“ ပြည်သူတို့မျှော်လင့်ချက် လွှတ်တော်က ဖော်ဆောင်ရွက်”

From : .. မိုးထက်မြင့်

မြန်မာတွေ စည်းကမ်းဖောက်လို့ ထီးနန်းပျောက်ခဲ့ရတယ်ဆိုတာ ကျွန်တော်တို့အားလုံး အသိပဲဖြစ်ပါတယ်။ လူတစ်ဦးချင်းစီမှာလည်း စည်းကမ်း၊ ကျင့်ဝတ်တွေရှိသလို၊ အဖွဲ့အစည်းတိုင်းမှာလည်း ကျင့်ဝတ်၊ စည်းကမ်းတွေဆိုတာ ရှိပါတယ်…ကျွန်တော်တို့ စည်းကမ်းမရှိ၊ ကျင့်ဝတ်တွေနားမလည်ရင် တစ်ချိန်ချိန်မှာ ကျွန်တော်တို့ တိုင်းပြည်ပျောက်ကွယ်သွားမှာပဲ…အခုလည်း နိုင်ငံရဲ့အရေးအကြီးဆုံး အဓိကနေရာကြီး ဖြစ်တဲ့ လွှတ်တော်ကြီးမှာ စည်းမဲ့ကမ်းမဲ့တွေ ဖြစ်နေကြပြန်ပြီ။ ဒီမိုကရေစီစနစ်ကျင့်သုံးတာနဲ့ တိုင်းပြည် လုံခြုံရေးကို လစ်လျူရှုတယ်ဆိုတာ တခြားစီပါဗျာ…။

အခု ကျွန်တော်တို့နိုင်ငံရဲ့အရေးကို လုပ်ဆောင်နေတဲ့ နိုင်ငံတစ်နိုင်ငံရဲ့ ယန္တရားတွေ လည်ပတ်နိုင်ဖို့ လိုအပ်တဲ့ဥပဒေတွေပြုနေတဲ့ လွှတ်တော်ကြီးမှာ နိုင်ငံခြားသားတွေ ရုံးထိုင်သွားလာလုပ်ကိုင်ပြီး မြန်မာ့ နိုင်ငံရေးကို ၀င်ရောက်စွက်ဖက်နေကြတာ မြင်တွေ့ရတော့ မပြောပဲမနေနိုင်တော့ဘူး….အဆိုးဆုံးကတော့ တရားဥပဒေစိုးမိုးရေးနဲ့ တည်ငြိမ်အေးချမ်းရေးကော်မတီ ဥက္ကဋ္ဌဖြစ်တဲ့ ဒေါ်စုကြည်ကိုယ်တိုင် သူ့ရဲ့ရုံးခန်းမှာ ဗြိတိန်နိုင်ငံသားတစ်ဦးကို အကြံပေးခန့်အပ်ထားခြင်းပါပဲ…. နိုင်ငံခြားသားတွေ လွှတ်တော်တွင်းကို ၀င်ချင်တိုင်းဝင် ထွက်ချင်တိုင်းထွက်နဲ့ ဒေါ်စုကြည်ကော်မတီရုံးမှာ ရုံးတက်တယ်…. အကြံဥာဏ်ပေး တယ်…. အစီအမံတွေလုပ်ပေးတယ်….. သူ့ခြေသူ့လက်နဲ့ လွှတ်တော်ကော်မတီဝန်ထမ်းတွေကို ခြယ်လှယ် စေခိုင်းနေပြန်တယ်….. ဒါ့အပြင် ဗြိတိန်ရဲ့ အကူအညီအထောက်အပံ့နဲ့ ဟိုတစ်လောက နာမည်ဆိုးနဲ့ ကျော်ကြားနေတဲ့ ကျောင်းသားအမည်ခံ ဇေယျာလွင်ပါဝင်တဲ့ ကျောင်းသားတွေကို အင်္ဂလန်ကိုလွှတ် တယ်….. ပြန်လာပြီး တစ်လအကြာမှာပဲ အခုလို အစိုးရကို ဆန့်ကျင်မှုတွေ ပြုလုပ်လာတော့တာပါပဲ…. ဒါတွေကလည်း ဒေါ်စုကြည် ကျင့်သုံးနေကျ ပြည်ပအထောက်အပံ့နဲ့ အစိုးရကို ဆန့်ကျင်မှုပြုတဲ့ နည်းလမ်းတွေဆိုတော့ အဆန်းတော့မဟုတ်ပါဘူး…..။ ဒါတွေကို လွှတ်တော်ကတာဝန်ရှိသူတချို့နဲ့ လက်ချိုးရေနိုင်တဲ့ NLD ပါတီထိပ်ပိုင်းမှတစ်ပါး ပြည်သူလူထုကြီးက မသိရှာကြပါဘူး…..။

