မန္တလေးသားတို့ချစ်တဲ့ တရုတ်မင်းသား ဗုဒ္ဒဘာသာမိဘမဲ့ ကလေးများ စောင့်ရှောက်ရေးကျောင်းသို့ ရောက်ရှိ

မန္တလေး ဇူလိုင်လ(၆)ရက်၊ ကုလသမဂ္ဂကလေးများရန်ပုံငွေအဖွဲ့ (ယူနီဆက်)၏ အထူးသံတမန် ဖြစ်သူ ကမ္ဘာကျော်ရုပ်ရှင်သရုပ်ဆောင် ကွန်ဖူးမင်းသား ဂျက်ကီချန်း သည် ယနေ့နံနက်ပိုင်းက မန္တလေး တောင် မြောက်ဘက် ဘုန်းတော်တိုးရပ်ရှိ လူမှုဝန်ထမ်းဦးစီး ဌာန ၏ အမျိုးသမီး သက်မွေးအတတ်ပညာသင်ကျောင်းသို့သွားရောက်ပြီး သင်တန်းသူများနှင့်တွေ့ဆုံအားပေးခဲ့သည်။ ထို့နောက် ဂျက်ကီချန်း သည် ၆၆ လမ်း ၊၃၀ နှင့် ၃၁ လမ်းကြားရှိ မန္တလေးတိုင်းဒေသကြီး ရဲတပ်ဖွဲ့မှူးရုံး တွင်ဖွင့်လှစ်ထားသော လူကုန်ကူးမှုတိုက်ဖျက်ရေး ရုံးသို့သွားရောက်ကာ တာဝန်ရှိသူများနှင့်တွေ့ဆုံဆွေးနွေးခဲ့သည်။ ယင်းနောက် ယမန်နေ့က မတွေ့ဆုံနိုင်ခဲ့သော မန္တလေးမြို့ ၆၂ လမ်း နှင့် လမ်း ၃၀ ထောင့်ရှိ မိဘမဲ့ကျောင်း Myanmar Buddhist Orphanage Association (MBOA)၊ ငါးစို့တိုက်ကျောင်းသို့ ရောက်ရှိကာ ကျောင်းသားများကိုတွေ့ဆုံ အားပေးခဲ့ကြောင်းသိရှိရသည်။

ကမ္ဘာကျော် ရုပ်ရှင်သရုပ်ဆောင် ဟာသနှင့် ကွန်ဖူးမင်းသား ဂျက်ကီချမ်းမှာဇူလိုင်လ ၅ ရက်နေ့ ညနေပိုင်းအချိန်က မန္တလေးမြို့သို့ ရောက်ရှိလာခဲ့သည်။ ကုလသမဂ္ဂကလေးများ ရန်ပုံငွေအဖွဲ့(Unicef)၏ သံတမန်တစ်ဦးဖြစ်သူ ဂျက်ကီချမ်းမှာ ဇူလိုင်လ ၅ ရက်နေ့ ညနေ ၅း၅၀ မိနစ်အချိန်တွင် မန္တလေးမြို့၊ ၆၂လမ်းနှင့် လမ်း ၃၀ထောင့်ရှိ မြန်မာနိုင်ငံ ဗုဒ္ဒဘာသာမိဘမဲ့ ကလေးများ စောင့်ရှောက်ရေးကျောင်းသို့ ရောက်ရှိလာခဲ့ပြီး ထိုကျောင်းတွင် ၇ မိနစ်ခန့်သာ ကြာမြင့်ခဲ့ပြီး လာရောက်ကြိုဆိုသည့် ပရိသတ်ကြောင့် ကျောင်းဝင်းအတွင်း လှည့်လည် လှည့်ပတ်ခြင်း မပြုဘဲ ၅း၅၇ မိနစ်တွင် ၄င်းကျောင်းမှ ပြန်လည်ထွက်ခွာသွားခဲ့သည်။ ဂျက်ကီချမ်းမှာ မန္တလေးမြို့တွင် ဇူလိုင်လ ၆ ရက်နေ့အထိ ရှိနေမည်ဖြစ်ပြီး ဇူလိုင်လ ၇ ရက်နေ့တွင် ရန်ကုန်မြို့သို့ သွားရောက်မည်ဖြစ်ကြောင်း၊ မန္တလေးမြို့တွင် လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနလက်အောက်ရှိ လူငယ်သင်တန်းကျောင်းများသို့ သွားရောက်မည်ဖြစ်ကြောင်း Unicef တာဝန်ရှိသူတစ်ဦးထံမှ သိရသည်။

တရုတ်မင်းသား ဂျက်ကီချမ်းသည် မနေ့က ရောက်ရှိလာချိန်တွင် မန္တလေးလူထုက သောင်းသောင်းဖျဖျကြိုဆိုကြခြင်းကြောင့် ပိတ်ဆို့မှုများဖြစ်ကာ အစီအစဉ်များကို ဖျက်သိမ်းခဲ့ရသည်။

Myanmar Express

Posted in: သတင်း