ဗကသများ ပါလာ၍ ငြိမ်းချမ်းရေးလမ်းလျှောက်သူများ အဖွဲ့(၂)ဖွဲ့ကွဲ

From : ...DVB

ကချင်ပြည် နယ်ငြိမ်းချမ်းရေး အတွက် ရန်ကုန်မြို့မှ လိုင်ဇာမြို့သို့ ခရီးရှည် ချီတက်လာသော အဖွဲ့တွင် ဦးအောင်မြင့် ခေါင်းဆောင်သော အဖွဲ့နှင့် ကိုရန်နိုင်ထွန်းေ ခါင်းဆောင်သော အဖွဲ့(၂)ဖွဲ့ ကွဲနေကြောင်း သိရှိ ရသည်။ 

မှန်ပါတယ်၊ သူတို့ချင်း လူကြီးနဲ့လူငယ်လမ်းတစ်လျှောက်မှာ အချို့  ကိစ္စလေးတွေနဲ့ ပတ်သက်ပြီး အဆင် မပြေ တာတွေ ရှိခဲ့ပါတယ်။ အထူးသဖြင့် ဒီလမ်းလျှောက်တဲ့ခရီးမှာဦးအောင်မြင့်ကငြိမ်းချမ်းရေး ကိစ္စအပြင် နိုင်ငံရေး အကျဉ်းသားလွတ်မြောက် ရေးကိစ္စကို ပါရောနှော ချင်တယ်၊ ဒါကို ကိုရန်နိုင်ထွန်း ဦးဆောင်တဲ့ လူငယ် အဖွဲ့က လက်မခံနိုင်ဘူး၊ ကိုရန်နိုင်ထွန်းတို့ အဖွဲ့တွေက မြို့ဝင်တိုင်း ဆန္ဒပြတာ မဟုတ်တဲ့ အကြောင်း ၀န်ခံကတိ ထိုးလာရတဲ့အတွက် ငြိမ်းချမ်းရေး သီးသန့်ဘဲ ချီတက်ချင်တယ်၊ အလံကိုင်တာတွေ၊ ဆန္ဒပြတာတွေမလုပ်ချင်ဘူး၊ အဲဒီကိစ္စတွေကနေစပြီး ပြဿနာဖြစ်တာပါ။ နောက်တစ်ခုက ခရီးတစ်ေ လျှာက် လုံး ရရှိလာတဲ့ အကူငွေခွဲေ ၀ သုံးစွဲရေးနဲ့လည်း ပတ်သက်ပြီးအငြင်းပွားကြတယ်။ ဦးအောင်မြင့်က ကိုရန်နိုင် ထွန်း တို့အဖွဲ့ကို ရလာတဲ့ ရန်ပုံငွေကိုချုပ်ကိုင် ထားတယ်လို့စွပ်စွဲနေတယ် ” ဟု လမ်းလျှောက် ချီတက် ရာ တွင် ပါဝင် သော လူငယ်တစ်ဦးမှပြောပါသည်။

ခရီးစဉ်အတွင်း ဦးအောင်မြင့်မှ မြို့အ၀င် များတွင် ဗကသအလံ လွှင့်ထူခြင်း၊ နိုင်ငံရေး အကျဉ်းသား ပုံစံ သရုပ်ဖော်သည့် အနေဖြင့် သံခြေချင်း ၀တ်၍ မြို့များသို့ ၀င်ရောက်ရန် စီစဉ်ခဲ့သော်လည်း ကိုရန်နိုင်ထွန်း ဦးဆောင်သော အဖွဲ့မှ ပြင်းထန်စွာကန့်ကွက်ခဲ့သည်။ 

၎င်းကိစ္စများနှင့်ပတ်သက်၍ ဖေဖော်ဝါရီလ ၁၀ ရက်နေ့ည ပလိပ်မြို့တွင် ညအိပ်ရပ် နားစဉ် မန္တလေး မစိုးရိမ်ေ ကျာင်း တိုက်မှ ဆရာတော်ဦးဝိရသူမှ မန္တလေးမြို့သို့ ၀င်ရောက်သည့်အခါ ဆန္ဒပြသည့် သဘော မဟုတ်ဘဲ ငြိမ်းချမ်းရေး လမ်းလျှောက်သည့် အနေဖြင့်အလံများ လွှင့်ထူခြင်း၊ ကြွေးကြော်သံများ ဟစ်အော်ြ ခင်း မပြုလုပ်ရန် လာရောက်ညှိနှို င်းခဲ့သည်။ 

သို့သော် ယနေ့နံနက် မန္တလေးမြို့သို့ဝင်ရောက်ရာတွင် ဦးအောင်မြင့် ခေါင်းဆောင်သော အဖွဲ့မှ ဗကသ အလံများ လွှင့်ထူဝင်ရောက်ခဲ့ပြီး ကိုရန်နိုင်ထွန်းဦးဆောင်သောလူငယ်အဖွဲ့မှ ဦးအောင်မြင့်တို့နှင့် အတူတကွ မ၀င်ရောက်ဘဲ အချိန်တစ်နာရီခြားပြီးမှသာ ၀င်ရောက်ခဲ့ကြောင်းသိရှိရသည်။

ဖေဖော်ဝါရီ ၁၁ ရက်နေ့က facebook စာမျက်နှာအချို့တွင် ကိုရန်နိုင်ထွန်း ဦးစီးသောငြိမ်း ချမ်းရေး လမ်းေ လျှာက် သည့်လူငယ်အဖွဲ့သည် ပံ့ပိုးကူညီ သူများအား ရိုင်းစိုင်းစွာ ဆက်ဆံနေကြောင်း ၆.၂.၂၀၁၃ ရက်နေ့ က မိတ္ထီလာမြို့ ပွင့်လင်းလူ့အဖွဲ့အစည်းမှ ပေးပို့သောသ၀ဏ်လွှာအား ပြန်ပေးပြီး ဦးဂမ္ဘီရပေးပို့သော ငြိမ်းချမ်းရေး အလံအားလည်း လက်မခံ ခဲ့ကြောင်းရေးသားထားသည်ကို တွေ့ရှိရသည်။

ဓါတ်ပုံ - စူပါ (DVB)

မင်းအောင်

Posted in: သတင်း