နိုင်ငံခြားရင်းနှီးမြှုပ်နှံမှု နည်းဥပဒေ ဇန်န၀ါရီ ၃၁တွင် ပြဋ္ဌာန်းမည်

From : 7day

ပြည်တွင်း၊ ပြည်ပ ရင်းနှီးမြှုပ်နှံသူများ မျှော်လင့်နေသည့် နိုင်ငံခြား ရင်းနှီးမြှုပ်နှံမှု နည်းဥပဒေကို ဇန်န၀ါရီ ၃၁ ရက်တွင် ထုတ်ပြန်မည်ဖြစ်ကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင်မှ သတင်းရရှိသည်။

“နောက်ဆုံးအဆင့် အားလုံးပြီးနေပြီ။ ထွက်ဖို့ပဲရှိတော့တယ်။ နိုင်ငံခြားသားလုပ်ငန်းရှင်တွေက ဒါကိုစောင့်နေကြတာ” ဟု ကော်မရှင်မှ ညွှန်ကြားရေးမှူးချုပ် ဦးအောင်နိုင်ဦးကဆိုသည်။

ယခင်က နိုင်ငံခြားကုမ္ပဏီများ လုပ်ငန်းလုပ်ကိုင်ရန် ကမ်းလှမ်းအဆိုပြုမှုမှာ သုံးလမှာ ကုမ္ပဏီတစ်ခုလောက်သာရှိသော် လည်း ဥပဒေထွက်ပြီးနောက်ပိုင်း အပတ်စဉ် အစည်းအဝေးတိုင်းတွင် ကုမ္ပဏီနှစ်ခုမှ သုံးခုကြားရှိသည်။ ယခုနှစ်ဆန်းပိုင်းမှစ၍ နည်းဥပဒေထွက်ရန် နီးစပ်လာချိန်တွင် ပိုများလာကြောင်း အထက်ပါပုဂ္ဂိုလ်က ရှင်းပြသည်။

“နည်းဥပဒေထွက်လာမှုပေါ် မူတည်ပြီး ဘာဆက်လုပ်ရမယ်ဆိုတာ ကွက်ကွက်ကွင်းကွင်းသိမှ ရင်းနှီးမြှုပ်နှံမှုက ၀င်လာမှာ။ လောလောဆယ် ကောလာဟလတွေ သို့လောသို့လောနဲ့ပဲ ၀င်မလာကြသေးဘူး” ဟု မြန်မာနိုင်ငံ ကုန်သည်စက်မှုအသင်းချုပ် (UMFCCI) မှ ဒုတိယဥက္ကဋ္ဌ ဒေါက်တာမောင်မောင်လေးကဆိုသည်။

နိုင်ငံခြားရင်းနှီးမြှုပ်နှံမှု နည်းဥပဒေ ထွက်လာပါက ပြည်တွင်းသို့ ရင်းနှီးမြှုပ်နှံမှုများ ၀င်ရောက်လာပြီး အလုပ်အကိုင်အခွင့်အလမ်းများ ပိုမိုရရှိလာနိုင်မည် ဖြစ်သော်လည်း နိုင်ငံခြားရင်းနှီးမြှုပ်နှံမှုဥပဒေတွင် ပြည်ပလုပ်ငန်းရှင်များအတွက် အခွန်ကင်းလွတ်ခွင့်များရှိနေသဖြင့် ပြည်တွင်းတိုင်းရင်းသားလုပ်ငန်းရှင်များအတွက် အကာအကွယ်များလည်း လိုအပ်ကြောင်း လှိုင်သာယာစက်မှုဇုန် စီမံခန့်ခွဲမှုကော်မတီဥက္ကဋ္ဌ ဦးမြတ်သင်းအောင်က ရှင်းပြသည်။

နိုင်ငံခြားရင်းနှီးမြှုပ်နှံမှုဥပဒေကို အခန်း(၂၀)နှင့် နိုဝင်ဘာ ၂ ရက်က ၂၀၁၂ ခုနှစ် ပြည်ထောင်စုလွှတ်တော်ဥပဒေအမှတ် (၂၁)ဖြင့် ပြဋ္ဌာန်းခဲ့သည်။ ဥပဒေမှာ အကျဉ်းချုပ်သာဖော်ပြထားပြီး နည်းဥပဒေတွင် အသေးစိတ်အချက်အ လက်များ ပါဝင်မည်ဖြစ်သည်။

တိုင်းရင်းသားလုပ်ငန်းရှင်များ အကျိုးအတွက် ပြဋ္ဌာန်းရန် လိုအပ်နေသည့် မြန်မာနိုင်ငံသား ရင်းနှီးမြှုပ်နှံမှု ဥပဒေကြမ်းကို ဇန်န၀ါရီ ၂၃ ရက်တွင် လွှတ်တော်က အတည်ပြုခဲ့သည်။

  www.MyanmarExpress.net
 

Posted in: သတင်း