ဗြိတိသျှက တရားမ၀င်စေလွှတ်ထားတဲ့ ဗြိတိန်နိုင်ငံသားက လွှတ်တော်ကိုယ်စားလှယ်အမည်ခံ ရက်ပ်ပါ ဆေးသမား ဇေယျာသော်နဲ့ ပေါင်းပြီး NLD ပါတီက ကျောင်းသားတွေကို မြှောက်ထိုးပင့်ကော်ပြုလုပ်နေတာ တွေကို မြင်တွေ့နေရတော့ ယူကျုံးမရ ဖြစ်မိတယ်ဗျာ…. မိမိနိုင်ငံရဲ့ ပြည်တွင်းရေးကို နိုင်ငံခြားသား တစ်ယောက် ၀င်နှောက်နေတာကို အလိုတူအလိုပါ လုပ်နေကြတာ အံ့သြလို့မဆုံးဘူး…. လက်ရှိမှာတော့ NLD ပါတီနဲ့ ဒေါ်စု အာဏာရရေးအတွက် အစွမ်းကုန်ကြိုးစားဆောင်ရွက်ပေးနေတယ်…. နောက်လာမည့် ရွေးကောက်ပွဲမှာ NLD ပါတီ အနိုင်ရရင်တော့ NLD ပါတီကလူများဟာ ကိုယ့်ကိုကိုယ် မသိလိုက်ဘဲ ပြည်ပသြဇာများ ပြည်သူတွေထဲကို သွတ်သွင်းပေးမယ့်လူ ဖြစ်လာပါတော့မယ်…. အဲဒါဆိုရင် မြန်မာအစိုးရ က ဗြိတိန်နဲ့ အနောက်အုပ်စုရဲ့ ကြိုက်သလိုကြိုးဆွဲပြီး ဒုတိယအကြိမ် Remote Control နဲ့ ကျွန်ပြုခြင်းကို ကျွန်တော်တို့ခံရတော့မယ့် အခြေအနေဆိုးတစ်ခုပါပဲ။

အနောက်အုပ်စုနဲ့ ဒေါ်စု လွှမ်းမိုးလာရင် ပထ၀ီဝင်နိုင်ငံရေးအရ အရှေ့ကပေါက်ဖော်ကလည်း ဒီအခြေအနေ ကို မျှော်မှန်းထားပြီးဖြစ် တဲ့အတွက် သူ့သြဇာခံ KIA၊ “၀”၊ မိုင်းလား၊ ကိုးကန့်လက်နက်ကိုင်တွေနဲ့ တိုင်းပြည်မငြိမ်မသက်ဖြစ်လာရေး အမျိုးမျိုးပုံဖော်ခိုင်းနေလေရဲ့…. KIA ကိုထောက်ပံ့တယ်၊ “၀” ကို ပြည်နယ်တောင်းဆိုခိုင်းတယ်၊ မိုင်းလားကို ကိုယ်ပိုင်အုပ်ချုပ်ခွင့်တင်ခိုင်းတယ်၊ ကိုးကန့်ကို အသက်ပြန် သွင်းပြီး မငြိမ်မသက်ဖြစ်အောင်လုပ်ပြီး အစွမ်းပြနေလေရဲ့…. ဒီဖြစ်ရပ်တွေမှာ အရင်ဆုံး အသက်ပေးရ၊ မုဆိုးမဘ၀တွေရကြတာတော့ တပ်မတော် ကပါပဲ….။ ဒါကို သိသိကြီးနဲ့ လွှတ်တော်က အဘယ့်ကြောင့် ခွင့်ပြုပြီး ရုံးထိုင်ခွင့်ပေးထားလဲဆိုတာ စဉ်းစား လို့မရအောင်ပါပဲဗျာ….။

