Subscribe to our RSS Feed

ဓမ္မနဲ့ အဓမ္မကြားမှာ '၀င်း-၀င်း' အဖြေရှိနိုင်သလား

၂၀၀၉ခုနှစ် အတွင်း ပြုလုပ်ခဲ့တဲ့ နိုင်ငံတကာ အစည်းအဝေး မှန်သမျမှာ အလေးထားဆုံး ဆွေးနွေးပွဲခေါင်းစဉ် တစ်ခုကတော့ ကမ္ဘာကြီး ပူနွေးလာမှုကို တားဆီးဖို့ ကာဗွန်ဓာတ် ထုတ်လွှင့်မှု လျော့ချရေး၊ ပတ်ဝန်းကျင်ထိန်းသိမ်းမှုကို နိုင်ငံတိုင်းက အားသွန်ခွန်စိုက် ဆောင်ရွက်ကြရေး ဖြစ်တယ်။


ထိပ်တန်းဦးစားပေးပြဿနာ

နှစ်စဉ်နှစ်တိုင်း အရေးကြီးဆုံး ပြဿနာများအဖြစ် သဘောထား ဆွေးနွေးခဲ့ကြတဲ့ အစ္စရေး-ပါလက်စတိုင်း ပြဿနာ၊ အကြမ်းဖက်မှု တိုက်ဖျက်ရေးပြဿနာ၊ ဆင်းရဲမွဲတေမှုနဲ့ အငတ်ဘေး ပပျောက်ရေးပြဿနာ၊ နျူကလီးယားလက်နက် ထိန်းချုပ်ရေးပြဿနာ စတဲ့ ခေါင်းစဉ်ဟောင်းများကို ကျော်လွန်ပြီး ပတ်ဝန်းကျင် ထိန်းသိမ်းရေးကိစ္စ ထိပ်ဆုံးဦးစားပေးကိစ္စ ဖြစ်လာတာ ကောင်းပါတယ်။ ၀မ်းသာစရာပါ။ ကမ္ဘာကြီးတစ်ခုလုံးရဲ့ အခြေအနေ တစ်နေ့တခြား ဆိုးသထက်ဆိုးလာ နေတယ်ဆိုတာ ကလေးလူကြီးမကျန် အားလုံးသိနေကြပါပြီ။ အခု ဆောင်းရာသီ ရောက်နေတာတောင် ဆောင်းမှန်းမသိရတော့ပါဘူး။ နှင်းမှုန်မှုန်ထဲ မှာ အနွေးထည်ရောင်စုံတွေ ၀တ်ဆင်ပြီး မနက်အစောကြီး လမ်းလျောက်တဲ့ သူတွေအစား၊ ဘောင်းဘီတို၊ စပို့ရှပ်နဲ့ ချွေးသံရွှဲရွှဲ လမ်းလျောက်နေသူတွေပဲ မြင်တွေ့နေရတော့တယ်။ ညဦးပိုင်းတွေမှာ မိသားစုတစ်ခုလုံး မီးလင်းဖိုဘေး စုဝေး၀ိုင်းထိုင်ရင်း ခေါပုတ်ကင်စား၊ ထန်းပင်မြစ်ဖုတ်စား၊ ပဲမြစ်ပြုတ် စားတဲ့ အခုဆောင်းမြင်ကွင်းတွေ ပျောက်ကွယ်သွားတာလည်း ကြာလှပါပြီ။ ဆောင်းမှာ သိပ်မအေးသလို နွေမှာလည်း သိပ်မပူဘဲ ရာသီဥတုမျတပြီး နေလို့ကောင်းတဲ့ ရန်ကုန်မြို့ကြီးလည်း အခုဆိုမန္တလေးနဲ့ အားလုံး အတူတူဖြစ်နေပြီ။


ပရုတ်နံ့သင်းတဲ့ လေနုအေး

အောက်အရပ်ဒေသတွေသာ ဒီလိုဖြစ်တာမဟုတ်ဘူး။ တောင်ကြီး၊ ကလော၊ ပြင်ဦးလွင်စတဲ့ တောင်ပေါ်ဒေသတွေမှာလည်း အတူတူပါပဲ။ သိသိသာသာ အပူရှိန်တွေမြင့်တက် လာခဲ့တယ်။ ရှေးကမေမြို့(ပြင်ဦးလွင်)တက်တဲ့အခါ နှစ်ဆယ့်တစ်မိုင် စခန်းလွန်တာနဲ့ ပရုတ်နံ့သင်းနေတဲ့ လေနုအေးကလေး ရှုရှိုက်လိုက်ရတာကြောင့် လူတိုင်းလန်းဆန်း ရွှင်မြူး သွားကြမြဲဖြစ်တယ်။အခုတော့ ပြင်ဦးလွင် မြို့ဝင်တဲ့အထိ ပရုတ်နဲ့ ထင်းရှူးနံ့ မရှုရှိုက်ရတော့ဘူး။ ပါးစပ်က အငွေ့တထောင်းထောင်း ထွက်အောင်အေးတဲ့ အရသာလည်း မခံစားရတော့ဘူး။ ပြင်ဦးလွင်ရဲ့ နွေနေ့ခင်းများဟာ မန္တလေး နဲ့အကွာကြီး မဟုတ်တော့ဘူး။ ကောလိပ်ကျောင်းသားဘ၀က ပြင်ဦးလွင် ကိုပဲ လွမ်းနေရတော့တယ်။


မလုံလောက်သေးဘူးထင်တယ်

အခုတလော ၀င်ရိုးစွန်းဒေသ က ရေခဲတောင်ကြီးတွေ အရည်ပျော်ကျမှုနှုန်း ကြောက်စရာကောင်းလောက်အောင် မြန်ဆန်လာတာကြောင့် ကမ္ဘာ ကြီးတစ်ခုလုံး အပေါ်ကျရောက်လာမယ့် အန္တရာယ်မျိုးစုံကို လျစ်လျူရှု မနေနိုင်ကြတော့ဘူး။ အလေးထား ပြောကြားလာကြရတော့တယ်၊ နိုင်ငံတကာ အစည်းအဝေးတိုင်းမှာလည်း ထည့်သွင်းဆွေးနွေးလာကြတယ်။ တက်ရောက် ပြောကြားတဲ့ ခေါင်းဆောင်တိုင်းကလည်း ဘန်ကီမွန်းအစ အိုဘားမားအလယ် အဘီဆစ်အဆုံး ကာဗွန်ဓာတ်ထုတ်လွှင့်မှု လျော့ချရေးကိစ္စ တစ်ကမ္ဘာလုံး ညီညီညွတ်ညွတ် ပူးပေါင်းဆောင်ရွက်ကြဖို့ လိုအပ်ကြောင်းကို ထပ်တလဲလဲ ပြောကြားခဲ့ကြတယ်။ ၀မ်းသာပါတယ်။ ကြိုဆိုပါတယ်။ ဒါပေမယ့် ဒါလောက်နဲ့တော့ မလုံလောက်သေးဘူး ထင်ပါတယ်။


