မြန်မာတစ်နိုင်ငံလုံး ဇွန်လ ၅ ရက်နေ့မှစ၍ ၂၄ နာရီ မီးပေးမည်

From : ခေတ်လူငယ်

ရွှေလီရေအားလျှပ်စစ် ဓာတ်အားပေးစက်ရုံမှ ဓာတ်အားထုတ်လုပ် ဖြန့်ဖြူးနိုင်ပြီဖြစ်၍ လည်းကောင်း၊ ဓာတ်အားစနစ်အတွင်း ဓာတ်အားထုတ်လုပ်နိုင်မှု တိုးတက်လာ၍ မြန်မာတစ်နိုင်ငံလုံးကို ဇွန်လ ၅ ရက်နေ့မှစ၍ ၂၄ နာရီ မီးပေးတော့မည်ဖြစ်ကြောင်း အမှတ်(၂) လျှပ်စစ်စွမ်းအားဝန်ကြီးဌာနမှ ဇွန်လ ၄ ရက်နေ့ ညနေပိုင်းတွင် သတင်းထုတ်ပြန် ကြေညာလိုက်သည်။ ပြီးခဲ့သော မေလ ၁၉ ရက်က KIA လက်နက်ကိုင်အဖွဲ့၏ မိုင်းထောင်ဖောက်ခွဲဖျက်ဆီးမှုကြောင့် ပျက်စီးခဲ့ရသော ၂၃၀ ကေဗီရွှေလီ-မန်ဆန် မဟာဓာတ်အားလိုင်းရှိ တာဝါတိုင်အမှတ် -၇၃၊ ၂၀၆၊ ၂၀၇၊ ၂၀၈ တို့အား ၁-၆-၂၀၁၂ ရက်တွင် ပြင်ဆင်ပြီးစီးခဲ့ကြောင်း သိရသည်။ ရန်ကုန်နှင့် မန္တလေးခရိုင်အတွင်း မြို့နယ်များကို ပြီးခဲ့သည့် ဇွန်လ ၂ ရက်နေ့မှစတင်၍ ယခင်လျှပ်စစ်ဓာတ်အားပေးသည့် အချိန်ထက် ထပ်မံတိုးမြှင့်ပေးခဲ့ကြောင်းလည်း သိရသည်။ လွန်ခဲ့သော မေလက ရန်ကုန်အပါအဝင် မန္တလေး၊ မုံရွာ၊ ပြည်၊ ပုသိမ်၊ သုံးဆယ် စသည့်မြို့များတွင် လျှပ်စစ်မီးနှင့် ပတ်သက်သော ဆန္ဒဖော်ထုတ်မှုများ ဖြစ်ပွားခဲ့သေးကြောင်း သိရှိရသည်။

Myanmar Express

Posted in: သတင်း