မြန်မာ နိုင်ငံသည် သယံ ဇာတ ပေါကြွယ် ဝပြီး ပထဝီ နိုင်ငံရေး အရ အရေး ပါသည့် နေရာတွင် တည်ရှိ ၊ကိုရီးယား သမ္မတ နိုင်ငံ အနေဖြင့် မြန်မာ နိုင်ငံ၌ လာရောက် ရင်းနှီး မြှုပ်နှံပါက ကူညီ ဆောင်ရွက် ပေးသွားမည်

From : ..မြဝတီ

နေပြည်တော်   ဧပြီ  ၂၈

ကိုရီးယား သမ္မတနိုင်ငံ အမျိုးသား လွှတ်တော် ဥက္ကဋ္ဌ H.E. Mr. KANG  Chang- hee ၏ ဖိတ် ကြားချက်အရ ကိုရီးယား သမ္မတ နိုင်ငံသို့ ချစ်ကြည်ရေး ခရီး ရောက်ရှိနေသော ပြည်သူ့  လွှတ်တော် ဥက္ကဋ္ဌ သူရ ဦးရွှေမန်းသည် အဖွဲ့ဝင် များနှင့် အတူ ကိုရီးယား သမ္မတ နိုင်ငံ သမ္မတ H.E. Ms. Park Geum Hye နှင့် သမ္မတ အိမ်တော် (BLue  House) ၌ ဧပြီ ၂၅ ရက် မွန်းလွဲ ၂ နာရီက သွားရောက် တွေ့ဆုံသည်။

ထိုသို့ တွေ့ဆုံရာတွင်  ကိုရီးယား သမ္မတ နိုင်ငံ သမ္မတက အဆွေတော် ဦးဆောင်သော မြန်မာ လွှတ်တော် ကိုယ်စားလှယ် အဖွဲ့အား ကိုရီးယား သမ္မတ နိုင်ငံမှ လှိုက်လှဲ နွေးထွေးစွာ ကြိုဆိုပါကြောင်း၊ အထူးသဖြင့် အဆွေတော် တို့သည် မြန်မာ နိုင်ငံ၏ ပြုပြင် ပြောင်းလဲ ရေး လုပ်ငန်းစဉ် များတွင် အရေးပါသော နေရာမှ ဆောင်ရွက်နေသည့် အတွက် ဖြစ်ပါကြောင်း၊ ကိုရီးယား သမ္မတ နိုင်ငံသို့   ချစ်ကြည်ရေးနှင့်  လေ့လာရေး ခရီးစဉ်မှ တစ်ဆင့် မြန်မာနိုင်ငံ အတွက် အကျိုးကျေးဇူး များစွာ ဖြစ်ထွန်း စေမည်ဟု ယူဆပါကြောင်း ပြောကြားသည်။

ယင်းနောက် ပြည်သူ့လွှတ်တော် ဥက္ကဋ္ဌက အဆွေတော် သမ္မတကြီး၏ လှိုက်လှဲ နွေးထွေးစွာ ကြိုဆို နှုတ်ခွန်းဆက်ခြင်း အတွက် ကျေးဇူး အထူး တင်ရှိပါကြောင်း၊ အဆွေတော်သည်  ကိုရီးယား သမ္မတ နိုင်ငံ အမျိုးသား ခေါင်းဆောင်၏ သမီး ဖြစ်ပြီး ကိုရီးယား သမ္မတ နိုင်ငံ၏ ပထမဦးဆုံး   အမျိုးသမီး သမ္မတ ဖြစ်သည့် အတွက် ဝမ်းသာ ဂုဏ်ယူပါကြောင်း၊ မိမိ တို့နိုင်ငံ၏  ပြုပြင် ပြောင်းလဲရေး လုပ်ငန်းများ ဆောင်ရွက် နေချိန်တွင် ယခုလို လာ ရောက် လည်ပတ် လေ့လာခွင့် ရရှိသည့် အတွက် ဝမ်းသာအားရ ဖြစ်မိပါကြောင်း၊ အဆွေတော် သမ္မတ ကြီးအား နိုင်ငံတော် သမ္မတ  ဦးသိန်းစိန် ကလည်း နှုတ်ခွန်း ဆက်သ လိုက်ပါကြောင်း၊ အဆွေတော် တို့နိုင်ငံတွင် များစွာ လေ့လာ အတုယူဖွယ် ရာများ ရှိပါကြောင်း ပြောကြားသည်။

