ဒေါ်လာ ၃၀ နှင့် အန်တီစု

From : .... New Myanmar News

ဒေါ်အောင်ဆန်းစုကြည်၏ စင်္ကာပူခရီးစဉ်သည် ၎င်းအပေါ် ယုံကြည်သူနှင့် မယုံကြည်သူတို့အကြား
အငြင်းပွားဖွယ်ဖြစ်ခဲ့သည်မှာ လူတိုင်းအသိပင်။ စင်္ကာပူဒေါ်လာ ၃၀ တန် လက်မှတ်ပါမှ တွေ့ခွင့်ရမည့်
 ဒေါ်အောင်ဆန်းစုကြည်၏ မြန်မာများနှင့်တွေ့ဆုံပွဲကို၎င်းအားတွေ့ချင် သူတို့က ပွဲစီစဉ်သူအပေါ် ဒေါ်လာ ၃၀ ပေးပြီး အလုပ်ပျက်အကိုင်ပျက်ခံတွေ့ခွင့်ရခြင်းသည် ကံကောင်းသည်ဟု ဆိုသလို တစ်ဖက်ကလည်း ဒေါ်လာ ၃၀ နှင့် စီးပွားရှာခြင်းသာဖြစ်သည်ဟု ဝေဖန်မှုများလည်း ရှိခဲ့သည်။

မည်သို့ပင်ဖြစ်စေ အပြိုင်အဆိုင် အငြင်းပွားဖွယ်များကြားမှ ဒေါ်လာ ၃၀ တန် ဒေါ်အောင်ဆန်းစုကြည်၏ တွေ့ဆုံပွဲသည် ပြီးမြောက်အောင်ကျင်းပနိုင်ခဲ့သည်။ သို့သော် ထိုပွဲကို ဒေါ်လာ ၃၀ ပေး၍ တက်ရောက်ခဲ့ရခြင်းကထိုက်တန်ရဲ့လား။ အလုပ်ပျက် ကျောင်းပျက်ခံပြီး ဒေါ်အောင်ဆန်းစုကြည်နှင့် တွေ့ဆုံခဲ့ခြင်းသည် စိတ်ကျေနပ်မှုတစ်စုံတစ်ရာကို ပေးနိုင်ခဲ့ရလား။ ဒီအချက်တွေသည် ပြန်ပြောင်းစဉ်းစားရမည့် အချက်ပင်ဖြစ်သည်။

တချို့ကယနေ့နိုင်ငံတော်၏ဒီမိုကရေစီလမ်းကြောင်းကို လျှောက်လှမ်းနေသည့်အပေါ်
ဒေါ်အောင်ဆန်းစုကြည်၏ အမြင်ကို ကြားလိုကြသည်။တချို့က လွှတ်တော်ကိုယ်စားလှယ်တစ်ယောက်၏ စွမ်းဆောင်ခဲ့မှုတွေမည်မျှ အောင်မြင်ခဲ့သည်ကို ကြားသိလိုကြ၏။ အများစုကတော့ ဒေါ်အောင်ဆန်းစုကြည်ကို မမြင်ဖူး၍ လာကြည့်ကြသူတွေပါသည်။ အမျိုးမျိုးရည်ရွယ်ချက်နှင့် တက်ရောက်လာကြသူများဖြင့် Resorts World Convention Centre တွင်မြန်မာများနှင့် ပြည့်နေခဲ့သည်။

 ဒေါ်အောင်ဆန်းစုကြည်၏ ၂၈ မိနစ်ကြာ မိန့်ခွန်းတွင်
"မိမိအနေဖြင့် နိုင်ငံရပ်ခြားသို့ သွားရောက်သည့် အခါတိုင်း ၎င်းနိုင်ငံများရှိ မြန်မာများကို တွေ့ဆုံရန် ကြိုးစားကြောင်း၊ အချို့မှာ မြန်မာနိုင်ငံသား မဟုတ်တော့သော်လည်း မြန်မာနိုင်ငံမှ ပေါက်ဖွားလာသူများ တူညီသည့်အလျောက် မိမိတို့အကြား ဆက်နွှယ်မှုများသည် ပျောက်ပျက်သွားမည် မဟုတ်ကြောင်း၊ မြန်မာနိုင်ငံမှ ထွက်လာသူများ မည်သည့်အခြေအနေတွင် ရှိနေသည်ကို သိရှိလိုကြောင်း"
ပြောကြားခဲ့သည်။

 ဒေါ်အောင်ဆန်းစုကြည်၏ နိုင်ငံတစ်ခုရောက်တိုင်း မြန်မာများနှင့် တွေ့ဆုံဖို့ ကြိုးစားချက်သည် အင်မတန်ကောင်းသောအချက်တစ်ခုဖြစ်သည်။ လူထုခေါင်းဆောင်ဟု သတ်မှတ်ခံထားရသော ခေါင်းဆောင်တစ်ယောက်အနေဖြင့် လူထုနှင့် အမြဲထိတွေ့ဆက်ဆံနေဖို့သည် အဓိကကျသည်။

သို့သော် မြန်မာနိုင်ငံမှ ထွက်လာသူများ မည်သည့်အခြေအနေတွေနှင့် ရင်ဆိုင်နေရသည်ကို သိရှိဖို့အတွက်
စင်္ကာပူသို့ လာခဲ့သည်ဆိုလျှင် မလေးရှားမှ မြန်မာများမည်သည့်အခြေအနေနှင့် ရင်ဆိုင်ရနေသည်ဆိုတာကို သိဖို့ မလေးရှားသို့လည်း ဒေါ်အောင်ဆန်းစုကြည်အနေဖြင့် မသွားသင့်ဘူးလား။

