နိုင်ငံရေး ပါတီဆိုသည်မှာ

From : Aye Chan Mon

နိုင်ငံရေး ပါတီဟူသည် ပြည်သူ၏ ယုံကြည် ကိုးစားမှု ရှိအောင် သိက္ခာ ရှိရှိ မှန်မှန် ကန်ကန် လုပ်ဆောင် ကြရမည့် အစား စည်းမဲ့ ကမ်းမဲ့၊ ဥပဒေမဲ့ လုပ်နေကြလျှင်မူ ပြည်သူတို့ ယုံကြည် ကင်းမဲ့မှု ခံကြရမည်သာ ဖြစ်ပါသည်။ ထို့ကြောင့် နိုင်ငံရေးပါတီများ အနေဖြင့် ပြည်သူများ ယုံကြည် ကိုးစားမှု ရရှိအောင် ယခုကပင်လျှင် တာထွက် ကောင်းအောင် ဆောင်ရွက် ကြရမည်ဖြစ်ပြီး တာထွက်ကောင်းမှ ပန်းဝင် ကောင်းမည် ဖြစ်ကြောင်း အကြံပြ
ုလိုက်ရပါသည်။

ပါတီဆိုသည်မှာ လူထု၏အစိတ်အပိုင်း Party of People ဖြစ်ရကား နိုင်ငံရေးပါတီများမှာ နိုင်ငံရေးအယူအဆတူသူ လူထု၏အ စိတ်အပိုင်းပင်ဖြစ်သည်။ ထို့ကြောင့် ပါတီတစ်ခု၏ သဘောတရား၊ လမ်းစဉ်အပေါ် လူအများက သိရှိနားလည်အောင် လက်ခံလာအောင် ၀ါဒဖြန့်ချိရေး၊ လှုံ့ဆော်ရေး၊ ပညာပေးရေးတို့ကို စနစ်တကျအကွက် ချ၍ လုပ်ကြရခြင်းဖြစ်သည်။ အများသဘောတူက အောင်မြင်သည်။ အများသဘောနှင့်မတွေ့က ကျရှုံးမည်မှာ ဧကန်မုချဖြစ်သည်။ နိုင်ငံရေးမူဝါဒလမ်းစဉ်များမှာ အများအကျိုးသယ်ပိုးနိုင်ရန်အတွက် နိုင်ငံရေး၊ စီးပွားရေးတို့အပေါ် အခြေခံ၍ ချမှတ်ကြသည်။

ဝါဒရေးရာ ကွာခြားမှု မရှိ

မျက်မှောက် ကာလ ပါတီစုံ ဒီမိုကရေစီမှာ နိုင်ငံရေး လုပ်ဆောင် သူတွေဟာ အရင်ကလို ၀ါဒရေးရာကို သိပ်ပြီး ရွေးစရာ မကျန်တော့ဘူးဗျ။ အရင်ကတော့ နိုင်ငံရေး ပါတီတွေဟာ ဆိုရှယ်လစ်ဝါဒ၊ ကွန်မြူနစ်ဝါဒ၊ ဒီမိုကရက်တစ် ဆိုရှယ်လစ် ၀ါဒ၊ အရင်းရှင်ဝါဒ စသဖြင့် မိမိတို့ ရပ်တည်ချက်ကို ကွဲကွဲပြားပြား ဖော်ပြပြီး လူထုကို စည်းရုံးတယ်။ မဲဆန္ဒရှင် ပြည်သူ တွေကလည်း ၀ါဒရေးရာကိုပါ ထည့်သွင်း စဉ်းစားပြီး မဲထည့်ခဲ့ ကြတယ်။

ကျွန်တော်တို့ တိုင်းပြည်မှာလည်း မကြာသေးခင် ပေါ်ပေါက်လာတဲ့ နိုင်ငံရေး ပါတီတွေကို လေ့လာ ကြည့်ရင် ဆိုရှယ်လစ်၊ ကွန်မြူနစ် အသံတွေ မကြားရ သလောက်ပဲ ဆိုတာ တွေ့ရလိမ့်မယ်ဗျ။ နိုင်ငံရေး ပါတီတွေရဲ့ မူဝါဒ လုပ်ငန်းစဉ် ထုတ်ပြန် ကြေညာ ကြတာကို နှိုင်းယှဉ် လေ့လာရင် အရှေ့နဲ့ အနောက်၊ တောင်နဲ့ မြောက် ဆိုသလို ကွဲပြား ခြားနားတာ မတွေ့ရပါဘူး။ ပါတီတိုင်းက ပါတီစုံ ဒီမိုကရေစီကိုပဲ သဘောကျတယ်။ ဈေးကွက် စီးပွားရေးကိုပဲ ပုံစံ အမျိုးမျိုးနဲ့ ပြောကြတယ်။ ဗဟိုက ချုပ်ကိုင်တဲ့ စီမံကိန်း စီးပွားရေး ပြန်သွားမယ်လို့ ဘယ်သူမှ မပြောဘူး။ စီးပွားရေးမှာ အစိုးရ ပါဝင် ပတ်သက်မှု အနည်းဆုံး ဖြစ်စေရေး (Minimalism) ၀ါဒကိုသာ အားလုံးက ရှေ့တန်း တင်ကြတယ်။

