ရခိုင် ပြည်နယ် အတွင်း ကယ်ဆယ်ရေး စခန်းများမှ ရွှေ့ပြောင်း ပြည်သူများအား နယ်မြေခံ တပ်မတော် နယ်လှည့် ဆေးကုသရေး အဖွဲ့များဖြင့် ကျန်းမာရေး စောင့်ရှောက်မှုများ ဆောင်ရွက်ပေး လျက်ရှိ

From :မြဝတီ


  

 ရခိုင် ပြည်နယ် အတွင်း ကယ်ဆယ်ရေး စခန်းများရှိ ရွှေ့ပြောင်း ပြည်သူများ၏ ကျန်းမာရေး စောင့်ရှောက်မှု လုပ်ငန်းများကို နိုဝင်ဘာ ၅ ရက် နေ့တွင် တပ်မတော် နယ်လှည့် ဆေးကုသရေး အဖွဲ့ ၃ ဖွဲ့ခွဲ၍ ကျမ်းမာရေး စောင့်ရှောက်မှုများ ဆောင်ရွက်ပေး လျက်ရှိ ရာ ကျောက်ဖြူ မြို့နယ်တွင် ဆေးကုသရေး အဖွဲ့ ၁ အနေဖြင့် သံဖြူကျောင်း ကယ်ဆယ်ရေး စခန်းမှ ရွှေ့ပြောင်း ပြည်သူ ၃၉ ဦး၊ ကျောက်တစ်လုံး ဆားကွင်း ကယ်ဆယ်ရေး စခန်းမှ ရွှေ့ပြောင်း ပြည်သူ ၂၆၀ ဦး၊ စုစုပေါင်း ၂၉၉ ဦးတို့အား လည်းကောင်၊ မြေပုံ မြို့နယ်တွင် ဆေးကုသရေး အဖွဲ့ ၂ အနေဖြင့် ကံသာထွန်းဝ ကယ်ဆယ်ရေး စခန်းများမှ ရွှေ့ပြောင်း ပြည်သူ ၁၂၆ ဦး၊ တောင်ပေါ် ရပ်ကွက် ကယ်ဆယ်ရေး စခန်းမှ ရွှေ့ပြောင်း ပြည်သူ ၁၈၅ ဦး၊ စုစုပေါင်း ၃၁၁ ဦး တို့အား လည်းကောင်း၊ မြောက်ဦး မြို့နယ်တွင် ဆေး ကုသရေး အဖွဲ့ ၃ အနေဖြင့် ယိုင်သည် ကျေးရွာမှ ရွှေ့ပြောင်း ပြည်သူ ၁၃၀ ဦး၊ ပုရိန် ကျေးရွာမှ ရွှေ့ပြောင်း ပြည်သူ ၁၂၀ ဦး၊ စုစုပေါင်း ၂၅၀ ဦး တို့အား လည်းကောင်း လိုအပ်သည့် ကျန်းမာရေး စောင့်ရှောက်မှုများ ဆောင်ရွက်ပေး ခဲ့သည်။

ယနေ့တွင် တပ်မတော် နယ်လှည့် ဆေးကုသရေး အဖွဲ့များ အနေဖြင့် ကယ်ဆယ်ရေး စခန်း အသီးသီးမှ ရွှေ့ပြောင်း ပြည်သူ ၈၆၀ ဦးတို့အား လိုအပ်သည့် ကျမ်းမာရေး စောင့်ရှောက်မှု လုပ်ငန်းများ ဆောင်ရွက် ပေးခဲ့သည့် အပြင် ကျန်းမာရေး အသိ ပညာပေး လုပ်ငန်းများ ဆောင်ရွက်ခြင်း၊ သန့်ရှင်းသော သောက်သုံးရေ ရရှိရေး အတွက် သရုပ် ပြသခြင်း၊ တစ်ကိုယ်ရေ သန့်ရှင်းရေး၊ ပတ်ဝန်းကျင် သန့်ရှင်းရေး များကို လက်တွေ့ သရုပ် ပြသခြင်း၊ ပညာပေး ဟောပြောခြင်း လုပ်ငန်းများ ပြုလုပ်ပေး ခဲ့ကြောင်း သတင်း ရရှိသည်။

Myanmar Express 

Posted in: စစ်တပ်နှင့် နိုင်ငံရေး,သတင်း