အမတ်တွေအားလုံး ဒီမိုကရက်လား

From :  Pite Tin

( ဒီကနေ့ထုတ် The Voice weekly ဆောင်းပါးဖြစ်ပါတယ်။ ဒီမိုကရေစီ နိုင်ငံမဖြစ်သေးတော့လည်း မဲထည့်တာလွဲတတ်တဲ့အကြောင်း ကျနော်ကိုယ်တိုင်လွဲခဲ့တဲ့ကိစ္စကို တွေးမိပြီး ဝမ်းနည်းစိတ်နဲ့ရေးတဲ့ဆောင်းပါး
ပါ။ ဒီမိုကရေစီတည်ဆောက်မယ်ဆိုတဲ့ နိုင်ငံရေးသမားတွေ ဒီမိုကရေစီကိုတော့ ယုံကြည်ကြဖို့ မဖြစ်မနေလိုအပ်ပါမယ်။ လူထုကို လမ်းကြောင်းမှန်ပေါ် တင်ပေးနိုင်ရပါမယ်။ ဒီမိုကရေစီနဲ့ဖွံ့ဖြိုးတိုးတက်ရေးအတွက်လမ်းပြကြယ်များဖြစ်ရပါမယ်။မဲဆန္ဒရှင်များကို လေးစားတန်ဖိုးထားဖို့ မဖြစ်မနေလိုအပ်ပါတယ်။ ဘာကိုမှ ပေါ့ပေါ့တန်တန်မလုပ်မိ မပြောမိကြဖို့ပါ။ ဒါငါ့အခွင့်အရေး ငါပြောမယ် ဆိုတာမျိုးက သာမန်အရပ်သားတွေမှာ လုပ်ခွင့်ရှိပေမယ့် လူထုဆန္ဒကိုကိုယ်စားပြုသူများ လုပ်ခွင့်မရှိပါ။ ဒီမိုကရေစီဝါဒသည်သာ လွတ်လပ်ခွင့် တန်းတူညီမျှခွင့်များကို ပြဌာန်းပေးနိုင်ပြီး လူတွေရဲ့ ကိုးကွယ်ယုံကြည်မှုများကို လုံခြုံဖို့ အကာအကွယ်ပေးနိုင်တယ်ဆိုတာ လူထုကို ရှင်းရှင်းလင်းလင်း လမ်းပြဖို့တာဝန်ရှိပါတယ်။လူထုက အစစနိမ့်ပါးနေသေးတဲ့အချိန်မှာ ကိုယ် မဲရဖို့ လူထုကို ဝေဝါးထွေပြားအောင်လုပ်ခဲ့ရင် ဒီမိုကရေစီကိုသစ္စာဖောက်ရာကျသလို လူထုကို ဒုက္ခတွင်းထဲပို့သလိုဖြစ်နိုင်ကြောင်း သတိပေးလိုရင်းပါခင်ဗျား။)

ဒီမိုကရေစီပေါ်ထွန်းဖို့ လူထုတစ်ရပ်လုံးနဲ့ နိုင်ငံရေးနယ်ပယ်က ပုဂ္ဂိုလ်များ
အားလုံးက ဝိုင်းဝန်းကြိုးပမ်းဖို့လိုအပ်တယ်ဆိုပေမယ့် လွှတ်တော်များဟာ
အဓိက ကျပြီး တာဝန်လည်းအရှိဆုံး ဖြစ်သလို ဒီမိုကရေစီစနစ် ခိုင်ခိုင်မာမာ ပေါ်ပေါက်နိုင်ရေးအတွက်
တာဝန်လည်း အများဆုံး ဖြစ်ပါတယ်။အကြောင်းကတော့ ဒီမိုကရေစီနဲ့ ကိုက်ညီမှုမရှိတဲ့ ဥပဒေများကို
ဖျက်သိမ်းခြင်း ၊ ပြုပြင်ခြင်းနဲ့ ဥပဒေအသစ်များရေးဆွဲပြဌာန်းခြင်း စတဲ့ အလုပ်ကို လွှတ်တော်များက
လုပ်ကိုင်ဖို့ တာဝန်ရှိနေတာကြောင့်ဖြစ်ပါတယ်။