စီးပွားရေးသမားအလိုကျ

ကာဗွန်ဓာတ် ထုတ်လွှင့်မှုလျော့ချရေးအတွက် ဆိုပြီး လျပ်စစ်မီးတွေ ပိတ်ထားရုံ၊ လေအေးပေးစက်တွေ မဖွင့်ရုံနဲ့တော့ ကမ္ဘာကြီးရဲ့ အပူတွေလျော့ကျ သွားဖွယ်မရှိပါဘူး။ ပြဿနာတစ်ရပ်ကို ဖြေရှင်းဖို့ဆိုရင် အဲဒီပြဿနာ ဖြစ်ပေါ်လာရတဲ့ အကြောင်းရင်းကို တွေ့အောင်ရှာပြီး ဖယ်ရှားရှင်းလင်းပစ်ရပါတယ်။ အခုဆိုရင် ကာဗွန်ဓာတ်တွေကြောင့် ဖြစ်ပေါ်လာရတဲ့ အကျိုးဆက် တွေကိုလည်း လက်တွေ့တော်တော်ကြီး ခံစားနေကြရပြီ။ ဘာကြောင့်ဖြစ်ရတယ်ဆိုတဲ့ အကြောင်းရင်းကိုလည်း သိနေကြပါပြီ။ ဒါပေမယ့် အခုလို လျပ် စစ်မီးတွေ ပိတ်ထားဖို့ လေအေးပေးစက်တွေ မဖွင့်ဖို့ဆိုတဲ့ 'ထမင်းရေပူ လာလျာလွှဲ'တဲ့ လှုံ့ဆော်မှုတွေ လုပ်တာလောက်ပဲ ရှိနေပါသေးတယ်။ ဖန်လုံအိမ် အာနိသင်လျော့ချရေးဆိုင်ရာ ကျိုတို သဘောတူညီချက်ကြီးကနေ တစ်ဖက်သတ် ဖျက်သိမ်းပြီး အမေရိကန်နိုင်ငံ နုတ်ထွက်သွားတော့ အဲဒီ အချိန်က သမ္မတဂျော့ဘုရှ် ပြောတဲ့စကားက 'ကျိုတိုစာချုပ်ဟာ အမေရိကန်နိုင်ငံရဲ့ အကျိုးစီးပွားကို ထိခိုက်စေတာကြောင့် လက်မခံနိုင်ဘူး' ဆိုတဲ့ စကားဖြစ်ပါတယ်။ ကောင်းပြီကောင်းရဲ့နဲ့ အစက လက်ခံ သဘောတူခဲ့ပြီးမှ အမေရိကန် စီးပွားရေး လုပ်ငန်းရှင်ကြီးတွေရဲ့ အလိုကျ မျက်နှာပြောင်တိုက်ပြီး ဖျက်သိမ်းခဲ့တာ ဖြစ်ပါတယ်။


အလုံးစုံညီညွတ်ရေးဆိုတာမရှိ

ကာဗွန်ဓာတ်ငွေ့ အလုံးအရင်းနဲ့ လွှင့်ထုတ်ပေးနေတဲ့ သူဌေးတွေပိုင် စက်ရုံကြီးတွေကိုတော့ ထိန်းသိမ်းကွပ်ညှပ်ဖို့ မလုပ်ဘဲ အိမ်ထဲမှာ လျပ်စစ်မီးထွန်းတဲ့ သူတွေနဲ့ လေအေးပေးစက် ဖွင့်တဲ့သူတွေကိုသာ လက်ညှိုးထိုးပြနေတဲ့ လုပ်ရပ်ကတော့ တော်တော် ရယ်စရာကောင်းနေပါတယ်။ ကမ္ဘာတစ်ခုလုံးက ညီညီညွတ်ညွတ် ပူးပေါင်းဆောင်ရွက်ပြီး မီးမထွန်းဘဲ မှောင်ထဲမှာ ငုတ်တုတ်ထိုင်နေကြလို့ ၀င်ရိုးစွန်းက ရေခဲတောင်ကြီးတွေ အရည်ပျော်ကျမှု ရပ်စဲသွားမယ်ဆိုတာ သေချာရင် ကျွန်တော်တို့ မှောင်ထဲမှာနေဖို့ အဆင်သင့်ပါ။ အဲဒီလိုမဟုတ်ဘဲနဲ့ သူဌေးကြီးတွေရဲ့ စက်ရုံကြီးတွေ အရှိန်အဟုန် မပျက်လည်ပတ်နေဖို့ အတွက်တော့ ကျွန်တော်တို့ မီးတွေ မှိတ်မပေးနိုင်ပါဘူး။ အဲဒီလိုမျိုးလုပ်ဖို့လည်း ကျွန်တော်တို့ကို ညီညွတ်ပါ ညီညွတ်ပါလို့ တဖွဖွလှုံ့ဆော်မနေပါနဲ့။ ညီညွတ်မှု ဆိုတာ တူညီတဲ့ အကျိုးစီးပွားတစ်ခု အပေါ်မှာသာ တည်ဆောက်လို့ ရနိုင်တာမျိုးပါ။ အကြွင်းမဲ့ လုံးဝဥဿုံ ကမ္ဘာသူ၊ ကမ္ဘာသားအားလုံး ညီညွတ်ရေး ဆိုတာ ဘယ်တော့မှ မရှိနိုင်ပါဘူး။ ဘယ်တုန်းကမှလည်း မရှိခဲ့ပါဘူး။ ဒုတိယ ကမ္ဘာစစ်ကြီးကိုပဲ ကြည့်ပါ။ ဂျာမနီ၊ အီတလီနဲ့ ဂျပန်ဆိုတဲ့ ၀င်ရိုးတန်း သုံးနိုင်ငံက ဖက်ဆစ်ဝါဒဆိုတဲ့ တူညီတဲ့ ဘုံရပ်တည်ချက် တစ်ခုအပေါ်မှာ ရပ်တည်ပြီး အတူတကွ ပူးပေါင်းညီညွတ်ခဲ့ ကြတာဖြစ်သလို၊ အနောက်အရင်း ရှင်နိုင်ငံတွေနဲ့ ဆိုဗီယက် ယူနီယံတို့ကလည်း ဖက်ဆစ်ဝါဒ ဆန့်ကျင်ရေးဆိုတဲ့ ဘုံရပ်တည်ချက်အပေါ်မှာ ပူးပေါင်း ပြီး မဟာမိတ်ဖွဲ့ခဲ့ကြတာ ဖြစ်တယ်။


