြစ်တင်ခံရတဲ့ဘ၀တွေကနေ

လူ့အခြေခံအခွင့်အရေးကိုသဘောပေါက်လာတာ၊ဒီမိုကရေစီလိုလားစိတ်ပိုမိုပြင်းထန်လာတာဟာရေဒီယိုတွေရဲ့မှန်ကန်တဲ့လမ်းစဉ်နဲ့စေတနာတွေ၊အားထုတ်မှုတွေကြောင့်ပါ။

အာအက်ဖ်အေမြန်မာပိုင်းပေါ်လာပြီးတဲ့နောက်ထင်ရှားကြီးမားတဲ့သမိုင်းဖြစ်စဉ်တွေကိုအများပြည်သူသိအောင်သတင်းဖော်ထုတ်နိုင်ခဲ့တယ်။

အဲလိုသတင်းတွေဖော်ပြနိုင်ဘို့ကျနော်တို့နယ်သတင်းထောက်တွေဟာတယ်လီဖုန်းခတွေအိတ်ဆိုက်အကုန်ခံ၊အန္တရာယ်ရှိမှန်းသိရက်နယ်စွန်နယ်ဖျား၊သူပုန်စခန်းတွေ၊စစ်ပွဲတွေရှိရာသွားပြီးသတင်းယူရတယ်။ပြည်တွင်းထဲခိုးဝင်ရတယ်။အသက်အန္တရာယ်တွေကြုံခဲ့တယ်။အဖမ်းဆီးခံခဲ့ရတယ်။အဲလိုစွန့်စွန့်စားစားလုပ်ကြတဲ့အရာတွေဟာဝါသနာတခုထဲကြောင့်မဟုတ်ဖူး၊ပြည်သူတွေသတင်းမှန်၊အဖြစ်အပျက်မှန်တွေသိစေချင်လို့၊မြန်မာပြည်သတင်းလွတ်လပ်ခွင့်ရချင်လို့၊ဒီမိုကရေစီရချင်လွန်းလို့ဆိုတဲ့တွန်းအားတွေလည်းပါတယ်။

ဒါပေမဲ့လွမ်းစရာပါပဲ။တချိန်တုန်းကကျနော်တို့တတွေယုံကြည်ချက်တွေနဲ့လုံ့လစိုက်ထုတ်တည်ဆောက်ခဲ့ကြတဲ့အာအက်ဖ်အေရဲ့အနှစ်သာရနဲ့Imageဟာတဖြေးဖြေးမှေးမှိန်လာနေပါပြီ။

ဒီနေ့အာအက်ဖ်အေဘယ်သွားနေလဲ?

