အသက် ၁၆ နှစ်ပြည့်ပြီး သူတိုင်း စက်စွမ်းအား ၁၁၀ စီစီနှင့် အောက်ဆိုင်ကယ် မောင်းနှင်ခွင့် လိုင်စင်ရမည်

From : 7day

ရထား ပို့ဆောင်ရေး ၀န်ကြီးဌာနမှ ထုန်ပြန်ချက်များ အရ အသက် ၁၆ နှစ်ပြည့်ပြီး သူများဟာ စက်စွမ်းအား ၁၁၀ စီစီနဲ့ အောက်ဆိုင်ကယ် မောင်းနှင်ခွင့် လိုင်စင်များ ရယူနိုင်ပြီ ဖြစ်တယ်လို့ သိရပါတယ်။ ဒီလို ဆောင်ရွက်မှု ကိုတော့ လာမယ့် သြဂုတ်လ ၁ ရက်နေ့မှ စတင်ကာ သက်ဆိုင်ရာ ပြည်နယ်နဲ့ တိုင်းဒေသကြီး အသီးသီးရှိ က.ည.န ရုံးများမှာ ဆောင်ရွက် ပေးမှာ ဖြစ်ပါတယ်။ အဲ့ဒီလို အသက် ၁၆ နှစ်ပြည့်ပြီး စက်စွမ်းအား ၁၁၀ စီစီနဲ့ အောက်ဆိုင်ကယ် မောင်းနှင်ခွင့် ရယူလို သူများဟာ သတ်မှတ် ယာဉ်မောင်း သင်တန်းများ တက်ရောက်ကာ အမောင်းသင် လိုင်စင် ရယူပြီး စစ်ဆေးမှုများ ဖြေဆိုအောင်မြင် ပါက ဆိုင်ကယ် မောင်းနှင်ခွင့် အတွက် လိုင်စင်ထုတ် ပေးမှာ ဖြစ်ပါတယ်။

ဒီလို အသက် ၁၆ နှစ်ပြည့်သူများ အတွက် ထုတ်ပေး သွားမယ့် ဆိုင်ကယ် မောင်းနှင်ခွင့် လိုင်စင် တွေဟာ အသက် ၁၈ နှစ်ကျော်တဲ့ အခါ မှာတော့ စက်စွမ်းအား ၁၁၀ စီစီအထက် ဆိုင်ကယ် မောင်းနှင်ခွင့် လိုင်စင်နဲ့ လဲလှယ်ခွင့် ရှိတယ်လို့ သိရပါတယ်။ အရင်က ယာဉ်မောင်း လိုင်စင်ရရှိဖို့ အတွက် စတင် သင်ကြား မောင်းနှင်ဖို့ ကနဦး ရယူရတဲ့ အမောင်းသင် လိုင်စင်ကို အသက် ၁၇ နှစ်ပြည့်ပြီးမှ ထုတ်ပေးတာ ဖြစ်ပါတယ်။ ဒါပေမယ့် လက်ရှိမှာ ဆိုင်ကယ်ကို မြို့ပြနဲ့ ကျေးရွာ အနှံ့အပြားမှာ တွင်ကျယ်စွာ အသုံးပြု လာတာကြောင့် အခုလို ဆောင်ရွက် ပေးရတာ ဖြစ်တယ်လို့ သိရပါတယ်။

ဒါ့အပြင် တချို့ဒေသများ မှာရှိတဲ့ တက္ကသိုလ် ကျောင်းသား၊ ကျောင်းသူများဟာ ဆိုင်ကယ်ကို ကျောင်းတက်၊ ကျောင်းဆင်း အဓိက ဆောင်ရွက် နေရတာ ဖြစ်ပြီး အဆိုပါ ကျောင်းသား၊ ကျောင်းသူများဟာ အသက် ၁၇ နှစ်မပြည့်သေး သူများ ဖြစ်နေခြင်းနဲ့ ယာဉ်မောင်း လိုင်စင် မရှိပဲ မောင်းနှင် သွားလာနေခြင်း များကို စိစစ်တွေ့ရှိ ရတဲ့အတွက် အခုလို ဆောင်ရွက် ရတာ ဖြစ်ပါတယ်။ ဒီလို ဆောင်ရွက်မှု ကိုတော့ နိုင်ငံတကာနဲ့ အာဆီယံ နိုင်ငံများရဲ့ ကန့်သတ်ချက် များကို ကိုးကားပြီး အခုလို အမောင်းသင် လိုင်စင် လျှောက်ထားခွင့်နဲ့ ဆိုင်ကယ် မောင်းနှင်ခွင့်ကို လျှော့ပေါ့ သတ်မှတ် လိုက်တာ ဖြစ်တယ်လို့ သတင်း ရရှိပါတယ်။

Myanmar Express

Posted in: သတင်း