သမ္မတကြီးနှင့် မတွေ့မီ၊ တွေ့စဉ်နှင့် တွေ့ပြီးအတွေးပုံရိပ်များ (မျိုးညွန့်)

From : Hot News Journal

၈-၇-၂၀၁၂ ရက်က ပြည်ထောင်စုဝန်ကြီး ဦးအောင်မင်း၊ ဦးစိုးသိမ်းတို့က ဒီမိုကရေစီ မိတ်ဆွေ (၁၀)ပါတီမှ တာဝန်ရှိသူများကို ဖိတ်ခေါ်တွေ့ဆုံပြီး သမ္မတကြီးတို့ အစိုးရအဖွဲ့က ဆောင်ရွက်လုပ်ကိုင်နေသော အလုပ်များနှင့်စပ်လျဉ်း၍ ဒီမိုကရေစီမိတ်ဆွေပါတီများ၏ သုံးသပ်ချက်အမြင်သဘောထားများ၊ အကြံပြုချက်များကို အပြန်အလှန်ကြိုတင်ညှိနှိုင်း ဆွေးနွေးရေးဖြစ်သည်၊၊ ပြည်ထောင်စုဝန်ကြီးများက ထိုဆွေးနွေးတွင် ရင်းနှီးပွင့်လင်းစွာ အပြုသဘောဆောင် ဆွေးနွေးမှုများပြုခဲ့ကြသဖြင့် ဒီမိုကရေစီမိတ်ဆွေပါတီခေါင်းဆောင် များကို ကျေးဇူးတင်ကြောင်း၊ သမ္မတကြီးနှင့် မကြာမီတွေ့ဆုံနိုင်ရန် စီစဉ်မည်ဖြစ်ကြောင်း၊ သမ္မတကြီးကလည်းတွေ့ဆုံရန် ဆန္ဒရှိနေပါကြောင်း၊ တွေ့ဆုံသည့်အခါ မိမိတို့အမြင် သဘောထား၊ အကြံပြုချက်စသည်တို့ကို ပွင့်ပွင့်လင်းလင်းရင်းရင်းနှီးနှီးအိတ်သွန်ဖာမှောက် ဆွေးနွေးပြောဆိုစေလိုကြောင်း ပြောကြားခဲ့ပါသည်၊၊

ပြင်ဆင်မှုများ

သို့နှင့် ၁၈-၇-၂၀၁၂ ရက်နေ့နံနက် (၉)နာရီမှ (၁၁)နာရီအထိ နေပြည်တော် ပုဗ်ဗသီရိ မြို့နယ် စက်မှုလယ်ယာစနစ် တောင်သူပညာပေးဧက (၅၀၀)စိုက်ခင်းရှိ စည်းဝေးခန်းမတွင် တွေ့ဆုံရန် စီစဉ်ထားပြီဖြစ်ကြောင်း၊ သမ္မတရုံးမှ ဆက်သွယ်ရေးအရာရှိများမှ တစ်ဆင့် ၁၆-၇-၂၀၁၂ ညနေတွင် အဆောတလျင် အကြောင်းကြားလာပါသည်၊၊သို့နှင့် ဒီမိုကရေစီ မိတ်ဆွေပါတီများမှ တာဝန်ရှိသူများ ၁၇-၇-၂၀၁၂ နေ့တွင် အရေးပေါ်အစည်းအဝေးထိုင်ပြီး သမ္မတကြီးနှင့်တွေ့ဆုံချိန်(၂)နာရီအတွင်း ကျွန်တော်တို့ဆွေးနွေးမည့် အကြောင်းအရာ အလိုက် ခေါင်းစဉ်ခွဲခြင်း၊ ခေါင်းစဉ်အလုိက် ပါတီအသီးသီးမှ တာဝန်ရှိသူများက မိမိတာဝန်ယူ ဆွေးနွေးမည့်ခေါင်းစဉ်အလိုက် စာတမ်းတိုများရေးသားပြီး မိတ်ဆွေ ဆယ်ပါတီ၏ သဘောတူညီညှိနှိုင်းထားပြီး အခြေခံမူဘောင်များနှင့်အညီ ၀ိုင်းဝန်းဆွေးနွေး ပြင်ဆင်အတည်ပြုခြင်းများ ပြုလုပ်ကြပါသည်၊၊ ပါတီအသီးသီမှကိုယ်စားလှယ်များနှင့် မိတ်ဆက်ခြင်းအပါအ၀င် သမ္မတကြီးအား မိတ်ဆက်နှုတ်ခွန်းဆက် စကားပြောရန် အသက်အရွယ်အကြီးဆုံး နိုင်ငံရေးဝါအရင့်ဆုံးဖြစ်သူ ဦးသုဝေ(ဒီမိုကရက်တစ်ပါတီ) ကို အားလုံးသဘောတူ တာဝန်ပေးအပ်ခဲ့ပါသည်၊၊

