ကျနော်တို့ဘာမှားနေလဲ !! ကျနော်တို့ဘာမှားသွာလဲ!!

From : ..ခိုင်ဇော်

သူ့နာမည်က ကိုမင်းသူ ...
NLD ပါတီဆိုတာ မဖြစ်ပေါ်ခင်ကတည်းက ...
ပါတီအတွက် ပေးဆပ်ခဲ့ရသူပါ။
မိုးကုတ်မြို့နယ် ရေပူရွာသား တစ်ယောက်ပါ။
၁၉၉၀ ရွေးကောက်ပွဲ မိုးကုတ်မှာ ဦးဗိုလ်လှတင့်တို့ အောင်ပွဲခံသွားနိုင်တာ ကိုမင်းသူတို့လို လူငယ်တွေရဲ့ တွန်းအားအပြည့်နဲ့ ဝိုင်းရံမှုကြောင့်ဆိုရင် အဲဒီနယ်မှာ ဘယ်သူမှ မငြင်းကြဘူး။
၂၀၁၀ ကြားဖြတ်ရောက်တော့ ...
နိုင်ငံရေးသေနေတဲ့ NLDကို အခုလိုမျိုး ဘယ်မိုးကျရွှေကိုယ်မှ မျက်စိမကျသေးဘူး။
ဒီတော့ ကိုမင်းသူတို့ဘဲ ပါတီကြီးကို ပုခုံးနဲ့ထမ်းပြီး လွတ်တော်ထဲကို ရောက်အောင် ပို့ခဲ့ရပါတယ်။
သူ့ကြီးဘဲလားဆိုတော့ သူ့အမျိုးသမီးဖြစ်သူ မနန်းရော ပါတီအတွက် မျော်လင့်ချက်မရှိဘဲ ပေးဆပ်ခဲ့တာပါ။

အခု (၂၀၁၅) ရွေးကောက်ပွဲမှာ ...
သူ့ကိုယ်စားပြုခဲ့တဲ့ ဥတ္တရသိရိနယ်မြေကို ဒေါ်အောင်ဆန်းစုကြည်ရဲ့ ဆုံးဖြတ်ချက်အရ အခြားတစ်ယောက်ရဲ့ လက်ထဲကို နာကျင်မှု၊ ခံစားမှုတွေကို မြိုသိပ်ရင်း လွဲပေးလိုက်ရပါပြီ။

ဒေါ်အောင်ဆန်းစုကြည်ရဲ့ တစ်ခုတည်းသော အကြောင်းပြချက်ကတော့ ကိုမင်းသူဟာ ၉၆၉ ဆရာတော်တွေကို သူ့ရဲ့ FB စာမျက်နှာကနေ ဝေဖန်ခဲ့ဘူးလို့ ဖြစ်ပါတယ်။

ကျနော် အနေနဲ့ကတော့ ...
ဒီလို အကြောင်းပြချက်ဟာ ကိုမင်းသူအတွက် တရားမျှတမှု မရှိသလို ဒေါ်အောင်ဆန်းစုကြည် ဘက်မှလည်း ခိုင်လုံမှု မရှိခဲ့ပါဘူး။

ဒီအကြောင်းပြချက်အရ ...
ကိုမင်းသူကို ဖယ်ရှားမယ်ဆိုရင်တော့ ဒေါ်အောင်ဆန်းစုကြည်အပါအဝင် NLDရဲ့ ထိပ်သီးခေါင်းဆောင်များ အတော်များများဟာ ကိုမင်းသူသွားရာလမ်းအတိုင်း လိုက်ရဘို့ဘဲ ရှိနေပါတော့တယ်။

နောက်တစ်ခုက ...
ကျနော်တို့အားပေးနေတဲ့ ဒီချုပ်ဟာ...
ဖြိုးဇေယျာသော်လို မူးယစ်ဆေးဝါးအမှုနဲ့ ထောင်ကျဘူးခဲ့တဲ့သူကိုတောင် လွတ်တော်အမတ်အဖြစ် နောက်လာမဲ့သက်တမ်းမှာ အရွေးခံခိုင်းဦးမယ်ဆိုတော့ ဒီချုပ်အတွက် ဟောဒီ ရင်ဘက်ကြီးပေးပြီး တကယ်အလုပ် လုပ်ပေးခဲ့တဲ့ လူတွေအတွက်တော့ စဉ်းစားစရာအချိန်ရောက်လာပါပြီ။

.. https://www.facebook.com/MyanmarExpress
 

Posted in: NLD ပါတီတွင်း အကွဲအပြဲများ နှင့် လမ်းခွဲရှင်းတမ်းများ