လုံခြုံရေး တာဝန်ရှိသူများက ကလေးအရိုက်ခံရသည့် သတင်းမဟုတ်မှန်ဟု လိုက်လံရှင်းလင်း

From : YPI

 ရေခဲချောင်းရောင်းသည့် ကလေး အရိုက်နှက်ခံရသည့် သတင်းနှင့် ပတ်သက်၍ ဒေါသထွက်နေသည့် လူအုပ်ကို ရဲမှူးကြီး မျိုးမင်းအောင်နှင့် ရခိုင်ပြည်နယ် နယ်စပ်ရေးရာ ၀န်ကြီးတို့က ကလေးပျောက်သည့် ကိစ္စမှာ မဟုတ်ကြောင်း လူအုပ်ကို လိုက်လံဖြေရှင်း နေကြောင်း စစ်တွေမြို့မှ သတင်းထောက်တဦးက YPI သို့ ပြောသည်။

ရဲမှူးကြီး မျိုးမင်းအောင်ကို YPI မှ ဆက်သွယ်မေးမြန်းရာ ၎င်းက “ ကလေးပျောက်တယ်ဆိုတဲ့ သတင်းက ကောလဟလပါ၊ ဒီကိစ္စကို ကျွန်တော်တို့ စစ်ဆေးပြီးပါပြီ” ဟု ညနေ ၄နာရီ ၂၀ မိနစ်တွင်ဖြေကြားသည်။

ကလေး အရိုက်ခံရသည့် သတင်းမဟုတ်မှန်ကြောင်း အသံချဲ့စက်ဖြင့် လိုက်လံရှင်းလင်းပြောကြားရန် သတင်းမေးမြန်းနေစဉ် ပြင်ဆင်နေကြောင်းလည်း စစ်တွေမြို့မှ သတင်းထောက် ပြောသည်။

ယင်းရပ်ကွက် နှစ်ဖက် နှစ်ချက်တွင် ၀ိုင်းထားသည့် လူအုပ်မှာ စုစုပေါင်း ၁ သောင်းခန့်အထိရှိနိုင်ကြောင်း ယင်းနေရာရောက်ရှိနေသည့် သတင်းထောက် တဦးက YPI သို့ပြောသည်။

အခြားစစ်တွေမြို့ခံတဦးက ပြောရာတွင် ကလေးငယ် ဒဏ်ရာရသည်မှာ သေချာကြောင်း၊ သို့ရာတွင် မည်သည့်ဆေးရုံသို့ သယ်ဆောင်သွားသည်ကိုမူ အတည်မပြုနိုင်သေးကြောင်း ပြောဆိုသည်။ အချို့သော သတင်းများအရ စစ်ဆေးရုံသို့ သယ်ဆောင်သွားသည်ဟု သိရကြောင်း ယင်းမြို့ခံက ပြောသည်။
စစ်တွေမြို့ထဲတွင်မူ ကလေးငယ် သေဆုံးသွားပြီဟု ဆိုင်ကယ်ဖြင့် လိုက်လံ ပြောဆိုလျှက်ရှိသည်ကိုလည်း တွေ့မြင်နေရကြောင်း ၎င်းက ပြောသည်။

Myanmar Express 

Posted in: သတင်း