တူညီချက်အပေါ် ညီညွတ်တာ

မြန်မာနိုင်ငံမှာလည်း အလားတူပါပဲ။ တိုင်းပြည် လွတ်လပ်ရေးဆိုတဲ့ တူညီချက်တစ်ခုအပေါ်မှာ လူကြီးတွေနဲ့ လူငယ်တွေ၊ ဆိုရှယ်လစ်တွေနဲ့ ကွန်မြူနစ်တွေ ပူးပေါင်းညီညွတ်ခဲ့ကြတာ ဖြစ်တယ်။ဒါတောင် အောင်ဆန်းအက်တလီ စာချုပ်ကို ဂဠုန်ဦးစောတို့ ၊သခင်ဗစိန်တို့ က လက်မှတ်မထိုးဘဲနဲ့ ပြန်လာခဲ့ကြသေးတာပါ။ မြန်မာတစ်မျိုးသားလုံးရဲ့ ညီညွတ်ရေး စာချုပ်ကြီးဖြစ်တဲ့ ပင်လုံစာချုပ်ကြီးကို လက်မှတ်မထိုးခဲ့ သူတွေလည်း ရှိခဲ့တာပါပဲ။

မျော်လင့်ချက် မှားမပေးနဲ့

အကြွင်းမဲ့ လုံးဝဥဿုံ ရာနှုန်းပြည့် ညီညွတ်မှုဆိုတာ မရှိနိုင်ပါဘူး။ လောဘသားများရဲ့ လူ့ဘုံခန်းဝါမှာ လူသား အားလုံး သူတော်စင်တွေချည်း မဟုတ်ပါဘူး။ လူတိုင်းကို မိတ်ဆွေသဘောထားလို့ မရနိုင်ပါဘူး။ လောကီလူသား များရဲ့အလယ်မှာ ဓမ္မနဲ့အဓမ္မ၊ အဖြူနဲ့ အမည်း၊ အမှားနဲ့ အမှန်၊ လူဆိုးနဲ့ လူကောင်းဆိုတာ ရှိမြဲဖြစ်တယ်။ ဓမ္မနဲ့ အဖြူ၊ အမှန်နဲ့ လူကောင်းတို့ကို မိတ်ဆွေအဖြစ် ဖက်တွယ်ထားရမှာဖြစ်ပြီး အဓမ္မနဲ့ အမည်း၊ အမှားနဲ့ လူဆိုးကို ရန်သူအဖြစ် ဖယ်ရှားပစ်ရမှာ ဖြစ်တယ်။ ဟစ်တလာလိုလူ၊ ဆက်ဒမ်ဟူစိန်လိုလူ၊ အိုစမာဘင်လာဒင်လို လူတွေကို ပြတ်ပြတ်သားသား လူသတ်သမားတွေ အဖြစ်ရှုတ်ချရမှာဖြစ်တယ်။အမေရိကန်ပြည်သူတွေကို လိမ်၊ လွှတ်တော် ကိုညာ၊ကမ္ဘာတစ်ခုလုံးကို လှည့်စားခဲ့တဲ့နစ်ဆင်လို၊ ရေဂန့်လို၊ ဂျော့ဘုရ်ှလို၊ ကလင်တန်လို လူမျိုးတွေကိုလည်း လူလိမ်လူညာတွေ၊ လူဆိုးတွေလို့ ပွင့်ပွင့်လင်းလင်း ပြောရမှာပဲဖြစ်တယ်။ ဒီလိုလူတွေကို လူကြီးလူကောင်းတွေလို မိတ်ဆွေတွေလို သဘောမထားနိုင်ပါဘူး။


မသူတော်မှန်းသိဖို့လို

လောဘသားများရဲ့ လူ့ဘုံခန်းဝါမှာ သူတော်စင်တွေ ရှိသလို မသူတော်တွေလည်း ရှိပါတယ်။ သူတော်စင်ကို သူတော်စင်မှန်းသိဖို့ ၊ မသူတော်ကို မသူတော်မှန်းသိဖို့ အရေးကြီးပါတယ်။ အရိယာပုဂ္ဂိုလ် မဖြစ်သမျ ကာလပတ်လုံး လူသားတိုင်းရဲ့ စိတ်အစဉ်မှာ လောဘ၊ ဒေါသ၊ မောဟတွေ ဖုံးလွှမ်းနေမှာပဲ ဖြစ်တယ်။ အဲဒီတော့ ဓမ္မရှိသလို အဓမ္မလည်းရှိမှာပဲ။ သူတော်စင် သူတော်ကောင်းရှိသလို မသူတော်တွေလည်း ရှိမှာပဲ။လူကောင်းရှိသလို လူဆိုးလည်းရှိမှာပဲ။ အဲဒီတော့ လူတိုင်းဟာ မိတ်ဆွေမဖြစ်နိုင်ဘူး။ ဝေးဝေးက ရှောင်ရှားရမယ့်လူဆိုး၊ လူမိုက်လည်း ရှိမှာပဲ။ အပြီးတိုင်ဖယ်ရှား ရှင်းလင်းပစ်ရမယ့် ဟစ်တလာလိုရန် သူမျိုးလည်းရှိမှာပဲ။ ဟစ်တလာကိုရန် ငါဆိုတဲ့အစွဲကြီးနဲ့ မကြည့်ပါနဲ့ ပြောတာမျိုးကိုတော့ ဘယ်တော့မှ လက်မခံပါဘူး။ခုခေတ်မြို့ကြီးသား လူတွင်ကျယ် အီလစ်တွေ ခံတွင်းတွေ့နေကြတဲ့ win-win အဖြေဆိုတာ ရှိနိုင်ပါသလား လို့ပဲ မေးလိုက်ချင်ပါတော့တယ်။


လူထုစိန်ဝင်း

ရေးချိန်တန်က ရေးရမှာပဲ


''အင်ဂျီအိုတွေနဲ့ ပတ်သက်ပြီး ဆရာ ရေးတာကို ပြင်းပြင်းထန်ထန် တိုက်ခိုက် ထားတာ အင်တာနက် ထဲမှာ တွေ့ရတယ်။ ဆရာ ဖတ်ပြီးရောပေါ့၊ ဘာမှ ပြန်မရေးတော့ဘူးလား'' ဂျာနယ်တိုက် တစ်ခုက လူငယ်တစ်ယောက် ပြောတဲ့စကား ဖြစ်ပါတယ်။ အခုတလေ သူ့လို လာပြောသူတွေ နေ့စဉ်ပြတ်တယ် မရှိပါဘူး။


နောကြေပြီးသားပါ

ပြောတဲ့လူငယ်တိုင်းကိုလည်း ပြန်မရေးပါဘူးလို့ပဲ ပြန်ဖြေလိုက်ပါတယ်။ မကြိုက်ရင် မကြိုက်ဘူးလို့ပြောပိုင်ခွင့် လူတိုင်းမှာရှိပါတယ်။ လွတ်လပ်စွာ သဘောကွဲလွဲခွင့်ကို အသိ အမှတ်ပြုပြီး လိုက်နာကျင့်သုံးခြင်းဆိုတာ ယဉ်ကျေးတဲ့ လူသားများရဲ့ လက္ခဏာတစ်ရပ် ဖြစ်တယ်။ ကိုယ်က လွတ်လွတ်လပ်လပ် ပြောချင်ရေးချင်သလို သူများလည်း ပြောချင် ရေးချင်မှာပဲဆိုတဲ့ စိတ်ဓာတ်မျိုးရှိရမှာပေါ့။


