နိုင်ငံတော်သမ္မတက လွတ်လပ်ရေးနေ့ ညစာစားပွဲအတွက် ပါတီဥက္ကဋ္ဌများကိုဖိတ်

From :7day

သမ္မတက တည်ခင်းသော လွတ်လပ်ရေးနေ့ ညစာစားပွဲကို ဆယ်စုနှစ်နှစ်ခုကျော်အတွင်း ပထမဆုံး
အကြိမ်အဖြစ် နိုင်ငံရေးပါတီဥက္ကဋ္ဌများကိုပါ တက်ရောက်ရန် ဖိတ်ကြားထားကြောင်း နိုင်ငံရေးပါတီများမှ သတင်းရရှိသည်။

သမ္မတနှင့် သမ္မတကတော်တို့က တည်ခင်းဧည့်ခံသည့် ၆၅ နှစ်မြောက် လွတ်လပ်ရေးနေ့ အထိမ်းအမှတ် ညစာစားပွဲသို့ တက်ရောက်ရန် နိုင်ငံရေးပါတီဥက္ကဋ္ဌများ အပါအ၀င် လွှတ်တော်များမှ ရေးရာကော်မတီဥက္ကဋ္ဌများကိုလည်း ဖိတ်ကြားထားကြောင်း သတင်းရရှိသည်။

သမ္မတက တည်ခင်းဧည့်ခံသော လွတ်လပ်ရေးနေ့ ညစာစားပွဲသည် ၁၉၉၀ ပြည့်နှစ်က ဗိုလ်ချုပ်စောမောင်လက်ထက် လွှတ်တော်အဆောက်အအုံတွင် တည်ခင်းဧည့်ခံသော နောက်ဆုံး ညစာစားပွဲဖြစ်သည်။

ပါလီမန်ဒီမိုကရေစီခေတ်က လွတ်လပ်ရေးနေ့ အထိမ်းအမှတ် အခမ်းအနားများကို နိုင်ငံရေးပါတီများ၊ လွှတ်တော်ကိုယ်စားလှယ်များကိုပါ ဖိတ်ကြား၍ နှစ်စဉ်ကျင်းပခဲ့ပြီးနောက် ၁၉၉၁ ခုနှစ်နောက်ပိုင်း နိုင်ငံရေးပါတီများကို ဖိတ်ကြားခြင်း မရှိခဲ့ပေ။

ညစာစားပွဲကို ဇန်န၀ါရီလ ၄ ရက် ည ၆ နာရီခွဲတွင် နိုင်ငံတော် သမ္မတအိမ်တော်ဝင်းတွင် ကျင်းပ ပြုလုပ်မည်ဖြစ်ကြောင်းလည်း သတင်းရရှိသည်။

နံနက်ပိုင်းတွင် နေပြည်တော်မြို့တော်ခန်းမတွင် ကျင်းပပြုလုပ်မည့် လွတ်လပ်ရေးနေ့ အခမ်းအနားသို့ ဒုတိယသမ္မတ ဒေါက်တာ စိုင်းမောက်ခမ်း တက်ရောက်မည်ဖြစ်ကြောင်း သိရှိရသည်။

နိုင်ငံရေးပါတီများမှ ဥက္ကဋ္ဌများနှင့် လွှတ်တော်ကိုယ်စားလှယ်များ ညစာစားပွဲသို့ တက်ရောက်မည်ဟု သိရှိရသော်လည်း အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်အနေဖြင့် ညစာစားပွဲသို့ တက်ရောက်ဖြစ်မည် မဟုတ်ဟု ၎င်း၏ ကိုယ်ရေးအရာရှိ ဒေါက်တာတင်မာအောင်ကပြောကြားသည်။
 

 www.MyanmarExpress.net
 

Posted in: သတင်း