မတွေ့မီအတွေးစများ

စာရေးသူသည် သမ္မတကြီးနှင့်တွေ့ဆုံမည့်သူများသူများထဲတွင် တစ်ဦးအပါအ၀င် ဖြစ်ပါသည်။ အထက်တွင်ဖော်ပြခဲ့သော ပြည်ထောင်စုဝန်ကြီးနှစ်ဦးနှင့် တွေ့ဆုံရာတွင် လည်းပါဝင်ခဲ့သူဖြစ်ရာ ထိုစဉ်ကပင်သမ္မတကြီးက ကျွန်တော်တို့ ဒီမိုကရေစီမိတ်ဆွေပါတီ ကိုယ်စားလှယ်များကို ဘာကြောင့်တွေ့ချင်ပါလိမ့်။မည်သို့သော အကြောင်းကြောင်း အခြေအနေများက ထိုသို့တွေ့ဆုံဆွေးနွေးပွဲ ဖြစ်ပေါ်လာစေရန် စေ့ဆော်လိုက်ပါလိမ့်။ သမ္မတဦးသိန်းစိန်အစိုးရက ဆောင်ရွက်နေသော ဒီမိုကရေစီပြုပင်ပြောင်းလဲရေးလုပ်ငန်း စဉ်အတွက် ထိုတွေ့ဆုံပွဲက အထောက်အကူပြုပါမည်လော။ ပူးပေါင်းဆောင်ရွက်ရေး အတွက် စိတ်ရိုးသဘောမှန်ဖြင့် ဖိတ်ခေါ်ခြင်းပင်လော။ နိုင်ငံရေးရုပ်ပြအသုံးချခံအဖြစ်မျိုး များကျရောက်သွားလိမ့်မည်လော။ စသည်ဖြင့်သို့လော… သို့လော… အတွေးပုံရိပ်များ ထင်လျက်ရှိခဲ့ကြောင်းရိုးသားစွာ ဖော်ပြလိုပါသည်။

သမ္မတနှင့်တွေ့ပြီ

၁၈-၇-၂၀၁၂ နံနက်(၇)နာရီခန့်တွင် ရန်ကုန်-မင်္ဂလာဒုံ အပြည်ပြည်ဆိုင်ရာလေဆိပ် မှ နေပြည်တော်အပြည်ပြည်ဆိုင်ရာလေဆိပ်သို့ ဆိုက်ရောက်သွားပါသည်။ထိုမှ အသင့်ကြို မော်တော်ယာဉ်များဖြင့် သမ္မတ၏လယ်တောအိမ် စည်းဝေးခန်းမဆောင်သို့ (၈း၄၅)နာရီခန့် ရောက်သွားရာ ပြည်ထောင်စုဝန်ကြီး ဦးအောင်မင်းနှင့် ဦးစိုးသိမ်းတို့က အခြားသမ္မတရုံး တာဝန်ရှိသူအချို့နှင့်အတူ ကြိုဆိုနေကြသည်။ ကျွန်တော်တို့ကိုဝန်ကြီးများက နွေးနွေး ထွေးထွေးကြိုဆိုနှုတ်ဆက်ကြပြီး အစည်းအဝေးခန်းမထဲ ၀င်ရောက်နေရာယူကြပါရန် ပြောသည်။ ကျွန်တော်တို့အသီးသီးနေရာယူကြပြီးနောက် ငါးမိနစ်ခန့်ကြာ နံနက်(၉)နာရီ တိတိတွင် သမ္မတကြီးသည် မော်တော်ယာဉ်တစ်စီးဖြင့် ဆိုက်ရောက်လာသည်။ သူ့တွင် လက်နက်ကိုင်အစောင့်အကြပ် တစ်ဦးမျှမပါ။ ဘာအဆောင်အယောင်မျှမပါဘဲ ကိုယ်ရေး အရာရှိများဖြစ်ဟန်တူသူ အရပ်ဝတ်နှစ်ဦးသာ အတူလိုက်ပါလာလေသည်။ ၎င်းတို့သည် သမ္မတကြီးနှင့်အတူ အစည်းအဝေးခန်းမထဲဝင်၊ ရုပ်သေဗီဒီယိုများ ခေတ္တရိုက်ပြီး ပြန်ထွက်သွားကြသည်။