ဆရာဗန်းမော်တင်အောင်ရဲ့“ကျနော်”ဆိုတဲ့ဝတ္တုလေးကျောင်းသားဘ၀ကဖတ်ဖူးတယ်။သတင်းစာသမားတယောက်ကကိုယ့်အတ္တကိုကိုယ်ပြန်စစ်ဆေးတဲ့ဝတ္တုလို့မှတ်မိတယ်။ပြည်သူ့ဘက်ကရပ်တဲ့သတင်းစာလို့ကြော်ငြာကောင်းပြီးမှ၊အစိုးရမင်းစိုးရာဇာတွေရဲ့ စားသောက်ဧည့်ခံပွဲတွေတက်၊၀န်ကြီးတွေ၊သာပေါင်းညာစားကုမ္မဏီပိုင်ရှင်တွေနဲ့ပေါင်း (ဒီခေတ်အခေါ်ခရိုနီပေါ့) ၊သူတို့ကောင်းကြောင်းနဲ့စီးပွားရေးသတင်း၊ရေပေါ်ဆီသတင်းတွေကိုအမည်ခံပြည်သူ့သတင်းစာမှာလှိုင်လှိုင်ကြီးဖော်ပြ၊ပြည်သူ့အာဘော်တွေမေ့နေတဲ့သတင်းစာဆရာကြီးဟာညစဉ်သံတမန်တွေနဲ့ဝန်မင်းတွေ၊ခရိုနီတွေရဲ့ဧည့်ခံပွဲကအပြန်အင်းယားကန်ဘောင်ဘက်လေညှင်းခံတယ်။အဲဒီအချိန်သူ့ရဲ့ကိုယ်ပွား(သူ့နာမည်တူနဲ့နာမ်ဝိဥာဉ်)ကသူ့လုပ်ရပ်တွေအားလုံးကိုတခုချင်းစီဝေဖန်တိုက်ချွတ်တဲ့အကြောင်းပါကျနော်မှတ်မိနေတာလေးက..အဲဒီသတင်းစာဆရာကြီးရဲ့ကိုယ်ပွားကြီးမလာခင်အမြဲတမ်းအင်္ဂလိပ်တေးသွားလေးတပုဒ်ကိုလေချွန်ပြီးပေါ်လာတာလေးဘဲ။သူလေချွန်တဲ့တေးသွားရဲ့စာသားက
“ဂျောက်ကမ္ဘားတွေထူပေါတဲ့လမ်းပေါ်မှာမျက်မမြင်ကလမ်းပြနေတာအဓိပ္ပါယ်ရှိပါ့မလားကွယ်”ဆိုတဲ့အပိုဒ်တဲ့။

အခုလည်းဆရာဗန်းမော်တင်အောင်ဝတ္တုထဲကသီချင်းလို...မီဒီယာမျက်ကန်းတွေလမ်းပြတာကြောင့်ပြည်သူတွေ ဂျောက်ကမ္ဘားထဲဒလိမ့်ခေါက်ကွေးကျတော့မဲ့ပုံစံမျိုးမြင်နေရလို့ပါ။သတိထားမြင်ကြည့်ရင်အတော်လေးအန္တရာယ်ကြီးတာတွေ့ရမယ်။ တချိန်တုံးကအာဏာရှင်တဖြစ်လဲအစိုးရနဲ့ဝန်ကြီးတွေခရိုနီတွေကိုပြောချင်ရာပြောဆိုပြီးမိုက်ကရိုဖုံးပါးစပ်ထဲတေ့လွှတ်နေတဲ့ကိစ္စဘဲ။

