ကျန်းမာရေးဝန်ကြီးဌာနမှ ပြည်သူ့ဆေးရုံကြီးများတွင်အသုံးပြုရန် အမေရိကန်နိုင်ငံ GE ကုမ္ပဏီမှ CT ဓါတ်မှန်စက်များ ၀ယ်ယူသွားမည်

From :elevan

ရန်ကုန်ပြည်သူ့ ဆေးရုံကြီးအား တွေ့ရစဉ်

ကျန်းမာရေးဝန်ကြီးဌာနမှ ရန်ကုန်၊ မန္တလေးနှင့် အခြားမြို့ကြီးများရှိ ပြည်သူ့ဆေးရုံကြီးများတွင် အသုံးပြုရန် CT ဓါတ်မှန်စက်များ ၀ယ်ယူသွားမည်ဖြစ်ကြောင်း သိရသည်။

ယင်းစက်ပစ္စည်းများအား အမေရိကန်အခြေစိုက General Electric Company (NYSE :GE ) ၏ လက်အောက်ခံကုမ္ပဏီတစ်ခုဖြစ်ပြီး GE Pacific  ၏ဌာနခွဲတစ်ခုဖြစ်သော GE Healthcare မှ မြန်မာပြည် တရားဝင်ကိုယ်စားလှယ်ဖြစ်သည့် Sea Lion Co Ltd  မှတဆင့် ၀ယ်ယူသွားမည်ဖြစ်ကြောင်း သိရသည်။

ကျန်းမာရေးဝန်ကြီးဌာနမှ အဆိုပါစက်များအား ပေးသွင်းခွင့်တင်ဒါကို စက်တင်ဘာလ ၂၇ ရက်နေ့က အပြီးသတ်ကြေညာခဲ့ကြောင်း GE Healthcare မှ Optima CT 660 128 - Slice CT နှစ်ခုနှင့် Bright Speed Elite 16 Slice CT ငါးခုကို  ပြည်သူ့ဆေးရုံကြီးများတွင် တပ်ဆင်သွားရန် စီစဉ်ထားကြောင်းနှင့် ယင်းစက်များသည် ဓာတ်ရောင်ခြည်သင့်မှု အနည်းဆုံး၊ အဆင့်မြင့်ပုံရိပ်ဖော် ရောဂါရှာဖွေရေးနည်းပညာများကို ပေးစွမ်းနိုင်ကြောင်းသိရသည်။  ထို့အပြင် Optima CT 660 128 - Slice CT စက်နှစ်ခုကို သင်ကြားရေးဆေးရုံနှစ်ခုတွင် တပ်ဆင် သွားမည်ဖြစ်ကြောင်း သိရသည်။

အမေရိကန်အခြေစိုက် GE ကုမ္ပဏီအနေဖြင့် မြန်မာနိုင်ငံရှိ  ပုဂ္ဂလိကဆေးရုံများဖြစ်သည့် ဗဟိုရ်စည်ဆေးရုံတွင် CT ဓါတ်မှန်စက်နှင့် ပန်းလှိုင်ဆေးရုံတွင် နှလုံးရောဂါအထောက်အကူပြု ပုံရိပ်ဖော်စက်များကိုလည်း တင်သွင်းရောင်းချခဲ့ပြီးဖြစ်ကြောင်းလည်း သိရသည်။

ထို့အပြင်GE ကုမ္ပဏီအနေဖြင့် မြန်မာနိုင်ငံ၏ စွမ်းအင်နှင့်ကျန်းမာရေးကဏ္ဍများအတွက် အဓိကပူးပေါင်း ဆောင်ရွက်သွားမည်ဟုလည်း သိရသည်။

  Myanmar Express 

Posted in: သတင်း