ထို့နောက်  ကိုရီးယား သမ္မတ နိုင်ငံ သမ္မတက အဆွေတော်တို့ မြန်မာ နိုင်ငံ တွင် နိုင်ငံတော် သမ္မတကြီးနှင့် အဆွေတော် ဥက္ကဋ္ဌကြီး တို့၏ ဦးဆောင်မှုဖြင့် ပြုပြင် ပြောင်းလဲမှုများ များစွာ ဆောင်ရွက်နိုင်ခဲ့၍ နိုင်ငံတကာ အသိုင်းအဝိုင်းမှ များစွာ အားရလျက် ရှိပါကြောင်း၊ ကိုရီးယား-မြန်မာ နှစ်နိုင်ငံသည် ၁၉၇၅ ခုနှစ်မှ စ၍ သံတမန် ဆက်ဆံရေး ထူထောင် ခဲ့ပါကြောင်း၊ လက်ရှိ အခြေအနေတွင် နှစ်နိုင်ငံ အဆင့်မြင့် အရာရှိများ အပြန် အလှန် လည်ပတ်ခြင်းမှ တစ်ဆင့် ချစ်ကြည်ရေးနှင့် ပူးပေါင်း ဆောင်ရွက်ရေး တိုးတက် လာမည်ဟု မျှော်လင့် ပါကြောင်း၊ ကိုရီးယား- မြန်မာ နှစ်နိုင်ငံ စီးပွားရေး ကဏ္ဍတွင်   ပူးပေါင်း ဆောင်ရွက်ရန် အခွင့်အရေး များစွာ ရှိပါကြောင်း၊ ရင်းနှီး မြှုပ်နှံမှုနှင့် စီးပွားရေး ပူးပေါင်း ဆောင်ရွက်မှုမှ တစ်ဆင့် စီးပွားရေး ဖွံ့ဖြိုး တိုးတက်လာမည် ဖြစ်ကြောင်း  ပြောကြားသည်။

ယင်းနောက်  ပြည်သူ့ လွှတ်တော် ဥက္ကဋ္ဌက မြန်မာ နိုင်ငံသည် သဘာဝ သယံ ဇာတများ ပေါများ ကြွယ်ဝပြီး ပထဝီ နိုင်ငံရေး အရလည်း အရေးပါသည့် နေရာတွင် တည်ရှိ ပါကြောင်း၊  ကိုရီးယား သမ္မတ နိုင်ငံ အနေဖြင့် မြန်မာ နိုင်ငံနှင့်  ရင်းနှီး မြှုပ်နှံမှု လုပ်ငန်းများ တိုးချဲ့ခြင်း၊  စီးပွားရေး ပူးပေါင်း ဆောင်ရွက်ခြင်း၊ နည်းပညာ ဖလှယ်ခြင်း၊ ကုန်သွယ်ရေး လုပ်ငန်းများ မြှင့်တင်ခြင်းများ ဆောင်ရွက် သွားပါက ကိုရီးယား- မြန်မာ   နှစ်နိုင်ငံ အတွက် သာမက  ကမ္ဘာ့နိုင်ငံများ အတွက်ပါ အကျိုး ဖြစ်ထွန်းစေမည် ဖြစ်ပါကြောင်း၊ မြန်မာ နိုင်ငံတွင် ရင်းနှီးမြှုပ်နှံမှု ဆောင်ရွက်ရန် ကဏ္ဍ များစွာနှင့် အခွင့်အလမ်း များစွာ ရှိပါကြောင်း၊  နယ်ပယ် အသီးသီး ကဏ္ဍ အသီးသီးတွင် လာရောက် ရင်းနှီး မြှုပ်နှံ နိုင်ပါကြောင်း၊ လာရောက် ရင်းနှီး မြှုပ်နှံပါက  မိမိတို့ အနေဖြင့်  ကူညီ ဆောင်ရွက် ပေးသွားမည် ဖြစ်ပါကြောင်း၊  မြန်မာ နိုင်ငံတွင် ကျေးလက်နေ ပြည်သူ ၇ဝ ရာခိုင်နှုန်းကျော် ရှိပါကြောင်း၊  သက် ဆိုင်ရာ အဖွဲ့အစည်းများ၏   စစ်တမ်းများ အရ ဆင်းရဲမှု ရာခိုင်နှုန်း  ၂၆ ရာခိုင် နှုန်းရှိသည် ဟု သိရှိရပါကြောင်း၊  အစိုးရ အနေဖြင့်ရော လွှတ်တော် အနေဖြင့်ပါ ဆင်းရဲမှု လျှော့ချရေး အတွက် ဆောင်ရွက်လျက် ရှိပါကြောင်း၊ လွှတ်တော်၏ ဆောင်ရွက်ချက် အနေဖြင့် ကျေးလက်နေ ပြည်သူများ အများစုမှာ တောင်သူ လယ်သမားများ ဖြစ်သဖြင့် ၄င်းတို့၏ အကျိုးအတွက်  ဥပဒေ တစ်ရပ် ပြဋ္ဌာန်း ဆောင်ရွက်နိုင်ရေး ဆောင်ရွက်လျက် ရှိပါကြောင်း၊ ငွေကြေး နှင့် နည်းပညာများ လိုအပ်မည် ဖြစ်ပါ ကြောင်း  ပြောကြားသည်။