ဆွေးနွေးပွဲတွင်

ရှေးဦးစွာ သမ္မတကြီးက ကျွန်တော်တို့်ပါတီခေါင်းဆောင်များကို လက်ဆွဲနှုတ်ဆက် ပဋိသန္တာရစကားဆိုသည်။ ထို့နောက် “ထိုင်ကြပါ။ အေးအေးဆေးဆေး သက်သက်သာသာ နေကြပါ။အချိန်ရသမျှ ပြောကြဆိုကြတာပေ့ါဗျာ”ဟုပြောပြီး စားပွဲထိပ်ကုလားထိုင်တွင် ထိုင်သည်။ ထို့နောက် ၎င်းတို့အစိုးရ စတင်ဖွဲ့စည်းတာဝန်ယူလာချိန်မှ ယခုအချိန်ထိ ဆောင်ရွက်လာခဲ့သော ဆောင်ရွက်ချက်များအနက် အရေးကြီးကိစ္စရပ်များကို ဖြေးဖြေးနှင့် မှန်မှန် အေးဆေးတည်ငြိမ်စွာ ပြောပြသွားသည်မှာ မိနစ်(၅၀)ခန့်ပင်ကြာမြင့်ပါသည်။ ထို့နောက် ၎င်းပြောဆိုဆွေးနွေးချက်များနှင့် စပ်လျဉ်းပြီး အခြားကျွန်တော်တို့ ဆွေးနွေးတင်ပြလိုသော အကြောင်းအရာများကိုပါ အားမနာတမ်းပွင့်ပွင့်လင်းလင်း ရင်းရင်း နှီးနှီးပြောကြဆွေးနွေးကြစေလိုကြောင်း ပြောကြားအဆုံးသတ်ပါသည်။

ဒီမိုကရေစီမိတ်ဆွေ(၁၀)ပါတီ ကိုယ်စားဦးသုဝေ(ဒီမိုကရက်တစ်ပါတီ) ကမိတ်ဆက် နှုတ်ခွန်းဆက်စကားကိုလည်းကောင်း၊ ဦးခင်မောင်ဆွေနှင့် ဦးသန်းငြိမ်း(အမျိုးသား ဒီမိုကရေစီ အင်အားစု)တို့က ရခိုင်ယူနန်ရထားလမ်း ကိစ္စ၊ ကျေးရွာများအရောက် လျှပ်စစ်မီး ရရှိရေးကိစ္စ၊ ရခိုင်ပြည်နယ်လုံခြုံရေးကိစ္စနှင့် ရွေးကောက်ပွဲစနစ်တွင် အချိုးကျ ကိုယ်စားလှယ်စနစ် အစားထိုးနိုင်ရေးကိစ္စ၊ ဒေါ်သန်းသန်းနု(ဒီမိုကရက်တစ်ပါတီ)က အကြောင်းကြောင်းကြောင့် နိုင်ငံခြားရောက်နေသူများ မြန်မာနိုင်ငံပြန်လာရေးတွင် နှောင့်နှေးကြန့်ကြာ အတားအဆီးများဖြစ်နေသည့်ကိစ္စ၊ ဦးအောင်သန်း(ဒီမိုကရေစီနှင့် ငြိမ်းချမ်းရေးပါတီ)က တရားစီရင်ရေးစနစ်ပြုပြင်ရေး၊ ဥပဒေပြုပြီးလျှင် နည်းဥပဒေ ကပ်လျက် ပြဌာန်းနိုင်ရေး၊ တရားရုံးများ၏ ဥပဓိရုပ်ပီပြင်စေရေးကိစ္စတို့ကို အသီးသီး ဆွေးနွေးတင်ပြကြပြီး စာရေးသူ(ဒီမိုကရေစီနှင့် ငြိမ်းချမ်းရေးပါတီ)က သမ္မတဦးသိန်းစိန် အစိုးရ လတ်တလောဆောင်ရွက်နေသော ငြိမ်းချမ်းရေးလုပ်ငန်းစဉ်နှင့် စပ်လျဉ်းပြီး မိတ်ဆွေပါတီများ၏ သဘောထားအမြင်များနှင့် အကြံပြုချက်စာတမ်းငယ်ကို ဖတ်ကြားတင်ပြပါသည်။ ထိုသို့ဆွေးနွေးတင်ပြခြင်းများကို သမ္မတကြီးနှင့် အစည်းအဝေး တက်ရောက်သူ ပြည်ထောင်စုဝန်ကြီးများက တစ်ဦးချင်းအလိုက် ပြန်လည်ရှင်းလင်း ဆွေးနွေးကြရာ စာရေးသူ၏စာတမ်းဖတ်ကြားပြီးချိန်တွင် နံနက်(၁၁)နာရီ နီးနီးရှိနေလေပြီ။ မူလစီစဉ်ထားမှုအတိုင်းဆိုပါက အချိန်စေ့နေပြီဖြစ်သည်။ ထိုအချိန်တွင် သမ္မတကြီးက “ ကျွန်တော်တို့ဆက်ပြောစရာ၊ ဆွေးနွေးစရာတွေ ဆက်ကြမယ်။ခုခဏလောက် နားကြရ အောင်။ ပြီးရင်ပြန်စကြတာပေါ့”ဟုဆိုကာ ဆွေးနွေးပွဲကို သုံးမိနစ်ခန့်သာ ရပ်နားပြီး ပြန်ဆက်ကြပါသည်။

