နေရာလုတတ်တဲ့ မြန်မာလူမျိုးများ ရပ်ကွက်အုပ်ချုပ်ရေးမှူး ရွေးချယ်ပွဲ ရပ်မိရပ်ဖ လူကြီးကို လက်သီးနှင့်ထိုး

From : The Voice
 
ရန်ကုန်တိုင်း မှော်ဘီမြို့ နယ် ၄ ရပ်ကွက်တွင် ဒီဇင်ဘာလ ၂၃ ရက်နေ့ နံနက် ၉ နာရီခန့် က ပြုလုပ်သော ရပ်ကွက် အုပ်ချုပ်ရေးမှူး ရွေးချယ်ပွဲ တွင် လက်ရှိ ရာအိမ်မှူးက ရပ်မိရပ်ဖ ၅ ဦးထဲမှ တစ်ဦးကို လည်ပင်းညှစ်၍ လက်သီးနှင့် ထိုးခဲ့ကြောင်း မြင်တွေ့ခဲ့ရသူ ရက်ကွက်နေ ဦးကျော်သက်ထွန်းက The Voice Weekly သို့ ပြောကြားသည်။

အဆိုပါ ရပ်ကွက်၏ ငါးဦး ကော်မတီက ရပ်ကွက် အုပ်ချုပ်ရေးမှူး ရွေးချယ် ရာတွင် လက်ရှိ အုပ်ချုပ်ရေးမှူးနှင့် အဖွဲ့ဝင် များကို ရည်ရွယ်၍ မဆိုင်သည့်လူများ အပြင်ထွက်ရန် ပြောကြား ခဲ့သည့်ကို လက်ရှိ အုပ်ချုပ်ရေးမှူး ဦးသိန်းဝင်းက “ခင်ဗျားဘယ်လောက် အဆင့်ရှိလို့လဲ။ ဘယ်လောက် အကျိုးသက်ရောက်မှု ရှိလို့လဲ” ဟုဆိုကြောင်း ယင်းနောက် လက်ရှိ ရာအိမ်မှူး ဦးသိန်းထိုက်က ရပ်မိရပ်ဖ အဖွဲ့ဝင် ဦးမြင့်သန်းကို လည်ပင်းညှစ်၊ လက်သီးနှင့် ထိုးခဲ့ ကြောင်း ၄င်းက ရှင်းပြသည်။

အဆိုပါဖြစ်စဉ်နှင့်ပတ်သက်ပြီး မှော်ဘီမြို့နယ်ရဲစခန်းတွင်အမှုဖွင့် ထားကြောင်း ၊ လက်ရှိ အဆိုပါ ရာအိမ်မှူးကို အရေးမယူ သေးကြောင်း နာယက အဖွဲ့ဝင် တစ်ဦးဖြစ်သည့် ဦးမြင့်သန်းက The Voice Weekly သို့ပြောဆိုသည်။

“အရင်အုပ်ချုပ်ရေးမှူးနဲ့ အဖွဲ့က ဥပဒေနဲ့မသွားပဲ ဥပဒေအပြင်ဘက် ကနေ သွားနေတယ် “ ဟု ခံလိုက်ရသူ နာယက အဖွဲ့ဝင် ဦးမြင့်သန်းက ဆိုသည်။

အဆိုပါရပ်ကွက်တွင် ဆယ်အိမ်စုမှူး ၂၀၀ ဝန်းကျင်ရှိပြီး ယင်း ဆယ်အိမ် စုမှူးများ ထဲမှ အုပ်ချုပ်ရေးမှူးကို ရွေးချယ် မည်ဖြစ်ပြီး ယင်းရန်ပွဲကြောင့် အုပ်ချုပ်ရေးမှူးရွေးချယ်ပွဲကို ဒီဇင်ဘာလ၂၆ရက်နေ့ သို့ပြောင်းရွှေ ထားကြောင်း ယင်း ရပ်ကွက် ရပ်မိရပ်ဖများထံမှ စုံစမ်းသိရှိရသည်။

ယင်းဖြစ်ရပ်နှင့်ပတ်သက်၍ ရပ်ကွက်အုပ်ချုပ်ရေးမှူးရွေးချယ်ရေး အဖွဲ့ နာယကဖြစ်သူ ဦးမြင့်သန်းက မှော်ဘီမြို့နယ် ရဲတပ်ဖွဲ့စခန်းသို့ တိုင်ကြားခဲ့ရာ အဆိုပါရဲတပ်ဖွဲ့စခန်းက ရာအိမ်မှူး ဦးသိန်းထိုက် ကို ပြစ်မှုဆိုင်ရာ ဥပဒေပုဒ်မ-၂၉၄/၁၄၄/၃၂၅ တို့ဖြင့်အမှုဖွင့် ထားကြောင်း သိရသည်။


  www.MyanmarExpress.net
 

Posted in: သတင်း