''ဒါပေမယ့် သူက တော်တော်မိုက်မိုက်ရိုင်းရိုင်း ရေးထားတာခင်ဗျ''

လူငယ်လေးက တော်တော်ခံပြင်းပုံ ရပါတယ်။ ကိစ္စ မရှိပါဘူး။ လူတွေက အတုံးအ,အတွေမှ မဟုတ်တာ။ စာတစ်ပိုဒ် ဖတ်လိုက်တာနဲ့ အဲဒီစာရေးသူဟာ ဘယ်လို အတန်းအစားကလူလဲ ဆိုတာ ကောင်းကောင်း သိကြပါတယ်။ မြန်မာစာဖတ် ပရိသတ်က''နောကြေ''ပြီးသား ပရိသတ်ပါ။


အင်တာနက်ကျေးဇူး

လူငယ်တွေ အများစုကလည်း ပြန်ရေးနေစရာ မလိုပါဘူးလို့ သဘောတူကြပါတယ်။ ''ဆရာက ပြန်ရေးဖို့တောင် မလိုပါဘူး။ သူ့စရိတ်နဲ့သူ သွားပါပြီ။ အင်တာနက်ထဲမှာ သူ့ကိုဝိုင်းတီးတဲ့စာတွေ တစ်ပုံကြီးပါပဲ''
လူငယ်တချို့က မဖတ်ရမှာစိုးပြီး အင်တာနက်ထဲက စာတွေအားလုံး ဆွဲချကူးယူပြီးတောင် လာပေးကြပါ တယ်။ အင်တာနက်ရဲ့ကျေးဇူးကြောင့် လူတိုင်း စာရေး ဆရာတွေ ဝေဖန်ရေးဆရာတွေ၊ နိုင်ငံရေးသမားတွေ ဖြစ်လာကြတာ ဝမ်းသာစရာကောင်းလှတယ်။ စာရေးတဲ့ အလုပ်ကို စာရေးဆရာတွေပဲ အပိုင်စီးထားလို့ မရတော့ ဘူး။ လူတိုင်းလူတိုင်း ကိုယ့်ရင်ထဲက စကားတွေကို လွတ် လွတ်လပ်လပ်ချက်ချင်းလက်ငင်း ဖွင့်ထုတ်နိုင်ကြတယ်။ မကောင်းဘူးလား။


အနာပေါ်တုတ်ကျ

ကမ္ဘာတစ်နိုင်ငံလုံးရှိ အင်ဂျီအိုတွေရဲ့ သဘာဝက ''မျောက်ပြဆန်တောင်း'' လုပ်တာပဲလို့ တလောလေးက ရေးလိုက်တယ်။ နိုင်ငံတကာမှာ သူတို့ဘာတွေ လုပ်လုပ်ဘာမှ ဝင်ပြောစရာ မလိုပါဘူး။ ဒါပေမယ့် အဲဒီကူးစက်ရောဂါဆိုးက မြန်မာနိုင်ငံအတွင်းထိ ကူးစက်ပျံ့နှံ့လာပြီး မြန်မာလူငယ်တွေပါ ဆိုင်းဘုတ် အမျိုးမျိုးထောင်ပြီး အင်ဂျီအို လုပ်စားလာကြတာ အတော်လေး များလာတာ တွေ့မြင်နေလို့ ရေးလိုက်တာပါ။ သေသေချာချာ ပိုင်ပိုင်နိုင်နိုင် သိထားလို့ ရေးလိုက်တာပဲ။ ပြည်တွင်းက မျောက်ပြဆန်တောင်း ကြသူတွေကို မျောက်အဖြစ် ပြန်အသုံးချပြီး ဆန်တောင်းနေကြတဲ့ နိုင်ငံခြားသားတွေကိုပါ ကောင်းကောင်း သိနေတာကိုး။


ကိုယ့်ထမင်းကိုယ်စား လုပ်သူတွေ

အခုအခါ မြန်မာပြည်အနှံ့အပြားမှာ ပေါ်ထွန်းလာကြတဲ့ နာရေးကူညီမှု အသင်းတွေလို၊ စေတနာ စာသင်ကျောင်းတွေလို အမှတ်တကယ် ပရဟိတ အလုပ်လုပ်ကိုင်နေသူများ ဆီကတော့ ''အနာပေါ်တုတ်ကျသံတွေ'' လုံးဝ မကြားရပါဘူး။ ဘာကြောင့်လဲ ဆိုတော့ သူတို့ အားလုံးက ကိုယ့်ရပ်ကိုယ်ရွာက စေတနာရှင်များရဲ့ စေတနာသန့်သန့် လှူဒါန်းမှုများနဲ့ အလုပ်လုပ်ကြပြီး လုပ်သူအားလုံးကလည်း ကိုယ့်ထမင်းချိုင့်လေး ကိုယ်စွဲပြီး တကယ်ကို ပရဟိတ လုပ်နေကြတာ ဖြစ်လို့ပါ။ မြန်မာပြည်ရဲ့ ပထမဆုံး ပေါ်ပေါက်လာတဲ့ ဗြဟ္မစိုရ် နာရေးကူညီမှု အသင်းကြီးဟာ မန္တလေး မြို့မိမြို့ဖများရဲ့ လှူဒါန်းငွေနဲ့ စတင်ထူထောင်ခဲ့တာ ဖြစ်ပြီး အခုထိလည်း ဘယ်နိုင်ငံ အဖွဲ့အစည်းမျိုးရဲ့ ကူညီမှုကိုမှ လက်မခံပါဘူး။ ဒါတောင် နာရေး ကူညီမှုသာမကတော့ အခမဲ့ ဆေးဝါးကုသမှု လုပ်ငန်းတွေထိ တိုးချဲ့ လုပ်ဆောင်နိုင်ပါတယ်။ မြန်မာလူမျိုးများရဲ့ စေတနာသန့်သန့် လှူဒါန်းမှုတွေနဲ့ပဲ လုပ်ဆောင်နေတာပါ။ အဲဒီအသင်းရဲ့ အမှုဆောင်တွေ အားလုံး ကိုယ့်ထမင်းချိုင့်လေး ကိုယ်ယူပြီး စေတနာ့ဝန်ထမ်း လုပ်ဆောင် နေကြတာ ဖြစ်ပါတယ်။


