နိုင်ငံရေးပါတီများမှတ်ပုံတင်ခြင်းဥပဒေ ပုဒ်မ ၆ (စ) နှင့် NLD ပါတီ ငြိစွန်းနေပြီလား

From : .. ဒေါက်တာမျိုးချစ်

အမျိုးသားဒီမိုကရေစီအဖွဲ့ချုပ်ပါတီ NLD အနေဖြင့် နိုင်ငံရေးပါတီများမှတ်ပုံတင်ခြင်းဥပဒေအချို့နှင့် ငြိစွန်းနေခြင်းအပေါ် မေးခွန်းထုတ်မှုများ ရှိလာသည်။ လက်ရှိ NLD ပါတီ၏ လှုပ်ရှားမှုများမှာ နိုင်ငံရေးပါတီများမှတ်ပုံတင်ခြင်းဥပဒေ ပုပ်မ။ ၆ (စ) အပြင် ဖွဲ့စည်းပုံအခြေခံဥပဒေ ပုဒ်မ ၄၀၇။ (ဂ) တို့နဲ့ ငြိစွန်းနေကြောင်း နိုင်ငံရေးပညာရှင်များက ဆိုသည်။
ပြီးခဲ့သည့် ဇူလိုင်လ ၂၀ ရက်နေ့ နေ့လည် ၁ နာရီခွဲတွင် အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင် အစည်းအဝေးအား ရန်ကုန်မြို့ တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည်၏ နေအိမ်တွင် ကျင်းပပြုလုပ်ခဲ့သည်။ အဆိုပါ ဗဟိုကော်မတီ အစည်းအဝေးမလုပ်ခင် အမေရိကန်သံအမတ်ကြီး Derek Mitchell ၊ သြစတေးလျ သံအမတ်ကြီး Nicholas Coppel ၊ ဗြိတိန်နိုင်ငံသားအကြံပေး Joseph Guy Fisher နှင့် International Foundation for Electoral Systems အဖွဲ့မှ အဖွဲ့ဝင် နိုင်ငံခြားသားများကို ဒေါ်အောင်ဆန်းစုကြည်မှ မြန်မာလွှတ်တော်အတွက် ကိုယ်စားလှယ်လောင်း ရွေးချယ်နေမှုအခြေအနေများ၊ မြန်မာသမ္မတလောင်း လျာထားမှုအခြေအနေများနှင့် ပါတီ၏ မူဝါဒများကို ရှင်းလင်းပြောကြားကာ နိုင်ငံခြားသားများထံမှ အကြံဥာဏ် နှင့် အကူအညီ အထောက်အပံ့များ တောင်းယူခဲ့သည်။

နိုင်ငံရေးပါတီများ မှတ်ပုံတင်ခြင်းဥပဒေ ပုဒ်မ ၆ (စ) တွင် နိုင်ငံရေးပါတီတစ်ခုအနေဖြင့် နိုင်ငံခြားတိုင်းပြည်တစ်ခုခု၏ အစိုးရ သို့မဟုတ် ဘာသာရေးအဖွဲ့အစည်းသို့မဟုတ် အခြားအဖွဲ့အစည်းတစ်ခုခု သို့မဟုတ် ပုဂ္ဂိုလ်တစ်ဦးဦးထံမှ ငွေကြေး၊ ပစ္စည်း၊ အခြားအထောက်အပံ့ကို တိုက်ရိုက်ဖြစ်စေ၊ သွယ်ဝိုက်၍ဖြစ်စေ ရယူသုံးစွဲခြင်း သို့မဟုတ် ယင်းတို့၏ သြဇာခံယူ့ခြင်းမပြုရ ဟု ပြဋ္ဌာန်းထားသည်။ ဖွဲ့စည်းပုံအခြေခံဥပဒေ ပုဒ်မ ၄၀၇။ (ဂ) တွင်လည်း အလားတူ ပြဋ္ဌာန်းထားပြီး နိုင်ငံရေးပါတီ အရပ်ရပ်သည် ပုဒ်မ ၄၀၇ ပါ ပြဋ္ဌာန်းချက်တစ်ရပ်ရပ်နှင့် ငြိစွန်းကြောင်း မှတ်ပုံတင်ခွင့်ပေးနိုင်သော အဖွဲ့အစည်းက တွေ့ရှိလျှင် နိုင်ငံရေးပါတီအဖြစ် မှတ်ပုံတင်ထားခြင်းကို ပယ်ဖျက်ရမည်ဟု အခြေခံဥပဒေ ပုဒ်မ ၄၀၈ တွင်ပြဋ္ဌာန်းထားသည်။ ဤသို့ဆိုလျှင် အထောက်အထားများအရ အမျိုးသားဒီမိုကရေစီအဖွဲ့ချုပ်ပါတီအား နိုင်ငံရေးပါတီတစ်ခုအဖြစ် တရားဝင် မှတ်ပုံတင်ထားခြင်းကို ပယ်ဖျက်ရတော့မည်ဖြစ်သည်။

၂၀၁၂ ကြားဖြတ်ရွေးကောက်ပွဲ ကာလအတွင်းတွင်လည်း ကော့မှူးမြို့နယ် ပြည်သူ့လွှတ်တော် ကိုယ်စားလှယ်လောင်း ဒေါ်အောင်ဆန်းစုကြည်အနေဖြင့် နိုင်ငံခြားတိုင်းပြည်အချို့၊ အစိုးရအချို့ နှင့် အဖွဲ့အစည်းအချို့ တို့ထံမှ ငွေကြေး၊ ပစ္စည်း၊ အခြားအထောက်အပံ့များကို တိုက်ရိုက်သာမက သွယ်ဝိုက်သောနည်းများဖြင့်ပါ ရယူထားသဖြင့် ကိုယ်စားလှယ်လောင်းအဖြစ်မှ ရပ်တန့်ပေးရေး ရွေးကောက်ပွဲကော်မရှင်သို့ တိုင်ကြားခံရဖူးသည်။

.. https://www.facebook.com/MyanmarExpress
 

Posted in: အသုံးမကျတဲ့ ဒေါ်စု နဲ့ NLD