ပေးစာ - ၂

သူငယ်ချင်း...
မင်းတို့က နိုင်ငံရေးက နိုင်ငံသားတိုင်း နဲ့ဆိုင်တယ်၊ ဘယ်နေရာမဆို နိုင်ငံရေးအကြောင်း ပြောရမယ်၊ မြန်မာနိုင်ငံသားတိုင်း န.အ.ဖ အကြောင်း မကောင်းရေးထားတာတွေ၊ နိုင်ငံရေးပိုစ့်တွေ၊ အီးမေးတွေ ဖတ်ရမယ် ဆိုပြီး ရှိသမျှ လူအားလုံးကို အတင်းသွပ်သွင်းနေတာတွေ ငါမြင်နေရတာ ကြာပြီ။ အမှန်အတိုင်းပြောရရင် ငါလည်း န.အ.ဖ ကို ထောက်ခံတဲ့ လူတစ်ယောက်တော့မဟုတ်ဘူး။ န.အ.ဖ ရဲ့ မကောင်းတဲ့ အချက် အစစ်အမှန်တွေကို ငါသိတယ်။ ငါတင်မဟုတ်ဘူး၊ လူတိုင်သိတယ်။ အစစ်အမှန်လို့ ဘာလို့ ထည့်ပြောထားလဲဆိုတော့ မင်းတို့တွေ နိုင်ငံရေး၊ နိုင်ငံရေးဆိုပြီး ခေါင်းစဉ်တပ်ပြီး န.အ.ဖ မကောင်းကြောင်းတွေကို လုပ်ကြံတာကတစ်မျိုး ဟာသနှောတာက တစ်မျိုး မခိုင်မလုံမတိမကျမသေချာပဲ အတင်းပြောတာက တစ်ဖုံ မင်းတို့တွေ လုပ်နေကြတာပဲ။ တစ်ခါကလည်း အင်တာနက်ပေါ်မှာ ပျံ့လာတဲ့ ယဉ်တိုက်မှုတစ်ခုကို န.အ.ဖ က ကားနဲ့ သေချာ တက်ကြိတ်ပါတယ်ပြောတယ်၊ သူ့ဘာသူ မှောက်တဲ့ ကားကို CNG ပေါက်ပါတယ် ပြောပြန်တယ်။ နောက်ထပ် နောက်ထပ် အများကြီးပဲ။ ပြောရင် ကုန်မှာတောင် မဟုတ်ဘူး။ သတင်း ထက် အတင်း ကို လူတွေ ပိုဖတ်ချင်တာ ငါ သဘောပေါက်တယ်။ ဒါပေမယ့် နေရာတိုင်းမှာတော့ အဲ့ဒီအတင်းက ပြောလို့မကောင်းဘူး။ အခြေအနေနဲ့ အချိန်အခါဆိုတာ ရှိသေးတယ်။ မင်းတို့တွေ ပြောနေမှမဟုတ်ပါဘူး၊ ငါ့ဘကြီး စာမဖတ်တတ်ဘူး။ ရွာမှာနေတာ။ ဒါပေမယ့် အထင်မသေးနဲ့နော် ဘယ်ခေတ်က ဘယ်နိုင်ငံက ဘယ်လိုနိုင်ငံရေးလှုပ်ရှားမှုတွေ ဖြစ်ခဲ့တယ်ဆိုတာ မင်းတို့ထက်တောင် သိပါသေးတယ်။ အဲ့လောက်ဆို မင်းတို့ သဘောပေါက်ပေါ့ကွာ။ အီးမေး သုံးတဲ့လူက ရေဒီယို နားထောင်နိုင်စွမ်းရော၊ စာဖတ်နိုင်စွမ်းရော ရှိတယ်။ မင်းတို့ ဘာမှမပြောလည်း လက်ရှိအနေအထားကို အားလုံးသိတယ် သူငယ်ချင်း။ ခုဟာက မင်းတို့လုပ်ပုံကြောင့် ဒို့နိုင်ငံသား အင်တာနက်သုံးသူတွေအနေနဲ့ ဝဘ်ဆိုဒ်တစ်ခုဖွင့်လိုက်တယ်၊ နိုင်ငံရေးနဲ့ဆိုင်တဲ့ ပုံတွေနဲ့ စာတွေတွေ့ရပြန်တယ်၊ ဆက်မကြည့်ချင်တော့ဘူး။ အီးမေးစစ်လိုက်တယ်၊ ဒါတွေပဲပြန်ပေါ်လာတယ် ဆက်မဖတ်ချင်တော့ဘူး။ အဲ့လို အဲ့လိုနဲ့ အရမ်းပေါလာတော့ တန်ဖိုးက အလိုလိုကျသွားတယ် သူငယ်ချင်း။ ဒီစကားကို မင်းနားလည်မှာပါ။

