လှန်ချိုးခံလိုက်ရသော လက်သည်းများ

From : Thant Sin Phyo

တယ်လည်းလုပ်တတ်တဲ့ မီဒီယာကြီးဗျာ... တစ်သက်နဲ့တစ်ကိုယ် တာဝန်မခံနိုင်ပါဘူးလို့ ပေါ်တင်ကြေညာပြီး ဝါဒဖြန့်တဲ့ မီဒီယာဒီတစ်ခါပဲတွေ့ဖူးသေးတယ်... တကယ်ပါ... ဘယ်သူကမြှောက်ပေးလိုက်တယ်တော့ မသိဘူး လုပ်ရပ်ကိုကြည့်ရင်တောင် တော်တော်ရယ်စရာကောင်းနေပြီ... တော်သေးတာပေါ့ မီဒီယာအမည်လေးခံနေသေးလို့...

ဟုတ်မှဟုတ်ပါ့မလားရယ်လို့ သေသေချာချာမျက်လုံးတောင်ပြူးပြဲပြီးကြည့်လိုက်ရသေးတယ်... ဟုတ်တယ်လေ FB သုံးလာတဲ့သက်တမ်းတစ်လျှောက်မှာ တွေ့ဖူးတဲ့ မီဒီယာတွေလည်းမနည်းပါဘူး... မီဒီယာတစ်ခုက ကိုယ်ပိုင် official website အနေနဲ့ပဲဖြစ်ဖြစ် FB မှာ Fan page ပဲဖြစ်ဖြစ်ပေါ့လေ အဲ့ဒီလိုမျိုး တာဝန်မယူပဲတင်တဲ့ စာကိုဖတ်ဖူးတာ ပထမဆုံးပဲ... တင်ထားတဲ့စာက ကောင်းမိကောင်းရက်ဆိုလည်း တော်သေးရယ်... ပွဲပြီးလို့ မီးမသေရဲသူတွေနဲ့ လေလုံးဆိုတော့လည်း ရာသီစာတွေထဲမှာ ပျော်မြစ်သူတွေအတွက် စုန်ဆင်းရတယ်ထင်ပါ့...

ကိုဆိုဗိုနဲ့နှိုင်းရအောင် ကိုဆိုဗိုသမိုင်းနဲ့ ရခိုင်သမိုင်းကို ဓားထမ်းပြီးမငြင်းရဲလို့ ခွင့်လွှတ်ပါ... တစ်ခုတော့ ရှိတယ် ဘယ်အဖွဲ့စည်းဘက်က ဘယ်သူ့ဘက်ကရယ်လို့ တိတိပပမရပ်တည်ပဲ လူ၂ယောက် FB ပေါ်မှာ ရခိုင်မြောက်ပိုင်းသမိုင်းအထောက်အထားတွေနဲ့ တင်ပြပြောဆိုတာတော့ ဖတ်ဖူးတယ်... ရခိုင်သမိုင်းနဲ့ပတ်သက်ပြီး တကယ်စိတ်ပါလက်ပါရှိတယ်ဆိုရင် အဲ့ဒီလူ၂ယောက်အပြန်အလှန်ရေးထားတဲ့စာတွေကိုဖတ်စေ့ချင်တယ်... ဒီလိုမဟုတ်ပဲ သူများပြောတာလောက်နဲ့ တင်းတိမ်တတ်သပါ့ဆိုရင်တော့ ကျနော်မျိုးကြီးလည်း ရှင်းမပြတတ်ဘူးဗျ... သမိုင်းကိုတီးမိခေါက်မိလေးတော့ရှိမှ ဘယ်လိုကိုင်တွယ်ဖြေရှင်းသင့်တယ်ဆိုတာလေးတော့ ဖြစ်နိုင်၏မဖြစ်နိုင်၏ သိရပေမပေါ့...