ကြည်ညိုစရာကောင်းသူတွေ

မန္တလေးက ဗြဟ္မစိုရ်အသင်းကြီးကို အတုယူ တည်ထောင်ခဲ့ပြီး ဗြဟ္မစိုရ်အသင်းကြီးလိုပဲ သြဇာကြီးမားတဲ့ အသင်းကြီး ဖြစ်နေတဲ့ ရန်ကုန်နာရေးကူညီမှု အသင်းကြီက အမှုဆောင် အားလုံးဟာလည်း ကိုယ့်ထမင်းကိုယ်စားပြီး လုပ်နေကြတာပါ။ တစ်နိုင်ငံလုံး အနှံ့ရှိနေတဲ့ နာရေးကူညီမှု အသင်းတွေ အားလုံးလည်း စေတနာသန့်သန့်နဲ့ ပရဟိတစစ် ဝင်လုပ်နေကြတာပါ။ ကြည်ညိုစရာ ကောင်းလှပါတယ်။ သူတို့အားလုံးရဲ့ နောက်မှာ မြန်မာနိုင်ငံက ပြည်သူလူထုကလွဲပြီး ဘယ်သူမှ မရှိပါဘူး။ ဘယ်နိုင်ငံတကာ အကူအညီမှလည်း မလိုပါဘူး။ ဘာ့ကြောင့်လဲဆိုတော့ သူတို့တစ်တွေက မျောက်ပြဆန်တောင်း သူတွေမှ မဟုတ်တာ


ခေတ်ပျက်သူဌေးမျိုး

အနာပေါ်တုတ်ကျလို့ ငယ်သံပါအောင် အော်ဟစ်သူတွေလို ပြန်မရေးတာ သဘောထားကြီးလို့တော့ မထင်လိုက်ပါနဲ့။ ကျွန်တော်က ဘယ်ဘက်ပါးကို ရိုက်ရင် ညာဘက်ပါးကို ထိုးပေးနိုင်တဲ့ သူတော်ကောင်းမဟုတ်ပါဘူး။ ရေးဖို့ မလိုလို့မရေးတာပါ။ ရေးဖို့လိုရင်တော့ သတင်းစာ သမားပီပီ၊ သွယ်ဝိုက်မနေဘဲတိုက်ရိုက်ဒဲ့ဒိုး(တဲ့တိုး)ပဲ ရေး ပါတယ်။ တချို့ဆိုရင် အားနာမနေဘဲ ပွင့်ပွင့်လင်းလင်းကို ဝေဖန်ရေးသားပါတယ်။ ဘယ်လိုတချို့လဲဆိုတော့ လေရူးသုန်သုန်ဝတ္ထုကြီးထဲက ခေတ်ပျက်မှာ သူဌေးဖြစ်လာတဲ့ ''ရက်ဘတ္တလာ''လို နိုင်ငံရေး အချောင်သမားမျိုးပါ။


စက်ဆုပ်စရာ အီလစ်တွေ

ရက်ဘတ္တလာ ဆိုသူက ဘာနိုင်ငံရေးကိုမှ စိတ်ဝင်စားသူ မဟုတ်ပါဘူး။ အမေရိကန် ပြည်တွင်းစစ်ကြီးအတွင်းမှာ ဟိုဘက်ကလိုလို ဒီဘက်ကလိုလို အရေခြုံထားပေမယ့်၊ တကယ်တော့ ဘယ်ဘက်ကမှ မဟုတ်ပါဘူး။ နိုင်ငံရေးကို ခုတုံးလုပ်ပြီး သူ့ကိုယ်ကျိုးအတွက် စီးပွားရှာဖို့သာ အကွက်ကောင်း ချောင်းနေသူ ဖြစ်ပါတယ်။ ''ဘယ်သူသေသေ ငတေမာပြီးရော''ဆိုတဲ့ စက်ဆုပ်စရာ လူစားမျိုးပါ။ မြို့ကြီးသား ရေပေါ်ဆီ လူတန်းစား ''အီလစ်'' Elite တွေထဲမှာ ရက်ဘတ္တလာလို လူစားတွေကို တွေ့နေရပါတယ်။ သူ တို့တစ်တွေက ဟိုဘက်ကိုတစ်မျိုး ဟန်ဆောင်ပြလိုက်၊ ဒီဘက်ကိုတစ်မျိုး ဟန်ဆောင်ပြလိုက်နဲ့ နှစ်ဖက်ခွစားဖို့ ကြံနေကြတာပါ။ တကယ်တော့ ဘယ်ဘက်မှ သူတို့တကယ် စိတ်ဝင်စားမှု မရှိပါဘူး။ သူတို့ အတွက် အကွက်ကောင်းကိုသာ ချောင်းနေကြတာဖြစ်တယ်။


လူအကွေ့အကောက်တွေ

မြန်မာနိုင်ငံရေးကလည်း တော်တော် အကွေ့အကောက်များတဲ့ နိုင်ငံရေးဆိုတော့ လူအကွေ့အကောက်တွေလည်း တော်တော်များပါတယ်။ ပြောသင့်ချိန်မှာပြော၊ ရေးသင့်ချိန်မှာ ရေးလိုက်တာပါ။ သည်းခံတယ်။ သဘောထားကြီးတယ် ဆိုတာ အချိန်အခါ၊ အခြေအနေနဲ့ လူပုဂ္ဂိုလ် ရွေးချယ်မှုရှိပါတယ်။ ရက်ဘတ္တလာလို ''ငတေ'' တွေ အပေါ်မှာတော့ သဘောထားမကြီးနိုင်ပါဘူး သတင်းစာသမားမှာ ပြည်သူလူထု မျက်နှာကလွဲပြီး ဘယ်သူ့ မျက်နှာကိုမှ အားနာထောက်ထားတဲ့ စိတ်မရှိရပါဘူး။


ဘက်လိုက်ရမှာပဲ

ပြည်သူလူထုကြီး ဘာပဲဖြစ်နေနေ ကိုယ်ကောင်းစားဖို့ လိုရင်းပဲဆိုသူတွေ အပေါ်မှာတော့ ပြတ်ပြတ်သားသား ဝေဖန်ရှုတ်ချရမှာ ဖြစ်တယ်။ ဘက်မလိုက်တဲ့ သတင်းစာသမားဆိုတာ လူကြားကောင်းအောင် ပြောတဲ့စကားပါ။ သတင်းစာသမားကောင်း မှန်ရင် အမှန်နဲ့ အမှား၊ ဓမ္မဘက်က ရပ်တည်ရမှာ ဖြစ်တယ်။ အဓမ္မဝါဒမှန်ရင် ဘယ်လို မျက်နှာဖုံး စွပ်ထားတဲ့ အဓမ္မဝါဒပဲဖြစ်ဖြစ် မညှာမတာ ဝေဖန်ထောက်ပြရမှာပဲ ဖြစ်တယ်။ ''မျောက်ပြဆန်တောင်းတဲ့ ပရဟိတအရေခြုံ လုပ်ရပ်မှန်သမျှဟာလည်း ဓမ္မလမ်းကြောင်းနဲ့ ဖြောင့်ဖြောင့်ကြီး ဆန့်ကျင်တဲ့ လက်နက်မဲ့အဓမ္မဝါဒ''ပဲဖြစ်တယ်။ ဒါကြောင့် အားနာနေလို့ မရပါဘူး။ ရေးချိန်တန်က ရေးရမှာပါပဲ။ ဒါမှ စာနယ်ဇင်းသမား ဝတ္တရားကျေမှာပါ။


လူထုစိန်ဝင်း (၈-၁ဝ-ဝ၉)

