သတိပြုသင့်သော မြက်နုကြိုက် နွားအိုများ အန္တရာယ်

From : Myit Makha Mediagroup on 10 Dec, 2012

 အပိုင်း-၂

  ကလေးသူငယ်များ နှင့် ကာမဆက်ဆံခြင်းသည် ကလေးသူငယ် အခွင့်အရေး ရှုထောင့်က ဖြစ်စေ၊ လူမှုရေး ရှုထောင့်ကဖြစ်စေ၊ ကျန်းမာရေး ရှုထောင့်က ဖြစ်စေ အလွန်ဆိုးဝါးတဲ့ လုပ်ရပ်ပါ။ ကာမဆက်ဆံရေးကို သာမန်ကိစ္စလို သဘောထားတဲ့ အနောက်နိုင်ငံတွေ မှာတောင်မှ ကလေးသူငယ်နဲ့ ကျူးလွန်မှု ဖြစ်လာလျှင် အလေးအနက်ထားပြီး အရေးယူ တားဆီးကြပါတယ်။ ပြည်တွင်းမှာ ကျူးလွန်မှုများ သာမက ပြည်ပသို့ သွားရောက် ကျူးလွန် လာတာကိုပါ အရေးယူကြပါတယ်။

 ကလေးသူငယ်များနှင့် ကာမဆက်ဆံခြင်းသည် ငွေကြေးဖြင့် ဖြားယောင်း သွေးဆောင်ခြင်း ရှိသ လို ကလေးငယ်များကို အကြမ်းဖက် ကာမဆက်ဆံမှုတွေလည်း ရှိပါတယ်။ ဒီအပိုင်းမှာတော့ ငွေကြေးဖြင့် ဖြားယောင်းဆက်ဆံခြင်းကို ဖော်ပြသွားပါမယ်။

 ဒီကိစ္စတွေဟာ ပြည်တွင်း နေရာဒေသတိုင်းမှာ ဖြစ်နိုင် ၊ဖြစ်နေသော်လည်းနယ်စပ်ဒေသတွေမှာ ဆိုးဆိုးဝါးဝါး ဖြစ်နေတဲ့အတွက် ကျယ်ကျယ်ပြန့်ပြန့်လေး ပြောချင်ပါတယ်။

လွန်ခဲ့တဲ့ လအနည်းငယ်တုန်းက ဖေ့စ်ဘုတ်စာမျက်နှာမှာ ရှမ်းပြည်နယ် အရှေ့ပိုင်းနယ်စပ်မြို့ တစ်မြို့ရဲ့ ဟော်တယ်အတွင်းက ညအချိန်မတော် ၁၂နှစ် အရွယ် တိုင်းရင်းသူ ကလေးမငယ် တစ်ယောက်ရဲ့ အလောင်းကို တိုးတိုးတိတ်တိတ် သယ်ထုတ်သွားတယ် ဆိုတဲ့သတင်း တွေ့လိုက်မိပါတယ်။

 အုပ်ချုပ်ရေး နှင့် ဥပဒေရေးဆိုင်ရာ ပြဿနာတွေကြောင့် မှန်မမှန် မပြောလိုပေမယ့် ဒီဒေသတွေမှာ ဒီလိုအဖြစ်မျိုးတွေ ရှိနေတယ် ဆိုတာတော့ သိနိုင်ပါတယ်။  ဟုတ်ပါတယ်။ မြေပြန့်မြို့ကြီးတွေမှာ ပါကင်ဖွင့်တယ်လို့ ခေါ်နေတဲ့ အပြုအမူဆိုး တစ်ခုက နယ်စပ်ဒေသမှာ အပျိုဖောက်တယ် ဆိုတဲ့အမည်နဲ့ အတော်တွင်တွင်ကျယ်ကျယ် ဖြစ်ပေါ်နေပါတယ်။ လူမှုရေးဆိုင်ရာ ပြဿနာ ဆိုတော့ အခြေခံ အကြောင်းရင်းတွေက များပြား ရှုပ်ထွေးလှပါတယ်။

