ရန်ကုန်တွင် ကားတံခါးဖွင့် ပစ္စည်းခိုးသူ များလာ

From : .. William Htike

အရေးကြီးလို့ အားလုံး share ပေးကြပါ။ ကျွန်တော့်လိုအဖြစ်မျိုး တစ်ခြားလူတွေ မခံစားရစေချင်လို့ပါ။
လှည်းတန်းနဲ့ အနီးနားတစ်ဝိုက် (နောက်ကြာရင် ရန်ကုန်ရဲ့ တစ်ခြားနေရာတွေလဲ ပါလာနိုင်ပါတယ်) မှာ အုပ်စုဖွဲ့၊ ဂိုဏ်းဖွဲ့ လုယူမှု၊ ခိုးယူမှုတွေ ဖြစ်နေတယ်လို့ ယူဆလို့ ရပါတယ်။

ဒီနေ့ကျွန်တော် လှည်းတန်း စံရိပ်ငြိမ် ၂ လမ်းထဲက ဆေးခန်းတစ်ခုကို ကိစ္စရှိလို့ သွားရပါတယ်။ ကျွန်တော့်ကားကို အင်းစိန်လမ်းမပေါ်၊ စံရိပ်ငြိမ် ၁ လမ်းနဲ့ ၂ လမ်း ကြားထဲမှာ ရပ်လိုက်ပါတယ်။ ကားရပ်၊ ကားပေါ်ကဆင်းပြီး ကားကို ခါတိုင်းလိုပဲ remote key နဲ့ ပိတ်ပါတယ်။ ဒါပေမယ့် remote နဲ့ ပိတ်လို့မရဖြစ်နေတော့ "အော်..... ငါ့ remote တော့ ကြောင်နေပြန်ပြီ ထင်တယ်" ဆိုပြီး ဒီတိုင်း သော့နဲ့ လှည့်ပြီး ပိတ်ခဲ့ပါတယ်။ ပြီးတော့ driver ဘက်ခြမ်းက တံခါးနှစ်ဖက်ကို ပိတ်မပိတ် သေချာ ဆွဲကြည့်ခဲ့ပါသေးတယ်။ ဒါပေမယ့် ဟိုဘက်ခြမ်းကိုတော့ သွားမစစ်ကြည့်ခဲ့မိဘူးပေါ့။

ဒီလိုနဲ့ ကျွန်တော် အဲ့ဆေးခန်သွားပြီး ၁၀ မိနစ်လောက်ပဲကြာပါတယ် ကျွန်တော့် ကားဆီပြန်ရောက်ပါတယ်။ ကားတံခါးဖွင့်ပြီး အထဲလဲဝင်ထိုင်လိုက်ရော ကားထဲမှာ ထားခဲ့တဲ့ i pad air 2, laptop, GL ပိုက်ဆံအိတ်နဲ့ အထဲကပိုက်ဆံ၊ မှတ်ပုံတင်၊ လိုင်စင်၊ MPU Card တွေ အားလုံး စုစုပေါင်းတန်ဖိုးငွေ ဆယ့်နှစ်သိန်းဖိုးလောက် အခိုးခံထားရပါတယ်။

