အစိုးရအဖွဲ့ပြင်ဆင်ဖွဲ့စည်းခြင်းသည် ကာလရှည်ကြာစောင့်မျှော်ခဲ့ရသော အဓိကအပြောင်းအလဲဖြစ်

From : Popular


မြန်မာနိုင်ငံတော်သမ္မတ ဦးသိန်းစိန်သည် နိုင်ငံခြားတိုက်ရိုက်ရင်းနှီးမြှုပ်နှံမှု ဥပဒေနှင့် မီဒီယာဥပဒေတို့ကဲ့သို့သော အရေးပါသည့် ဥပဒေများနှင့် ပတ်သက်၍ ငြင်းခုံဝေဖန်မှုများ ပြင်းထန်လာချိန်တွင် သမ္မတက အစိုးရအဖွဲ့ ပြင်ဆင်ဖွဲ့စည်းလိုက်သည်။

''သမ္မတဦးသိန်းစိန် အစိုးရ ဝန်ကြီး အပြောင်းအလဲတွေဟာ ပြည်သူတွေကြား က သတင်းဌာန တွေကလာတဲ့ ထင်မြင်ချက်တွေအပေါ် မူတည်တုံ့ပြန်ခဲ့တာ ပါ''ဟု နိုင်ငံတော်သမ္မတရုံးမှ ညွှန်ကြားရေးမှူး ဦးဇော်ဌေးက ပြောသည်။

ယခုကဲ့သို့ အစိုးရအဖွဲ့ ပြင်ဆင်ဖွဲ့စည်းခြင်းအပေါ် သမိုင်းပညာရှင်နှင့် မြန်မာအရေး ကျွမ်းကျင်သူ ဒေါက်တာ သန့်မြင့်ဦးက ''ကာလရှည်ကြာ စောင့်မျှော်ခဲ့ရသော အဓိက အပြောင်းအလဲ''ဟု သုံးနှုန်းထားသည်။

''ပြောင်းလဲလိုက်တဲ့ သူတွေနဲ့ အသစ်ထပ်ခန့်တဲ့ သူတွေဟာ အဓိက စီးပွားရေးဝန်ကြီးဌာနတွေမှာပါ။ ဒါဟာ နှစ်ပေါင်းများစွာ စီမံခန့်ခွဲမှု အမှားတွေကို ဆယ်စုနှစ်ပေါင်းများစွာ ကျင့်သုံးခဲ့ပြီးနောက် စီးပွားရေး ပြန်လည်ဦးမော့လာဖို့ ဦးတည်ချက်ထားတဲ့ သမ္မတကြီးရဲ့လုပ်ဆောင် ချက်ပါ''ဟု ဒေါက်တာသန့်မြင့်ဦးက ဆိုသည်။

သမ္မတ ဦးသိန်းစိန်၏ ထိပ်သီး လက်ထောက်သုံးဦးအား သမ္မတရုံးဝန်ကြီးဌာန ပြည်ထောင်စုဝန်ကြီး များအဖြစ် ပြောင်းလဲခန့်အပ်ခဲ့ရာ မီးရထားဝန်ကြီး ဦးအောင်မင်းလည်း အပါအဝင် ဖြစ်သည်။ ဦးအောင်မင်းသည် တိုင်းရင်းသား လက်နက်ကိုင် အဖွဲ့အစည်းများနှင့် ဆွေးနွေးမည့် ငြိမ်းချမ်းရေးအဖွဲ့အား ခေါင်းဆောင်နေသူ ဖြစ်သည်။ ဤကြိုးပမ်းချက်သည် နိုင်ငံအား ထိခိုက်မှု တစ်စုံ တစ်ရာမရှိဘဲ အောင်မြင်မှု ရရှိစေမည့် အဓိကကြိုးပမ်းချက်ဟု ဆိုရ မည်။

အစိုးရနှင့် တိုင်းရင်းသားလက် နက်ကိုင် အဖွဲ့အများစုမှာ အပစ် အခတ် ရပ်စဲရေး သဘောတူညီချက်များ ရေးထိုးထားသော်လည်း မြောက်ပိုင်းရှိ ကချင်တိုင်းရင်းသား လက်နက်ကိုင်များနှင့်မူ တိုက်ပွဲများ ဆက်လက်ဖြစ် ပွားနေပြီး ကချင်အရပ်သား ထောင်ပေါင်းများစွာ နေအိမ် စွန့်ခွာရှောင်တိမ်း နေကြရသေးသည်။

ထို့အတူ အမျိုးသားစီမံကိန်း ရေးဆွဲရေးနှင့် စီးပွားရေးးဖွံ့ဖြိုးတိုးတက်မှု ဝန်ကြီး ဦးတင်နိုင်သိန်းနှင့် စက်မှုဝန်ကြီး ဦးစိုးသိန်းတို့အား သမ္မတရုံး ဝန်ကြီးအဖြစ် ပြောင်းလဲ ခန့်အပ်လိုက်ခြင်းသည် သမ္မတအနေနှင့် စီးပွားရေး ဖွံ့ဖြိုးမှုအပေါ် အလေးအနက် အာရုံစိုက်နေကြောင်း သိသာစေသည်။ နိုင်ငံခြား ရင်းနှီး မြှုပ်နှံမှုနှင့် ပတ်သက်၍ ရင်းနှီး မြှုပ်နှံသူများအား ဆွဲဆောင် ရန် မည်သည့်မက်လုံးများ ဖန်တီးပေးရမည်နှင့် နိုင်ငံခြား ရင်းနှီးမြှုပ်နှံသူ များနှင့် ယှဉ်ပြိုင်ရာတွင် ပြည် တွင်းလုပ်ငန်းများအား မည်ကဲ့သို့ အကာ အကွယ် ပေးရမည်တို့ကို အဓိကထား ဆွေးနွေးသွားကြဖွယ် ရှိသည်။