အတိတ်ကာလ အဆက်ဆက်က အခြေအနေတွေ ၊စီးပွားရေးအခြေအနေ၊ ပညာရေးအခြေအနေ၊ အသိပညာဗဟုသုတ အခြေအနေ၊ ပတ်ဝန်းကျင် ( အိမ်နီးချင်းနိုင်ငံ )လွှမ်းမိုးမှုအခြေအနေ၊ ဥပဒေမဲ့ ရောင်းဝယ်ရေး နှင့်  စီးပွားရေး လုပ်ငန်းများ၊ ဘာသာရေးဆိုင်ရာ သွန်သင်ဆုံးမမှု အားနည်းဖြင်း နှင့် လုံခြုံရေး အခြေအနေ စသည်တို့ကြောင့် ဖြစ်ပေါ်နေတာပါ။

အဲဒီဒေသများတွေမှာ ခေတ်အဆက်ဆက်မှာ နယ်ရှင်ပယ်ရှင် သက်ဦးဆံပိုင်တွေ၊ကိုလိုနီနယ်ချဲ့ တိုင်းတစ်ပါးသားတွေ၊ ဖက်ဆစ်ဂျပန်တွေ နှင့် ထိုင်း ၊တရားမဝင် လက်နက်ကိုင် အဖွဲ့အစည်း အမျိုးမျိုး ၊ကူမင်တန် တရုတ်ဖြူတွေ၊ ကွန်မြူနစ်ပါတီ နှင့် လက်အောက်ခံ လက်နက်ကိုင် အဖွဲ့အစည်းတွေ ၊မူးယစ် နှင့် မှောင်ခိုရောင်းဝယ်တဲ့ တရားမဝင် အဖွဲ့အစည်းတွေ အမျိုးမျိးက ဥပဒေမဲ့ အုပ်ချုပ်သွားတဲ့ အချိန်တွေမှာ အမျိုးသမီး နှင့် မိန်းခလေးငယ်များ၏ ဘဝမှာ လုံခြုံမှု ကင်းမဲ့ခဲ့ ကြရပါသည်။

 လွန်ခဲ့သော ငါးနှစ်ကျော် အချိန်က ကျေးရွာတစ်ရွာမှာ ဌာနဆိုင်ရာ အဖွဲ့တစ်ဖွဲ့ နှင့် လူမှုရေး အဖွဲ့တစ်ဖွဲ့တို့ ပူးပေါင်းကာ လူကုန်ကူးမှု တားဆီး ကာကွယ်ရေး ဆိုင်ရာ အသိပညာပေး ဟောပြောပွဲ ကျင်းပစဉ် သက်လတ် အရွယ်အမျိုးသမီး တစ်ဦးက အများကိုယ်စား မိမိ ကိုယ်ပိုင်အရာကို အသုံးပြုပြီး ငွေရှာတာကို ဘာကြောင့် အရေးယူရမှာလဲလို့ မေးခွန်းထုတ်တာကို ကျန်းမာရေး၊လူမှုရေး နှင့် မျိုးချစ်စိတ် စတဲ့ ရှုထောင့်တွေ ထည့်သွင်းပြီး အကျယ်တဝင့် ရှင်းပြခဲ့ရင်း အစပိုင်း ရီစရာ သဘောထားရာကနေ စိတ်မကောင်း ဖြစ်ခဲ့ရပါတယ်။

 ဒီကိစ္စတွေ ဖြစ်ရတဲ့ အကြောင်းရင်းတွေထဲမှာ အတွေးအမြင်မှားတွေ ပါဝင်ကြောင်း အရင်အပိုင်းမှာ အရှေ့အာရှ နိုင်ငံသား  ချမ်းသာကြွယ်ဝသော အချို့ သက်ကြီး ရွယ်အိုများသည်  ငယ်ရွယ်သူ( ကလေး) များနှင့် ကာမဆက်ဆံလျင် အသက်ရှည် နုပျိုသည် ဟု ယြုံကည် ချက် နှင့် ပို၍ ဆိုးဝါးသည်မှာ ကုရာနတ္ထိ ဆေးမရှိသေးသော ခုခံအားကျ ဆင်းမှု ကူးစက်ရောဂါ ( AIDS ) ရှင် သူဌေးအချို့ ကညာစင်များ နှင့် ကာမဆက်ဆံလျင် ရောဂါပျောက်ကင်းသည် ဟူသော အတွေးအမြင်မှားများ ရှိကြောင်းကို ဖော်ပြခဲ့ပါတယ်။