စဉ်းစားကြည့်လွန်ခဲ့တဲ့နှစ်ပေါင်း(၅၀)လောက်ကတည်းကမီဒီယာလောကကြီးတခုလုံးကိုထင်သလိုကြဲအနိုင်ယူဘိုကျခဲ့သလို၊ ရှိတဲ့သတင်းစာ၊ရေဒီယို၊ရုပ်မြင်သံကြားကိုလည်းအပိုင်စီးလိုက်ရုံနဲ့အားမရ၊စာပေကင်ပေတိုင်တွေဖွဲ့ပြီးစာနယ်ဇင်းလောကကိုအမျိုးမျိုးချယ်လှယ်ဒုက္ခပေးခဲ့ကြတယ်ဒါနဲ့တောင်…ပြည်ပကရေဒီယို(၄)လေးလုံးကိုမယှဉ်နိုင်ခဲ့ဘူး။နောက်ဆုံးအဲဒီရေဒီယိုတွေကို အထဲခန၀င်ခွင့်ပေး၊တရားမ၀င်အခန်းလေးငှားနေခိုင်းပြီးသူတို့အာဘော်တွေထဲ့ဝါဒဖြန့်ဘို့ကျိုးစားတယ်။(ကိုယ်ကအနိုင်ကနေရှုံးရအုံးမယ်)၊ကိုယ့်ရေဒီယိုတွေကလည်းကိုယ့်သောတရှင်တွေကိုရော၊ပြည်သူတွေကိုရော၊တိုင်းပြည်ကိုရော၊ကိုယ့်ရေဒီယိုမူဝါဒနဲ့ရပ်တည်ချက်ကိုရောသစ္စာမဲ့လိုက်တယ်။ဒါနဲ့တောင်မကြေနပ်ဘူးကိုယ့်အသားတောင်ကိုယ်လှီးထုတ်လိုက်သေးတယ်။သတင်းဌာနရုံးဖွင့်ခွင့်တရားဝင်သဘောတူညီချက်နဲ့ရပြီဆိုလဲတော်သေးရဲ့၊အခုတော့အစိုးရကသိသာသိစေ၊မမြင်စေနဲ့ပုံစံမျိုး(သူခိုးဂျပိုးပုံစံ)ကုမ္မဏီလိမိတက်လိုလိုဘာလိုလိုနာမည်ခံခိုင်းပြီးတရားမ၀င်ရုံးခန်းဖွင့်ရတာမျိုး။ဒါပေမဲ့ကိုယ်ပေးလိုက်ရတာကအချီကြီး။အစိုးရသဘောမတွေ့တဲ့သတင်း၊ စစ်တပ်မလိုလားတဲ့သတင်းဆိုသတင်းမလုပ်ရဘူး။ပါးစပ်ပိတ်နေရတယ်။ကချင်စစ်ဒေသကိုသတင်းသွားယူခွင့်မပေးဘူး။ ခလေးစစ်သားသတင်းရှိနေတာတောင်မလုပ်ကြဘူးတကယ်တော့ခလေးစစ်သားတွေရှိနေတုံး။ပြည်သူတွေအတွက်အကျိုးရှိပြီးလုပ်သင့်လုပ်ထိုက်တဲ့သတင်းတွေကအများကြီး၊သတင်းလွတ်လပ်ခွင့်ရှိနေပြီလို့ပြောနေတဲ့အသံကအကျယ်ကြီး၊လုပ်ကြပါတော့လား..။အထဲမှာပိုတောင်သိနိုင်၊ပိုတောင်လုပ်နိုင်သေးတယ်။

အစိုးရ၀န်ကြီးတွေနဲ့ခရိုနီတွေအပါအ၀င်နိုင်ငံခြားကုမ္မဏီတွေရဲ့ပြည်သူ့အကျိုးစီးပွားမျက်ကွယ်ပြုစီးပွားရေးနဲ့ရင်းနှီးမြှုပ်နှံမှုတွေပွင့်လင်းမြင်သာမှုမရှိတာတွေကိုဖော်ထုတ်ရအုံးမယ်။ဦးပိုင်လိမိတက်ရဲ့လဂ်စားမှု၊ဆည်မြောင်းဝန်ကြီးဌာန၀န်ကြီးဦးမြင့်လှိုင်နဲ့အရင်ဝန်ကြီးဟောင်းဦးဋ္ဌေးဦးတို့လဂ်စားမှုနဲ့ဓနအင်အားတွေ၊ လွတ်တော်ကိုယ်စားလှယ်တွေနဲ့အရင်စစ်ခေါင်းဆောင်ဟောင်းတွေရဲ့ပိုင်ဆိုင်မှု မပြရဲတာတွေဘာကြောင့်လဲဆိုတာတွေ။ရန်ကုန်မြို့လည်၊လူကုံတန်ရပ်ကွက်က၅လောင်းပြိုင်လူသတ်မှု၊ဘိန်းဘုရင်တွေ၊ခရိုနီတွေနဲ့စစ်ရေး၊နိုင်ငံရေးခေါင်းဆောင်ကြီးတွေရဲ့ပုလင်းတူဗူးဆို့စီးပွားရေးတွေ၊ဒီနေ့အမေရိကန်စီးပွားဖွင့်လိုက်လို့ငွေမဲကိုငွေဖြူဖြစ်အောင်လုပ်နေတာတွေ၊နိုင်ငံခြားထွက်တဲ့ခေါင်းဆောင်တွေနဲ့ကပ်လိုက်သွားတဲ့စီးပွားရေးသမားခရိုနီတွေအကြောင်း။မီဒီယာလွတ်လပ်တယ်ဆိုရင်ဒါတွေ ဖော်ထုတ်ရမယ်။

