ရခိုင်ပြည်နယ် အတွင်း မဟာစင် မုန်တိုင်းရှောင် ပြည်သူများအား ဆေးဝါး ကုသပေး

From : ..mwd

ရခိုင်ပြည်နယ် အတွင်း မဟာစင် မုန်တိုင်း အန္တရာယ်မှ တိမ်းရှောင် လာကြသော ဒေသခံ ပြည်သူ လူထု အား နယ်မြေခံ တပ်များရှိ ဆေးကုသရေး အဖွဲ့များက ဆေးဝါး ကုသပေးလျက် ရှိရာ ယနေ့တွင် စစ်တွေမြို့နယ်၊ အဓိဋ္ဌာန် ဘုန်းတော်ကြီး ကျောင်းနှင့် စိတ္တသုခ ကမ္မဋ္ဌာန်း ကျောင်းတိုက်၌ ခေတ္တ ရောက်ရှိတည်းခို  နေသော မုန်တိုင်းရှောင် ပြည်သူ ၂၃၂ ဦးအား လည်းကောင်း၊ စစ်တွေမြို့၊ နယ်မြေ ခံ တပ်တွင် ခေတ္တ တည်းခိုသည့် အုန်းတောလေး ကယ်ဆယ်ရေး စခန်းမှ မုန်တိုင်းရှောင် ပြည်သူ ၅၇ ဦးအား လည်းကောင်း၊ မောင်တောဒေသ၊ ကညင်တန်းကျေးရွာ အခြေခံပညာ မူလတန်းကျောင်းရှိ မုန်တိုင်းရှောင် ပြည်သူ ၁၅၂ ဦးအား လည်းကောင်း၊ ၄ မိုင် အခြေခံပညာ အလယ်တန်းကျောင်းရှိ မုန်တိုင်းရှောင် ပြည်သူ ၂၆၃ ဦးအား လည်းကောင်း၊ ကျောက်ဖြူမြို့၊ စေတီတောင်ရပ်ကွက်၊ မူလာရာ မ ပရိယတ္တိ စာသင်တိုက်ရှိ မုန်တိုင်းရှောင် ပြည်သူ ၁၈၅ ဦးအား လည်းကောင်း ကျန်းမာရေး ဆေးကုသမှု စောင့်ရှောက်ပေးခြင်း၊ အစားအစာနှင့် ရေ ထောက်ပံ့ ပေးခြင်းများ ဆောင်ရွက် ပေးခဲ့ကြောင်း သတင်း ရရှိသည်။

.. www.MyanmarExpress.net
 

Posted in: စစ်တပ်နှင့် နိုင်ငံရေး