 နောက်တစ်ခုက တရားမဝင်အမှုအခင်းများ ကျူးလွန်မည့်သူများကလည်း ယတြာချေသောအားဖြင့် အပျိုစင် ( ကလေးငယ် ) များနှင့် ကာမဆက်ဆံ၍ အောင်မြင်စွာ ထိုးဖောက်ခြင်း နိမိတ်ကို ဆောင်ခြင်းဖြစ်ကြောင်းလည်း သိရပါတယ်။ မကောင်းမှုကို နောက်မကောင်းမှုဖြင့် အားဖြည့်လိုက်ခြင်း ဖြစ်ပါတယ်။ ဒါတွေက ဝယ်ယူသူတွေ ဘက်က အတွေးအမြင်မှားများ ဖြစ်ပါတယ်။

 ရောင်းချသူတွေဘက်က အတွေးအမြင်မှားတွေကတော့ မိဘတွေကို မိမိခန္ဓာကိုယ်ရင်း ၍ ငွေရှာ ကျွေးမွေး ကျေးဇူး ဆပ်လျင် မြင့်မြတ်သည်၊ ကုသိုလ်ရသည် ဆိုသော အမှားဖြစ်ပါတယ်။ အိမ်နီးချင်းနိုင်ငံက ကူးစက်လာတဲ့ အမြင်မှား ဖြစ်ပါတယ်။

 ကာမဂုဏ် ဖျော်ဖြေရေး လုပ်ငန်း လုပ်သူတွေ စနစ်တကျ ဖြားယောင်း ထားခြင်း ဖြစ်ဟန်တူပါသည်။ နောက်တစ်ခုက အိမ်ထောင် မိသားစု ချမ်းချမ်းသာသာ နေနိုင်စေရန် တာဝန်သည် သမီးမိန်းခလေးများ အပေါ်ကျရောက်သည် ဟူသော Gender ဆိုင်ရာ အတွေးအမြင်မှား ဖြစ်ပါတယ်။ လူသားများ ဇီဝဗေဒ သဘောအရ ခန္ဓာကိုယ်ပိုင်းဆိုင်ရာ ကွဲပြား ခြားနားမှု အပေါ်ထပ်ဆငိ့လျက် လူမျိုး အလိုက်၊ နိုင်ငံအလိုက်၊ ဘာသာရေးအလိုက်၊ ဓလေ့ထုံးတမ်းအလိုက် နှင့် ယဉ်ကျေးမှုအလိုက် ခွဲခြားဆက်ဆံ ဖိနှိပ်ထားခြင်းများကို ယေဘုယျအားဖြင့် Gender ဟု သတ်မှတ် ထားပါတယ်။

 ဝယ်ယူသူများရဲ့ အတွေးအမြင်မှားကလည်း  ကာလမကြာရှည် သေးသော်လည်းရောင်းသူများဘက်မှ အတွေးအမြင်မှားများသည် ကာလ အတော်ကြာကတည်းက အမြစ်စွဲ လာဟန်တူပါတယ်။

 မည်သည့်လူမျိုး၊ မည်သည့်ဒေသ ကိုမျှ နစ်နာစေလို နှိမ့်ချ လိုသော ဆန္ဒမရှိသော်လည်း ဤအကျင့်ဆိုး ဓလေ့ဆိုး ကို နေရာဒေသအချို့တွင် ကျယ်ကျယ်ပြန့်ပြန့် တရား ဝင်သဖွယ် ပြောင်ပြောင်တင်းတင်း ကျင့်သုံးနေကြပါတယ်။