ကျွန်တော် ကားရပ်ထားတဲ့နားက ဖုန်းဆိုင်ကိုမေးကြည့်တော့ ပုဆိုးနဲ့ လူတစ်ယောက် ကားတံခါးဖွင့်၊ ကားထဲအသာလေးဝင်ထိုင်ပြီးတော့ ကားထဲက ပစ္စည်းတွေကို အေးအေးဆေးဆေး စိမ်ပြေနပြေ ယူ၊ ကားတံခါးပြန်ပိတ်ပြီး ထွက်သွားတာတဲ့ဗျာ။ သူတို့ အနေနဲ့ကျတော့ ကားပိုင်ရှင်လိုလို၊ ကားပိုင်ရှင်နဲ့ အတူတူပါလာတဲ့ လူလိုလို ထင်တာပေါ့ဗျာ။ သူတို့အနေနဲ့ ကြည့်ရင်လဲ သူခိုးလို့ ဘယ်ထင်မိပါ့မလဲ။
နေ့ခင်းကြောင်တောင်၊ လမ်းမလယ်ခေါင် လူမြင်ကွင်းကြီး၊ ပြီးတော့ အချိန် ၁၀ မိနစ်လောက် အတွင်း မှာ ကားထဲက ပစ္စည်းတွေအားလုံးကို အသာလေးခိုးသွားတာနော်။ ကဲ ..... အစ်ကိုတို့၊ အစ်မတို့ ရေ ..... သူတို့ ဘယ်လိုခိုးသွားပါလိမ့် ဆိုတာကို စဉ်းစားကြည့်တော့ ဖြစ်နိုင်ချေကို သုံးသပ်ကြည့်ရင် .....

၁။ ကျူးလွန်သူတွေဟာ လုံးဝ တစ်ယောက်တည်း မဖြစ်နိုင်ပါဘူး။ သေသေချာချာ အကွက်ချ စီစဉ်ပြီး ပိပိရိရိ ကို လုပ်သွားတာပါဗျာ။

၂။ သူတို့ဟာ လှည်းတန်းလို လူတွေ၊ ကားတွေ အရမ်း ရှုပ်တဲ့နေရာမျိုးကို အခွင့်ကောင်းယူ၊ အသုံးချပြီး ခိုးသွားကြတာပါ။

၃။ ကျွန်တော်ကားပေါ်က ဆင်းတဲ့အချိန်မှာ ကျွန်တော့် ကားဘေးနားမှာ လူတွေ အရမ်းရှုပ်နေပါတယ်။ သူတို့လူတွေပဲလား၊ ဘယ်သူတွေလဲတော့ မသိဘူးပေါ့။

၎။ ဖြစ်နိုင်တာက ကျွန်တော်ကားပေါ်က စဆင်းတဲ့ အချိန်မှာ တစ်ဖက်ခြမ်းက နောက်ကားတံခါးလေးကို ကျွန်တော်မသိအောင် သူတို့လူတစ်ယောက်က လမ်းသွားရင်းနဲ့ အသာလေး ဖွင့်ခဲ့မှာပါ။ ပြီးတော့ ဆက်ပြီးတော့ လမ်းလျှောက်ထွက်သွားမှာပေါ့။

၅။ အဲတာကြောင့်မို့လို့ ကျွန်တော် remote key နဲ့ ကားတံခါးပိတ်တဲ့ အခါမှာ ကားတံခါးတစ်ခု ပွင့်နေတဲ့ အတွက်ကြောင့်မို့လို့ ပိတ်လို့ မရတာပါ။ ဒါပေမယ့် ရုတ်တရက် အဲလို ဘယ်စဉ်းစားမိပါ့မလဲဗျာ။ ကိုယ့် remote key က ကြောင်နေလို့ ပိတ်လို့ မရတာလို့ ပဲ ထင်တာပေါ့။ အဲဒါနဲ့ ပဲ ရိုးရိုး ဒီတိုင်းပဲ သော့လေးနဲ့ လှည့်ပြီး ပိတ်လိုက်မိတာပေါ့။

၆။ အဲဒီနေရာမှာကားတွေ၊ လူတွေ အရမ်းရှုပ်နေတော့ ဟိုဘက်ကို တစ်ကူးတစ်က သက်သက်ကြီး သွားပြီး ကားတံခါးတွေကိုလဲ မစစ်မိဘူးပေါ့ဗျာ။ ဒီလိုပဲ ကိုယ့်ဘက်ခြမ်းက တံခါးနှစ်ပေါက်ကိုပဲ စစ်ပြီး ထွက်လာမိတာပေါ့။