ထူးထူးခြားခြား ဒီရက်ပိုင်း မင်းတို့ဆိုဒ်တွေနဲ့ မင်းတို့ဆီက ရတဲ့ အီးမေးတွေ ဖတ်ရတော့ ရွေးကောက်ပွဲကို မြန်မာတွေ စိတ်ဝင်စားမှုနည်းတဲ့အကြောင်းတွေနဲ့ ရွေးကောက်ပွဲ မဲမပေးရမယ့်အကြောင်းတွေ ထပ်နေတယ်။ မင်းတို့တင်တဲ့စာတွေနဲ့ မင်းတို့ပို့တဲ့အီးမေးတွေကို မင်းတို့တော့ သေချာဖတ်မယ်တောင် ငါမထင်ဘူး။ ရွေးကောက်ပွဲကို လူတွေ စိတ်ဝင်စားမှု တကယ်နည်းတယ် ဆိုတာ မင်းတို့သိရင် အဲ့ဒီအကြောင်းတွေ ထပ်မပို့နဲ့တော့။ စိတ်မဝင်စားတဲ့လူက မဲ လည်းထည့်မှာမဟုတ်ဘူး။ ဘယ်သူတက် တက် စိတ်ဝင်စားမှာလည်း မဟုတ်ဘူး။ ဒါပေမယ့် မင်းတို့က ပဲ ဒီရွေးကောက်ပွဲ အကြောင်း ထပ်ခါတလဲလဲ ပို့နေ၊ ရေးနေကြတယ်။ စိတ်မဝင်စားစေချင်ရင် အဲ့ဒီအကြောင်း ဘာတစ်ခုမှမပြောနဲ့ မရေးနဲ့။ ငါပြောတာ သဘောပေါက်လား သူငယ်ချင်း။ မင်းတို့အတုယူသင့်တဲ့ မင်းတို့အမြဲမကောင်းပြောနေတဲ့ န.အ.ဖ ရဲ့ အကျင့်တစ်ခုကို ပြောပြမယ်။ န.အ.ဖ က ဒေါ်အောင်ဆန်းစုကြည်ကို လူတွေသိရင် သူ့ဆီကို ရောက်သွားနိုင်တယ်ဆိုတာ သူစဉ်းစားမိတယ်။ အဲ့ဒါကြောင့် ဒေါ်အောင်ဆန်းစုကြည်နဲ့ ဆိုင်တာ ဘာတစ်ခွန်းမှမပြောခဲ့ဘူး။ ကောင်းကြောင်းလည်း မပြောဘူး။ ဆိုးကြောင်းလည်း အမြဲမပြောဘူး။ လက်ရှိကျန်းမာရေးအခြေအနေဘာလည်း ဘယ်သူ့မှ သိခွင့်မပေးဘူး။ သဘောပေါက်လားသူငယ်ချင်း။ အဲ့လိုနဲ့ သူတို့ တည်တည်ငြိမ်ငြိမ် အုပ်ချုပ်လာတာ အနှစ် ၂၀ ကျော်ပြီ။ မင်တို့မှာ အခု လူတွေ စိတ်မဝင်စားဖို့အတွက် စိတ်ဝင်စားမယ့်ပို့စ်တွေနဲ့ အီးမေးတွေ ပို့လိုက်၊ တင်လိုက်ရတာ ရောက်ယက်ခက်နေတာပဲ။ ဒါက မင်းဆင်ခြင်နိုင်အောင် ထောက်ပြတာပါ။

