ပဲခူးတိုင်းဒေသကြီး၊ ဒိုက်ဦးမြို့နယ်မှာ ပုံမှန်ထက်ပိုပြီး ရေကြီးရေလျှံ ဖြစ်ပေါ်နေ

From : ..mrtv4

ပဲခူးတိုင်းဒေသကြီး၊ ဒိုက်ဦးမြို့နယ်မှာ ပုံမှန်ထက်ပိုပြီး ရေကြီးရေလျှံ ဖြစ်ပေါ်နေတဲ့အတွက် ပျိုးစပါးတွေ ရေနစ်သေဆုံးမှာကို လယ်သမားတွေက စိုးရိမ်နေကြပါတယ်။ ဒိုက်ဦးမြို့နယ် ပတ်ဝန်းကျင်ကျေးရွာအချို့မှာ ရေနစ်မြုပ်မှုတွေ ဖြစ်ပေါ်နေတာဖြစ်ပြီး စပါးစိုက်ပျိုးထားချိန် ရက်ပိုင်းသာရှိသေးတဲ့အတွက် လယ်သမားတွေက စိုးရိမ်နေကြတာဖြစ်ပါတယ်။

ဒိုက်ဦးမြို့နယ်ပတ်ဝန်းကျင်က ကျေးရွာတွေဟာ စပါးကိုပျိုးစပါးနဲ့ စိုက်ပျိုးမှုများပြားပြီး ကျဲခင်းစိုက်ပျိုးမှု နည်းပါးတဲ့အတွက် အခုလိုစိုးရိမ်နေကြတာဖြစ်ပါတယ်။ ဒိုက်ဦးမြို့နယ်အတွင်းက ဖအောင်ဝဲကျေးရွာဟာ ရေကြီးမှုဒဏ်ခံနေရပြီး စပါးစိုက်ပျိုးထားတဲ့ လယ်ကွင်းတွေ ရေနစ်မြုပ်မှုကြုံတွေ့နေရပါတယ်။ အခုစိုက်ပျိုးထားတဲ့ စပါးမျိုးစိတ်တွေဟာ သက်လတ်စပါးတွေဖြစ်ပြီး တကယ်လို့ မြေမြုပ်မှုဒဏ်ကြောင့် ပျက်စီးသွားမယ်ဆိုရင် သက်ငယ်စပါး အစားထိုးစိုက်ပျိုးကြရမှာပါ။

ဒါပေမယ့် ရေမြုပ်ဧရိယာက လယ်သမားတွေကတော့ သက်ငယ်စပါးပြန်လည်စိုက်ပျိုးဖို့ ငွေကြေးအခက်အခဲ ရှိနေတယ်လို့ ပြောပါတယ်။ အခုရက်ပိုင်းအတွင်း မိုးအဆက်မပြတ် ရွာသွန်းမှုကြောင့် ပဲခူးနဲ့ရန်ကုန်မှာ ရေကြီးရေလျှံမှုတွေ ဖြစ်ပေါ်နေပြီး လယ်မြေဧက သိန်းနဲ့ချီရေနစ်မြုပ်မှု ကြုံနေရတယ်လို့ သိရပါတယ်။

.. www.MyanmarExpress.net
 

Posted in: စစ်တပ်နှင့် နိုင်ငံရေး,ဘာလဲဟဲ့ ရှစ်လေးလုံး,သတင်း