စာရေးသူက ကိုဆိုဗိုနဲ့သာနှိုင်းရဲတယ်ဆိုရင်တော့ စိတ်ဓာတ်က ဟစ်တလာနဲ့ တော်တော်လေးနီးစပ်နေပြီ... ကိုဆိုဗိုအရေးအခင်းကို တီးမိခေါက်မိရှိသူတစ်ယောက်မဟုတ်ရင်တော့ ဟုတ်သယောင်ယောင်ပေါ့... ဒါနဲ့ တစ်ခုလောက်မေးပါရစေဦး တရားလက်လွတ်ဘဝကြီးကို သိပ်ကြိုက်တယ်ထင်ပါ့... ရှင်းရှင်းပြောရရင် ကိုဆိုဗိုအရေးမှာ ဒီအတိုင်းလွှတ်ထားလိုက်ရင် ခရစ်ယန်ဘာသာပါ နာမည်ပျက်တော့မှာမို့လို့ ခရစ်ယန်နိုင်ငံတွေအများစုနဲ့ စုဖွဲ့ထားတဲ့ မြောက်အတ္တလန်တိတ်စာချုပ်အဖွဲ့ဝင်တိုက်ပေးလိုက်ရတာကိုကွယ် ရုပ်တည်နဲ့ ဖြီးလုံးထုတ်ချက်က နိုင်းလောက်ရှိတယ်... ဒါနဲ့ စကားမစပ် World wide မှာ နာမည်ရှိတဲ့ မီဒီယာ ဘယ်နှခုများ မုစ်လင်မ်တွေလက်အောက်မှာရှိလဲဟင်... တကယ်မသိလို့ပါ... တော်တော်ညံ့တဲ့ မွတ်စ်တွေဗျာ... အဲ့ဒီမီဒီယာတွေကနေ အစ္စလာမ္မစ်အကြမ်းဖက်သမားဆိုပြီး ဝါဒဖြန့်နေတာတော့ မတားနိုင်ဘူးနော့... ထူးဆန်းပါပေ့ဗျာ... လိုရာစွဲသုံးသပ်ချက်တောင်မဟုတ်ဘူး မသိပဲနဲ့ ရမ်းချက် ရမ်းချက်... ဒါတွေပြောရင် ၃၅၀လောက်ရှိတဲ့ ကွန့်မတ်တာတွေက ကျုပ်ကို မေတ္တာပို့ကြဦးမယ်... ကျုပ်ကစေတနာနဲ့ပါဗျာ... အချက်အလက်အမှားနဲ့ စကားကပ်ပြောတာ အလုပ်မဖြစ်ဖူးဗျ... Logically လေးပဲစဉ်းစား... သိပ်ပြီးရှည်ရှည်ဝေးမပြောဖူးဗျာ... မွတ်စ်တွေသာ ပိုက်ပိုက်နဲ့ မီဒီယာတွေကို အုပ်စီးထားနိုင်တယ်ဆိုရင် မီဒီယာတွေက အစ္စလာမ္မစ်အကြမ်းဖက်သမားရယ်လို့ သုံးပါ့မလား... မဆိုင်တဲ့အပေါက်ကို ဂလိုင်နဲ့ခေါက်ပြတယ်ဆိုတာ အဲ့ဒါမျိုးပဲ...

လာလာချည်သေးတာက မြန်မာမုစ်လင်မ်တွေ အသံမထွက်လို့တဲ့... ခက်ရောဗျို့... အရင်ကလည်း ကျနော်ရေးဖူးတယ်... မြန်မာမုစ်လင်မ်တွေကို ဘေးဖယ်ထားတာ ဘယ်သူတွေတုန်းဗျ... ဒါတောင် ပြဿနာစဖြစ်တော့ မလိုလားအပ်တဲ့ ဘာသာရေးအဓိကရုဏ်းမဖြစ်ဖို့ ဘယ်ဘာသာရေးအဖွဲ့အစည်းက စာထုတ်ပြီး အရင်ဆုံးတောင်းဆိုခဲ့ ထိန်းသိမ်းခဲ့တာလဲ... တစ်ခြားဘာသာရေးခေါင်းဆောင်တွေနဲ့ရော ဘယ်ဘာသာရေးခေါင်းဆောင်တွေက ဦးဆောင်ပြီး ညှိနှိုင်းဆောင်ရွက်ခဲ့ကြလဲဟင်... တကယ်ပါ... သတင်းတွေမဖတ်လိုက်ရလို့လားဟင်... ကြည့်ရတာ ကိုဆိုဗိုအရေးအခင်းတုန်းက စာတွေပြန်ရှာဖတ်နေတော့ ဘာသာရေးအဖွဲ့အစည်းတွေက ဘာသာရေးပြဿနာအသွင်မဆောင်အောင် ကြိုးပမ်းတဲ့သတင်းတွေ ညှိနှိုင်းဆောင်ရွက်တဲ့သတင်းတွေ မဖတ်လိုက်ရဘူးထင်တယ်...