ထို့နောက်  ကိုရီးယား သမ္မတ နိုင်ငံ သမ္မတက Korea Development In-stitute(KDI) ကဲ့သို့သော အဖွဲ့အစည်းများ မြန်မာ နိုင်ငံတွင် ဖွဲ့စည်း သွားမည် ဆိုပါက ကူညီ ထောက်ပံ့မှုများ ပေးအပ်သွားမည် ဖြစ်ပါကြောင်း၊  ကိုရီးယား သမ္မတ နိုင်ငံ အနေဖြင့် မြန်မာ နိုင်ငံနှင့် စီးပွားရေး ပူးပေါင်း ဆောင်ရွက်မှုများ တိုးမြှင့် ဆောင်ရွက် သွားမည် ဖြစ်ကြောင်း၊ အဆွေတော်၏  ဆွေးနွေးချက် များကို ကြည့်ပါက ကိုရီးယား- မြန်မာ ပူးပေါင်း ဆောင်ရွက်ရေး တိုးမြှင့်လိုသည့် ဆန္ဒများ ရှိသည်ကို တွေ့ရသကဲ့သို့  မိမိတို့ အနေဖြင့်လည်း ပူးပေါင်း ဆောင်ရွက်သွားမည် ဖြစ်ပါကြောင်း၊ အနာဂတ် ကာလတွင် မြန်မာ-ကိုရီးယား နှစ်နိုင်ငံ နိုင်ငံရေး၊ စီးပွားရေး  အပြန် အလှန်ဆက်သွယ်မှု များ  တိုးမြှင့် ဆောင်ရွက်သွားရန် လိုအပ် ပါကြောင်း ပြောကြားသည်။

ယင်းနောက်   ပြည်သူ့ လွှတ်တော် ဥက္ကဋ္ဌက မိမိတို့ အနေဖြင့်  ပြည်တွင်း ငြိမ်းချမ်းမှု ရရှိရေး၊ တရား ဥပဒေ စိုးမိုးရေးနှင့် တည်ငြိမ် အေးချမ်းရေး၊ အမျိုး သား ပြန်လည် စည်းလုံး ညီညွတ်မှုရရှိရေး အတွက် ဆောင်ရွက်လျက် ရှိပါကြောင်း၊ နိုင်ငံရေး ပါတီပေါင်းစုံနှင့် ပူးပေါင်း ဆောင်ရွက်လျက် ရှိပါကြောင်း၊ အဆွေတော် သမ္မတကြီး  မြန်မာ နိုင်ငံသို့ လာရောက် လည်ပတ်ရန်လည်း   မိမိတို့ အနေဖြင့် ဆန္ဒ ရှိပါကြောင်း ပြောကြားခဲ့သည်။