မဖော်ထုတ်ရင်မီဒီယာသမားတာဝန်မဲ့တာဘဲ။နောက်ကြောင်းပြန်လှည့်သွားနိုင်တယ်ဆိုတဲ့ခြိမ်းခြောက်မှုကိုထိတ်လန့်ပြီးငြိမ်ငြိမ်လေးနေမယ်ဆို၊မီဒီယာအလုပ်ကိုစွန့်လွှတ်ဖို့ဘဲရှိတော့တယ်။ကဲ..ဟုတ်ပြီ၊ဒါတွေဒီအချိန်လုပ်လို့မရဘူး၊အခြေအနေကသိတ်မကောင်းဘူး။ အန္တရာယ်ရှိတဲ့သတင်း၊အငြိုအငြင်ခံရမဲ့သတင်းမျိုးမို့မလုပ်ရဲဘူးဆိုတာသဘာဝကျတယ်။သဘာဝမကျတာကအဲလိုအန္တရာယ်ရှိတယ်၊အငြိုအငြင်ခံတယ်ဆိုရင်သတင်းမှန်ှပေါ်ထွက်ပါ့မလား?သတင်းမှန်တွေဖော်ထုတ်လို့မရမှတော့အထဲမှာရုံးဖွင့်ပြီးသတင်းထောက်တွေရာနဲ့ချီခန့်၊သတင်းပို့လည်း၊ဘာထူးမှာလဲ?

အာအက်ဖ်အေရဲ့မူဝါဒကိုပြန်ကြည့်၊ထိတ်ဆုံးမှာရေးထားတာကိုက..“သက်ဆိုင်ရာ အစိုးရများ၏ ပိတ်ပင်ဟန့်တားမှုများကြောင့်၊ သတင်းလွတ်လပ်ခွင့် မရှိသော အာရှနိုင်ငံများမှ သောတရှင်များထံ၊တိကျမှန်ကန်ပြီး၊ အချိန်ကိုက်ဖြစ်သော သတင်းနှင့် သတင်းအချက်အလက်များအား ထုတ်လွှင့်ပေးရန် ဖြစ်သည်”..တဲ့။

အဲလိုသတင်းအချက်အလက်မှန်တွေအသိပေးလို့ မရတော့ဘူးဆိုရင်..ဘာအကျိုးရှိမှာလဲ`?

ရန်ကုန်မြို့လည်ခေါင်မကလို့ကာကွယ်ရေးဦးစီးချုပ်အိမ်ခေါင်မိုးပေါ်မှာဘဲအသံလွှင့်ရုံးခန်းကြီးဖွင့်နိုင်စေအုံးတော့.. သူတို့ရဲ့မတရားခြစားမှု၊ပြည်သူနဲ့နိုင်ငံအပေါ်တာဝန်မကြေမှု၊သစ္စာဖောက်မှုတွေကိုရေငုံနှုတ်ပိတ်နေရင်..ဘာမှအကျိုးမရှိဘူး။ တချိန်တုံးကစစ်ခေါင်းဆောင်တွေ၊လူ့အခွင့်ရေးချိုးဖောက်မှုအကျင့်ပျက်ခြစားမှု၊မူးယစ်မှောင်ခိုမှု၊ဘိန်းစိုက်မှု၊တပ်တွင်းလှို့ဝှက်ညွှန်ကြားမှုတွေ၊ကိုတောင်အပြင်ကနေတယ်လီဖုန်းနဲ့ (ဖုန်းဖျက်ခံရတဲ့ကြားက)အချိန်ယူပြီး Investicateလုပ်၊စုံစမ်းစစ်ဆေးလေ့လာတဲ့ သတင်းမျိုးတောင်ကြိုးစားလုပ်ခဲ့ကြတယ်။