မိဘများ ကိုယ်တိုင် သမီးများကို ဖိအားပေး ခိုင်းစေနေသကဲ့သို့၊ မိဘအိမ်ထောင်စု ဆင်းရဲနေလျင် သမီးများကို ရှုံ့ချပြစ်တင်နေကြပါတယ်။ အခြားသော လူကုန်ကူးမှုများတွင် ပွဲစားများမှာ လူစိမ်းများ ဖြစ်ကြသော်လည်း မိန်းခလေးငယ်များကို ပြည့်တန်ဆာအဖြစ် အသုံးပြု ခေါင်းပုံဖြတ်ခြင်း ဆိုင်ရာကိစ္စများတွင် ပွဲစားများမှာ မိဘများ ၊အဒေါ်အရင်း ၊အစ်မအရင်းများ ဖြစ်နေ တတ်ပါတယ်။ အိမ်ထောင် မိသားစု ဆင်းရဲနေလျင် သမီးများကို အိမ်နီးချင်း အမြီးပြတ် သမီးများနှင့် နှိုင်းယှဉ် အပြစ်တင် အမြီးဖြတ် နေသူများမှာ မိဘကိုယ်တိုင်၊ ဆွေမျိုးသားချင်းများ ကိုယ်တိုင် ဖြစ်ပါတယ်။ မိမိတို့ရင်သွေး သမီးငယ်များ လူမဆန်စွာ ငွေရှာပေးနေသည်ကို နာကျင်မှုမရှိ၊ သနားခြင်းမရှိဘဲ ပျော်ပျော်ပါးပါး စားသုံးနေသူများမှာ မိဘ ဆွေမျိုးသားချင်းများ ဖြစ်သည်ဟု ပြောလျင် လွန်သည်ဟု မထင်ပါနှင့်။ တစ်နယ်တစ်ကျေး ငွေရှာသွားရင်း သေလားမသိ၊ ရှင်လားမသိ သမီးနှင့် အဆက်အသွယ် ပြတ်နေသော မိသားစု များစွာ ရှိပါတယ်။

 သမီးများ အရှက်နှင့် အသက်ကို မငဲ့ဘဲ ရှာပေးသွားသော ငွေဖြင့် ဆောက်ထားသော အိမ်ကြီးအိမ်ကောင်းများတွင် အထီးကျန် ဘဝနှင့် နေထိုင်နေသော သက်ကြီးရွယ်အိုများ ၊မိဘမဲ့ လေးလုံးရောဂါရှင် အပြစ်မဲ့ မြေးငယ်များကို ပြုစုစောင့်ရှောက်နေသော သက်ကြီးရွယ်အိုများစွာကို တွေ့မြင်နိုင်ပါတယ်။ ဒီလိုစနစ်ဆိုး ဖုံးလွှမ်းနေသော ဒေသများမှ လူငယ်ယောက်ျားလေးများသည်လည်း ရွာဦးက မြက် ရွာနွားမစား မဟုတ်ဘဲ ရွာဦးကမြက်နု အခြားရွာက နွားအိုများ လာစားနေသည်ကို မချိတင်ကဲ စောင့်ကြည့် ရင်း မြက်ကြမ်း မြက်ရင့်တွေသာ ကိုက်ဝါးရတဲ့ နွားပျိုနွားရွယ်တွေ အဖြစ်တင်စား ပြောလျင် လူကို နွားဖြင့် နှိုင်းခြင်း မဟုတ်ပါ။ အခြေအနေကို ပေါ်လွင်အောင် ဖော်ပြခြင်းသာ ဖြစ်ကြောင်း ကြိုတင် တောင်းပန်အပ်ပါတယ်။ သမီးကောင်း ရတနာများသည် မိမိနိုင်ငံ၊ မိမိရပ်ရွာ အတွက် အပြစ်ကင်းစင်သော ကာယအား၊ ညာဏအားကို အသုံးချလျက် အသိပညာရှင် ၊အတတ်ပညာရှင် အနေဖြင့် အကျိုးပြုရမည့် အစား လူမမယ် ကလေးငယ် ဘဝမှာ အပျိုဖောက်ခံ၊ နောက်တော့ မယားငယ်ဘဝ၊ အရွယ်လွန်တော့ ကြေးစားပြည့်တန်ဆာ ဘဝဖြင့် နစ်မွန်းရသည်မှာ ရင်နာစရာ ကောင်းလှပါတယ်။

