အနောက်နိုင်ငံများ၏ ပိတ်ဆို့တားဆီးမှုများကို မိမိတို့ ရှေးမဆွကပင်လက်မခံပါကြောင်း တရုတ်ပြော

From : မျိုးသန့်

နိုင်ငံတော်သမ္မတ ဦးသိန်းစိန်သည် တရုတ် ပြည်သူ့သမ္မတနိုင်ငံ နိုင်ငံရေးပေါလစ်ဗျူရိုအဖွဲ့ဝင်အားမေလ ၁၄ ရက်နေ့နံနက် ၁၁ နာရီ တွင် နိုင်ငံတော်သမ္မတရုံး သံတမန်ဆောင် ၌လက်ခံတွေ့ဆုံသည်။
တွေ့ဆုံရာတွင် နိုင်ငံတော်သမ္မတ က "တိုင်းရင်းသားလက်နက်ကိုင် အဖွဲ့အစည်းများနှင့်လည်း ငြိမ်းချမ်းရေး ရရှိအောင် ဆောင်ရွက်လျက် ရှိရာတွင် အဖွဲ့(၁၀)ဖွဲ့နှင့် နားလည်မှု၊ ငြိမ်းချမ်းမှု ရရှိခဲ့ပြီး တရုတ်နိုင်ငံနှင့် နယ်နိမိတ်ချင်း ဆက်စပ်လျက် ရှိသော အစိတ်အပိုင်းတစ်ခုဖြစ်သည့် ကချင်ပြည်နယ်တွင်သာ ငြိမ်းချမ်းရေး ရရှိရန် ကျန်ရှိနေကြောင်း၊ နှစ်နိုင်ငံ နယ်စပ်ဒေသ တည်ငြိမ်အေးချမ်းရေးအတွက် တရုတ်နိုင်ငံ ခေါင်းဆောင်များနှင့် ပြည်သူများက အထူး လိုလားလျက် ရှိသကဲ့သို့ မိမိတို့ကလည်း အထူးကြိုးပမ်းဆောင်ရွက်လျက် ရှိကြောင်း၊ တရုတ်နိုင်ငံအနေဖြင့်လည်း ၀ိုင်းဝန်းကူညီပံ့ပိုးပေးစေလိုကြောင်း။"ပြောကြားသည်။
ထိုနောက် H.E Mr. Wang Gang ကပြန်လည်ဆွေးနွေးပြောကြားရာတွင် " ငြိမ်းချမ်းစွာ ယှဉ်တွဲနေထိုင်ရေး မူကြီး(၅)ချက်၏ အဓိကအနှစ်သာရမှာ အပြန်အလှန် ရိုသေလေးစားမှု၊ တန်းတူရည်တူဆက်ဆံမှု၊ အခြားနိုင်ငံ၏ ပြည်တွင်းရေးကို အခြားနိုင်ငံက ၀င်ရောက်စွက်ဖက်မှု မပြုရေးပင် ဖြစ်ကြောင်း၊ အနောက်နိုင်ငံများ၏ ပိတ်ဆို့တားဆီးမှုများကို မိမိတို့ ရှေးမဆွကပင် လက်မခံပါကြောင်း စသည်ဖြင့်ပြောကြားသည်။

Myanmar Express 

Posted in: စီးပွားပိတ်ဆို့မှုနှင့် ပတ်သက်၍