စင်္ကာပူမှာ မြန်မာတွေဘယ်လိုနေသည်ဆိုတာ တကူးတက သိစရာပင်မလို။ ဒေါ်လာ ၃၀ ပေး၍ လာကြည့်သည်ဆိုတည်းက ဒီမြန်မာတွေ၏ အခြေအနေကို မှန်းစလို့ရသည်။ သို့သော် မလေးမှ မြန်မာတွေကတော့ ဒါနှင့်ပြောင်းပြန်ပင်။ အလုပ်အကိုင်ဝင်ငွေ အဆင်ပြေဖို့ထက် လောလော
လတ်လတ်တွင် မလေးအစိုးရ၏ ဖမ်းဆီးခြင်းမခံရအောင်ပင် ရှောင်တိမ်းနေကြရသည်။ ထိုသူတွေအတွက်
 ဒေါ်အောင်ဆန်းစုကြည် အနေဖြင့် တွေ့ဆုံရဖို့ မကြိုးစားသင့်ဘူးလား။

 ဒါကတော့ဆက်စပ်မှုအရ ပြောခြင်းပင်။ ဒေါ်လာ ၃၀ တန်အခမ်းအနားကို ပြန်သွားရလျှင် တက်ရောက်ခဲ့သူများအနေဖြင့် စိတ်ကျေနပ်မှုရမရသည် ပွဲအပြီးမှာ ထွက်ပေါ်လာခဲ့သည်။
ဒီပွဲကို စီစဉ်သူ Myanmar Club (Singapore) အပေါ် ဝေဖန်မှုများလည်း အမျိုးမျိုးထွက်လာခဲ့သည်။
အခမ်းအနားတွင် VIP ထိုင်ခုံများပြားနေခြင်းက အခြားတက်ရောက်လာသူတွေအပေါ် စိတ်အနှောက်အယှက်
ဖြစ်ခဲ့ရသည်။ ဒါ့အပြင် အများစု သိပြီးသား  ဒေါ်အောင်ဆန်းစုကြည်၏ ဂုဏ်တွေကို ဖော်ညွှန်းသည့် Presentation ကို ပြသခဲ့ခြင်းက ဒေါ်စုကို အမြန်တွေ့လိုသူတွေ၏ ဆန္ဒကို စိတ်မရှည်နိုင်စရာ ဖြစ်ခဲ့သည်။ နောက်တစ်ခုက ဒေါ်အောင်ဆန်းစုကြည်နှင့် တွေ့ဖို့လာသည်ကို အကများဖြင့် ဖျော်ဖြေနေခြင်းက Stage Show ပွဲလာကြည့်နေရသလိုပင်။

ဒေါ်အောင်ဆန်းစုကြည်ပြောခဲ့သည်များကလည်းအခြေခံဥပဒေပြင်ဖို့ပင်။ဒါကတော့ ရောက်ရာနေရာတိုင်း
 ပြော၍မြန်မာများအနေဖြင့် နားယဉ်ပြီးသားအကြောင်းအရာတွေပင်ဖြစ်သည်။ ပြောရမည်ဆိုလျှင် သိပြီးသားတွေကို ထပ်သိဖို့အတွက် ဒေါ်လာ ၃၀ ကုန်ခဲ့ရသလိုဖြစ်နေသည်။ တကယ်တမ်းသိချင်ကြသည့်
 မြန်မာနိုင်ငံအတွက် စင်္ကာပူရောက်တုန်း စင်္ကာပူအစိုးရဆီမှ ဘာတွေ ရယူသွားမည်။
နိုင်ငံအကျိုးအတွက် ဘာတွေဆောင်ရွက်သွားမည်။ ဒါတွေကို မသိခဲ့ရ။ မကြားခဲ့ရ။

ဒေါ်လာ ၃၀ တန်တွေ့ဆုံပွဲတွင် အမြတ်ထွက်သွားသည်က ပွဲကို ဦးဆောင်ကျင်းပသူတွေပင်။ သူတို့ကတော့
ရရှိလာသည့် ဒေါ်လာတွေကို မည်ကဲ့သို့ စီမံမည်ကို အသိပေးမည်ဟုလို့တော့ပြောသည်။ ကျန်သည့်
တက်ရောက်လာသူတွေထဲက ဒေါ်စုကို မမြင်ဖူးသူများကတော့ ကိုယ်တိုင်ကိုယ်ကျတွေ့ခွင့်ရ၍ ကျေနပ်
ကြပေမည်။ တချို့ နိုင်ငံရေး၊ စီးပွားရေး၊ ဒီမိုကရေစီအရေးနှင့် ပတ်သက်၍ ဒေါ်စုအပေါ် မျှော်လင့်
နေကြသူများအတွက်ကတော့ တစ်စုံတစ်ရာ ကျေနပ်ကြလိမ့်မည် မဟုတ်သည်မှာ အမှန်ပင်ဖြစ်သည်။
မည်သို့ပင်ဖြစ်စေ ကမ္ဘာမှာ မရှိဖူးသည့် လူထုခေါင်းဆောင်တစ်ဦးကို ဒေါ်လာ ၃၀ ပေးမှ တွေ့ခွင့်ရသည့် ပွဲတစ်ခုကတော့ စင်္ကာပူတွင် အောင်မြင်စွာကျင်းပနိုင်ခဲ့ပေသည်။

New Myanmar News

Posted in: ဒေါ်စု မညံ့ပါ,ဒေါ်အောင်ဆန်းစုကြည်ကို စိတ်ပျက်နေသူ များပြား