သမီး မိန်းခလေးရှင် မိဘတွေထံ ဖြားယောင်း သွေးဆောင်ကာ ဓါတ်ပုံရိုက် ဈေးညှိ လူစင်စစ်က ဝက်ပွဲစား လက်အပ်သလို မတိုးမတိတ် ခြေရှုပ် နေကြတာတွေ၊ ဘယ်သူတော့ ဘယ်နေ့တဲ့ ဘယ်လောက်ရတယ်တဲ့ ဆိုတာတွေ၊ အမေကိုယ်တိုင် အဒေါ်က်ုယ်တိုင် အပေါက်ဝမှာ ထိုင်စောင့်ရင်း ငွေယူတာတွေ၊ မိမိအမျိုးမိမိရွာသူတွေကို ငရဲတွင်း ပို့ရင်း ပွဲစားခ မတန်တဆ ယူရင်း သူဌေးမ နာမည်ခံနေတဲ့သူတွေ၊ ပုံပြင်မဟုတ်ပါဘူး။

အရင်က ငွေကြေး ကို ဦးစားပေး ခဲ့ရာမှ၊ မယားငယ် ဘ၀ရောက်တော့ ငွေပေးဝယ်ထားတဲ့ စတိလောက် ဟန်ပြ လက်ထပ် ဧည့်ခံပွဲလုပ်ထားတဲံ့ ကာမပိုင်လင်က မလာတဲ့အခါ စိတ်ခံစား မှုကို ဦးစားပေးလိုက်ပြန်ပါတယ်။ မိဘတွေကလည်း ကျေးဇူးရှင် သမီးကို မဆုံးမတော့ာပါဘူး။ အဲဒီမှာ လူပျို လူလွတ်တွေ၊ အိမ်ထောင်ရှင်တွေ နဲ့ ဇာတ်လမ်းတွေရှုပ်ပြီး  HIV ရောဂါပိုးတွေ ပြန့်ပွားကုန်ပါတော့တယ်။

 ကလေးသူငယ်တွေ ရှင်သန်ခွင့်ဆိုင်ရာ အခွင့်အရေး၊ ဖွံ့ဖြိုးတိုးတက်မှု ဆိုင်ရာအခွင့်အရေး နှင် ပြုစုကာကွယ် စောင့်ရှောက်မှု ခံယူရရှိခြင်း ဆိုင်ရာ အခွင့်အရေးတွေကို ကလေးသူငယ် အခွင့်အရေးများ ဆိုင်ရာ ကုလသမဂ္ဂ သဘောတူစာချုပ် အတိုင်း ရရှိစေဘို့ နိုင်ငံတော်က သဘောတူ ဆန္ဒပြုထား သကဲ့သို့ ကလေးသူငယ် ဥပဒေ နှင့် လူကုန်ကူမှု တားဆီး ကာကွယ်ရေး ဥပဒေတွေကို တိတိကျကျ ပြဌာန်း ပေးပြီးပါပြီ။

 ဥပဒေတွေ၊ ပုဒ်မတွေကို စာအုပ်ထဲက စာရွက်တွေပေါ်မှာ တွယ်ကပ်ပြီး သေနေရာက ရုန်းကန် ထလာပြီး အပြင် လူလောကထဲမှာ သက်ဝင် လှုပ်ရှားလာစေဘို့၊ မိမိတို့ရဲ့ နိုင်ငံသူ နိုင်ငံသား ကလေးသူငယ်တွေ ငရဲတွင်း မရောက်စေဘို့ လူမှုရေး အမြင်၊ ကျန်းမာရေး အမြင်၊ မျိုးချစ်စိတ် အမြင် ရှုထောင့်ပေါင်းစုံက ကြည့်ပြီး မိမိလူမျိုး မိမိနိုင်ငံကို ကာကွယ် စောင့်ရှောက်သော အားဖြင့် ကလေးသူငယ်များ နှင့် ကာမဆက်ဆံခြင်းကို အင်တိုက် အားတိုက်ချေမှုံး တိုက်ဖျက် သင့်ပါတယ်။

www.MyanmarExpress.net

Posted in: သတင်း