အောင်ဆန်းသူရိယ ဆပ်ဘဟားဒူးရွိုင်း

From : http://mgkarlu-mymanar.blogspot.com/2013/02/blog-post_1413.html

၁၉၅၀ ခုနှစ်၊ ဇူလိုင်လ ၁၇ ရက်နေ့က ခြေလျင်တပ်ရင်း ၄-မှ “ဒီ”ကုမ္ပဏီ တပ်ခွဲကို ရှေ့သို့ချီတက်ရန် အမိန့်ပေးသည့်အတိုင်းရှမ်းပြည်နယ် ကျိုင်းတုံအပိုင်း တာလေးမှ ပန်ခိဟက်သို့ ချီတက်သည်။

ပန်ခိဟက်သို့ ရောက်သောအခါ တရုတ်အမျိုးသား (ချန်ကေရှိတ်အစိုးရ၏တရုတ်ဖြူစစ်တပ်) စစ်တပ်သား တို့ ၏ ၀ိုင်းဝန်းခြင်းကို ခံရသည်။ ကုမ္ပဏီတပ်ခွဲဗိုလ်သည် မိမိတပ်ရင်းမှ တပ်သားများကို ခေါ်ရန်ပြန် လာစဉ် လမ်းခရီး တွင်များပြားသော ရန်သူတို့က ချောင်းမြောင်း၍ ပစ်ခတ်သဖြင့် အသက် လွတ်ရုံ ခက်ခဲစွာနှင့် လွတ်မြောက်လာသည်။

“ဒီ” ကုမ္ပဏီတပ်ခွဲမှာ တပ်ရင်းနှင့် အဆက်ပြတ်သော အခြေအနေသို့ ဆိုက်ရောက်ရသည်။ ၎င်း အခြေ အနေတွင်“ဒီ”ကုမ္ပဏီတပ်ခွဲအတွက် စားနပ်ရိက္ခာများကို တင်ဆောင် လာသော မော်တော်ထရပ်ကား (၇)စီးကို တပ်သား ဆပ်ဘဟားဒူးရွိုင်းက ကြီးကြပ်ကြည့် ရူထားရန် တာဝန်ကျသည်။ တရုတ်စစ်သားများက ကုမ္ပဏီ တပ်ခွဲဗိုလ်ကို ချောင်းမြောင်း၍ပစ်ခတ်ကြသောအခါ ရဲဘော်ဒူးရွိုင်း ကြီးကြပ်ရသော မော်တော် ကား များမှ ကိုက်(၅၀၀) ခန့် ဝေးသော အနေအထားဖြစ်သည်။


မော်တော်ကားများကို မောင်းနှင်းသော အရပ်သား ဒရိုင်ဘာတို့သည်မော်တော်ကားများ ကို ရပ်၍ ထွက်ပြေးသွားကြသည်။ တပ်သား ဆပ်ဘဟားဒူးရွိုင်းသည် မိမိ တယောက်တည်း ကျန်ရစ်ခဲ့သော်လည်း ဇူလိုင်လ ၁၇- ရက်နေ့နံနက် ၁၁- နာရီကစ၍ ထရပ်ကားများ ကို စောင့်ရှောက်နေသည်။ ညဥ့်အမှောင် တွင် တရုတ်ဖြူစစ်သားများက ထရပ်ကားများကို သိမ်းဆည်း ရန် အကြိမ်ကြိမ်များစွာ အားထုတ်ခဲ့ကြသည်။

မိမိတယောက်တည်း ပြန်လှန်ပစ်ခတ်၍ ခုခံခဲ့သည်။နောက် တနေ့ နံနက် ၉ နာရီတွင် “ဒီ”ကုမ္ပဏီတပ်ခွဲကို ကူညီ ရန်ရောက် လာသော“စီ” ကုမ္ပဏီ တပ်ခွဲ ချီတက်ရောက်ရှိလာသောအခါ တပ်သားဆပ်ဘဟားဒူးရွိုင်း သည် တယောက်တည်းဖြင့် အရှေ့ဆုံးရှိ ထရပ် ကားအောက်တွင် လက်ကျန်ကျည်ဆံ ယမ်းတောင့် ၁၇- တောင့်ဖြင့် တရုတ်ဖြူ စစ်သားများကို ခုခံပစ်ခတ် နေသည်ကို တွေ့ရှိရသည်။