ပြည်သူ့လွှတ်တော် ဥက္ကဋ္ဌ   သူရ ဦးရွှေမန်းနှင့် အဖွဲ့သည် ကိုရီးယား သမ္မတ နိုင်ငံဆိုင်ရာ မြန်မာ သံအမတ်ကြီး ဦးညွန့်လှိုင် လိုက်ပါလျက် ဧပြီ ၂၂ ရက် ညနေ ၄ နာရီက ကိုရီးယား သမ္မတ နိုင်ငံ နိုင်ငံခြားရေး ဝန်ကြီးဌာန  ဧည့်ခန်းမဆောင်၌   ကိုရီးယား သမ္မတ နိုင်ငံ နိုင်ငံခြားရေး ဝန်ကြီး H.E.Mr. Yun Byung-se နှင့် တွေ့ဆုံကာ နှစ်နိုင်ငံ ချစ်ကြည်ရေးနှင့် ပူးပေါင်း ဆောင်ရွက်ရေး ဆိုင်ရာ ကိစ္စရပ်များနှင့် ပတ်သက်၍ ရင်းနှီး ပွင့်လင်းစွာ ဆွေးနွေး ခဲ့ကြသည်။

ဧပြီ ၂၆ ရက် မွန်းလွဲ ၁၂ နာရီခွဲက ပြည်သူ့ လွှတ်တော် ဥက္ကဋ္ဌ သူရဦးရွှေမန်း နှင့် အဖွဲ့အား Ulsan မြို့တော်ဝန် Bak  Maeng-woo  က Ulsan မြို့ရှိ Lotte ဟိုတယ်၌ နေ့လယ်စာ စားပွဲဖြင့် တည်ခင်း ဧည့်ခံခဲ့သည်။

နံနက် ၈ နာရီခွဲတွင်   ပြည်သူ့ လွှတ်တော် ဥက္ကဋ္ဌ သူရဦးရွှေမန်းသည် Busan Port သို့ ရောက်ရှိပြီး Busan ဆိပ်ကမ်း၌ သင်္ဘောကြီးများ ဆိုက်ကပ် နေမှု၊ ကုန်တင်ကုန်ချ ပြုလုပ် နေမှုများကို ကြည့်ရှု လေ့လာ ခဲ့သည်။

ထို့နောက် ဟွန်ဒိုင်း မော်တော်ယာဉ် စက်ရုံသို့ ရောက်ရှိပြီး မော်တော်ယာဉ်များ ထုတ်လုပ်နေမှုနှင့် ထုတ်လုပ်ပြီး မော်တော်ယာဉ် များအား ဆိပ်ကမ်းမှ ပြည်ပသို့ တင်ပို့မှု အခြေအနေများကို ကြည့်ရှု လေ့လာခဲ့သည်။

ဆက်လက်၍ Incheon Interna-tional Airport သို့ရောက်ရှိရာ လေဆိပ် ဧည့်ခန်းမ ဆောင်၌ Incheon International Airport မှ တာဝန် ရှိသူများက လေဆိပ် တည်ဆောက်ထားရှိမှု အခြေ အနေများနှင့် ပတ်သက်၍  ရှင်းလင်း တင်ပြကြသည်။

ယင်းနောက် ပြည်သူ့လွှတ်တော် ဥက္ကဋ္ဌနှင့် အဖွဲ့သည် ကိုရီးယား သမ္မတနိုင်ငံ ဆိုးလ်မြို့ Incheon International Airport မှ မြန်မာ နိုင်ငံသို့ ပြန်လည် ထွက်ခွာလာရာ  မြန်မာ သံအမတ်ကြီး ဦးညွန့်လှိုင်၊  စစ်သံမှူး ဗိုလ်မှူးချုပ် မြင့်ဟိန်းနှင့် သံရုံး ဝန်ထမ်းများ၊ ကိုရီးယား သမ္မတ နိုင်ငံ National Assembly မှ တာဝန် ရှိသူများက လေဆိပ်၌ လိုက်လံ ပို့ဆောင်နှုတ်ဆက်ခဲ့ကြသည်။

.. www.MyanmarExpress.net
 

Posted in: သတင်း