သူရဲကောင်းသို့ ပေးစာ

From : ..ဥက္ကာကိုကို

ရခိုင်သားရေ......
ခင်မြင့်မောင်ရေ......
ခုချိန်ထိ ခင်မောင်မြင့်နဲ့ ခင်မြင့်မောင် သိပ်မကွဲကြပေမယ့်
မင်းကို
လူအားလုံးက တခြားသူတွေနဲ့မတူ ကွဲကွဲပြားပြား သိခဲ့ကြပါတယ်။

မင်းဟာ
7Day ဂျာနယ်ကပေးတဲ့ သူရဲကောင်းဆုကိုရခဲ့တယ်
မင်းဟာ နိုင်ငံတော်ကပေးတဲ့ ဘာဆုကိုမှမရဖူးဘူး
ဒါပေမယ့် မင်းတန်ပါတယ်
မင်းဟာ
ပြည်သူတွေကပေးတဲ့ လူမှုဝန်ထမ်းကောင်းဆုကို
ပြိုင်ဖက်မရှိရထားခဲ့ပြီပဲလေ။

စစ်တွေမြို့၊ အောင်တိုင်ကျေးရွာမှာမွေးဖွားသူ
စိတ်ပညာဘွဲ့ရထားသူ
စကားနည်းလွန်းသူ
လောဘမကြီးသူ
အလုပ်ကြိုးစားသူ
ရိုးသားဖော်ရွေသူ
ဝါသနာပါလို့ ယာဉ်ထိန်းရဲလုပ်ခဲ့သူ
ဒုတပ်ကြပ်အဆင့်သာရှိခဲ့သူ
ခုတော့..........
မင်းဟာ နိုင်ငံကျော်ခဲ့ပါပြီ။

မင်း နာမည်ကျော်နေတာကို မင်းသိရဲ့လား ခင်မြင့်မောင်
မင်းဟာ တို့ရဲ့ စံပြပုဂ္ဂိုလ်ကွယ့်
မင်းဟာ ၀န်ထမ်းတွေရဲ့ နမူနာကွယ့်
မင်းဟာ နောင်လာနောက်သားတွေအတွက် အထိမ်းအမှတ်ရုပ်တုလေးတစ်ခုပဲ
မင်းအပြုံးဟာ ချိုမြိန်စွာပေါ့....။

နေတွေအရမ်းပူနေတယ် ခင်မြင့်မောင်
မိုးတွေ သိပ်သည်းနေတယ် ခင်မြင့်မောင်
ဆောင်းတွင်းဟာ အနွေးထည်မလုံလောက်ဘူးခင်မြင့်မောင်
မင်းချစ်တဲ့ လမ်းဆုံလေးဟာ မင်းကို အေးမြ နွေးထွေး လုံခြုံစေမှာပါ
ဓမ္မစေတီလမ်းနဲ့ လင့်လမ်းထိပ်ကို မင်းချစ်သလို
ကားမောင်းသူတိုင်းကလည်း မင်းကိုချစ်ကြတာပဲလေ
မင်း အသားအရည်တွေ သိပ်နက်လာပြီခင်မြင့်မောင်။

မင်းကိုပေးတဲ့ ငွေစကြေးစတွေဟာ မေတ္တာ
မင်းကိုကမ်းတဲ့ ရေဘူး အချိုရည်ဘူးတွေဟာ မေတ္တာ
မင်းကို ကြည့်တဲ့မျက်ဝန်းများစွာဟာ မေတ္တာ
မေတ္တာဟာ မင်းအပြုံးအောက်မှာ နွဲ့လျမွှေးပျလို့...........။

ကားသမားတွေက ခေါ်ကြတယ် ခင်မြင့်မောင်
မင်းကိုလေ....
အသားမည်းလို့... ကုလားလေး...တဲ့
အမြဲပြုံးနေလို့.... ဖိုးပြုံးချို...တဲ့
ငါခေါ်မယ်ကွာ.... မင်းစိတ်မဆိုးနဲ့
မင်းဟာ ငါတို့ရဲ့ မော်တော်ပီကယ်
မင်းဟာ ငါတို့ရဲ့ ... ကုလားလေးဖိုးပြုံးချိုပါပဲကွာ။

“ကားကြပ်နေတယ်ဆိုရင် ရှင်းလင်းပေးဖို့က ကျွန်တော့်တာဝန်ပါ၊
ကားတွေကို ပရမ်းပတာ မမောင်း စေချင်ဘူး၊ ယာဉ်တိုက်မှုဖြစ်ရင်
နှစ်ဦးနှစ်ဖက်နစ်နာဆုံးရှုံးမှုဖြစ်မှာ မလိုလားပါဘူး” တဲ့လား...
မင်းရဲ့စေတနာ
မင်းရဲ့ သဘောထား..
ဂုဏ်ယူဝင့်ကြွားပါတယ်ရဲဘော်။

မနက် ခြောက်နာရီကနေ ည ၇ နာရီအထိ
လမ်းဆုံမှာ မင်းရှိတယ်...
ဘယ်အချိန်ကြည့်ကြည့်
လမ်းဆုံမှာ မင်းရှိတယ်
မင်း သိပ်ပင်ပန်းမှာပဲ ရဲဘော်ရေ
ဒါပေမယ့် မင်းပြောခဲ့တယ်လေ
“မပင်ပန်းပါဘူး။ အခုလိုမတ်တပ်ရပ်နေရတာကို
ဝါသနာပါတယ်” လို့။

ကျေးဇူးတင်ပါတယ် ရဲဘော်ရေ....
တကယ် ကျေးဇူးတင်ပါတယ် ခင်မြင့်မောင်ရေ...
တို့အားလုံး ကျေးဇူးတင်လျှက်ပါ ရခိုင်သားလေးရေ.....

အမြစ်စွဲနေတဲ့ အကျင့်စရိုက်တွေထဲက ခွဲထွက်
ထုံးစံဆိုတဲ့ မလိုအပ်မှုတွေက သွေဖည်
ရေသာမခို အချောင်မစား.. မေတ္တာသာစားသုံးတဲ့
မင်းဟာ
ကမ္ဘာတည်သရွှေ့ စံပြုထိုက်သူအဖြစ်နဲ့
နယ်ပယ်တစ်ခုခုအပေါ် လွှမ်းမိုးနေဦးမှာ...
ပြည်သူတွေအပေါ် ရိုက်ခတ်နေဦးမှာ.....
ဒီနိုင်ငံကြီးကို သတိတွေပေးနေလိမ့်ဦးမှာ....

ကျန်းမာပါစေ... ချမ်းသာပါစေ....
နိုင်ငံတာဝန်များကိုလည်း ကျေပွန်ပါစေ... ခင်မြင့်မောင်ရေ။ ။

မင်းရဲ့ နယ်သား....

(18.5.2013)

 .. www.MyanmarExpress.net
 

Posted in: ကဗျာ,ပေးစာ