“စီ”ကုမ္ပဏီတပ်ခွဲ ကူညီရန် ချီတက်ရောက်ရှိလာသော ၁၉၅၀ ခုနှစ် ဇူလိုင်လ၁၈ ရက်နေ့ တွင် မိမိတို့ တပ်အင်းအားထက် အဆပေါင်းများစွာ များပြားသောတရုတ်ဖြူ စစ်သားတို့က ပြင်းထန်စွာ ဆီကြို ပစ်ခတ်ခြင်းကို ခံရလေသည်။တိုက်ပွဲဖြစ်စဉ်အတွင်း မိမိ၏ တပ်စိတ်မှ ခွဲဗိုလ်၊ တပ်ကြပ်ကြီးနှင့် တပ်ကြပ် ကလေးတို့မှာ ပြင်းထန်စွာ ဒဏ်ရာ ရရှိကြ သည့်အပြင် ဘရင်းဂန်း စက်သေနတ်ကိုင် တပ်သားလေး   နှစ်ယောက်မှာ ကျဆုံးသွားသည်။ ထိုအခါ ရဲဘော် ဆပ်ဘဟားဒူးရွိုင်းသည် မိမိခုခံနေရာမှ ထွက်ခွာလျက် ချီတက်လာသော တရုတ်ဖြူစစ်သား အတွင်းသို့ တဦး တည်း ထိုးဖောက်ရန် အပြင်းအထန် ကြိုး စားတော့ သည်။

သုံးကြိမ်တိုင်တိုင် ချီတက်လာသော တရုတ်ဖြူစစ်သားများ တပ်လန် သွားအောင်အသက်ကို ပဓာန မထား ပဲ ဇွတ်အတင်း ထိုးဖောက် တိုက်ခိုက်ခဲ့သည်။တိုက်ပွဲဖြစ်စဉ်အတွင်း ရဲဘော် ဆပ်ဘဟားဒူးရွိုင်း တယောက် နောက်ဖက်ရှိ မိခင် တပ်စုသို့ ပြန်မရောက်လာတော့ပေ။ ၁၉၅၀ ခုနှစ် ဇူလိုင်လ ၁၉ ရက်နေ့ နံနက်တွင် ရန်သူ တရုတ်ဖြူတပ်များ ၀ိုင်းရံမှု မရှိတော့သည့်အတွက်ဒဏ်ရာရရှိနေသော ရဲဘော်များက ရဲဘော် ဆပ်ဘဟားဒူးရွိုင်းကို လိုက်လံ ရှာဖွေ ခဲ့ကြသည်။

တောင်ကုန်းတခု၏ နောက်ကျောတွင် ရန်သူ တရုတ်ဖြူစစ်သား အများအပြားကျဆုံးနေသည့် တွေ့ရသဖြင့် အလောင်းပုံများကြား ၀င်ရောက် ရှာဖွေသော်အခါ တရုတ်ဖြူစစ်သား အလောင်း တရာကျော်အလယ်တွင် လက်ပစ်ဗုံးထိမှန်ထားသော ဒဏ်ရာဖြင့် ကျဆုံးနေသော ရဲဘော်ဆပ်ဘဟားဒူးရွိုင်း၏အလောင်းကို ကြေကွဲ ဖွယ် တွေ့မြင်ရသည်။ ရဲဘော် ဆပ်ဘဟားဒူးရွိုင်း၏ မိမိတပ်ခွဲ၏ အဓိက တာဝန်ဖြစ်သော ရိက္ခာယာဉ်တန်း ကို တာဝန်ကျေပွန်စွာစောင့်ရှောက်နိုင်ခြင်း၊ တပ်ကူရောက်လာပြီးမှ ၀ိုင်းရံပိတ်ဆို့ခြင်းခံနေရသော
ဒဏ်ရာ ရ မိမိတပ်ဖွဲ့ဝင်များအား အာရုံစိုက်တိုက်ခိုက်နေသော ရန်သူ တရုတ်ဖြူ စစ်သားများကို အသေခံ ထိုးဖောက်   တိုက်ခိုက်ခြင်း စသော သူရသတ္တိနှင့်ပြည့်စုံခဲ့ပါသည်။

ထို့ကြောင့် ကျဆုံးရဲဘော် ဆပ်ဘဟားဒူးရွိုင်းအား နိုင်ငံတော်၏အဆင့်မြင့် သူရဲကောင်း ဆုတံဆိပ် အပ်နှင်း ရန် မိခင်တပ်ရင်းမှ ကာကွယ်ရေးဦးစီးချုပ်နှင့် နိုင်ငံတော် သမ္မတကြီးထံ တင်ပြခဲ့ပါသည်။

တင်ပြသူ- စစ်ငြိမ်းဒီရေ

(၁၉၆၀ ခုနှစ်ထုတ် ခေတ်ရေး အထူးထုတ် စာစောင်မှထပ်ဆင့်ကူးယူ ဖော်ပြပါသည်။)

 

 www.MyanmarExpress.net
 

Posted in: တိုက်ပွဲသတင်း