အင်ဒိုနီးရှားအာဏာရပါတီခေါင်းဆောင် နှုတ်ထွက်

From : http://singaporefeelfeel.blogspot.com/2013/02/blog-post_6641.html

အင်ဒိုနီးရှား အာဏာရ ဒီမိုကရက်တစ်ပါတီဥက္ကဋ္ဌ Anas Urbaningrum။
အကျင့်ပျက်ခြစားမှုမှာ ပါဝင်ပတ်သက်တယ်လို့ သတင်းထွက်လာပြီးတဲ့နောက် အင်ဒိုနီးရှား အာဏာရ ဒီမိုကရက်တစ်ပါတီ ခေါင်းဆောင် ရာထူးက နုတ်ထွက်လိုက်ပြီဖြစ်ပါတယ်။ ၂၀၁၀ ခုနှစ်က ပါတီဥက္ကဋ္ဌအဖြစ် ရွေးခံခဲ့ရတဲ့ အသက် ၄၅ နှစ်အရွယ် Anas Urbaningrum က စနေနေ့ သတင်းစာရှင်းလင်းပွဲမှာ သူနုတ်ထွက်တဲ့အကြောင်း ပြောဆိုခဲ့တာပါ။  အဂတိလိုက်စားမှု တိုက်ဖျက်ရေး ကော်မရှင်က သောကြာနေ့က ကြေညာရာမှာ Java ခရိုင် အားကစားရုံကြီး တည်ဆောက် ရေးနဲ့ပတ်သက်ပြီး Urbaningrum ဟာ လာဘ်လာဘ ယူခဲ့တယ်လို့ သံသယဖြစ်တဲ့အကြောင်း ထုတ်ဖော်ပြောဆိုခဲ့ပါတယ်။ အမေရိကန်ဒေါ်လာ ၇ သောင်း ၅ ထောင် တန်ဖိုးရှိတဲ့ ကားတစင်းကို လက်ခံခဲ့တယ်လို့ အင်ဒိုနီးရှား သတင်းတွေမှာ ဖော်ပြပါတယ်။ သူ့ဘက်ကငြင်းဆန်ထားပေမဲ့ ပြစ်မှုထင်ရှားရင် ထောင်ဒဏ် ၄ နှစ် ကျခံရနိုင်ပါတယ်။ ဒီမိုကရက်တစ်ပါတီ ခေါင်းဆောင်သစ်ရွေးဖို့အတွက် တနင်္ဂနွေနေ့မှာ ပါတီအဖွဲ့ဝင်တွေ တွေ့ဆုံကြမှာဖြစ်ပါတယ်။

 www.MyanmarExpress.net

 

Posted in: ကမ္ဘာ့သတင်း