ရိုးသားပြီး စိတ်ကောင်းရှိသဖြင့် ဦးတေဇအား ကျောက်မျက်အသင်းဥက္ကဋ္ဌရာထူးမှ နုတ်ထွက်ခြင်းမပြုရန် အသင်းသားအများစု တောင်းဆို

From : 7day

မြန်မာနိုင်ငံ၏ ထိပ်တန်းစီးပွားရေးလုပ်ငန်းရှင် ဦးတေဇအား မြန်မာနိုင်ငံကျောက်မျက်ရတနာလုပ်ငန်းရှင်များအသင်း ဥက္ကဋ္ဌရာထူးမှ နုတ်ထွက်ခြင်းမပြုရေးအတွက် အသင်းသားအများစုက ဆန္ဒပြုတောင်းဆိုထားကြောင်း ကျောက်မျက်လုပ်ငန်းရှင်များအသင်း ဒုဥက္ကဋ္ဌ ဦးစံမျိုးက ပြောသည်။

"အသင်းချုပ်ကို နုတ်ထွက်ခွင့်တင်တာ နှစ်ကြိမ်ရှိပါပြီ။ သူက အသင်းမှာ စိတ်ရောကိုယ်ပါ ဆောင်ရွက်နေတဲ့အတွက် မထွက်စေချင်ပါဘူး" ဟု ၎င်းကပြောသည်။

သို့သော် ဦးတေဇ၏ သဘောထားမှတ်ချက်ကိုမူ ပြည်ပခရီးစဉ်မှ ၎င်းပြန်ကာလာမှ သိရမည်ဟု ဦးစံမျိုးက ပြောသည်။

ပြီးခဲ့သည့်လက အမျိုးသားလွှတ်တော်တွင် လွှတ်တော်ကိုယ်စားလှယ် ဦးလှဆွေက ကျောက်မျက်အသင်းတွင် ခရိုနီလုပ်ငန်းရှင်များရှိနေခဲ့ခြင်းကြောင့် အနောက်အုပ်စုမှ ကျောက်မျက်ကဏ္ဍတွင် စီးပွားရေးအရ ပိတ်ဆို့ခဲ့ခြင်းဖြစ်ကြောင်း အဆိုတင်သွင်းပြီး တစ်ပတ်အကြာတွင် နုတ်ထွက်ခြင်းသတင်းပေါ်ထွက်လာခြင်း ဖြစ်သည်။

"လွှတ်တော်ထဲက အဆိုနဲ့ ဥက္ကဋ္ဌနုတ်ထွက်တာ မဆိုင်ပါဘူး" ဟု အသင်းဒုဥက္ကဋ္ဌက ယနေ့ပြုလုပ်သော သတင်းစာရှင်းလင်းပွဲတွင် ပြောကြားသည်။

ဥက္ကဋ္ဌနုတ်မထွက်ရေးအတွက် ဇန်န၀ါရီလ ၂၆ ရက်က အသင်း၏ အထူးအစည်းအဝေးပြုလုပ်ခဲ့ပြီး အသင်း၏ ထိပ်ပိုင်းဒုဥက္ကဋ္ဌမှ အလုပ်အမှုဆောင်များအထိ စုစုပေါင်း ၃၇ ဦးက ဆန္ဒပြုခဲ့ခြင်းဖြစ်ကြောင်း ကျောက်မျက်လုပ်ငန်းရှင်များအသင်း အတွင်းရေးမှူး ဦးကျော်ဌေးက ပြောသည်။

  www.MyanmarExpress.net
 

Posted in: သတင်း