ရွှေလီ-မန်စံ မဟာဓါတ်အားလိုင်း တာဝါတိုင်များ ပြုပြင်ပြီးစီး

From : ကြေးမုံ

၁၈.၅.၂၀၁၂ ရက်နှင့် ၁၉.၅.၂၀၁၂ ရက်တို့တွင် ကေအိုင်အေ လက်နက်ကိုင်အဖွဲ့၏ ဖောက်ခွဲဖျက်ဆီးမှုကြောင့် ရှမ်းပြည်နယ် (မြောက်ပိုင်း) နမ့်ခမ်းမြို့နယ် ပန်ကနိုင်းကျေးရွာအနီးရှိ ၂၃၀ ကေဗွီ ရွှေလီ-မန်စံ မဟာဓါတ်အားလိုင်း တာဝါတိုင်အမှတ် (၇၃) နှင့် မုန်းဝီးကျေးရွာအနီးရှိ တာဝါတိုင်အမှတ် (၂၀၆၊ ၂၀၇၊ ၂၀၈) တို့အား မိုင်းခွဲဖျက်ဆီးခံရသဖြင့် တာဝါတိုင်များ၏ အောက်ခြေ ခြေထောက်များ ပြတ်ထွက်ခြင်း၊ မြေပြင်သို့ ပြိုလဲပျက်စီးခြင်းတို့ကြောင့် ရွှေလီရေအားလျှပ်စစ် ဓါတ်အားပေးစက်ရုံမှ ဓါတ်အားထုတ်လုပ် ပို့လွှတ်နိုင်မှုမရှိခဲ့ရာ ပြည်သူလူထုထံသို့ ဓါတ်အားဖြန့်ဖြူးမှု ထိခိုက်ခဲ့သည်။ ဓါတ်အားစနစ်အတွင်း ၂၀၀ မဂ္ဂါဝပ် လျော့နည်းခဲ့သဖြင့် အဆိုပါ တာဝါတိုင်များအား မြန်မာ့လျှပ်စစ် ဓါတ်အားလုပ်ငန်းမှ တာဝန်ရှိသူများ၊ အင်ဂျင်နီယာများနှင့် လိုင်းဝန်ထမ်းများက ၂၀.၅.၂၀၁၂ ရက်မှစတင်၍ ကြိုးစားပြုပြင် ဆောင်ရွက်ခဲ့ရာ ၁.၆.၂၀၁၂ ရက် ညနေ ၄ နာရီတွင် လုပ်ငန်းများအားလုံး ဆောင်ရွက်ပြီးစီးခဲ့ပြီးဖြစ်၍ ရွှေလီဓါတ်အားပေးစက်ရုံမှ ဓါတ်အားပေးစက်များအား ပြန်လည်မောင်းနှင်ပြီး အဆိုပါ ဓါတ်အားလိုင်းသို့ ညနေ ၅ နာရီ ၅ မိနစ်တွင် ဓါတ်အားပို့လွှတ်၍ နိုင်ငံတော်ဓါတ်အားစနစ်ဖြင့် ချိတ်ဆက်ကာ ဓါတ်အားပြန်လည်ပို့လွှတ် ဖြန့်ဖြူးပေးလျက်ရှိကြောင်း သိရှိရသည်။
 
Myanmar Express 

Posted in: သတင်း