ပြည်ခိုင်ဖြိုးနှင့် တရုတ်ကွန်မြူနစ်ပါတီ ပူးပေါင်း၍ သင်္ဃန်းကျွန်း အခြေခံပညာကျောင်း ၁၁ ကျောင်းအတွက် ကွန်ပျူတာလှူ

From : Popular

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီနှင့် တရုတ်ပြည်သူ့သမ္မတနိုင်ငံ ကွန်မြူနစ်ပါတီတို့၏ ပူးပေါင်းဆောင်ရွက်မှုတစ်ခုအနေဖြင့် သင်္ဃန်းကျွန်းမြို့နယ်ရှိ စာသင်ကျောင်း ၁၁ ကျောင်းအတွက် ကွန်ပျူတာအလုံး ၁ဝဝ ကိုလှူဒါန်းခဲ့သည်။

အဆိုပါ ကွန်ပျူတာများကို China Sunshine Insurance ကုမ္ပဏီနှင့် အလှူရှင်များက လှူဒါန်းခြင်းဖြစ်ကြောင်း၊ ယခု လှူဒါန်းမှုသည် တရုတ်ကွန်မြူနစ်ပါတီနှင့် ပြည် ခိုင်ဖြိုးပါတီတို့၏ ပေါင်းစပ်ညှိနှိုင်းမှု၏ ရလဒ်တစ်ခုဖြစ်ကြေင်း၊ ပြည်ခိုင်ဖြိုးပါတီ၏ ဗဟိုအလုပ်အမှုဆောင် ဦးအောင်သိန်းလင်းက ပြော သည်။

ထို့အပြင် လူငယ်များ၏ အသိ အမြင် ဗဟုသုတကြွယ်ဝရေး၊ ပညာ ရည်မြင့်မားရေး၊ ယဉ်ကျေးမှု အနုပညာအဆိုအကများ ဖလှယ်ရေး၊ ကျန်းမာရေးနှင့် အားကစားကဏ္ဍ တိုးတက်ရေးနှင့် ကျေးလက်ဒေသ ဖွံ့ဖြိုးတိုးတက်ရေးအတွက်လည်း ညှိ နှိုင်းပူးပေါင်းဆောင်ရွက်လျက်ရှိ ကြောင်း ၄င်းက ပြောသည်။

”ပါတီများရဲ့ ပူးပေါင်းဆောင် ရွက်မှုများဟာ နှစ်နိုင်ငံ အစိုးရများ ရဲ့ ဘက်စုံမဟာဗျူဟာမြောက် ဆက်ဆံရေးနှင့် ပြည်သူများရဲ့ ဆွေမျိုးပေါက်ဖော် ဆက်ဆံရေးများကို ပို မိုတိုးတက်စေဖို့ အထောက်အကူပြု စေမှာဖြစ်ပါတယ်”ဟု ၄င်းက ဆက်လက်ပြောကြားခဲ့သည်။

အဆိုပါ ကွန်ပျူတာများကို သင်္ဃန်းကျွန်းမြို့နယ်အတွင်းရှိ အထက်တန်းကျောင်း ၅ ကျောင်း၊ အလယ်တန်းကျောင်း ၄ ကျောင်း နှင့် မူလတန်းကျောင်း ၂ ကျောင်းတို့ အား မေလ ၁၅ ရက်နေ့ က ခွဲဝေ လှူဒါန်းခဲ့သည်။

တရုတ်ပြည်သူ့ သမ္မတနိုင်ငံ ငြိမ်းချမ်းရေးနှင့် ဖွံ့ဖြိုးရေးဖောင်ဒေး ရှင်းနှင့်ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ မြို့တော်ဆေးကုသရေး ဗဟိုဌာန၊ မျက်စိကုသရေး ဗဟိုဌာနတို့၏ ပူးပေါင်းဆောင်ရွက်ရေး ဆိုင်ရာ သဘောတူညီချက် စာချုပ် (MOU) ကိုလည်း မေ ၁၅ ၌ပင် ရေးထိုးခဲ့ကြောင်း သိရသည်။

Myanmar Express

Posted in: သတင်း