ဆွေးနွေးပွဲပြန်စ

ဆွေးနွေးပွဲပြန်စသည်နှင့် ဦးထွန်းရွှေ (ညီညွတ်ရေးနှင့် ငြိမ်းချမ်းရေးပါတီ)က လယ်ယာမြေဥပဒေ၊ မြေလွတ်မြေရိုင်းများဥပဒေတို့နှင့် စပ်လျဉ်းသော ကိစ္စရပ်များကို အကျဉ်းချုပ် ဆွေးနွေးတင်ပြအကြံပြုပါသည်။ ထို့နောက် ဦးသောင်းဝင်း (ပြည်ထောင်စု ဒီမိုကရေစီပါတီ) က သမ္မတကြီးတို့ အစိုးရ၏ ပြုပြင်ပြောင်းလဲရေး လုပ်ငန်းစဉ်ကို ကြိုဆိုထောက်ခံ ယုံကြည်ပါကြောင်း၊ တကယ်အကောင်အထည်ဆောင်ရွက်သည့် အောက်ခြေ၀န်ထမ်းများကို ပြုပြင်ပေးရန်ကိစ္စ ဆွေးနွေးအကြံပြုပါသည်။ ထို့နောက် တိုင်းရင်းသား လူမျိုးစု ညီနောင်ပါတီ(၅)ပါတီမှ ဦးအိုက်ပေါင်း (ကျားဖြူပါတီ)၊ ဦးဦးလှစော (ရခိုင်တိုင်းရင်းသားများ တိုးတက်ရေးပါတီ)၊ မွန်ဒေသလုံးဆိုင်ရာ ဒီမိုကရက်တစ်ပါတီ၊ ဒုတိယ ဥက္ကဌ၊ ဦးဇိုဇမ် (ချင်းအမျိုးသားပါတီ)၊ ဦးစောဝင်း (ဖလုံ-စဝေါ် ဒီမိုကရက်တစ်ပါတီ) တို့က ၂၀၀၈ ဖွဲ့စည်းပုံ အခြေခံဥပဒေ ဇယား ၂ နှင့် ဇယား ၄ တို့ပါ ပြဌာန်းချက်များကိစ္စ၊ ရိုဟင်ဂျာ အမည်ခံ ရခိုင်ပြည်မှ မူဆလင်ဘာသာဝင်တို့ ကိစ္စ သမိုင်းနောက်ခံ၊ အမျိုးသားအမြင်၊ ရေရှည် လုံခြုံရေးအမြင်တို့ဖြင့် ချဉ်းကပ်ဆောင်ရွက်သွားရေး ကိစ္စ၊ သက်ဆိုင်ရာ ပြည်နယ်အလိုက်ဆိုင်ရာ ဘာသာစကားကို ကျောင်းသင်ရိုးညွှန်းတန်းတွင် ထည့်သွင်းပြဌာန်းသွားရန်ကိစ္စ၊ ပြည်နယ်အစိုးရများကို ပြည်နယ်သားများဖြင့်သာ ဖွဲ့စည်းဆောင်ရွက်သွားရေး ကိစ္စ၊ ငြိမ်းချမ်းရေး အပစ်အခတ်ရပ်ရေးစတင်သည်နှင့် မြေမြှုပ်မိုင်းများ ရှင်းလင်းရေးကို ဦးစားပေးဆောင်ရွက်ရန်ကိစ္စတိုိ့ကို အသီးသီး မကျယ်မကျဉ်း တင်ပြသွားကြပါသည်။

