ဈေးနှုန်းချိုသာပြီး အရည်အသွေး ကောင်းမွန်သည့် စာတိုက်လုပ်ငန်း ၀န်ဆောင်မှုအား ရွေးချယ် အသုံးပြုနိုင်ရေး ဆောင်ရွက်ရန်ရှိ

From : MRTV4

ဆက်သွယ်ရေး စာတိုက်နှင့် ကြေးနန်း ၀န်ကြီးဌာန၊ မြန်မာ့ စာတိုက် လုပ်ငန်းမှ တာဝန်ရှိသူ တစ်ဦးရဲ့ ပြောကြားချက် အရ မြန်မာ့ စာတိုက် လုပ်ငန်းကို ဈေးနှုန်း ချိုသာပြီး အရည်အသွေး ကောင်းမွန်တဲ့ နှစ်သက်ရာ စာတိုက် လုပ်ငန်း ၀န်ဆောင်မှုများကို ပြည်သူတွေ အနေနဲ့ ရွေးချယ် အသုံးပြုခွင့် ရရှိစေဖို့ ဆောင်ရွက် သွားမှာ ဖြစ်တယ်လို့ သိရပါတယ်။ အဲ့ဒီလို ဆောင်ရွက်ရာ မှာတော့ မြန်မာ့စာတိုက် လုပ်ငန်းရဲ့ Postal Reform ဆောင်ရွက်မှုကိုပါ ပြုလုပ်မှာဖြစ်ပါတယ်။

ဒီလိုပြုလုပ်ရင်တော့ အရည်အသွေးပြည့်ဝတဲ့ပြည်သူ့ ဗဟိုပြုစာတိုက်ဝန်ဆောင်မှုတွေကို လွတ်လပ်တဲ့ Business Model အဖြစ် ဖြည့်ဆည်း ပေးနိုင်ခြင်း၊ နိုင်ငံတော် အတွက် ၀န်ထုပ်ဝန်ပိုး မဖြစ်စေဘဲ အကျိုးအမြတ် ရရှိတဲ့ စာတိုက်လုပ်ငန်း ကုမ္ပဏီ အဖြစ် ရပ်တည် သွားနိုင်ခြင်း စတဲ့ အကျိုးကျေးဇူးတွေ ရရှိမှာ ဖြစ်ပါတယ်။

ဒါ့အပြင် တည်ဆောက် ထားပြီး ဖြစ်တဲ့ Postal Infrastructure များပေါ်မှာ လွတ်လပ်တဲ့ စီမံခန့်ခွဲမှု များနဲ့ ခေတ်မီ အိုင်တီ နည်းပညာများ အသုံးပြုကာ နိုင်ငံတကာ အဆင့်မီ အွန်လိုင်း စာတိုက် ၀န်ဆောင်မှု များကို အချိန်နဲ့ တပြေးညီ ဖြည့်ဆည်း ဆောင်ရွက် ပေးနိုင်မှု တွေကိုပါ ရရှိလာမှာ ဖြစ်တယ်လို့သိရပါတယ်။ လက်ရှိ မှာတော့ စာပို့တိုက် လုပ်ငန်းရဲ့ ပြည်တွင်း၊ ပြည်ပချောပို့ဆောင်ရေး လုပ်ငန်း ၀န်ဆောင်မှု လုပ်ငန်းတွေကို Public Private Partinership (PPP) ပုံစံနဲ့ ပုဂ္ဂလိကကို လုပ်ပိုင်ခွင့်များ ခွင့်ပြုပြီး ပူးပေါင်း ဆောင်ရွက်လျက် ရှိတယ်လို့ သတင်း ရရှိပါတယ်။

Myanmar Express

Posted in: သတင်း