လွတ်လပ်ရေးအကြိုကာလ မြန်မာနိုင်ငံရဲ့လွှတ်တော်လိုပဲ ဒီကနေ့ကာလ လွှတ်တော်များဟာတိုင်းပြုပြည်ပြု
လွှတ်တော်များဖြစ်ပါတယ်။ ကိုလိုနီအုပ်ချုပ်ရေးအောက်က နေ လွတ်မြောက်တဲ့အချိန် တစ်နည်းအားဖြင့်
လွတ်လပ်ရေးရပြီးတဲ့အချိန်မှာ တိုင်းပြည် တိုးတက်ဖွံ့ဖြိုးဖို့ ဒီမိုကရေစီထွန်းကားဖို့
ကြိုးပမ်းဆောင်ရွက်ရမယ်ဆိုတဲ့ရည်ရွယ်ချက်နဲ့ အဲဒီခေတ်အခါက တိုင်းပြုပြည်ပြုလွှတ်တော်လို့သတ်မှတ်ခဲ့ခြင်းဖြစ်ပါတယ်။
လက်ရှိလွှတ်တော်များကလည်း အာဏာရှင်စနစ် ကနေ ဒီမိုကရေစီစနစ်ဆီ အကူးအပြောင်းမှာ အဓိကကျတဲ့အခန်းကဏ္ဍ ကနေပါဝင်နေတာကြောင့်
တိုင်းပြုပြည်ပြုလွှတ်တော်များပဲဖြစ်ပါတယ်။

လူထုက ရွေးချယ်တင်မြှောက်ထားတဲ့ လွှတ်တော်ကိုယ်စားလှယ်များဟာ ဒီမိုကရေစီထွန်းကားရေး
အတွက် ရှေ့ဆုံးကနေ တာဝန်ယူထားရတဲ့ပုဂ္ဂိုလ်များဖြစ်ပါတယ်။ လွှတ်တော်အမတ်များဟာ ဒီမိုကရေစီရဲ့
အဓိပ္ပါယ်နဲ့ အနှစ်သာရကို ယုံကြည်ကြသူများဖြစ်ဖို့ ဒီမိုကရေစီကို အမှန်တစ်ကယ် ချစ်မြတ်နိုးကြသူများဖြစ်ဖို့
မဖြစ်မနေလိုအပ်ပါတယ်။ ဒီမိုကရေစီဖြစ်ထွန်းဖို့ အတွက် အလုပ်လုပ်နေကြတယ်ဆိုတဲ့ 
လက်ရှိ လွှတ်တော်များမှာ အမတ် ဘယ်လောက်များများက
ဒီမိုကရက်တွေဖြစ်မလဲ ဒီမိုကရေစီကို အမတ်ဘယ်လောက်များများက အမှန်တစ်ကယ် သိရှိနားလည်ကြမလဲ
ယုံကြည်မြတ်နိုးကြမလဲဆိုတာ ဆန်းစစ်ကြည့်သင့်တဲ့ကိစ္စရပ်တစ်ခုလို့ ရှုမြင်မိပါတယ်။ ဒီမိုကရက်အမတ်များ
များများစားစားရှိပါမှ ဒီမိုကရေစီ မြန်မြန်ဆန်ဆန်ပေါ်ပေါက်နိုင်မှာဖြစ်ပြီး ဒီမိုကရေစီကို ဟန်ပြ ယုံကြည်သူများ၊
ဒီမိုကရေစီသဘောတရားများကို လေ့လာသိရှိထားခြင်းမရှိတဲ့ နှစ်နှစ်ကာကာ ယုံကြည်သက်ဝင်ခြင်းမရှိတဲ့
အမတ်တွေ များနေသေးရင် ဒီမိုကရေစီထွန်းကားဖို့ ဖြစ်နိုင်မဖြစ်နိုင်ဆိုတာလည်း မေးခွန်းထုတ်ရမယ့်ကိစ္စပါ။

