ရခိုင်ပြည်နယ် မြောက်ဦးမြို့သို့ ပြည်ပနိုင်ငံသားများ လာရောက် လည်ပတ်မှုကို တားမြစ်ထားခြင်းမှ ပြန်လည် သွားလာခွင့်ပြုရန်

From :ပြည်သူ့လွှတ်တော်

“ရခိုင်ပြည်နယ် မြောက်ဦးမြို့သို့ ပြည်ပနိုင်ငံသားများ လာရောက် လည်ပတ်မှုကို တားမြစ်ထားခြင်းမှ ပြန်လည် သွားလာခွင့်ပြုရန်နှင့် စပ်လျဉ်းသည့် မေးခွန်း” ဦးအောင်ထွန်းသာ (မြောက်ဦး မဲဆန္ဒနယ်) မှ မြေမြန်းရာတွင်-
=======================================

ရခိုင်ပြည်နယ် မြောက်ဦး ဒေသသည် ရှေးဟောင်းယဉ်ကျေးမှု အမွေ အနှစ်များ စုစည်းတည်ရှိရာ သုတေသန နယ်မြေ တစ်ခု ဖြစ်ပြီး ၁၄၃၀ ခုနှစ်မှာ စတင်ခဲ့တဲ့ မြို့ရိုး တံတိုင်းများ၊ နန်းတော်ရာ ကုန်းနှင့် သမိုင်းဝင် ဘုရား ပုထိုးစေတီများ တည်ရှိနေသော နယ်မြေ ဖြစ်ပါသည်။ ပုဂံကဲ့သို့ ကမ္ဘာလှည့်ခရီးသည်များ၊ နိုင်ငံတကာ သမိုင်းပညာရှင်များ၊ သုတေသီများ အထူးစိတ်ဝင်တစား လာရောက်သော ဒေသ လည်း ဖြစ်သောကြောင့် မြောက်ဦးဒေသ တိုးတက်ဖွံ့ဖြိုးရေးဟာ ရခိုင်ပြည်နယ် အတွက်သာမက ပြည်ထောင်စုကြီး တစ်ခုလုံး အတွက်လည်း အလွန် အရေးကြီးပါကြောင်း၊ ၎င်းနယ်မြေသည် ရခိုင်လူမျိုးများတို့ရဲ့ အနုပညာယဉ်ကျေးမှုနှင့် ဆက်စပ်နေသကဲ့သို့ နိုင်ငံတော်၏ စီးပွားရေးကဏ္ဍတစ်ခုဖြစ်တဲ့ ဟိုတယ်နှင့် ခရီးသွားလာရေးလုပ်ငန်း အတွက် အလွန်အရေး ပါနေသော နေရာတစ်ခုလည်းဖြစ်ပါသည်။

သို့သော် ၂၀၁၀ ခုနှစ် အောက်တိုဘာလအတွင်းက တစ်ကျော့ပြန် ဖြစ်ပွား ခဲ့တဲ့ ပဋိပက္ခကြောင့် မြောက်ဦးဒေသ သို့ ကမ္ဘာလှည့် ခရီးသွားများ လာရောက်လည်ပတ်မှုကို ဟိုတယ်နှင့်ခရီးသွားလာရေး ဝန်ကြီးဌာနမှ တားမြစ်ပိတ်ပင် ထားခဲ့ပါသည်။ လက်ရှိအခြေအနေ၌ မြောက်ဦးမြို့သည်

ပဋိပက္ခဖြစ်ပွားရာဒေသနှင့် ဝေးကွားသည့်လျှောက် တည်ငြိမ်အေးချမ်းမှု များ ပြန်လည်ရရှိနေပြီဖြစ်သော်လည်း ခရီးသွားလာခွင့်ကို ကန့်သတ်ထားဆဲဖြစ်ရာ တပိုင်တနိုင် လုပ်ကိုင် ရှာဖွေစားသောက်နေကြသော ဒေသခံပြည်သူ များ၊ နိုင်ငံခြားခရီးသွား ဧည့်သည်များအား ဝန်ဆောင်မှုပေးနေသော ဟိုတယ်များ၊ တည်းခိုခန်းများ၊ သယ်ယူပို့ဆောင်ရေးလုပ်ငန်းများ စသည့်လုပ်ငန်းများမှာ လုံးဝရပ်ဆိုင်းသွားတော့မည့် အနေအထားကို ရောက်ရှိနေရပါကြောင်း၊ အကျိုးဆက်အနေဖြင့် ယခုနှစ်သွားလာမှု ပိတ်ပင်ထား မှုကြောင့် နောင်လာမည့် နှစ် အတွက်ပါ ကြိုတင်စာရင်းပေးထားမှုများ မရှိတော့ပြီဖြစ်၍ ဒေသခံပြည်သူများ၊ လုပ်ငန်းရှင်များ စီးပွားရေး ကျဆင်းသကဲ့ သို့ နိုင်ငံတော် အတွက်ပါ နိုင်ငံခြားဝင်ငွေလျော့ နည်းလာနိုင်သည်ဖြစ်သည့်အတွက် ပဋိပက္ခဖြစ်ပွား ခဲ့သော နေရာနှင့်ဝေးကွာ သည့် မြောက်ဦးမြို့သို့ ပြည်ပနိုင်ငံသားများ လာရောက်မှုကို ဟန့်တားထားခြင်း မှ ပြန်လည်သွားလာ ခွင့်ပြုရန် ဒေသခံပြည်သူများ၊ နိုင်ငံခြားခရီးသွားဝန်ဆောင်မှု လုပ်ငန်းရှင်များ နှင့် ပို့ဆောင်ရေး လုပ်ငန်း လုပ်ကိုင်ကြသူများ ဆန္ဒအရ “ရခိုင်ပြည်နယ် မြောက်ဦးမြို့သို့ ပြည်ပနိုင်ငံသားများ လာရောက်လည်ပတ်မှု ကို တားမြစ်ထားခြင်းမှ ယခုနှစ်တွင် ပြန်လည်သွားလာခွင့်ပြုရန် ဟိုတယ်နှင့်ခရီးသွားလာရေးလုပ်ငန်း ဝန်ကြီးဌာနမှ အစီအစဉ်ရှိပါသလား။ အစီအစဉ်ရှိပါက မည်သည့်‌လတွင် ပြန်လည်ခွင့်ပြုပေးမည်” ကို သိရှိလိုပါကြောင်း မေးမြန်းသွားပါသည်။


  www.MyanmarExpress.net
  

Posted in: လွှတ်တော်သတင်း,သတင်း