၂၀၁၃ ခုနှစ်တွင် သီရိမင်္ဂလာဈေး ဟောင်းတွင် Car Audio ဆိုင်ခန်း များ ဖွင့်လှစ်မည်

From :ပြည်မြန်မာ

ရန်ကုန်တိုင်း ဒေသကြီး၊ ကြည့်မြင်တိုင်မြို့နယ်၊ သီရိမင်္ဂလာဈေးဟောင်း ပထမထပ်တွင် ကား Audio၊ ကား Service ၊ ကား Assecories အပြင် ကားနှင့် ပတ်သက်သော ဆိုင်ခန်းများက ၂၀၁၃ ခုနှစ်စပိုင်းတွင် ဖွင့်လှစ်သွားမည် ဖြစ်ကြောင်း ယင်းဆိုင်ခန်းများတွင် ပါဝင်သည့် Pioneer ကား Audio မှ တာဝန်ရှိသူ တစ်ဦးက ၁၃-၁၁-၂၀၁၂ ရက်က ပြောကြားသည်။



“ဒီဆိုင်ခန်းတွေကို ကျွန်တော်တို့ ဒီနှစ်ကုန်ပြီး ၂၀၁၃ နှစ်စပိုင်းလောက်မှာ စဖွင့်ဖြစ်မှာပါ၊ ဒီဈေးကြီးက လုပ်ငန်း လုပ်ကိုင်ခွင့်မရတာ တစ်နှစ်လောက် ရှိပြီဆိုတော့ အခုပြန်ပြီး ဒီလိုလုပ်ကိုင်ခွင့်ရတော့ အကုန်လုံးအတွက် ကောင်းတယ်လို့ ကျွန်တော် မြင်ပါတယ်။ အဓိက ကတော့ ကား Audio ကို အဓိကထားပြီး လုပ်ဖြစ်သွားမှာပါ” ဟု ၎င်းမှ ထပ်မံ ပြောကြားသည်။
ထို့အပြင် ယင်းဈေးဟောင်၏ ပထမထပ်တွင် ကား Audio ကို အဓိကထားကာ လုပ်ကိုင်ခွင့် ရရှိမည်ဖြစ်ပြီး ကျန်အထပ်များတွင်မူ မည်သည့် လုပ်ငန်းများ လုပ်ကိုင်ခွင့်ရမည်ကို မသိရှိရသေးကြောင်း သိရသည်။ 

  www.MyanmarExpress.net
 

Posted in: သတင်း