''ဒါဟာ သမ္မတရဲ့ အားကောင်းမောင်းသန် ပြုပြင်ပြောင်းလဲရေး အစီအစဉ် တွေကို သက်သေ ပြနေတာပါပဲ။ ဒီပြင်ဆင်ဖွဲ့စည်းခြင်းမှာ စီးပွားရေး အခန်းကဏ္ဍတွေ အများကြီးပါနေတယ်။ ဒီအချက်ဟာ သမ္မတက စီးပွား ရေးပြုပြင် ပြောင်းလဲမှုအတွက် ဦးတည်ကြိုးပမ်းနေတာကို ပြသနေပါ တယ်''ဟု ဦးသန့်မြင့်ဦးက ပြောသည်။

သမဝါယမ ဝန်ကြီးအဖြစ် ရာထူးပြောင်းရွှေ့ခန့်အပ်ခံရသော ယခင် ပြန်ကြားရေးဝန်ကြီး ဦးကျော် ဆန်းမှာ ယခင်အစိုးရလက်ထက် မီဒီယာ များအား ထိန်းချုပ်ရာတွင် အရေးပါသော အခန်းကဏ္ဍ၌ ပါဝင်ခဲ့သူဖြစ်သည်။
ထို ရာထူးနေရာအတွက် အ လုပ်သမား ဝန်ကြီး ဦးအောင်ကြည် နှင့် အစား ထိုးခဲ့သည်။ ဦးအောင် ကြည်မှာ အဓိကအတိုက်အခံ ဒေါ်အောင်ဆန်းစုကြည် နေအိမ် အကျယ်ချုပ်ကျနေစဉ် အစိုးရ၏ ဆက်ဆံရေးဝန်ကြီးအဖြစ် သူမနှင့် ဆက်ဆံခဲ့ရသူ ဖြစ်သည်။

''ပြုပြင်ပြောင်းလဲရေးမှာ အဓိ ကအရေးပါတဲ့ ဝန်ကြီးလေးဦးကို သမ္မတရုံး ဝန်ကြီးအဖြစ် ပြောင်းလဲ တာဝန်ပေးအပ်လိုက်တာဟာ ဒီမိုကရေစီ အပြောင်း အလဲအတွက် ကောင်းတဲ့လက္ခဏာပါ'' ဟု ပြည်သူ့လွှတ်တော် ကိုယ်စားလှယ် ဦးမင်းသူက ဆိုသည်။ ထို့အတူ အလုပ်သမား ဝန်ကြီး ဦးအောင် ကြည်အား ပြန်ကြားရေးဝန်ကြီးအဖြစ် ခန့်အပ်ခြင်းအား ကြိုဆိုရ မည်ဟု ထပ်မံဆိုသည်။

''သူ (ဦးအောင်ကြည်)ဟာ စစ်အစိုးရလက်ထက်မှာဆက်ဆံရေး ဝန်ကြီးအဖြစ် ဒေါ်အောင်ဆန်းစု ကြည်နဲ့ ဆက်ဆံခဲ့သူပါ။ ပြီးတော့ လူထုနဲ့ ဆက်ဆံတဲ့ နေရာမှာလည်း အတွေ့အကြုံကောင်းတွေ ရှိမှာပါ'' ဟု ဦးမင်းသူက ဆိုသည်။

IGS Global Insight ၏ မြန် မာအရေး ကျွမ်းကျင်သူ Jan Zalewski က အမှန်တကယ် ဖြစ် ပွားနေသည့် အကြောင်းအရာနှင့် အစိုးရအဖွဲ့ ပြင်ဆင် ဖွဲ့စည်းစေရန် စေ့ဆော်သည့်အကြောင်းအရင်းက မည်သို့ရှိသည်ကိုသိရှိရန် အလွန် ခက်ခဲနေသည်ဟု ဆိုသည်။ သို့ရာတွင် ယခု အပြောင်းအလဲသည် အစိုးရအဖွဲ့အတွင်း သမ္မတ၏အခန်း ကဏ္ဍကို ပိုမိုအားကောင်းမောင်းသန် ဖြစ်လာစေမည်ဟု သုံးသပ်သည်။

''ဒါဟာ ပြုပြင်ပြောင်းလဲမှု ခရီးရှည်အတွက် ကောင်းတဲ့ လက္ခဏာပါ။ ပြီးတော့ ဒါဟာ အစပဲ ရှိပါသေးတယ်'' ဟု ၄င်းကဆိုသည်။

Myanmar Express

Posted in: သတင်း