အခုလိုကာလမှာအဲဒါတွေမလုပ်နိုင်ဘူးဆိုရင် အာအက်ဖ်အေရဲ့နဂိုမူလရည်မှန်းချက်နဲ့လွဲချော်သွားပါပြီ။ အာအက်အေရဲ့မူဝါဒကိုအသစ်ပြောင်းလဲရပါတော့မယ်။အရင်ကလိုပြည်သူတွေရဲ့လွတ်လပ်စွာပြောဆိုခွင့်တွေမြှင့်တင်ပေးတာပါဆိုတဲ့နေရာမှာအစိုးရအာဏာရတွေနဲ့ခရိုနီတွေရဲ့လွတ်လပ်စွာပြောဆိုလုပ်စားပိုင်ခွင့်ကိုမြှင့်တင်ပေးလိုတဲ့ရည်ရွယ်ချက်လို့ပြောင်းလဲပေးရမှာဖြစ်တယ်။

မီဒီယာဟာအစိုးရလက်ကိုင်တုတ်မဟုတ်။

အခုလအစောပိုင်းသမတဦးသိန်းစိန်ရဲ့အမေရိကားခရီးစဉ်မှာဘီဘီစီHardTalkအင်တာဗျူးအစီအစဉ်လေးတော်တော်များများကြည့်လိုက်ရမယ်ထင်တယ်။

တချိန်ကကျနော်တို့ဟာဒီမိုကရေစီရေးလှုပ်ရှားသူတွေ၊ NLDပါတီနဲ့အတိုက်အခံနိုင်ငံရေးသမားတွေကိုအင်တာဗျူးရင်တောင်ဝါဒဖြန့်မခိုင်းဘူး။

သတင်းကျင့်ဝတ်နဲ့အညီမေးကြတယ်။ချောင်ပိတ်မေးတယ်။NLDပြောခွင့်ရဦးလွင်ဆိုကျနော်တို့ကိုဒေါသထွက်တယ်။မဖြေဘူး။ တချို့နိုင်ငံရေးသမားတွေ(နာမည်မပြောလို)ကျိန်းမောင်းဆူပူပြီးဖုန်းတောင်ချသွားတယ်။ကျနော်တို့တတွေနိုင်ငံရေးသမားတွေနဲု့တောင်မိတ်ပျက်ခဲ့တယ်။

ဒါပေမဲ့ပြည်သူအများသိချင်တဲ့စိတ်ဝင်စားတဲ့မေးခွန်းဘဲမေးခဲ့ပါတယ်။ပြည်သူ့ ဆန္ဒသာမျက်နှာမူခဲ့တယ်။အရင်ကNLDကိုအင်တာဗျူးရင် တခြားNLDမဟုတ်သူတွေကိုလည်းBalanceဖြစ်အောင်(အချက်လက်အားပိုကောင်းပြီး၊သောတရှင်တွေဒေါင့်စုံကတွေးမြင်သိရှိအောင်) မေးမြန်းရတယ်။အစိုးရအရာရှိကိုမေးပြီးရင်အတိုက်အခံဘက်မေးရတယ်။အာအက်ဖ်အေမှာ..အရည်အချင်းမရှိရင်ရေရှည်မှာကျဆုံးမယ်။ သတင်းသမားအတွက်အရည်အချင်းဟာသက်လုံဖြစ်တယ်။အရည်အချင်းရှိရင်တာဝေးပြေးရလည်းခံနိုင်ရည်ရှိတယ်။တာတိုပြေုးလည်းအားမာန်ပါတယ်။

အာအက်ဖ်အေ..ဘယ်ဘက်ရွှေမလဲ?