ဒီနေရာမှာ အမတ်တွေ ဒီမိုကရက်ဖြစ်မဖြစ် ( ဒီမိုကရေစီကို ခံယူကျင့်သုံးသူတွေဖြစ်မဖြစ် ) အလွယ်တကူလေ့လာဆန်းစစ်နိုင်ဖို့
လူထုကိုယ်စားလှယ်ဖြစ်သူ ပုဂ္ဂိုလ်နှစ်ဦးကို ဥပမာအနေနဲ့ ဖော်ပြလိုပါတယ်။ လူထုအနေနဲ့ မိမိတို့ကံကြမ္မာကို ဖန်တီးပေးမယ့် 
လူထုကိုယ်စားလှယ်( လွှတ်တော်အမတ်များကို ) အမြော်အမြင်ကြီးကြီးနဲ့ ရွေးချယ်တင်မြှောက်နိုင်ကြဖို့လည်းအရေးကြီးသလို
နောင်လာမယ့်ရွေးကောက်ပွဲများမှာ ပါတီစွဲ ပုဂ္ဂိုလ်စွဲများကိုဖယ်ရှားပြီး ကိုယ်ရည်ကိုယ်သွေးပြည့်မီသူများကို 
ရွေးချယ်တင်မြှောက်နိုင်ရေးဟာ အရေးကြီးတဲ့ကိစ္စရပ်တစ်ခုဖြစ်ပါတယ်။

ပထမဆုံး တပ်မတော်မှာ တာဝန်ထမ်းဆောင်ခဲ့သူလည်းဖြစ် အရင် စစ်အစိုးရလက်ထက်မှာ ဝန်ကြီးရာထူးနဲ့
အစိုးရအဖွဲ့ဝင်လည်းဖြစ်ခဲ့ဖူးသူ လက်ရှိပြည်ခိုင်ဖြိုးပါတီရဲ့ လွှတ်တော်အမတ် သူရဦးအောင်ကိုနဲ့ပါတ်သက်လို့
ဖော်ပြချင်ပါတယ်။
စစ်အာဏာရှင်ခေတ်မှာ ကြီးမားတဲ့တာဝန်တွေထမ်းဆောင်ခဲ့သူဖြစ်ပါတယ်။လူကြိုက်မများလှတဲ့ပြည်ခိုင်ဖြိုးပါတီဝင်
လည်းဖြစ်ပါတယ်။ ဒါပေမယ့် ဒီပုဂ္ဂိုလ်ရဲ့ ပြောပုံဆိုပုံ လုပ်ပုံကိုင်ပုံနဲ့ ခံယူချက်များကိုကြည့်ရင်
အံ့သြစရာကောင်းလောက်အောင်ဒီမိုကရက်တစ်ယောက်ဖြစ် နေတာတွေ့မြင်ရမှာဖြစ်ပါတယ်။

လက်ရှိနိုင်ငံရေးအခင်းအကျင်းနဲ့ ရှေ့အလားအလာ ၊ ဒီမိုကရေစီတည်ဆောက်ရေး ခရီးလမ်းတည်ငြိမ်ရေးအတွက် လုပ်ဆောင်သင့်တဲ့
အချက်များ၊ ငြိမ်းချမ်းရေး၊ ဖွံ့ဖြိုးတိုးတက်ရေး တို့နဲ့ပတ်သက်လို့ လက်တွေ့ကျတဲ့ အယူအဆများရှိနေတာလည်းတွေ့ရပါတယ်။
ဒါဟာ တပ်မတော်မှာ တာဝန်ထမ်းဆောင်ခဲ့ချိန်နဲ့ အရင်အစိုးရလက်ထက် အစိုးရအဖွဲ့ဝင်ဝန်ကြီးအဖြစ် တာဝန်ယူခဲ့ချိန် အတွင်း
ရရှိခဲ့တဲ့ အတွေ့အကြုံများကို အကျိုးရှိရှိအသုံးချနိုင်ခြင်း၊ နိုင်ငံရေးနဲ့ပတ်သက်လို့ လေ့လာဆည်းပူးမှု အားကောင်းခြင်းနဲ့
လူထုနဲ့နိုင်ငံတော်အပေါ် စေတနာမှန်ခြင်း( ဒီမိုကရေစီကိုယုံကြည်ခြင်း ) တို့ အချိုးကျကျပေါင်းစပ်မိခြင်းကြောင့်ပဲဖြစ်ပါတယ်။