နိုင်ငံရေးကို နှာခေါင်းရှုံ့ခဲ့တဲ့ ရေပေါ်စီလူတန်းစားတွေ

“မြန်မာ လူမျိုးများရဲ့ နိုင်ငံရေး အသိအမြင် ဗဟုသုတက နိမ့်ကျနေသေး လေတော့ ဒီမိုကရေစီ စနစ် အောင်မြင်ပါ့မလား” အသက်နှစ်ဆယ်၊ အစိတ်ဝန်းကျင် လူငယ်တွေနဲ့ စကားပြောကြတိုင်း ဒီမေးခွန်း တစ်ခုကို မေးမြဲဖြစ်တယ်။ သူတို့ စိတ်ထဲမှာ အနောက် နိုင်ငံကြီးတွေလို ဖွံ့ဖြိုး တိုးတက်နေတဲ့ နိုင်ငံကြီးတွေမှ ဒီမိုကရေစီ အောင်မြင်နိုင်တယ်လို့ ထင်မှတ် နေကြဟန် ရှိပါတယ်။ တချို့ကျတော့လည်း နိုင်ငံရေးဆိုတာ နှာခေါင်း ရှုံစရာလို့ ယူဆပြီး တစ်သက်လုံး ဝေးဝေးရှောင်ခဲ့တဲ့ ရေပေါ်ဆီ လူတန်းစား “အီလစ်”(elite) တွေ ပြောတဲ့ စကားသံတွေ ကြားပြီး “နဝေတိမ်တောင်” ဖြစ်နေကြပုံ ရပါတယ်။


အပေါ်ယံမှာ ဝေ့ကာဝဲကာ

ရေပေါ်ဆီ လူတန်းစား ဆိုတာက အများအားဖြင့် ခေတ်တိုင်း ခေတ်တိုင်းမှာ ရေပေါ်ဆီလို အပေါ်ယံမှာချည်း ဝေ့နေလေ့ရှိလို့ ရေပေါ်ဆီ လူတန်းစားလို့ ခေါ်တာဖြစ်တယ်။ သူတို့က မြို့ကြီးသားတွေ ဖြစ်တော့ လည်လည်ပတ်ပတ် ရှိကြတယ်။ ဘယ်သူ တန်ခိုးရှိသလဲဆိုတာ ကောင်းကောင်းသိပြီး တန်ခိုးရှိသူတိုင်းနဲ့ တည့်အောင်ပေါင်း အမြတ်ထုတ်တတ်ကြတယ်။ ပေါင်းနေတဲ့ သူ တန်ခိုးအရောင် မှိန်သွားရင် ချက်ချင်းစွန့်ခွာပြီး အရောင်တောက်သူကို ပြေးကပ်လေ့ ရှိတယ်။ ရာသီဥတုကို လိုက်ပြီး အရောင် ပြောင်းတတ်တဲ့ လူစားမျိုးတွေ ဖြစ်ကြတယ်။ ခေတ်တိုင်း ခေတ်တိုင်း အပေါ်ယံလွှာမှာချည်း ဝေ့ကာဝဲကာ နေကြ လေတော့ လူတွေကို အမြဲတမ်း ငုံကြည့်လေ့ရှိတယ်။ တန်ခိုးရောင် ပြိုးပြိုးပြက်ပြက် လက်တဲ့သူ မဟုတ်ရင် ဘယ်သူ့ကိုမှ အထင်ကြီးတာ မဟုတ်ဘူး။ဒီတော့ လူတွေကြား ဘယ်တော့မှ မနေဘူး။ လူတွေ အကြောင်းလည်း ဘာမှမသိဘူး။ လူတွေ အကြောင်း မသိတော့ တိုင်းပြည် နိုင်ငံအကြောင်းလည်း ဘာမှ မသိပါဘူး။ စင်ကာပူ နိုင်ငံကြီး တိုးတက်ပုံတွေ၊ နယူးယောက် မြို့တော်ကြီး စည်ကားပုံတွေ အကြောင်း အများကြီး ပြောနိုင်ပေမယ့်၊ လယ်ဆိုတာ ဘာလဲ၊ ယာဆိုတာ ဘာလဲ၊ ကိုင်းဆိုတာ ဘာလဲလို့ မေးရင်တောင် မှန်အောင် ဖြေနိုင်တာ မဟုတ်ပါဘူး။


ဆယ်ဆသာတယ်

ဒီလို လူတွေဟာ တိုင်းရေးပြည်ရေး နိုင်ငံရေးဆိုတာ သူတို့လို ရေပေါ်ဆီတွေနဲ့ပဲ ဆိုင်တယ်။ လက်လုပ်လက်စား လူသာမန် တွေနဲ့ လားလားမှ ထိုက်တန်တာ မဟုတ်ဘူး။ ဒီမိုကရေစီရဲ့ အနှစ်သာရဆိုတာ ပညာတတ် ရေပေါ်ဆီတွေသာ သဘောပေါက် နားလည်နိုင်တာမျိုး ဖြစ်တယ်၊ ဆင်းရဲလို့ ပညာကောင်းကောင်း မသင်နိုင်တဲ့ သူတွေရဲ့ နိုင်ငံရေး အသိပညာ ရေချိန်ဟာ အင်မတန် နိမ့်တယ်။ ဒီလူတွေနဲ့ ဒီမိုကရေစီ တည်ဆောက်လို့ မရသေးဘူးလို့ ကျယ်ကျယ်လောင်လောင် ပြောလေ့ ရှိကြတယ်။ ဒီစကားတွေ ကြားပါများတော့ လူငယ်တွေက နားယောင်ပြီး ဟုတ်နိုးနိုး ထင်နေရှာကြတာ ဖြစ်တယ်။ အဲဒါကြောင့် မြန်မာလူမျိုးဟာ တခြား နိုင်ငံကြီးသားတွေလောက် နိုင်ငံရေး အသိမမြင့်ဘူး ဆိုတောင်မှ နိုင်ငံရေးဆိုတာ နှာခေါင်းရှုံ့စရာ သဘောထားပြီး ဘယ်တုန်းကမှ နိုင်ငံရေးကိစ္စ တွေမှာ မပါဝင်ခဲ့ဖူးတဲ့ ရေပေါ်ဆီ လူတွေထက်တော့ ဆယ်ပြန် ဆယ်ဆမက နိုင်ငံရေးအသိ မြင့်မားတယ်လို့ ရှင်းပြလိုက်ရ ပါတယ်။


