မြန်မာနိုင်ငံ၌ ရင်းနှီးမြှပ်နှံရန် အမေရိကန်ထိပ်တန်း စီးပွားရေးသမားများ လာရောက်မည်

From : Myit Makha Mediagroup on 23 Feb, 2013

လာမည့်အပတ်တွင် အမေရိကန်မှ ထိပ်တန်းစီးပွားရေးသမား အယောက် ၅၀မှမြန်မာနိုင်ငံသို့ ရင်းနှီးမြှုပ်နှံရန်အတွက် လာရောက်လေ့လာကြမည်ဖြစ်သည်ဟုအမေရိကန်နိုင်ငံ စီးပွါးရေးလုပ်ငန်းရှင်များအဖွဲ့မှ ပြီးခဲ့သည့်ဖေဖော်ဝါရီ(၂၂) ရက်နေ့က ပြောကြားခဲ့သည်။

“ဒီစီးပွားရေး ခရီးစဉ်ကတော့ မှတ်တိုင်တခုဖြစ်မှာပါပဲ၊ ကျွန်တော်တို့တိုင်းပြည်နှစ်ခုကြားထဲမှာ စီးပွားရေး ဆက်သွယ်မှုတွေကတော့ အခြေအနေအတော်လေးတိုးတက်နေပါပြီ၊ ဒါပေမယ့် ဒီခရီးစဉ်ကတော့ ဆက်ဆံမှုကို ပိုပြီးတိုးမြင့်စေမှာပါပဲ “ ဟု အမေရိကန်စီးပွါးရေးလုပ်ငန်းရှင်များအဖွဲ့မှဒုဥက္ကဌ တမ်မီ အိုဗာဘီက ပြောသည်။

ယခုစီးပွားရေး ခရီးစဉ်မှာ နိုဝင်ဘာလအတွင်း အမေရိကန်သမ္မတ ဘားရက်အိုဘားမားလာရောက်ပြီးနောက် ပထမဦးဆုံးသော အမေရိကန်စီးပွားရေးလုပ်ငန်းရှင်များ၏တရားဝင်ခရီးစဉ်လည်းဖြစ်သည်။

ဤခရီးစဉ်တွင်ပါဝင်မည့်ကုမ္ပဏီများမှာစိုက်ပျိုးရေး၊မော်တော်ကားထုတ်လုပ်သည့်ကုမ္ပဏီများ၊တပိုင်းလျပ်ကူး ပစ္စည်းရောင်းဝယ်ရေးလုပ်ငန်းရှင်များ၊ စွမ်းအင်နှင့်ဆက်သွယ်ရေးဝန်ဆောင်မှုပေးမည့် ကုမ္ပဏီများနှင့်အခြားကုမ္ပဏီများပါဝင်သည်ဟုစီးပွားရေးလုပ်ငန်းရှင်များအဖွဲ့က ပြောကြားခဲ့သည်။

လာရောက်မည့် ကုမ္ပဏီနှစ်ဒါဇင် အနက်မှ အချို့ ကုမ္ပဏီများမှာMetLife၊Cargill Carg.UL,Fedex၊Chevron၊General Motors၊GeneralElectric၊Target၊Honey Well နှင့် Ebay အစရှိသည့်နာမည်ကြီးကုမ္ပဏီများပါဝင်သည်။

အမေရိကန်စီးပွားရေးလုပ်ငန်းရှင်များအဖွဲ့မှာ အမေရိကန်ကုမ္ပဏီများမှထိပ်တန်းရာထူးရှိ ပုဂ္ဂိုလ်များနှင့် မြန်မာနိုင်ငံ အစိုးရဖွဲ့မှတာဝန်ရှိသူများ ပါဝင်သော ဆွေးနွေးပွဲတစ်ရပ် ရန်ကုန်တွင်ကျင်းပမည်ဖြစ်သည်။

ဝါရှင်တန်မှ စီးပွါးရေးပိတ်ဆို့မှုများကို ဖွင့်လှစ်ပေးလိုက်သောကြောင့်အမေရိကန်နှင့်ယခုအခါ အမေရိကန်ငွေကြေးစနစ်ဖြင့် တိုက်ရိုက်ဆက်သွယ်နိုင်သောဘဏ်လေးခု အထိရှိလာပြီဖြစ်ပြီး ၎င်းတို့မှာ မြန်မာ့စီးပွားရေးဘဏ်၊မြန်မာ့ရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ်၊အာရှစိမ်းလန်းဖွံ့ဖြိုးရေးဘဏ်နှင့်ဧရာဝတီဘဏ်တို့ဖြစ်သည်။

www.MyanmarExpress.net

Posted in: သတင်း