အော်... သူဖတ်ရရှာသားပဲ... ကမ္မမှာ မြန်မာမုစ်လင်မ်အိမ်တွေ ဗလီတွေဖျက်ခံလိုက်ရတာ ဆိုင်းတောင်မှာ ဝတ်ပြုဆောင်ကို သံဃာတွေဦးဆောင်ပြီး ဖြိုချပစ်လိုက်တာတွေ ဖတ်ထားပုံပဲ... အယ်... ဘာတဲ့... အဲ့ဒီလိုဖြစ်တာကပဲ ဒီလိုလမ်းကြောင်းရောက်အောင် ... ဟင်... စဉ်းစားပုံကြီးကလည်းဗျာ... တော်တော်နောက်တဲ့လူ... ဘယ်သူက ကိုယ့်အိမ်အဖျက်ခံ ဘာသာရေးအဆောက်အဦးတွေတိုက်ခိုက်ခံ... အမ်... ဒုက္ခပါပဲ... ဘယ်လိုရှင်းပြရမလဲခဗျာ... ကျုပ်တို့ မြန်မာမုစ်လင်မ်တွေရဲ့ Properties တွေ ဝတ်ပြုဆောင်တွေ ဗလီတွေအဖျက်ခံရတာလေ... အဲ့ဒီတုန်းက ဘယ်မြန်မာဗုဒ္ဓဘာသာတွေကများ ဒါဟာ မဖြစ်သင့်တဲ့ ကိစ္စရယ်လို့ အသံလေးတစ်လုံးတစ်ပါဒလောက်ထွက်ဖူးလဲဟင်... တကယ်ပါ... ဟိုလေ မှတ်မိသေးတယ်... အာ့ နာပါတ်တစ်မီဒီယာကြီးမှာပေါ့ မီးရထားလက်ထောက်စက်ခေါင်းမှူးတစ်ယောက်က လူ့အသက်၂ချောင်းကယ်လိုက်တာမှာ သူကိုးကွယ်တာ အစ္စလာမ်ဘာသာပါလို့ပြောမိလို့ အောက်ကနေ ကြိမ်းနေတဲ့ comment တွေ... ဘယ်မြန်မာဗုဒ္ဓဘာသာကများ တားလိုက်လဲဟင်... တကယ်ပါ ... ဟို လူ့အယုတ်တမာ ၃ယောက်ကျတော့ ဘာသာရေးထည့်ရေးလိုက်တော့ အောင်မလေး ပျော်ပြလိုက်ကြတာ... ကျုပ်တစ်ကွက်ပဲထောက်ပြပါ့မယ်... ဒီမြန်မာမုစ်လင်မ်တွေကို ပါးစပ်ပိတ်နားပိတ် ငါတို့လုပ်သမျှခံဆိုတဲ့ ပုံစံမျိုးချိုးထားတာ ဘယ်သူတွေလဲ... နှဖူးပေါ်လက်ကလေးတင်ပြီး အေးအေးဆေးဆေးလေးစဉ်းစားလိုက်ပါဦးဗျာ... ဒါနဲ့များ International က Case တွေမှာ မြန်မာမုစ်လင်မ်တွေထွက်မပြောလို့တဲ့... ကျနော်ပြန်မေးပါရစေ ပြည်ပက Protest လုပ်ပြနေတာတွေကို မြန်မာမုစ် လင်မ်ထဲက နိုင်ငံတော်ကိုယ်စားပြု ပြောရေးဆိုခွင့်ရအဖြစ်သတ်မှတ်ပြီး ပြောဆိုဖို့ ဘယ်သူကခွင့်ပြုလဲဟင်... အဲ့ဒီလိုမျိုးခွင့်ပြုမယ်ဆိုရင် ဝမ်းမြောက်ဝမ်းသာစွာနဲ့ ကြိုဆိုလိုက်ဦးမယ်... တကယ်ပါ... ဒါနဲ့ Personal တစ်ဦးချင်းဆီအလိုက် မြန်မာမုစ်လင်မ်တွေထဲက International မှာ Protest လုပ်နေတာတွေကို တားဆီးနေတဲ့လူတွေ အဖွဲ့အစည်းတွေရှိနေတာလေး မျက်စိတစ်ချက်လောက်ဖွင့်ပြီးကြည့်လိုက်ပါဦး...