ထိုသို့ ဒီမိုကရေစီ မိတ်ဆွေပါတီခေါင်းဆောင်များ၏ တင်ပြချက်အသီးသီးကို တစ်ဦးချင်းစီအလိုက် သမ္မတကြီးနှင့် လိုအပ်လျှင် ပြည်ထောင်စုဝန်ကြီးနှစ်ဦးတို့ကပါ တစ်ချက်ချင်း ပြည်လည်ရှင်းလင်းဆွေးနွေးကြပါသည်။ ထိုသို့ပြန်လည် ရှင်းလင်းဆွေးနွေးရာတွင် သိသည်ကိုသိကြောင်း၊ မသိသည်ကို မသိသေးကြောင်း၊ သက်ဆိုင်သူများကို ပြန်လည်မေးမြန်းစုံစမ်း အရေးယူဆောင်ရွက်သွားမည်ဖြစ်ကြောင်း၊ အကြံပြုချက်များကို သင့်မြတ်လျှင် သင့်မြတ်ကြောင်း၊ လက်ခံကြောင်း၊ လက်မခံနိုင်သေးသော အကြောင်းအရာများကို ဆိုလျှင် လက်မခံနိုင်သေးပါကြောင်း၊ လက်တွေ့ဆောင်ရွက်ရန် မဖြစ်သေးပါကြောင်း စသည်ဖြင့် ရိုးစင်းစွာ ပွင့်လင်းစွာ တိုက်ရိုက်ကျစွာ ရှင်းလင်းဆွေးနွေး ပြောကြားကြသည်ကို တွေ့ရပါသည်။ သို့နှင့် နောက်ထပ်နှစ်နာရီမျှကြာသွားပြီး မွန်းလွဲတစ်နာရီထိုးမှ တွေ့ဆုံဆွေးနွေးပွဲကို အဆုံးသတ်လိုက်ပါသည်။

သမ္မတကြီးနှင့် ဒီမိုကရေစီ မိတ်ဆွေပါတီခေါင်းဆောင်များ တွေ့ဆုံဆွေးနွေးပွဲ တစ်ခုလုံးကို ခြုံကြည့်လိုက်လျှင် အလွန်ပင် ရင်းနှီးပွင့်လင်း နွေးထွေးသော သဏ္ဌာန်ကိ အပြည့်အ၀ဆောင်ထားကြောင်း တွေ့ရသည်။ နှစ်ဖက်အမြင်ချင်း ဖလှယ်ဆွေးနွေးရာတွင် သမ္မတကြီးတို့ဘက်က မည်သည့်ဟိတ်ကြီးဟန်ကြီးလုပ်မှု တစ်စုံတစ်ရာမျှ မတွေ့ရဘဲ၊ သမ္မတ၊ ၀န်ကြီးစသည့် အဆောင်အယောင် ဟန်ပန်များမပါဘဲ မိတ်ရင်းဆွေရင်းများ၊ လုပ်ဖော်ကိုင်ဖက်များ တွေ့ဆုံကြစဉ် ရင်းနှီင်္းပွင့်လင်း တိုက်ရိုက်ကျသည့် ပတ်ဝန်းကျင်အနေအထား (warm, friendly and open atmosphere) မျိုး၊ ကျွန်တော်တို့ ဒီမိုကရေစီမိတ်ဆွေပါတီခေါင်းဆောင်များဘက်ကလည်း ရဲရဲတင်းတင်း ရင်းနှီးပွင့်လင်းစွာ ကြိုက်သည်ကို ကြိုက်ကြောင်း၊ မသင့်သည်ကို မသင့်ကြောင်း၊ ဝေဖန်ထောက်ပြ အကြံပြုသည့် သဏ္ဌာန်မျိုးဆောင်သည့် ဆွေးနွေးတွေ့ဆုံပွဲအဖြစ် မြင်ရသည်။ စင်စစ်သော် နိုင်ငံတော်အကြီးအကဲနှင့် နိုင်ငံရေးပါတီခေါင်းဆောင်များ တွေ့ဆုံဆွေးနွေးပွဲ ဆိုသည်ထက် ဒီမိုကရေစီ မိတ်ဆွေပါတီ(၁၀)ပါတီ ခေါင်းဆောင်များနှင့် ပြည်ထောင်စုကြံခိုင် ဖွံ့ဖြိုးရေးပါတီဥက္ကဌနှင့် တာဝန်ရှိသူတို့ ပြည်ထောင်စုလုံးဆိုင်ရာ စီးပွားမြှင့်တင်ရေး၊ နိုင်ငံရေး၊ စစ်မက်ရေး၊ လုံခြုံရေး၊ ဥပဒေရေး၊ တရားစီရင်ရေးရာ အဖြာဖြာတို့တွင် တူညီသည်များ ပူးပေါင်းဆောင်ရွက်ရန်၊ မတူညီသည်များကို ဆက်လက်ညှိနှိုင်းသွားရန် နွေးထွေးမှုအပြည့်ဖြင့် တွေ့ဆုံဆွေးနွေးနေသည့် ပုံရိပ်များအဖြစ် ကျွန်တော့အတွေးစကို ဆန့်မိပါတော့သည်။