ပါတီတရပ် စုဖွဲ့ပုံ

အချိန်ပြည့် နိုင်ငံရေး လုပ်သူတွေဟာ ပါတီဖွဲ့စည်း ဆောင်ရွက် ကြရတယ်။ ယုံကြည်ချက်တူ၊ ရည်မှန်းချက် တူသူများ စုဖွဲ့ ဆောင်ရွက်ခြင်းကို ပါတီ လို့ ခေါ်ဆိုတာ ဖြစ်လို့ ပါတီတစ်ခုနှင့် တစ်ခု ယုံကြည်ချက်၊ ရည်မှန်းချက်၊ လုပ်နည်း ကိုင်နည်းများ မတူနိုင်ပါဘူး။ ပါတီ တိုင်းကလည်း မိမိတို့ရဲ့ ၀ါဒနှင့် လမ်းစဉ်သာလျှင် မှန်ကန်တယ်၊ မိမိတို့ ဦးဆောင် လုပ်ကိုင် ခွင့်ရလျှင် တိုင်းပြည်ကို လက်ရှိထက် ပို၍ တိုးတက်အောင် လုပ်ဆောင် နိုင်တယ်လို့ ယုံကြည် ကြမှာချည်းပဲ။ သည်တော့ကာ အခြား ပါတီများထက် မိမိတို့က သာလွန် ကောင်းမွန်ကြောင်းကို ပေါ်လွင် ထင်ရှား အောင် ပြသဖို့ တာဝန် ရှိလာတယ်။

ပါတီ တစ်ရပ်လုံးကို ခြုံငုံ ကြည့်ရှုပြီး မည်သို့သော လူအမျိုးအစားများ ပါဝင် ဖွဲ့စည်းထား သနည်း ဆိုတာကို အကဲဖြတ် ကြဖို့ပဲ ရှိတယ်။ ဆိုလိုတာက တစ်ပါတီနှင့် တစ်ပါတီ မူမကွဲပြားဘူး ဆိုရင် လူကောင်းနှင့် လူညံ့ ခွဲခြား စစ်ဆေးဖို့ပဲ ရှိတော့မှာပါ။

လူတော်၊ လူကောင်းများ ရရှိရေး

ပါတီဟူသည် ‘‘သူတော် ချင်းချင်း သီတင်း လွေ့လွေ့ ပေါင်းဖက်တွေ့’’ ဆိုတဲ့ စကား အလာအတိုင်း သွေးတူ မွေးတူ လူအများ ဖွဲ့စည်း ထားခြင်း ဖြစ်တယ်။ လူညံ့များ ကြီးစိုး လွှမ်းမိုးနေတဲ့ ပါတီမှာ လူတော် လူကောင်း အနည်း အကျဉ်း မျက်စိလည် လမ်းမှားပြီး ပါဝင်နေနိုင်ဖွယ် ရှိပေမယ့် လူတော် လူကောင်း တွေဟာ နေရာမရဘဲ ချောင်ထိုး ခံရမည်သာ ဖြစ်တယ်။ လူတော်လူကောင်း အများစု ပါဝင်တဲ့ ပါတီကို ရွေးချယ် လိုသည့် တိုင်အောင် အဲဒီ ပါတီဟာ နိုင်ငံလုံးအနှံ့ ကျယ်ပြန်တဲ့ အတိုင်း အတာ မရှိရင် ရည်မှန်းချက် ပေါက်မြောက် နိုင်ဖွယ် မရှိဘူး။

ဗီယက်နမ်ပါတီ အတွေ့အကြုံ

ဗီယက်နမ်စစ်ပွဲပြီးဆုံးသွားသည့်အခါ တောင်နှင့်မြောက်ဗီယက်နမ်တို့ ပြန်လည်ပေါင်းစည်းသွားပြီး အစိုးရအသစ်ကို ကွန်မြူ နစ်ခေါင်းဆောင်မှုဖြင့် ဖွဲ့စည်းခဲ့ပါသည်။ အစိုးရအဖွဲ့ဝင်အားလုံးကို တော်လှန်ရေးကာလက တိုက်ဖော်တိုက်ဖက်ရဲဘော် များထဲမှ လက်သင့်ရာရွေးချယ်ဖွဲ့စည်းခဲ့ပါသည်။ သို့သော် ထိုခေါင်းဆောင်များသည် အုပ်ချုပ်ရေးဆိုင်ရာ အတွေ့အကြုံ များမရှိကြပါ။ ရလဒ်အနေဖြင့် အဖွဲ့အစည်းများသည် ခြစားမှုများနှင့် အရည်အချင်းမရှိခြင်းတို့ ဖြစ်လာပါသည်။ ကွန်မြူနစ်ပါတီသည် ထိုအခြေအနေကို ၅ နှစ်ကာလအတွင်း ရိပ်စားမိလာပြီး ၄င်းတို့နေရာတွင် ယခင် တောင်ဗီယက်နမ် အစိုးရထဲမှ အရည်အချင်းရှိသော အရာရှိများနှင့် ကျွမ်းကျင်ပညာရှင်များကို အစား ထိုးခန့်အပ်ခဲ့ပါသည်။

 www.MyanmarExpress.net
 

Posted in: သတင်း