ဒီအရေးအခင်းအောက်မှာ မြန်မာမုစ်လင်မ်တွေကို ဓားစာခံခေါ်သွင်းတာ ဒုတိယအကြိမ်ပဲ... တောင်ကုတ်မှာ မဆီမဆိုင် မြန်မာမုစ်လင်မ်တွေကိုသတ်ပြတယ်... တကယ့်မဆီမဆိုင်နော်... ဒီတစ်ခါ ပြည်တွင်းက နာပါတ်၁မီဒီယာပါဆိုပြီး ကြွေးကြော်နေတဲ့အဖွဲ့အစည်းက တာဝန်မခံနိုင်ဘူးဆိုပြီး မြန်မာမုစ်လင်မ်တစ်ရပ်လုံးကို စော်ကားပြန်တယ်... ဒီတော့ ကျနော်တည့်တည့်ပဲပြန်မေးပါရစေ... မြန်မာမုစ်လင်မ်တစ်ရပ်လုံးကို စစ်တမ်းကောက်ဖူးပါသလား... အွန်လိုင်းမှာ မြင်ရတဲ့အခြေအနေအတိုင်း ပြောဆိုကြကြေးဆိုရင်တော့ ရိုဟင်ဂျာပြောပြော ဘင်္ဂါလီဆိုဆို စစ်တကောင်းသားလို့ပဲပညတ်ပါစေ... ရခိုင်မြောက်ပိုင်းမှာ တကယ်ဖြစ်ပွါးနေတဲ့အနေအထားဟာ လူမျိုးရေးအဓိကရုဏ်းပါ... ဒါပေမဲ့ အခြားသော မြန်မာနိုင်ငံသားတွေအနေနဲ့ မြန်မာမုစ်လင်မ်တွေဘက်ကနေပြီး လူမျိုးရေးအဓိကရုဏ်းလို့ စပြီးမပြောခဲ့စဉ်အချိန်အထိ အစ္စလာမ္မစ် စတိတ်ထူထောင်ရေးဆောင်ရွက်ပါတယ်ဆိုပြီး ဘာသာရေးဝါးလုံးရှည်နဲ့ပတ်ရမ်းခဲ့တာလေးတော့ မမေ့ကြစေချင်... ပိုပြီးရှင်းအောင်ပြောရရင် ဒီကိစ္စမှာ ငြိမ်းချမ်းရေးဖြစ်ပေါ်လာဖို့ စပြီးလမ်းခင်းပေးတာလည်း ပြည်တွင်းက မြန်မာမုစ်လင်မ်တွေပဲ... မနက်ကပြောသလိုပဲ မင်းတို့က လက်သည်းဆိတ်လို့ လက်ထိပ်နာပြတာလားဆိုလို့ လက်သည်းအရှည်ထားပြလိုက်ပါတယ် အခုမှပဲ လှန်ချိုးခံလိုက်ရတယ်...

Myanmar Express

Posted in: ဘာလဲဟဲ့ စတုတ္ထမဏ္ဍိုင်,သတင်း