ဘယ်ဘက်ရပ်မလဲ?ခုတလောအာအက်ဖ်အေမြန်မာပိုင်းကသတင်းဆိုးတွေထွက်တယ်။ အယ်ဒီတာကျင့်ဝတ်နဲ့မညီတာ၊သတင်းသမားကျင့်ဝတ်မရှိကြတာ၊ဇာတ်တူသားစားတာ၊လူကြီးလုပ်ပြီးမျက်နှာလိုက်တာ၊လူမွေး၊မျောက်မွေး၊အုပ်စုမွေးလုပ်တာ၊ကိုယ့်လူမဟုတ်ရင်ရာထူးတိုးမပေးတာ၊ကိုယ့်လူဆိုရင်ခုန်ပျံကျော်လွှားရာထူးတိုးပေးတာ၊

အလုပ်ဖြုတ်မယ်ဆိုပြီးခြိမ်းခြောက်ထားတာ၊အာဏာပါဝါပြတာ….စုံလို့စုံလို့..။ဗမာတွေရှိတဲ့နေရာတိုင်းမတဲ့တာတို့၊အုပ်စုကွဲတာတို့ဆိုတာမြန်မာ့ယဉ်ကျေးမှုတခုလိုဖြစ်နေပြီမို့ရှိပါစေတော့..စိတ်မကောင်းစရာကအဲလိုအုပ်စုတွေ၊အတိုက်အခိုက်တွေ၊ မမျမတမှုတွေနဲ့ဘက်လိုက်မှုတွေရှိနေရင်ဝန်ထမ်းတွေလုပ်ငန်းခွင်မှာစိတ်ပျက်နေမှာဘဲ။သတင်းအလုပ်ဆိုတာ ဦးနှောက်ရှင်းရှင်း၊စိတ်ဓာတ်ကြည်ကြည်၊တက်တက်ကြွကြွရှိမှအလုပ်တွင်ကျယ်တယ်။

စိတ်ညစ်ပြီးသမာဓိအားမကောင်းရင်ကိုယ်ရေးတဲ့စာကလည်းသိတ်ကောင်းလာမှာမဟုတ်ဖူး။လူတိုင်း..သူ့နေရာနဲ့သူအရည်အချင်းတွေတော့ရှိကြမှာဘဲ..အဓိကမျက်ခြေမပြတ်သင့်တာကကိုယ်သွားနေတဲ့ခရီးနဲ့ပန်းတိုင်ဖြစ်တယ်။ကိုယ့်ပန်းတိုင်ကကိုယ့်အလုပ်ဌာနကချမှတ်ထားတဲ့ရည်မှန်းချက်ပန်းတိုင်ဖြစ်ရမယ်။ဒါဆိုကိုယ့်အလုပ်ရော၊ဌာနအလုပ်ရောအောင်မြင်မယ်။တာဝန်ကျေတယ်။ ဒီလိုမှမဟုတ်ဘဲကိုယ့်ရာထူးအာဏာတက်ရေး၊ကိုယ့်ကုလားထိုင်မြဲရေးဆိုတာကပန်းတိုင်ဖြစ်သွားရင်၊အဲဒီလုပ်ငန်းတခုလုံးတိုးတက်သင့်သလောက်ဖွှံဖြိုးတိုးတက်မလာသလို၊ပဋိပက္ခတွေအတိုက်အခံတွေနဲ့ကြုံရမှာဘဲ။