နိုင်ငံရေးဆိုတာ နိုင်ငံသားတိုင်းနဲ့ဆိုင်တယ် ဆိုတာ ဟုတ်တယ်။ အရေးပါတယ် ဆိုတာ မှန်တယ်။ ဒါပေမယ့် ငါမေးမယ် သူငယ်ချင်း။ နိုင်ငံရေးက နိုင်ငံကြီးအတွက်နဲ့ အစိုးရအဖွဲ့အစည်းအတွက် နံပါတ် (၁) ဖြစ်ကောင်းဖြစ်လိမ့်မယ် ပြည်သူအားလုံးအတွက် နံပါတ်(၁) မဟုတ်ဘူး။ နိုင်ငံရေးအထက် အရေးကြီးတာတွေ တပုံကြီးရှိတယ်။ ဥပမာ - စီးပွားရေး၊ လူမှုရေး၊ ကျန်းမာရေး၊ ဘာသာရေး စတာတွေပဲ။ မင်တို့နိုင်ငံရေးက လူတစ်ယောက် စားဝတ်နေရေးထက် ပိုအရေးကြီးမလား၊ ကျန်းမာရေးထက် အရေးကြီးမလား။ အူမတောင့်မှ သီလဆောင့် ဆိုတာ မင်းကြားဖူးမှာပါ။ မြန်မာလူမျိုးက စာဝတ်နေရေး အဆင်မပြေရင် ယုံယုံကြည်ကြည် အထွဋ်အမြတ်ထားတဲ့ ဘာသာရေးကိုတောင် ဥပုဒ် မှန်အောင် မစောင့်နိုင်တော့ဘူး။ မင့်နိုင်ငံရေးဆို အဝေးကြီး။ မြန်မာလူမျိုး ၉၀ ရာခိုင်နှုံးက ဗုဒ္ဓဘာသာတွေ။ ရိုသေကြတယ် ကိုင်းရှိုင်းကြတယ်။ ထိရင်မခံနိုင်လောက်အောင် အကြွင်းမဲ့ ယုံကြည်ကြတယ်။ ဒါပေမယ့် နေရာတိုင်းမှာ ဘုရားအကြောင်း၊ တရားအကြောင်း မပြောဘူး။ သူ့နေရာ သူ့အချိန်အခါနဲ့ သူရှိတယ်။ ငါပြောတာနားလည်လား သူငယ်ချင်း။ နိုင်ငံရေးဆိုတာ ဗုဒ္ဓဘာသာတစ်ယောက်အတွက် ဘာသာရေးလောက် အရေးမကြီးပါဘူး။ မင်းအိမ်နဲ့ အဆက်သွယ်ရချိန်မှာ မင်းမိဘက ဖုန်းချခါနီး ဘာမှာလဲ၊ ဘုရားတရား မမေ့နဲ့လို့ မှာလား၊ နိုင်ငံရေး မမေ့နဲ့လို့မှာလား။ အေး...။ အဲ့လောက် မမေ့သင့်တဲ့ ဘာသာရေးတောင် ဖိုရမ်တိုင်းမှာ မတင်ဘူး၊ အီးမေး ၁၀ စောင်မှာ ၁ စောင် မတွေ့ဘူး။ မင်းတို့ နိုင်ငံရေးက မြန်မာဘလော့ ၁၀ ခု ဖွင့်လိုက်ရင် ၅ ခု က နိုင်ငံရေးအတင်းတွေ။ အလုပ်က ပင်ပင်ပန်းပန်းပြန်လာ အိပ်ခါနီး အင်တာနက်ချိတ်ပြီး မြန်မာဘလော့တွေ ဖွင့်လိုက်ရင် ဒီနေ့အတွက် ထူးထူးခြားခြားဆိုတာ ဘာမှမရှိဘူး။ တစ်ခုရှိရင်လည်း ဘလော့အားလုံးက ဒီအကြောင်းပဲ တင်ထားတယ်။ ဒါနဲ့ ဘလော့ကို ပိတ်ပြီး ဖေ့စ်ဘုတ် ဝင်တော့လဲ မင်းတို့တွေဆီမှာ ဒါတွေပဲ တင်ပြန်တယ်။ အီးမေးစစ်လိုက်ရင် ၁၀ စောင်မှာ ၈ စောင်က နိုင်ငံရေး အကြောင်း။ ထူးထူးခြားခြားပါလားဆိုတော့လည်း မဟုတ်ဘူး။ မင်းတို့အင်တာနက်ပေါ် မရောက်လာခင်တုန်းက ဟာတွေကို ခုမှ မင်းသိပြီး အသစ်လုပ်ပြန်ပို့ပြန်တယ်။ အဲ့ဒီတော့ မင်းတို့လုပ်ရက်တွေကို မင်းတို့ ပြန်ပြီး လေ့လာ ကြည့်အုံးပေါ့ကွာ။ ငွေကြေးတွေ ဖောင်းပွလာရင် အဲ့ဒီငွေကြေးကို ဘယ်သူမှ မလိုချင်တော့သလို တန်ဖိုးလည်း မရှိတော့ဘူး။ ခု လည်း မင်းတို့ ဝဘ်ဆိုဒ်တွေ၊ အီးမေးတွေ သိပ်ကို ဖောင်းပွနေပြီ။ ဘာတန်ဖိုးမှလည်း မရှိတော့ဘူး။ မင်းတို့ ဘယ်လိုထိန်းမလဲ။ ဆက်လုပ်နေအုံးမှာလား။

