ရန်ကုန်တိုင်းနယ်မြေလုံခြုံရေးကိစ္စ တိုင်းဝန်ကြီးနှင့်ပါတီများ တွေ့ဆုံဆွေးနွေး

From : ..Myit Makha Mediagroup on 26 Mar, 2013
 

ရန်ကုန်တိုင်းဝန်ကြီးချုပ် ဦးမြင့်ဆွေ ၊ ရန်ကုန်တိုင်းဒေသကြီးလွှတ်တော်ဥက္ကဌ ဦးစိန်တင်ဝင်းနှင့်   နိုင်ငံရေးပါတီများတွေ့ဆုံကာရန်ကုန်တိုင်းဒေသကြီးအတွင်း နယ်မြေလုံခြုံရေးကိစ္စနှင့် ပတ်သက်၍တွေ့ဆုံဆွေးနွေးမှု တစ်ရပ်ပြုလုပ်ခဲ့သည်။

“ရန်ကုန်တိုင်းဒေသကြီးမှာ ကောလဟလတွေ နယ်မြေ မလုံမခြုံဖြစ်တာတွေနဲ့ပတ်သက်ပြီး နိုင်ငံရေးပါတီတွေ ပါဝင်ကူညီဖို့ ပြောတာပါ။မဖြစ်သင့်တာတွေ မဖြစ်အောင် ၊ မယုံမသင်္ကာ ဖြစ်တာတွေ မရှိအောင်ထိန်းချုပ်ဖို့ နိုင်ငံရေးပါတီတွေ သူ့နယ်မြေနဲ့သူ ကူညီပေးဖို့ပြောတာ” ဟုရခိုင်တိုင်းရင်းသားများတိုးတက်ရေးပါတီမှ အတွင်းရေးမှူး ဦးလှစောကပြောသည်။

အဆိုပါ တွေ့ဆုံဆွေးနွေးပွဲသို့ ရန်ကုန်မြို့ရှိ နိုင်ငံရေးပါတီအချို့တက်ရောက်ကြပြီး အမျိုးသားဒီမိုကရေစီအဖွဲ့ချုပ်မှ ဦးဥာဏ်ဝင်း ၊ဒီမိုကရက်တစ်ပါတီ(မြန်မာ)မှ ဒေါ်သန်းသန်းနု ၊ရခိုင်တိုင်းရင်းသားများ တိုးတက်ရေးပါတီမှ ဦးလှစော အစရှိသည့်နိုင်ငံရေးပါတီများမှ အတွင်းရေးမှူးများ တက်ရောက်ကာ ဆွေးနွေးမှုအချို့ပြုလုပ်ခဲ့သည်ဟု သိရှိရသည်။

တွေ့ဆုံဆွေးနွေးပွဲကို မတ်လ (၂၆)ရက် နေ့၊ နေ့လည် (၁)နာရီခွဲဝန်းကျင်ကရန်ကုန်တိုင်းဒေသကြီး အစိုးရရုံး၌ ကျင်းပပြုလုပ်ခဲ့ခြင်းဖြစ်ပြီး ညနေ(၄)နာရီခန့်တွင် ပြီးဆုံးခဲ့သည်။

 

.. www.MyanmarExpress.net
 

Posted in: သတင်း