ဒီကနေ့ကျနော်တို့မြန်မာ့လူ့အဖွဲ့အစည်းကြီးတခုလုံးမှာအဲဒီပြဿနာတွေကြုံနေရတယ်။ကိုယ့်အလုပ်နဲ့တာဝန်ကိုမျက်ခြေပြတ်မခံဘဲ ဖိဖိစီးစီးလုပ်ရမဲ့အစား၊အဲဒီအလုပ်ကနေကိုယ့်အကျိုးစီးပွားသာ၊အတ္တကိုဗဟိုပြုပြီး၊တွက်ချက်နေတတ်တယ်။အများပြည်သူအားလုံးရဲ့အကျိုးစီးပွားကိုတန်ဘိုးမထားတတ်ဘူးဆိုရင်အဲဒီအလုပ်ရဲ့ဦးတည်ချက်နဲ့ဟန်ချက်တွေပါလွဲပြီးပဋိပက္ခတွေ ဆုံးရှုံးမှုတွေဘဲတွေ့ရမှာဘဲ။၂ဘက်စလုံးမှာဆုံးရှုံးတာပါ။ကိုယ့်ဘက်ကတော့ဂုဏ်သိက္ခာဆုံးရှုံးတယ်။အများပြည်သူမှာတော့ရလဒ်ကောင်းဆုံးရှုံးတယ်။

သတင်းမီဒီယာအလုပ်ဟာအများအကျိုးရည်မျော်ပြီးလုပ်ရတဲ့အလုပ်ပါ။ဂုဏ်သိက္ခာရှိတဲ့သတင်းဌာနတခုရဲ့အသက်ဟာ သူဘယ်ပေါ်မှာရပ်သလဲဆိုတဲ့အပေါ်မှာမူတည်တယ်။ပြည်သူအများစုရဲ့မျက်နှာကိုထောက်ထားသလား၊ ဘယ်လောက်ထိမှန်ကန်ပြီးဘယ်လောက်သမာသမတ်ရှိသလဲဆိုတဲ့အရာတွေဟာသတင်းဌာနတွေကိုတိုင်းတာတဲ့ပေတံပဲ။ သတင်းသမားဆိုတာပြည်သူအများစုမျက်နှာကလွဲပြီးဘယ်ပုဂ္ဂိုလ်၊ဘယ်အုပ်စုဘက်မှမရပ်ရဘူး။ ပြည်သူတွေကိုဘဲမျက်နှာမူရမယ်၊ပြည်သူဘက်ဘဲရပ်ရမယ်လို့သတင်းသမားတိုင်းသိထားကြပါတယ်။ပြည်သူတွေကလည်းတနေ့နေ့တချိန်ချိန်မှာဘယ်သတင်းဌာနကတော့၊ဘယ်သူတွေကတော့သူတို့ဘက်ရပ်တယ်၊မရပ်ဘူးဆိုတာကွဲကွဲပြားပြားသိလာပါလိမ့်မယ်။ဒီနေ့အထိတော့တချိန်ကလာခြင်းကောင်းတဲ့အောင်မြင်မှုရဲ့နာမည်အရှိန်အ၀ါကြောင့်ယုံထင်ကြောင်ထင်ဖြစ်နေလိမ့်မယ်။ပြည်သူတွေကိုဟုတ်နိုးနိုးမျော်လင့်ချက်တွေမပေးစေချင်ဘူး။

အာအက်ဖ်အေမြန်မာပိုင်းအနေနဲ့ကိုယ့်ခြေလှမ်းကိုကိုယ်သတိပြုပြီးအမြန်ဆုံးလမ်းကြောင်းမှန်ကိုလျှောက်စေချင်တယ်။ကိုယ့်ဘက်ကလည်းအရွှေ့ကောင်းဘို့လိုပါတယ်။

ကိုယ့်အကျိုးစီးပွားသက်သက်နဲ့ပြည်သူကလေးစားယုံကြည်တဲ့မီဒီယာကြီးကိုအသုံးချပြီးဂျောက်ကမ်းပါးတွေထူပြောတဲ့လမ်းတွေမှာ မျက်မမြင်တယောက်လမ်းပြတဲ့ပုံစံမျိုးဖြစ်မလာအောင်ဘဲဆုတောင်းရမယ်ထင်တယ်။
  Myanmar Express 

Posted in: ဘာလဲဟဲ့ RFA,သတင်း