၇။ အဲဒီမှာတင် ကျွန်တော်လဲထွက်သွားပြီးရော သကောင့်သားတွေထဲကတစ်ယောက်က ကားပိုင်ရှင်လိုလို၊ ကားပိုင်ရှင်အသိလိုလိုနဲ့ အဝေး တစ်နေရာကနေ ရောက်လာပြီး အသင့် ဖွင့်ထားပေးပြီးသားဖြစ်တဲ့ ကားတံခါးကိုဆွဲဖွင့်ပြီး ကားထဲကအဖိုးတန် ပစ္စည်းတွေ အကုန်လုံးကို စိမ်ပြေနပြေ မွှေနှောက်ပြီးတော့ သမ သွားတော့တာပဲဗျို့။
ပိုက်ဆံတန်ဖိုးကသိပ်အကြောင်းမဟုတ်ပေမယ့် laptop ရော၊ အရေးကြီးတဲ့ကဒ်တွေရော ပါသွားတော့ ဒုက္ခရောက်ရတာပေါ့ဗျာ။

အနီးနားတစ်ဝိုက်ကလူတွေ ပြောကြတာကတော့ ဒီနားတစ်ဝိုက်မှာ ဒီလို ကားတွေအခိုးခံရတာ သုံးလေးငါးကြိမ်ရှိပြီလို့ ဆိုပါတယ်။ ဟိုနေ့ ကလဲ အဲ့နားကဘဏ်ကနေ သိန်းလေးရာလောက် ပါသွားတယ်တဲ့။ ကျွန်တော်ကားရပ်ထားတဲ့နားက ဖုန်းဆိုင်ကလဲ ဟိုတစ်နေ့က သူတို့ဆီက ဖုန်းတစ်လုံး အခိုးခံလိုက်ရသေးတယ်လို့ ပြောပါတယ်။ ဖုန်းဆိုင်ကလဲ ကူညီပြီး သူတို့ CCTV ကနေ စစ်ကြည့်ပေးပါတယ်။ ဒါပေမယ့် CCTV က လမ်းအထိမရောက်ဘူး။ အခုတော့ ရဲတိုင်ထားပါတယ်။

ကျွန်တော့ အတွက်ကတော့ စိတ်လျှော့ထားလိုက်ပါပြီ။ ပြီးခဲ့တာလဲပြီးခဲ့ပြီ။ ပစ္စည်းသင်္ခါရ၊ လူသင်္ခါရပေါ့ဗျာ။ ဘယ်တတ်နိုင်ပါ့မလဲ။
ဒါပေမယ့် ကျန်တဲ့ တစ်ခြားလူတွေကိုတော့ ကျွန်တော် ကြုံရသလို ခံလိုက်ရတာမျိုး မဖြစ်စေချင်လို့ ဒီစာကို အချိန်ကုန်ခံပြီး ရေးလိုက်ရပါတယ်။
လူတွေ၊ ကားတွေ အရမ်းရှုပ်တဲ့နေရာတွေကို တတ်နိုင်သမျှ မသွားပဲရှောင်ပါ။ ကားထဲမှာ တန်ဖိုးကြီးပစ္စည်းတွေ ဖြစ်နိုင်ရင် မထားခဲ့ပါနဲ့။ ကားပေါ်က ဆင်း၊ ကားတံခါးပိတ်ပြီး တိုင်း ကားရဲ့ လေးဘက်လေးတန်လုံး ကား lock တွေ ကျရဲ့လား သေချာစစ်ပြီး မှ ကားနားက ခွာကြပါ။
အားလုံး မတော်မတရား ခိုးယူခံရခြင်းက ကင်းဝေးကြပါစေ။

.. https://www.facebook.com/MyanmarExpress
 

Posted in: ဒီလူတွေ၊ ဒီစိတ်ဓာတ်တွေနဲ့ ဒီမိုကရေစီနဲ့ ထိုက်တန်ရဲ့လား??,မှုခင်းသတင်း