သူက ငြိမ်းချမ်းရေးရရှိဖို့ နှစ်ဘက် ထားရှိရမယ့်သဘောထားတွေကိုအမှန်အတိုင်းမြင်ပြီး ပွင့်ပွင့်လင်းလင်း ဘက်လိုက်မှုကင်းကင်း
ပြောဆိုလေ့ရှိပါတယ်။ မြန်မာနိုင်ငံနဲ့ အသင့်တော်ဆုံးသော နိုင်ငံတည်ဆောက်ရေးလမ်းကြောင်းကိုလည်း အစဉ်သဖြင့်တွေးခေါ်ကြံဆနေ
သူဖြစ်ပါတယ်။ ဘာသာရေးနဲ့နိုင်ငံရေးကင်းမှ မတူညီတဲ့ ယဉ်ကျေးမှု၊ယုံကြည်မှုများ အတူတကွ အေးချမ်းစွာယှဉ်တွဲရပ်တည်ခွင့်ရှိမသှာ ဒီမိုကရေစီဖြစ်ထွန်းမယ်
ဆိုတဲ့ ဒီမိုကရက်တစ်ယောက်မှာရှိရမယ့် နိုင်ငံရေးအမြင်လည်း ခိုင်ခိုင်မာမာရှိနေသူဖြစ်ပါတယ်။

ဒီမိုကရက်တစ်ယောက်ဖြစ်တယ်လို့ ပြောရတဲ့ အဓိကအကြောင်းရင်းကတော့ လက်ရှိ ဒီမိုကရေစီနဲ့မကိုက်ညီတဲ့အခြေခံဥပဒေကိုပြင်ဆင်မှသာ
ဖက်ဒရယ်ပြည်ထောင်စုကို တည်ဆောက်နိုင်မယ်၊ ဒီမိုကရေစီတည်ဆောက်နိုင်မယ်လို့ သူက အခိုင်အမာယုံကြည်တဲ့သူဖြစ်နေလို့ပါပဲ။
ဗိုလ်ချုပ်ဟောင်းတစ်ယောက် စစ်အစိုးရအဖွဲ့ဝင်တစ်ယောက်ဖြစ်ခဲ့သူပုဂ္ဂိုလ်တစ်ယောက်မှာ ဒီလိုခံယူချက်နဲ့အတွေကအခေါ်များ ရှိနေခြင်းက အံ့အားသင့်စရာဖြစ်ပြီး
စစ်အစိုးရအမွေခံပါတီက လွှတ်တော်ကိုယ်စားလှယ်ဖြစ်နေပေမယ့် ( လူထုထောက်ခံမှု မရတဲ့ပါတီရဲ့ ပါတီဝင်ဖြစ်ပေမယ့် )ပုဂ္ဂိုလ်ရေးအရ မလေးစားဘဲမနေနိုင်အောင်
် နိုင်ငံရေးရပ်တည်ချက် မှန်ကန်သူတစ်ယေက်ဖြစ်နေတာတွေ့ရပါတယ်။

တပ်မတော်နဲ့ လူထုစည်းလုံးညီညွတ်ရေး နိုင်ငံဖွံ့ဖြိုးတိုးတက်ရေးအတွက် တပ်မတော်ကနေလာတဲ့ ဒီမိုကရက်တွေ နိုင်ငံရေးနယ်ပယ်မှာရှိနေခြင်းက
မြန်မာနိုင်ငံ အနာဂါတ်ခရီးလမ်းဖြောင့်ဖြူးဖို့ အာမခံချက်တစ်ရပ်လည်းဖြစ်တယ်ဆိုရင် ငြင်းနိုင်မယ်မထင်ပါဘူး။ သူရဦးအောင်ကိုလိုပုဂ္ဂိုလ်အမြောက်အများ
ပေါ်ထွက်လာမယ်ဆိုရင် လူထုအနေနဲ့ ဝမ်းမြောက်ဝမ်းသာ လက်ကမ်းကြိုဆိုသင့်တယ်လို့ ယူဆမိပါတယ်။