လိမ်မှန်းညာမှန်းမသိတဲ့ လူမျိုး

မြန်မာလူမျိုးဟာ တခြား နေရာများမှာ ညံ့ချင်ညံ့မယ်။ နိုင်ငံရေး အသိမှာတော့ ထိပ်တန်းက ရှိနေတဲ့ လူမျိုးဖြစ်တယ်။ နယ်ချဲ့ အစိုးရက ၉၁ဌာန အုပ်ချုပ်ရေးတို့၊ ဒိုမီနီယံ အဆင့်ပေးမယ် တို့နဲ့ လှည့်စားခဲ့ပေမယ့် လိမ်တာကို လိမ်မှန်းသိ၊ ညာတာကို ညာမှန်းသိလို့ လုံးဝ လွတ်လပ်ရေးမှ တစ်ပါး ဘာမှ မလိုချင်ဘူးလို့ အပြတ် ပြောခဲ့တာပါ။ ပါးစပ်ပြောသာ မဟုတ်ဘူး။ လက်တွေ့မှာလည်း မရရတဲ့နည်းနဲ့ ယူမယ်ဆိုတာ အထင်အရှား ပြခဲ့တာပါ။ ဂျပန်ခေတ်မှာလည်း ဂျပန်ပေးတဲ့ လွတ်လပ်ရေး နဲ့တင် ကျေနပ် ရောင့်ရဲ မနေခဲ့ပါဘူး။ လိမ်တာကို လိမ်မှန်းသိလို့ တော်လှန်ရေးဆင်နွှဲ အောင်ပွဲခံခဲ့တာ ဖြစ်တယ်။ ရှေးလူကြီးတွေကသာ ပေးတာလေးယူပြီး ရောင့်ရဲနေလိုက်ကြရင် ဒီနေ့ လွတ်လပ်တဲ့ မြန်မာလူမျိုးရယ်လို့ ရှိလာမှာ မဟုတ် ပါဘူး။


ရန်/ငါပြတ်လို့

လွတ်လပ်ရေး အတွက် တိုက်ပွဲဝင်ခဲ့ကြတဲ့ ဘိုးဘွားများကို ကျေးဇူးတင်စရာ ကောင်းလှပါတယ်။ သူတို့တစ်တွေ ရည်မှန်းချက် တိကျ ခိုင်မာပြီး၊ ရန်/ ငါ ပြတ်သား ခဲ့ကြလို့သာ လုံးဝ လွတ်လပ်ရေး ရခဲ့တာပါ။ ဒီကနေ့ အာဆီယံ နိုင်ငံတွေ ထဲမှာ ဝင့်ဝင့်ကြွားကြွား ဖြစ်နေတဲ့ မလေးရှား နိုင်ငံဆိုရင် ၁၉၅၇ ခုနှစ်ကျမှ လုံးဝ လွတ်လပ်တဲ့ နိုင်ငံတစ်ခုအဖြစ် ရောက်ရှိ လာခဲ့တာပါ။အဲဒါကြောင့် မြန်မာလူမျိုးများကို နိုင်ငံရေးအသိ နိမ့်ကျတယ် ဆိုတဲ့ စကားကို လုံးဝ လက်မခံပါဘူး။ မြန်မာပြည် က ရေပေါ်ဆီ လူတွေလောက်က ပြောတာသာ မဟုတ်ပါဘူး။ သူတို့ အထင်ကြီး ကိုးကွယ်တဲ့ အနောက် နိုင်ငံကြီးတွေက မြန်မာ့အရေး ကျွမ်းကျင်သူလို့ ကိုယ့်ဟာကိုယ် ကင်ပွန်းတပ်ထားတဲ့ “နိုင်ငံရေးဂုရု” ဆိုသူတွေ ပြောတာလည်း လက်မခံ ပါဘူး။ မြန်မာပြည်မှာ နေပြီး နယ်ချဲ့ဒဏ်၊ ဖက်ဆစ်ဒဏ်၊ ပြည်တွင်း စစ်ဒဏ်တွေကို ကျောကော့အောင် ခံခဲ့ရတဲ့ မြန်မာလူမျိုး တွေလောက် မြန်မာ့ နိုင်ငံရေးကို နားလည်တဲ့လူ ဘယ်မှာမှ မရှိနိုင်ပါဘူး။


မျက်နှာပြောင်သူတွေ

မျက်ကန်း မျိုးချစ်စိတ်နဲ့ ဒီလိုပြောတာ မဟုတ်ပါဘူး။ အဲဒီ ကိုယ့်ဟာကိုယ်ခန့်တဲ့ “ဂုရု”တွေ ရေးတဲ့ စာအုပ်တွေ အများကြီး ဖတ်ထားဖူးလို့ ပြောတာပါ။ ဆင်စွယ် ရဲတိုက်ကြီးတွေ ထဲက စာအုပ်တွေမှာ လှန်လှောရှာဖွေပြီး သူများတကာ ရေးထားတဲ့ သီအိုရီတွေနဲ့ ချိန်ညှိပြီး ရေးသား ထားတာမျိုး တွေသာ များပါတယ်။ နိုင်ငံရေး ဆိုတာ သိပ္ပံပညာရပ် တစ်ခု ဖြစ်ပေမယ့်လို့ ဂျီသြမေကြီ တွက်သလို၊ သင်္ချာတွက်သလို၊ တွက်လို့ဖြစ်တာ မဟုတ်ပါဘူး။ နိုင်ငံရေး ဆိုတာ လူတွေနဲ့ တိုက်ရိုက် ပတ်သက် နေတာ ဖြစ်လို့ လူတွေရဲ့ ဘဝ၊ လူတွေရဲ့ ခံစားချက်ကို အလေးထားပြီး စဉ်းစားဖို့ လိုအပ်ပါတယ်။ လူတွေ ကြားမဝင်ဖူးတဲ့ ရေပေါ်ဆီ “အီလစ်”တွေနဲ့ နိုင်ငံခြားသား “ဂုရု”တွေက မြန်မာလူမျိုးတွေရဲ့ ဘဝ၊ မြန်မာလူမျိုးတွေရဲ့ ခံစားချက်ကို မြန်မာတွေထက် ပိုသိတယ်လို့ ပြောရင်တော့ တော်တော် မျက်နှာပြောင်တဲ့ လူတွေပဲလို့သာ ကောက်ချက်ချလိုက်ရတော့မှာ ဖြစ်ပါတယ်။


လူထုစိန်ဝင်း

ဒေါ်လာစား ဒီမိုကရေစီဘလော့တွေ မရှိလျှင် မသိနိုင်တဲ့ အချက်များ

၁။ ထူးထူခြားခြားခေါင်းစဉ်တစ်ခုကို ဒီပုံအတိုင်း ဒီစာအတိုင်း ကူးပြီး အချိန် မိနစ်အနည်းငယ်စီခြားတင်ကြခြင်း။



၂။ နားစွန်နားဖျားကြားသော မတိကျမသေချာသော သတင်းတစ်ခုကို ခေါင်းစဉ်တစ်ကြောင်း၊ စာတစ်ကြောင်း တစ်၍ အချိန်မရွေး ပြန်ဖျက်လိုက်နိုင်ခြင်း။



၃။ ခိုင်လုံတဲ့ အထောက်အထားမရှိသော်လည်း ရတဲ့သတင်းတိုင်းကို သူထက်ငါ ဦးအောင် အပြိုင်အဆိုင်တင်ကြခြင်း။