တွေ့ဆုံပွဲလွန်သော်

သို့နှင့် ဆွေးနွေးပွဲ ပြီးဆုံးသောအခါ ကျွန်တော်တို့ ဒီမိုကရေစီ မိတ်ဆွေပါတီ ကိုယ်စားလှယ်များက သမ္မတကြီးနှင့် ပြည်ထောင်စုဝန်ကြီးများအား ယခုကဲ့သို့ ဖိတ်ခေါ်ဆွေးနွေးသည့်အတွက် ကျေးဇူးတင်ဝမ်းမြောက်မိပါကြောင်း ပြောကြားရင်း နှုတ်ဆက်ကြပါသည်။ ထို့နောက် သမ္မတကြီး၊ ပြည်ထောင်စုဝန်ကြီးများနှင့် နိုင်ငံရေးပါတီ ခေါင်းဆောင်များ စုပေါင်းဓါတ်ပုံရိုက်ကြပြီး သမ္မတကြီးလည်း မော်တော်ယာဉ်ဖြင့် ပြည်လည် ထွက်ခွာ၊ ကျွန်တော်တို့လည်း လေယာဉ်ကွင်းဆီ မော်တော်ယာဉ်များဖြင့် ပြန်လည်ထွက်ခွာလာခဲ့ကြပါသည်။ မင်္ဂလာဒုံလေဆိပ်သို့ (၂း၃၀)နာရီခန့် ပြည်လည် ဆိုက်ရောက်ခဲ့ပါတော့သည်။

စာရေးသူ ကျွန်တော်သည် သမ္မတကြီးနှင့်မတွေ့မီက အထက်တစ်နေရာတွင် သို့လော…သို့လော သံသယအတွေးပုံရိပ်တို့ဖြင့် လုံးထွေးရစ်ပတ်နေခဲ့ကြောင်း ဆိုခဲ့ပြီ။ သို့သော် သမ္မတကြီးတို့အဖွဲ့နှင့် ကျွန်တော်တို့ ဒီမိုကရေစီ မိတ်ဆွေပါတီကိုယ်စားလှယ်များ တွေ့ဆုံပြီးနောက် နေပြည်တော်မှ ရန်ကုန်သို့အပြန် လေယာဉ်ပေါ်လိုက်ပါ စီးနင်းနေစဉ်မှစ ဆိုခဲ့ပါ သို့လော..သို့လော….သံသယအတွေးပုံရိပ်တို့ လွင့်ပြယ်လေပြီ။ သမ္မတကြီးနှင့် သူ့အစိုးရအဖွဲ့သည် ပြည်တွင်းလက်နက်ကိုင် ပဋိပက္ခများ ချုပ်ငြိမ်းရေး၊ ရေရှည်တည်တံ့မည့် ပြည်တွင်းငြိမ်းချမ်းရေး၊ အမျိုးသား စီးပွားမြှင့်တင်ရေးစသည် စသည်တို့ အပါအ၀င် အထွေထွေ ဒီမိုကရေစီပြုပြင်ပြောင်းလဲရေး လုပ်ငန်းစဉ်ကြီးကို စွမ်းနိုင်သမျှ အမှန်တကယ် အားသွန် ကြိုးပမ်းဆောင်ရွက်သွားရန် သံန္နိဌာန်ချထားသည်မှာ ထင်ရှားပါကလားဆိုသော ယုံကြည်မှုပုံရိပ်တို့က ကျွန်တော့အတွေးစများတွင် အလွှမ်းအမိုးပြုလာပါတော့သည်။

Myanmar Express

Posted in: ဆောင်းပါး