နောက်ထပ်ဖော်ပြလိုတဲ့ လူထုကိုယ်စားလှယ်တစ်ယောက်ကတော့ အတိုက်အခံဖက်က အမတ်တစ်ယောက်ပါ။ ကျွန်တော်ကိုယ်တိုင် ဆန္ဒမဲပေးခဲ့တဲ့ ၊ သူ့ရဲ့မဲဆန္ဒနယ်မှာ
အနိုင်ရရှိဖို့ ကျွန်တော်ကိုယ်တိုင်က တတ်စွမ်းသလောက် ပါဝင်ကြိုးပမ်းပေးခဲ့တဲ့ လူထုက စစ်စစ်မှန်မှန်ရွေးချယ်တင်မြှောက်ခြင်းခံခဲ့ရတဲ့ အမတ်တစ်ယောက်လည်းဖြစ်ပါတယ်။
အခု ဒီနေရာမှာ သူ့အကြောင်းကို ဥပမာအနေနဲ့ ဖော်ပြခြင်းက မဲဆန္ဒရှင်တစ်ယောက်အနေနဲ့ လူထုကိုယ်စား ကျွန်တော့်ရဲ့သဘောထားကို တင်ပြခြင်းလည်းဖြစ်ပြီး လူထုကိုယ်စားလှယ်များအနေနဲ့
လူထု ဆန္ဒသဘောထားကို လေးစားဖို့နဲ့ ဒီမိုကရေစီနဲ့ပတ်သက်ရင် လေးလေးနက်နက်ခံယူကျင့်သုံးနိုင်တဲ့ နိုင်ငံရေးသမားများဖြစ်ဖို့ သတ်ိပေးလိုတဲ့ ဆန္ဒနဲ့ အလေးအနက်
ရေးသားဖော်ပြခြင်းလည်းဖြစ်ပါတယ်။

၂၀၁၀ ခုနှစ်ရွေးကောက်ပွဲမှာ အဓိက အတိုက်အခံပါတီကြီး( NLD )က ရွေးကောက်ပွဲကို ဆန့်ကျင်ခဲ့ပါတယ်။ လူထုကို ရွေးကောက်ပွဲမှာ မဲမထည့်ကြဖို့စည်းရုံးပြောဆိုမှုများလည်းရှိပါတယ်
ရွေးကောက်ပွဲနည်းလမ်းဖြင့်သာ ဒီမိုကရေစီဖက်ကို ဦးတည်ရွေ့လျားနိုင်မယ်လို့အခိုင်အမာယုံကြည်တဲ့ ကျွန်တော့်လို နိုင်ငံရေးစိတ်ပါဝင်စားသူများက ၁။ လူထုကို ရွေးကောက်ပွဲမှာ
မဲထည့်ကြဖို့ တတ်စွမ်းသမျှ စည်းရုံးကြပါတယ်။ ၂။ အတိုက်အခံပါတီကြီးက ရွေးကောက်ပွဲမဝင်လေတော့ ရှိတဲ့အတိုက်အခံထဲကပဲသင့်တော်တဲ့သူတွေကိုမဲပေးဖို့
ကြိုးစားပမ်းစားစည်းရုံးပြောဆိုခဲ့ကြပါတယ်။မဲရုံများကို တင်းတင်းကြပ်ကြပ်စောင့်ကြည့်တဲ့ရွေးကောက်ပွဲဖြစ်ပြီး အတိုက်အခံပါတီတွေ နိုင်ဖို့ ဘယ်လောက်ခဲရာခဲဆစ် လုပ်ခဲ့ကြရသလဲဆိုတာ
လူထုက ကောင်းကောင်းကြီး အမှတ်ရနေမယ်လို့ ယုံကြည်ပါတယ်။

NDF ပါတီဆိုတာ NLD ပါတီက ခွဲထွက်လာတဲ့သူတွေ ဖွဲ့စည်းထားတဲ့ပါတီဖြစ်ပါတယ်။ ရွေးကောက်ပွဲဝင်တဲ့အမှတ်တံဆိပ်ကလည်း ၁၉၉၀ ရွေးကောက်ပွဲမှာ NLD အသုံးပြုခဲ့တဲ့
ခမောက်အမှတ်အသားဖြစ်ပါတယ်။ ဒီတော့ NLD ပါတီအပေါ်သံယောဇဉ်ရှိခဲ့တဲ့ ကျွန်တော်တို့လို သူတွေအားလုံးက NDF အမတ်တွေကိုမဲပေးဖို့ စည်းရုံးပြောဆိုပေးရုံမကဘဲကိုယ်တိုင်လည်း
NDF ကိုမဲပေးခဲ့ကြပါတယ်။ အတိုက်အခံပါတီများအနက် ၂၀၁၀ ရွေးကောက်ပွဲမှာ NDF အမတ်တွေတော်တော်များများအနိုင်ရရှိခဲ့ပါတယ်။