၃။ သတင်းဌာနတွေ၊ သတင်းဆိုဒ်တွေက သတင်းတွေ၊ ဆောင်းပါးတွေကို မိမိဦးနောက်သုံး ဝေဖန်ချက်တွေ၊ ပြင်ဆင်ချက်တွေမရှိ မူလအတိုင်း နေ့စဉ် ကော်ပီကူးတင်ခြင်း။



၎။ ဒေါ်လာစား ဘလော့ဂါအချင်းချင်း၊ အပြင် လက်ဘက်ရည်ဆိုင်မှာ အတူသောက် အတူစကားပြောပြီး၊ အပြန်မှာ ဖုန်းဖြင့်ဆက်သွယ် မေးမြန်းအပြီး၊ ဂျီတော့မှာ အချင်းချင်း စကားပြောပြီးသည့်အပြင် စီဘောက်စ်တွေမှာ ထပ်ပြီး နှုတ်ဆက်စကားများ ပြောကြခြင်း။



၅။ ဒီမိုကရေစီ၊ လူ့အခွင့်အရေး၊ လွတ်လပ်စွာပြောဆိုခွင့်တွေကို စုံနေအောင်ရေးထားသော်လည်း စီဘောက်စ်လွတ်လပ်ခွင့်ကိုတောင် လေ့စားမှုမရှိ ပိတ်ထား၊ ဘန်းထားကြခြင်း။ ကိုယ့်အချင်းချင်းတွေသာ အပြန်အလှန် တန်ဖိုးရှိသော အလာပ သလာပ များပြောကြခြင်း။



၆။ ကွန်းမန့် များကိုလည်း ချက်ချင်း တင်မပေးသလို မကြိုက်သောကွန်းမန့်များကို မသိချင်ယောင်ဆောင်နေတတ်ကြခြင်း၊ တင်ပြီးသားကွန်းမန့်တွေကိုလည်း အချိန်မရွေး ပြန်ဖျက်တတ်ကြခြင်း။



၇။ တစ်နေရာရာမှာ ဗုံးပေါက်ပါက ချက်ခြင်း တစ်ယောက်တစ်ပေါက်ဖြင့် အမျိုးမျိုး အစိုးရကို လက်ညိုးထိုးကြ၊ ဗုံးသောက်သဖြင့် အလွန် ရက်စက်ကြမ်းကြုပ်ကြောင်းရေးသားကြပြီး အစိုးရအတိုက်အခံ အဖွဲ့အစည်းတစ်ခုခုက ဖောက်ကြောင်း အဖြေပေါ်ချိန်တွေ လှိုက်လှိုက်လှဲလှဲထောက်ခံပြီး နောက်တစ်ကြိမ်ဆိုလျှင် အစိုးရနေအိမ်များကို ဖောက်ရမည်ဟု ကြွေးကြော်ရေးသားကြခြင်း။



၈။ နေ့စဉ်နှင့်အမျှ ဆူပူကြဖို့၊ သူရဲပေါမကြောင်ဖို့ သူရဲကောင်း တစ်ဦးပမာ လှုံ့ဆော်ရေးသားနေသော်လည်း မိမိနာမည်နှင့် နေရပ်လိပ်စာအမှန်ကိုတောင် ဖော်ပြဖို့ဝန်လေးကြခြင်း။



၉။ ပြည်တွင်းက လူတွေမဖတ်နိုင်အောင် ပိတ်တဲ့ အစိုးရကို လူကြောက်တစ်ဦး ဟုရေးသားကြပြီး ပြည်သူတွေသိအောင် ပြည်တွင်းမှာ ရေးသားဖြန့်ဝေဖို့ ကြတော့ မစဉ်းစားရဲကြခြင်း။



၁၀။ နိုင်ငံခြားရောက် မြန်မာတွေသာ ကြည့်လို့ရသော အင်တာနက် စာမျက်နှာတွေပေါ်မှာ အစိုးရကို အဆိုးမြင်နေသော နိုင်ငံခြားရောက် မြန်မာအချိုဖတ်ရန်အတွက် နေ့စဉ်နှင့်အမျှ သူရဲကောင်းလုပ်ကာ နောက်ထပ် နှစ် ၂၀ ကို ဒီအတိုင်းထိမ်းထားဖို့ ကြိုးစားနေကြခြင်း။



၁၁။ ကမ္ဘာ့နေ့ထူးများနှင့် မြန်မာ့နေ့ထူးများအားလုံးတွင် ဆိုင်သည်ဖြစ်စေ မဆိုင်သည်ဖြစ်စေ ပိုစ့်အသစ်တစ်ခုဖြင့် ဂုဏ်ပြုကြခြင်း။



၁၂။ လာမည့် ထူးခြားသည့်နေ့အားလုံးတွေ အဝါရောင်ဝတ်မည်၊ အနီရောင်ဝတ်မည် စသည်ဖြင့် အရောင်ပေါင်းစုံအောင် ကီဘုတ်ဖြင့် ဝတ်နေကြခြင်း။



၁၃။ ကမ္ဘာ့အလည်မှာ အထင်သေးခံရသဖြင့် မကျေနပ်ကြောင်း ရေးကြသော်လည်း ကိုယ့်နိုင်ငံအကြောင်း အထင်ကြီးစရာတွေကို ကမ္ဘာသိအောင် ဘာတစ်ခုမှ မတင်သည့်အပြင် ကိုယ်တိုင်က အထင်သေးစရာ ဓာတ်ပုံများနှင့် ဗွီဒီယိုဖိုင်များကိုသာ တင်ကြခြင်း။



၁၄။ တစ်ယောက်ယောက်က မွေးကတည်းက ဘာတွေလုပ်ခဲ့တယ် ဘယ်လိုနေခဲ့တယ်ဆိုတာ မသိပေမယ့် ရုတ်တရက် အစိုးရနဲ့ ပြဿနာဖြစ်ပြီး ထောင်ကျသွားပါက နေ့ချင်းညချင်း သူရဲကောင်း တစ်ဦးအဖြစ် ချီးကျူးထောနာတွေ ပြုကြခြင်း။



၁၅။ ကိုယ်တိုင်က ဘာမှတတ်တတ် မတတ်တတ် နိုင်ငံတော်အုပ်ချုပ်သူကို ပိုးစိုးပက်စက်ပြောပြီး မိမိကို နဲနဲလေး ထိပါးပြောဆိုသည်နှင့် ကပ်ကပ်လန်အောင် ရန်တွေ့ကြခြင်း။



၁၆။ တစ်နေရာမီးလောင်ပါက မီးငြိမ်းအောင် ဘာတစ်ခုမှမလုပ်နိုင်သော်လည်း မီးသက်နေသူများကို ကွန်ပျူတာရှေ့မှာထိုင်ပြီး အမျိုးမျိုးအပြစ်ရှာရေးသားကြခြင်း။



၁၇။ မီးလောင်ပြီး နောက်တစ်ရက်တွင် မီးရှို့သူမှာ အစိုးရဖြစ်ကြောင်း ပိုစ့်တစ်ခုကို အလိုလိုတင်ပြီးသားဖြစ်နေခြင်း။


Myanmar Express