တရုတ်နိုင်ငံတွင် ဂြိုဟ်တုတစ်လုံး အောင်မြင်စွာ လွှတ်တင်ခဲ့

From : MRTV4

တရုတ်နိုင်ငံ မြောက်ပိုင်း Shanxi  ပြည်နယ်ရှိ  Taiyuan ဂြိုဟ်တု လွှတ်တင်ရေးစင်တာ ကနေ ပြီးခဲ့တဲ့အင်္ဂါနေ့က ဂြိုဟ်တုတစ်လုံးကို
 အောင်မြင်စွာ လွှတ်တင်နိုင်ခဲ့တယ်လို့ သိရပါတယ်။ Yaogan XV အမည်ရှိ အဆိုပါ အဝေးထိန်း အာရုံခံဂြိုဟ်တုကို Long March 4B ဒုံးပျံနဲ့ ဒေသစံတော်ချိန် ညနေ ၃နာရီခွဲ လောက်မှာ လွှတ်တင်ခဲ့တာ ဖြစ်ပါတယ်။ အဲဒီဂြိုဟ်တုကို သိပံ္ပနည်းကျစမ်းသပ်မှု၊ ကုန်းမြေတိုင်းတာမှု၊ ရိတ်သိမ်းပြီး စိုက်ခင်းများစောင့်ကြည့်ရေးနဲ့ သဘာဝဘေး လျော့ပါး သက်သာရေး အထောက်အကူ ပြုလုပ်ငန်းတွေမှာ အသုံးပြုသွားမှာ ဖြစ်ပါတယ်။

အဆိုပါ ဂြိုဟ်တုကို လွှတ်တင်ခဲ့တဲ့ Long March 4B ဒုံးပျံကို တရုတ်လေကြောင်း သိပ္ပံနည်းပညာ ကော်ပိုရေးရှင်း လက်အောက်မှ ရှန်ဟိုင်း အာကာသ နည်းပညာ အကယ်ဒမီကနေ တီထွင်ဖန်တီးထားတာဖြစ်ပြီး အခုတစ် ကြိမ်လွှတ်တင်မှုဟာ ၁၆၄ကြိမ်မြောက် လွှတ်တင်မှု ဖြစ်တယ်လို့လည်း သိရပါတယ်။

 Myanmar Express 

Posted in: သတင်း