ဒါပေမယ့် ကျွန်တော်ကိုယ်တိုင် ပါဝင်ပြီး မဲဆွယ်စည်းရုံးပေးခဲ့တဲ့ ကိုယ်တိုင်လည်းမဲပေးခဲ့တဲ့ ရန်ကုန်တိုင်းဒေသကြီး ဒဂုံမြို့သစ်မြောက်ပိုင်းမြို့နယ်မဲဆန္ဒနယ်က အမတ်ဖြစ်သူ ဒေါ်ခင်ဝိုင်းကြည်ဟာ
ဒီမိုကရေစီသဘောတရားတွေကို မျက်ကွယ်ပြုပြီး ဒီမိုကရေစီထွန်းကားရေးအတွက် အဟန့်အတားဖြစ်စေဖို့ လုက်ကိုင်ဆောင်ရွက်နေတာကို မြင်ရတွေ့ရတဲ့အခါ ကျွန်တော်တို့မဲဆန္ဒရှင်များဟာ 
ဝမ်းနည်းပက်လက် ယူကြုံးမရဖြစ်ကြရပါတယ်။ ဒေါ်ခင်ဝိုင်းကြည်က ဒီမိုကရေစီနဲ့လုံးဝကိုက်ညီမှုမရှိတဲ့ အခြေခံဥပဒေက ပုဒ်မအချို့ကို ပြင်ဆင်မယ့်ကိစ္စ လုံးဝဆန့်ကျင်ကြောင်း အားသွန်ခွန်စိုက်
ပြောဆိုလုပ်ကိုင်နေတာဖြစ်ပါတယ်။

ဒီနေရာမှာကျွန်တော့်အနေနဲ့ ပုဒ်မ ၅၉ ပြင်ဆင်ရေးကို ဒေါ်စုသမ္မတ ဖြစ်ရေး မဖြစ်ရေးအတွက် ပြောဆိုလိုခြင်းမဟုတ်ဘဲ ဒီမိုကရေစီ နဲ့ကိုက်ညီမှုမရှိတဲ့ပြဌာန်းချက်ကို မဖြစ်မနေပြင်ဆင်ဖို့လိုအပ်တယ်ဆိုတာ
ပြောဆိုလိုခြင်းဖြစ်ပြီး ဒီမိုကရေစီကို အမှန်တစ်ကယ်ယုံကြည်မြတ်နိုးသူ ဘယ်သူမဆိုဟာလည်း ဒီသဘောထားရှိကိုရှိရမှာဖြစ်ပြီး အထူးသဖြင့် လူထုကိုယ်စားလှယ်များအနေနဲ့ အထူးသတိထားပြီးဆင်ခြင်ဖို့လိုအပ်
တယ်ဆိုတာ ပြောဆိုလိုခြင်းဖြစ်ပါတယ်။အခြေခံဥပဒေ ကို ဘယ်လောက်အချိန်အတွင်း ဘယ်လောက်အတိုင်းအတာအထိပြင်ဆင်လို့ရနိုင်မယ်ဆိုတာ ဘယ်သူမှ မပြောနိုင်ပါဘူး။ အခြေအနေတွေပေါ်မှာ လုံးလုံးမူတည်နေတာ
ဖြစ်ပါတယ်။ ဒါပေမယ့် ဒီမိုကရက်မှန်ရင် ဒီမိုကရေစီစံနှုန်းတွေကို မဖြစ်မနေယုံကြည်ဖို့လိုအပ်ပါတယ်။ စံနှုန်းတွေနဲ့ကိုက်ညီတဲ့အထိ အခြေခံဥပဒေကိုပြင်ဆင်ရမယ်ဆိုတဲ့အချက်ကို ဒီမိုကရက် အားလုံးက ယုံကြည်ကြပါတယ်။
ဒီလိုယုံကြည်မှုမရှိရင်လည်း လုံးဝ ဒီမိုကရက်မဟုတ်ပါဘူး။ 

ဘာသာသာသနာကို ကာကွယ်စောင့်ရှောက်ရမယ်ဆိုတာ မှန်ပါတယ်။ ဒါပေမယ့် ဘာသာသာသနာတည်တံ့ရေးကိစ္စဆိုတာလည်း နိုင်ငံရေးစနစ်ကောင်းမှ ဒီမိုကရေစီထွန်းကားမှဖြစ်နိုင်မယ်ဆိုတာ သတိပြုကြဖို့လိုအပ်ပါတယ်။
နောက်တစ်ခုက ဘာသာသာသနာထွန်းကားရေး တည်တံ့ရေးကိစ္စကို အဓိကတာဝန်ယူထားတဲ့ ရဟန်းသံဃာတော်များ ကျွန်တော်တို့မှာ ရှိပြီးဖြစ်ပါတယ်။ဗုဒ္ဓဘာသာဝင်များက ရဟန်းသံဃာတော်များ သာသာနာရေးကိစ္စများ
ထမ်းရွက်နိုင်ဖို့ လှူဒန်း ပံ့ပိုးကြရမှာဖြစ်ပါတယ်။