ငါအဓိပ္ပါယ်ဖွင့်ထားတဲ့ နိုင်ငံရေးဆိုတာ ပြောပြမယ် သူငယ်ချင်း။ နိုင်ငံရေးဆိုတာ ကမ္ဘာ့လူသားတိုင်းရဲ့အရေးပဲ အဲ့လိုပဲ ကမ္ဘာ့လူသားတိုင်းအရေးတွေထဲက တစ်ခုနဲ့ ငါယှဉ်ပြမယ်။ အဲ့ဒါက ကိုယ့်မျိုးဆက် ပြန့်ပွားရေးပဲ။ ကိုယ့်မျိုးဆက် ပြန့်ပွားရေးအတွက် လူသား ၉၆ ရာခိုင်နှုံး လုပ်ဆောင်ကြတယ်။ မင်းတို့မိဘတွေလည်း လုပ်ခဲ့ကြတယ်။ ဒါကြောင့် မင်းတို့ထွက်လာတာပဲ။ နိုင်ငံရေးဆိုတာ အဲ့လိုပဲ လူသားတိုင်း စိတ်ဝင်စားသင့်တယ်၊ လုပ်ဆောင်သင့်တယ်။ ဒါပေမယ့် အမြဲတမ်းကြီးတော့မဟုတ်ဘူး။ နေရာတိုင်းမှာ ထုတ်ပြောစရာမလိုဘူး။ မင်းတို့ မိဘတွေ မင်းတို့ရှေ့မှာ ဘာတွေလုပ်ပြ၊ ပြောပြဖူးလို့လဲ။ ငါပြောတာ မင်းနားလည်လောက်ပါတယ်။ တစ်ရက်တာလုံးမှာ ကိုယ့်စီးပွားရေး၊ လူမှုရေး၊ ကျန်းမာရေး၊ ဘာသာရေး စတာတွေကို သူ့ဟာနဲ့သူ အချိန်ခွဲဝေပေးပြီး နိုင်ငံရေးအတွက် အချိန်လေး တစ်ချိန်ပေးလိုက်။ ဒီလောက်ဆို လုံလောက်ပြီ။ တစ်နေ့မှာ ဖတ်ခဲ့သမျှ နည်းပညာ၊ ကျန်းမာရေး၊ ဘာသာရေး၊ အထွေထွေဗဟုသုတ၊ သာရေးနာရေးတွေ ဖတ်ပြီး နိုင်ငံရေး တစ်မျက်နှာလောက် ဖတ်လိုက်။ ဒါဆို ပြည့်စုံပြီသူငယ်ချင်း။ ရောက်သမျှ ဖိုရမ်တိုင်းမှာ နိုင်ငံရေး ပိုစ့်တင်စရာမလိုဘူး။ ဘယ်နေရာတွေမှာဖတ်လို့ရလဲဆိုတာ ငါတင်မဟုတ်ဘူး။ လူတိုင်းသိတယ်။ ဖတ်ချင်ရင် ငါတို့လာဖတ်မယ်။ လိုချင်လို့ ဝယ်လိုက်တဲ့ ပစ္စည်းတစ်ခုနဲ့ ပိုက်ဆံပိုလို့ ဝယ်လိုက်တဲ့ ပစ္စည်း တစ်ခုက ငွေကြေးတန်ဖိုးချင်း တူချင်တူမယ်။ ဝယ်သူရဲ့ တန်ဖိုးထားမှုချင်းက တခြားစီပဲ သူငယ်ချင်း။ မလိုချင်ပဲ ရတဲ့ အရာက အချိန်မရွေးမြောင်းထဲ ရောက်သွားနိုင်တယ်။ ဒီတော့ မင်းတို့ငါတို့ တန်ဖိုးထားတဲ့ ဒို့နိုင်ငံရေးကြီး မြောင်းထဲမရောက်အောင် မင်းတို့ ဆင်ခြင်ကြပေါ့။

မှတ်ချက်။ ။နိုင်ငံရေးဘလော့များများရှိမှ၊ ဖိုရမ်တိုင်း ဝဘ်ပေ့ခ်ျ တိုင်းမှာ နိုင်ငံရေးအကြောင်းရှိမှ၊ အီးမေးတိုင်းမှာ နိုင်ငံရေးပို့မှ နိုင်ငံရေးတိုးတက်မယ် ထင်နေသူများအတွက်သာ ဖြစ်ပါသည်။ စီးပွားရေးအရ လုပ်ဆောင်နေသူများကတော့ ကိုယ့်စီးပွားရေးကို ဆက်လုပ်ပါ။ သူများစီးပွားရေးကို ဒုတ်နဲ့မထိုးပါ။ ကျနော်တို့ အားပေးနေပါတယ်။

အိုပါး
ခေတ္တကိုရီးယား

Posted in: ပေးစာ