ပေါတောတော အတိုက်အခံ နှင့် ကြောင်တောင်တောင် မီဒီယာ

" ဇူလိုင် ၇ ရက်အထိမ်းအမှတ်အခမ်းအနား တရက်ကြိုတင်ပြီး လျှို့ဝှက်စွာကျင်းပ " ဆိုတဲ့ ခေါင်းစဉ်နဲ့ Yangon Press International ရဲ့ facebook စာမျက်နှာမှာ လွန်ခဲ့တဲ့ တစ်နာရီက စတင်ဖော်ပြလိုက်ပါတယ်။

ပေါတောတော အတိုက်အခံများက လျှို့ဝှက်စွာ ကျင်းပခဲ့တဲ့ ပွဲကို ဂျာနယ်လစ် ကို ဓာတ်ပုံရိုက်ခိုင်းခဲ့ပြီး ကြောင်တောင်တောင် မီဒီယာကလည်း လျှို့ဝှက်စွာ ကျင်းပ ဆိုတဲ့ ခေါင်းစဉ်နဲ့ ဓာတ်ပုံများကို ဖော်ပြထားပါတယ်။

လျှို့ဝှက်စွာ ကျင်းပခဲ့တဲ့ လျှို့ဝှက် ကိစ္စ က လူအများသုံးနေတဲံ facebook ပေါ် ဓာတ်ပုံနှင့်တကွ ရောက်လာခြင်းအတွက် facebook သုံးသူ မြန်မာများကလည်း နားမလည်ဖြစ်နေကြပါတယ်။

၎င်း သတင်းဖော်ပြချက်နဲ့ ပတ်သက်ပြီး ဝါရင့် သတင်းစာ ဆရာကြီး တစ်ဦးမှ အခုလို သုံးသပ် ထားပါတယ်

"ဒါကို ကြည့်ချင်းအားဖြင့် အခုခေတ် မီဒီယာတွေ ဘယ်လောက် ညံ့ဖျင်းလာလဲဆိုတာ သိလာစေတယ်... မီဒီယာ သတင်းအခွင့်အရေးတွေ အတင်းတောင်းတာ ကြားရတယ်၊ စိစစ်ရေးတွေ ဖျက်ခိုင်းကြတယ်... ကိုယ်တိုင်ကျတော့ ဘာမှသုံးစားမရပြန်ဘူး... ဒီလိုသတင်းမျိုးကို နိုင်ငံတကာက ဖတ်ကြရင် ဘယ်လောက် ရှက်စရာကောင်းသလဲ...." လို့ ဝေဖန်ထားပါတယ်။

အစိုးရသစ်လက်ထက်မှာ ဂျာနယ်အများအပြားကို ထုတ်တင် ခွင့်ပြုခဲ့ပြီး ပြည်ပမှ ကျွမ်းကျင်သူများနှင့် ပူပေါင်းကာ မြန်မာ့ မီဒီယာ ကဏ္ဏဖွံ့ဖြိုးအောင် ဥပဒေ၊ နည်းဥပဒေများ ရေးစွဲကာ နည်းမျိုးစုံဖြင့် ကြိုးစားနေပေမယ့်လည်း ညံ့ဖျင်းသော ဂျာနယ်လစ်များနှင့် အသုံးမကျသော အယ်ဒီတာ များက ပေါတောတော အတိုက်အခံများ နှင့် ပေါင်းကာ ကြောင်တောင်တောင် မီဒီယာ ဖြစ်နေကြကြောင်း သတင်းရရှိပါတယ်။

Myanmar Express

Posted in: ဘာလဲဟဲ့ စတုတ္ထမဏ္ဍိုင်,သတင်း