နိုင်ငံရေးကိစ္စမှာတော့ အများကြီးပိုပြီးကျယ်ပြန့်တဲ့ အမြင်တွေ အယူအဆတွေရှိဖို့လိုအပ်ပါတယ်။ အထူးသဖြင့် နိုင်ငံရေးသမားတွေဟာ ဘာသာရေးကိစ္စ ပြောဆိုလုပ်ကိုင်မယ်ဆိုရင် တခြားဘာသာကိုးကွယ်ယုံကြည်ကြသူများဖြစ်တဲ့
တိုင်းရင်းသားညီအစ်ကိုမောင်နှမများရဲ့ သဘောထားနဲ့ခံစားချက်များ ကို ထည့်စဉ်းစားဖို့လိုပါမယ်။ သူတို့သဘောထားဆန္ဒတွေ အယူအဆတွေကို မျက်ကွယ်ပြုလို့လုံးဝမရပါဘူး။ တိုင်းရင်းသားပေါင်းစုံနဲ့ဖွဲ့စည်းထားတဲ့ပြည်ထောင်စုနိုင်ငံတစ်ခုမှာ
ဒီမိုကရေစီကိုတည်ဆောက်မယ်ဆိုရင် ကျယ်ပြန့်တဲ့အမြင်တွေ အယူအဆတွေကို မဖြစ်မနေ အခြေခံကြဖို့လိုပါမယ်။ တိုင်းရင်းသားတွေရဲ့ လွတ်လပ်ခွင့်များ ကိုးကွယ်ယုံကြည်မှုများနဲ့ ယဉ်ကျေးမှုများကို
မျက်ကွယ်ပြုပြီးတော့ တစ်ဖက်ကလည်း ဒီမိုကရေစီတည်ဆောက်နေပါတယ်လို့ပြောနေရင် ဘယ်တိုင်းရင်းသားလူမျိုးစုကမှ ယုံကြည်မှာမဟုတ်သလို သူတို့တတွေရဲ့ တက်ကြွစွာပူးပေါင်းဆောင်ရွက်မှုကိုလည်းမရနိုင်ပါဘူး။ ကျွန်တော်တို့နိုင်ငံတိုးတက်ဖွံ့ဖြိုးဖို့
မဖြစ်မနေလိုအပ်တဲ့ စည်းလုံးညီညွတ်မှုတည်ဆောက်ရေး ကလည်းခက်ခဲနေဦးမှာဖြစ်ပါတယ်။