ဒေါ်စုနဲ့ လွှတ်တော်ပေါင်းပြီး ကျွန်တော်တို့နိုင်ငံကြီးကို ဖျက်ဆီးနေကြတာလား….ဒေါ်စုကြည်က ပုဆိန်ဆိုရင် လွှတ်တော်က ပုဆိန်ရိုးပါပဲ…. သူတို့ခုတ်ဖို့ရည်ရွယ်ထားတာက ကျွန်တော်တို့ချစ်တဲ့ မြန်မာ နိုင်ငံကြီးဖြစ်နေတယ်ဆိုတာသိရရင် ပြည်သူတွေ ဘယ်လောက်ဝမ်းနည်းကြမလဲ…. ဘယ်လောက်ကြေကွဲ ရမလဲ….. ပြည်သူတွေ အမှန်တကယ် လိုချင်တာက နိုင်ငံကို အေးချမ်းတာလိုချင်ကြတယ်…. ခေတ်မီဖွံ့ဖြိုး တိုးတက်ပြီး စားဝတ်နေရေးတွေ ပြေလည်တာလိုချင်တယ်…..။ ဒါကို အခွင့်ကောင်းယူပြီးတော့ အပြင်ပန်းက ဗိုလ်ချုပ်အောင်ဆန်းမျက်နှာနဲ့ လူထုအမေအဖြစ်နဲ့ ဟန်ဆောင်…. နိုင်ငံခြားသားနဲ့ပေါင်းပြီး သူခိုးဓားရိုးကမ်းကာ သမ္မတလုပ်ဖို့ကြံနေတဲ့ ဒေါ်စုကြည်ရဲ့ အောက်တန်းကျတဲ့ လုပ်ရပ်ဟာ ကိုယ်ကျိုး စီးပွားအတွက် လက်ဦးမှုရယူလိုကြတဲ့ နိုင်ငံကြီးများအကြား မြန်မာနိုင်ငံဟာ စစ်တလင်း ဖြစ်သွား နိုင် တယ်…… သွေးချောင်းစီးသွားနိုင်တယ်….. မြေဇာပင်ဖြစ်သွားနိုင်တဲ့ နိုင်ငံသူ၊ နိုင်ငံသားတွေ၊ သားစဉ် မြေးဆက်ဘ၀တွေ အဖြစ်ဆိုးတွေနဲ့ ကြုံသွားနိုင်တယ်….. ဒါတွေကို အားပေးအားမြှောက် အလိုတူအလိုပါ လုပ်နေတဲ့ လွှတ်တော်ရဲ့ လုပ်ရပ်ကလည်း ဘယ်လောက်စက်ဆုပ်ရွံရှာစရာ ကောင်းသလဲဗျာ…. စဉ်းစား ကြည့်ကြပါတော့…. လွှတ်တော်နဲ့ ဒေါ်စုကြည်ပေါင်းပြီး နိုင်ငံခြားသားကို စည်းမဲ့ကမ်းမဲ့ မြန်မာ့နိုင်ငံရေးထဲ ၀င်ရောက်စွက်ဖက်ခွင့်ပြုနေတာကတော့ စည်းကမ်းဖောက်လို့ နောက်တစ်ကြိမ် အနောက်အုပ်စုနဲ့ ပေါက်ဖော်ကြီးအကြား ထီးနန်းပျောက်တော့မှာလားလို့တောင် တွေးမိပါတော့တယ်ဗျာ…..။

.. https://www.facebook.com/MyanmarExpress
 

Posted in: လွှတ်တော်သတင်း,အသုံးမကျတဲ့ ဒေါ်စု နဲ့ NLD