ကျွန်တော်တို့မြို့နယ်က လွှတ်တော်အမတ်ကို ပြည်ခိုင်ဖြိုး အမတ် သူရဦးအောင်ကိုနဲ့ နှိုင်းယှဉ်စဉ်းစားမိပါတယ်။ ပွင့်ပွင့်လင်းလင်းပြောရရင် ဒေါ်ခင်ဝိုင်းကြည် သာမက သူမရဲ့မိခင်ပါတီကိုယ်တိုင်ပင်လျှင်
နောင်ရွေးကောက်ပွဲများမှာ ရွေးချယ်တင်မြှောက်ခံရဖို့ သိပ်မလွယ်လှတော့ပါဘူး။ ၂၀၁၀ မှာ အခြေအနေ ပေး အခါအခွင့်သင့်လို့သာ ရွေးချယ်ခံခဲ့ရခြင်းဖြစ်ပါတယ်။ အမှန်က လူထုကိုချစ်ရင် ဒီမိုကရေစီကိုယုံကြည်ရင်
ရလာတဲ့ အခွင့်အရေးကိုအသုံးချပြီး ဒီမိုကရေစီရေးကို အားသွန်ခွန်စိုက်ဆောင်ရွက်သင့်ပါတယ်။ကြုံတောင့်ကြုံခဲ ရတောင့်ရခဲ အခွင့်အရေးကို
ကောင်းစွာအသုံးချပြီး ကောင်းမွန်မြင့်မြတ်တဲ့ သမိုင်းကို ရေးနိုင်တာလည်းဖြစ်ပါတယ်။ဒီလိုမဟုတ်ဘဲ ဒီမိုကရေစီနဲ့ဆန့်ကျင်ဖက် ပြောဆို လုပ်ကိုင်တဲ့ လူထုကိုယ်စားလှယ် ဟာ ဘယ်ပါတီကပဲဖြစ်ဖြစ် လူထုကိုဆန့်ကျင်သူဖြစ်မယ်ဆိုတာ
သတိချပ်သင့်ပါတယ်။ပြည်ခိုင်ဖြိုးအမတ် သူရဦးအောင်ကိုကတော့ နိုင်ငံရေးနယ်ပယ်မှာ သေချာပေါက်အောင်မြင်မယ့်သူ လူထုလေးစားချစ်ခင်မှုကိုတဖြည်းဖြည်းရရှိမယ့်သူဖြစ်တယ်ဆိုတာ တွက်ဆမိပါတယ်။တပ်မတော်နဲ့ လူထု စည်းလုံးညီညွတ်ရေးကိုအခိုင်အမာတည်ဆောက်
ပြီးမှသာ ဒီမိုကရေစီကိုမျှော်မှန်းလို့ရနိုင်မယ့် 
ကျွန်တော်တို့နိုင်ငံအနေနဲ့ တပ်နဲ့ပြည်သူ ကြားပေါင်းကူး ပေးနိုင်မယ့် သူရဦးအောင်ကိုကဲ့သို့သောစစ်သားဘဝကလာသူ ဒီမိုကရက်နိုင်ငံရေးသမားတွေ မဖြစ်မနေလိုအပ်ပါတယ်။

ခြုံငုံပြီးသုံးသပ်လိုက်ရင်အတိုက်အခံ ဆိုတိုင်းဒီမိုကရက်မဖြစ်နိုင်သလို အာဏာရပါတီ ဝင်တိုင်းလည်း အာဏာရှင် စိတ်ဓါတ်မရှိဘူးဆိုတဲ့ ကောက်ချက်ဆွဲလို့ရပါတယ်။ နောင်ရွေးကောက်ပွဲတွေမှာဆန္ဒမဲပေးကြတဲ့အခါ
လူထုအနေနဲ့ မိမိတို့အကျိုး၊ နိုင်ငံတော်အကျိုးနဲ့ ဒီမိုကရေစီပေါ်ပေါက်ရေးတို့အတွက်စွမ်းစွမ်းတမံ စေတနာမှန်မှန် ဆောင်ရွက်မယ့် လူထုကိုယ်စားလှယ်များကို ကျကျနန သတိဝီရီယကြီးကြီးနဲ့
ရွေးချယ်တင်မြှောက်ဖို့ လိုအပ်တယ် ဆိုတာလည်း လက်ရှိလွှတ်တော်အမတ်များက သင်ခန်းစာပေးနေတယ်လို့ ပြောလိုပါတယ်။ 
လူထုအနေနဲ့ နိုင်ငံရေးကို စိတ်ပါဝင်စားကြဖို့၊ ပါတီများနဲ့ နိုင်ငံရေးသမားများကို စောင့်ကြည့်ကြဖို့မဖြစ်မနေလိုအပ်တယ်ဆိုတာလည်းပြောလိုပါတယ်။
ဒီမိုကရေစီ ကို ယုံကြည်မြတ်နိုးသူများ၊ လူထုအကျိုးစီးပွားကို အမှန်တစ်ကယ် ဦးထိပ်ထားကြသူများ၊ အမျိုးသားပြည်လည်စည်းလုံးညီညွတ်ရေးကို ရည်မှန်းသူများ၊ တရားမျှတခြင်း ၊တန်းတူညီမျှခြင်းနဲ့
လွတ်လပ်ခြင်း စတဲ့ လောကပါလတရားများကို ဆောင်ကြဉ်းပေးလိုစိတ်ရှိသူများကို ရွေးချယ်တင်မြှောက်ကြမှသာငြိမ်းချမ်းသာယာဝပြောတဲ့
ဒီမိုကရက်တစ်ပြည်ထောင်စုကို တည်ဆောက်အောင်မြင်နိုင်မယ်ဖြစ်ပါကြောင်း။ ။

( ပိုက်တင် ) 

Posted in: ကူးယူဖော်ပြ